شنو هدية حلوه حق وحده كبيرة بالسن ؟

[diamond doll]

السلام عليكم

بنات حبيت ايب هديه حق يدتي من زمان مو شايفتها

ودي ايب لها شي مميز بس ما ادري شنوو

فكرت ان اسويلها خاتم عقيق او فيروزج او اي حجر كريم ويكون فيه فصوص او فضه وشكله حلوو

بس المشكله شلووون بعرف مقاس صبعها ! لووول

ساعدووني

 

[الام المحبه]

ممكن تسوين لها صندوق مبيت وتحطين فيه الاختيارات التالية ( مو كلها اختاري اكثر من شي 3-4-5 أشياء) :
بخور - طيب - سجادة وثوب صلاه - مصحف اذ تعرف تقرأ وشوية أدعية - اذا تحب تسمع لمشايخ ودروس دينية تكون على هيئة اشرطة او سي دي - ملفع أو شيله كشخة - نعال او مداس للبيت مريح لرجلها - عباءة نوع جيد - شاله كشخة للبرد - دراعة راقية لرمضان يكون فيها تطريرز واغلب الحريم الكبار يحبون الستايل السوري - مأكولات شعبية (زلابية - بقصم - درابيل - حلوي - رهش - ---- ) حنه نوع جيد
هذا الي على بالي حاليا

 

[iLLuMinaTion]

حبيبتي شوفي صندوق المصحف بالتوقيع

وهذا رقمي دقي علي67679571

 

[KOKO_284I]

فكره الخاتم حلوه خلي امج تعطيج مقاسها

 

[ام الدرر]

حبوبة
في المصحف الالكتروني
اصغر من الايبود
فيه القران كامل لمشايخ الحرم -الشيخ العفاسي مع التفسير
وفيه الاحاديث الصحيحه
واسماء الله الحسنى
ومواقيت الصلاة والاذان
وسعره ما يتعدى 30 دينار
وفي القلم الالكتروني
قلم تمررينه عالمصحف ويقرا القرآن
تقدرين تشترينهم
مع كرسي الصلاة اذا كانت تصلي قاعده
وسجادة صلاة غاليه مع الثوب
وعسى الله يثبتج ويعينج على صلة الرحم ​

 

[فاقده حنان ابوه]

صندوق من الشايع الي فيه بخور ودهن عود