شنو كليتي اليوم **الجزء الــرابــع ** تقبــل الله طاعتكــم وعيدكم مبــارك

[أوشال]

ام كتكووت

بس البربيكان ماي شعير مو شعير متخمر ..وو اول كان ممنوع بالكويت ووسعوديه موجود عندها
بعدين وزارة الصحة بالكويت فحصت ووو مو متخمر نهائيا

وأنا عندي ألتهاب بالمسالك البولية وعلى طول اشرربه ووو ماتشوفين شر شندوخة

ودام الواحد قاعد بدولة اسلاميه خلالاص جني سمعت جذي ...

وووبزيدكم من الشعر بيت ترا كل ستيكات فرايديز ذبح مو اسلامي وكا كل الكويت ياكلون هناك واولهم انا خخخخخ احاول ما اصدق

 

[شندوخه]

الشر ماييج اوشال لا حمدالله مافيني شي بس انا سمعت انه زين ماتشوفين شر حبيبتي اوشال
والذبح دامه كتابي عادي النص صريح بالقرآن يا جماعه

 

[ام مضاوي]

شندوخه عليج بالعافيه

بس اذا تبين باربيكان حلو
الي بطعم الفراوله يههههههههبل مو طبيعي
احلى من الباجي طعمهم الله يزيد النعمه

بس مو على طول احصله نادر اذا لقيته سواء بالجمعيات او مركز سلطان وغيره



وحاليا سويتلي ريوق
شيشتني وحده من العضوات
حاطه كذا طريقه للسناك واذا يعتي وانتي سهرانه




بيض داخل توست مع جبن سلايس وشرائح طماط
وحمشته

وعصير اناناس

 

[شندوخه]

الله يعافيج ام مض مض وان شاءالله بحوس اجربه شورانا هههههههه
ام مض مض لاتشربين عصير اناناس مو زين وانتي حامل رفيجه اختي اسم الله عليج وبعيد الشر عنج ان شاءالله اجهضت من عصير الاناناس بيكيرفل بليز

 

[digital]

دهن عود مبخر من وين طالبين المينى كب كيك ابي الرقم ما عليج امر

 

[Pissy Missy]

قوه بنوتات

اليوم رحنا قهوه عندنا بمريكا اسمها panera bread اكلهم حده عجيب وقلت اصورلكم اكلي

هذي القهوه





عصير ليمون



greek salad


سندويش tomato and mozerella



وهذي brownie حقي و cinabbon roll حق ريلي



وسلامتكم

 

[سياسية]

اهلين سياسيه

الدريسنج: سمسم-سكر قفشه صغيرة-خل تفاح قفشتين-زيت زيتون-خل البلسمك-بابريكا-صلصة التوت بالبندق ماركة ويشبون من مركز سلطان.

طعم السلطة حالي شوي نفس طقة أكل شرق آسيا.

مشكووورة يا قلبي عالطريقة..شكلي بسويها اليوم :ggdw: ..

بس ما لقيت الصلصة بمركز سلطان شرق .. إنتي من أي واحد ماخذتها؟؟ وصوب الثلاجات ولا على الأرفف اللي يم الكيك ؟

تهقين أحط بدالها صلصة فراولة ؟؟ :eh_s(1):

 

[سياسية]

اي صج نسيت ..

عوافي بنااات

 

[دهن عود مبخر]

دهن عود مبخر من وين طالبين المينى كب كيك ابي الرقم ما عليج امر

www.littletreats-q8.com
حبيبتي هذا سايتهم فيه الرقم والمنيووو

اختاري اللي تبينه

وبالعافيه مقدمااااا​

 

[غروب]

مشكووورة يا قلبي عالطريقة..شكلي بسويها اليوم :ggdw: ..

بس ما لقيت الصلصة بمركز سلطان شرق .. إنتي من أي واحد ماخذتها؟؟ وصوب الثلاجات ولا على الأرفف اللي يم الكيك ؟

تهقين أحط بدالها صلصة فراولة ؟؟ :eh_s(1):

العفوو سوسو

غريبة أنا أشتريها أصلا من شرق صوب الصلصات على الأرفف بس من زماااان مو رايحه واللي عندي بتخلص، لو أنا بالبيت جان صورتها لج وعرضتها.. بس تعالي شنو صلصة الفراولة بعد؟ :eh_s(10): خاصة بالسلطات؟
ترى غرامي الصلصات الغريبة

 

[غروب]

بالعاااااااافيه بناااات

شفت هالحلوووو وغيبت
غروووب شلووون طريقته !!

هلا وغلا

الطريقة الله يسلمج،
- تاخذين كيك السرالي (كاكاو) وتقصينه بالعرض 3 شرايح وبعدين تحطين عليه بسكوت دايجستف اللي عليه طبقة كاكاو، وبعدين تقصين الكيك بشكل دائري نفس حجم البسكوت، وشيلي الزايد من الكيك.
- صلصة الكاكاو: 3 كاكاو آرو كبير- 3 كاكاو جالكسي كبير- كريمة سائلة- قيمر ---> كلهم بحمام مائي ولازم الصلصة تكون سائلة شوي يعني انتي قدري شكثر تحطين كريمة وقيمر.
- تحطين شوي من الصلصة بين الكيك والبسكوت، وبعد ماتخلصين من كل الدوائر، تصبين باجي الصلصة عليهم بحيث تغطين كل الأطرف وزيني الويه بكاكاو أي نوع تحبين، وبس

 

[رقي]

ورق عنب

محاشي

صلصة المحاشي

شوية تأليف: بطاط وجبن :s142:

وحلينا، مع قهوة عربية

والحمدلله قضينا عليه :ggdw:

السلام عليكم
كل طبق احلا من الثاني
بليز وبلا امرن عليج
نبي طريقه السلطات والحلو

 

[أمواج البحر]

بالعااااااااافيه بنات

دهونه مبدعه بالاكل ههههههههههه عليج بالعافيه يا قلبي

 

[زيـنـه]

عليكم بالف عافيه

 

[غروب]

السلام عليكم
كل طبق احلا من الثاني
بليز وبلا امرن عليج
نبي طريقه السلطات والحلو

وعليكم السلام..
تسلمين عزيزتي، وحاضرين.. بس أنا حطيت طريقة الحلو توه بالتعقيب اللي قبل ردج وسلطة الفراولة حاطتها من قبل بعد بس بعيدها لعيونج.

سلطة الفراولة:
خس ملون- فراولة
الصلصة: سمسم-خل تفاح-سكر ملعقة صغيرة-خل البسلمك-بابريكا-صلصة توت بالبندق ماركة ويشبون من مركز سلطان
.
.
سلطة الجرجير:
جرجير- دراي تميتو- صنوبر محمص- جبن بارميزان
الصلصة: كنور الجاهزه نكهة الريحان+ بيستو.
.
.
سلطة الفلافل:
فلافل-خيار-بقدونس-طماط-شمندر-فلفل أخضر-بصل-خيار مخلل
الصلصة: مايونيز- هرده-خردل-ليمون-لبنه-ملح-ثوم مهروس
.
.
الفته:
مكعبات فلفل أخضر بارد-جزر مبشور-بصل مقلي-نخي-بيديان مقلي-بقدونس-خبز مقلي.
الصلصة: روب-هرده-مايونيز-لبنه-ليمون-ملح-ثوم.

 

[سياسية]

العفوو سوسو

غريبة أنا أشتريها أصلا من شرق صوب الصلصات على الأرفف بس من زماااان مو رايحه واللي عندي بتخلص، لو أنا بالبيت جان صورتها لج وعرضتها.. بس تعالي شنو صلصة الفراولة بعد؟ :eh_s(10): خاصة بالسلطات؟
ترى غرامي الصلصات الغريبة

أي أرفف؟؟ صلصات السلطة ..ولا صلصات الكيك وحشو الجيز كيك ؟؟

هذه مكتوب عليها Fruit spread مو نفس الصلصة مالت الأيس كريم طقة العلالي و هيرشيز.. لأ..

يعني حق فاكهه !بس ما ادري اذا تنفع ولا لأ.. لأني شريتها أوريدي ولا ذقتها للحين ههههههههههه :080402ask_prv:

هذه صورتها..

تهقين أجرب و اللي فيها فيها ؟؟ :dddds:

 

[foofo]

غدانا انا ورفيجتي من جم يوم
بواتر لمون الرايه


تصبيرتهم لبنه وصمون

عااااد احب لبنتهم ويااا الصمون لذييييذه


طبقي باستا بالدجاج

نفس طلبي لذييييذه هالباستااا
شهيتيني عليهااا الحين خخخخخخخخخخخ

عليج بالف عااافيه ياااااااارب​

 

[دهن عود مبخر]

امواج
ياحلوه.. ياورده :eh_s(6):
بعد جبدي ولهت عليج

الله يعافيج ويسلمج قلبوووو
عاد صج مبدعه بالاكل ..
وكله ككاويات على قولة رفيجتي هههههههههه
بتشوفين ان شاءالله _03BA:


فوفو
الله يعافيج يالغاليه
وصج حلوه الباستا ..وامبي بسرعه شبعت منهاا​

 

[غروب]

أي أرفف؟؟ صلصات السلطة ..ولا صلصات الكيك وحشو الجيز كيك ؟؟

هذه مكتوب عليها Fruit spread مو نفس الصلصة مالت الأيس كريم طقة العلالي و هيرشيز.. لأ..

يعني حق فاكهه !بس ما ادري اذا تنفع ولا لأ.. لأني شريتها أوريدي ولا ذقتها للحين ههههههههههه :080402ask_prv:

هذه صورتها..

تهقين أجرب و اللي فيها فيها ؟؟ :dddds:

لووووووول لا يمعوده شكلها مو حق سلطات :eh_s(6):
صلصة ويشبون اللي قلت لج عنها صوب صلصات السلطات، ودروتها لج بالنت ولقيت صورة بس أنا اللي شريته مو لايت

 

[Pink GirL]

بالعافية بنات

فيتا باجيت من كاسبر

فرايز

نخي

خرابيط من الجمعية