شنو كليتي اليوم **الجزء الــرابــع ** تقبــل الله طاعتكــم وعيدكم مبــارك

[كاتو_كويتيه]

بطه ..

نفيش بكراميل .. تلاقينه عن الرفااعي بعد ..

 

[أم حسون]

لوووووووووووووووول لاشندوخ وين اليوم منثبره بالبيت ألووي

 

[بطه فيها نطه]

بطه ..

نفيش بكراميل .. تلاقينه عن الرفااعي بعد ..

كاتو احصله بجمعية القادسية ... بس احس محروق ... مع مروره

مو مثل السينما .... والرفاعي ماجربته ....

مشكوووره على الرد حبيبتي

 

[بطه فيها نطه]

لوووووووووووووووول لاشندوخ وين اليوم منثبره بالبيت ألووي

ام حسون عليك بالعافية ... ترى دانة البحرين عنده حركه ماادري جربتيها ... اييب الطلب تاكلينه بالسياره عنده

بصينيه صغيره وفيها خبز وخضره وبصل واللبن بعد ... اذا رحتى بليل طالعي

السييايير وشوفي اللي يمك ... كلهم قاطين روس وطايحين له

بس لاتشمين السياره عقب .... بس صج احلى شيء تاكلينه وهو حار

اممممممممممممممممم اااااه ياحلوه مع شفطة ليمووونه

عليك بالعافية

 

[أم حسون]

لووول بطه ماجربتها انا اول زواجي رحت معاه مطعم نفس دانة البحرين لذيذ وايد قعدنا عالطاولات ولا 5 قطاوه اييون صوبنا انا من الخرعه رفعت ريولي فوق عالكرسي وريلي عادي طاف وانا اقوله خل نقوم اهوا عباله اتدلع لوووول اخر شي عصب وخذى الطلب تيك اواي يقول حرمت اوديج اماكن جذي لووول

 

[زيـنـه]

عوافي .. موبايلي في صور بس ما ادري متى بنزلهم ؟!

 

[Pink GirL]

عروس
الله يعافيج حبيبتي
لا مو نفسة طالبينه من فريج صويلح

دلوعه
بالعافية

ام عفاف
الله يعافيج
حياج الله اخذيه كله انا ما احبة كلووه رفيجاتي لوول

غروب
الله يعافيج
اي متزهب للصورة لوول

مستشارة
الله يعافيج .. اي والله عجيبة الباستا
عليها بالعافية اخيتج

بنت حوا
عليج بالعافية

ام حسون
بالعافية

بطة
ياحلات النفيش شهيتيني عليه

 

[غروب]

أم حسون
أفا ما تحبين دونتس كرسبي كريم.. لذيييييييذ أحبه بس صج يمتن :eh_s(11):

بطه
شوقتيني على نفيش السينما، بس توني أدري إن يبيعون نفسه بره، بالعافية عليج.

كاتو_كويتيه
اللي بالرفاعي نفس طعم نفيش السينما؟

 

[Pink GirL]

ريوق الدوام امس

كيكة من كاسبر لذيذة بس ثقيلة تجبد

ككاوات امس في بيت رفيجتي

 

[lolocati]

عوافي ام جميل عالطورطه

 

[ام مضاوي]

عواااااااافي

 

[يمّه مني]

هااااااي اووووووول
اشحالجن
هني وعافيه كلكم
مطرح مايمشي يمشي

لعيون يمة مني... ورق عنب حاااامض

وهني بالصحن

:hjy5jewf: يــــابــخــتي:hjy5jewf:

 

[ااام ابراهيم]

انا ماكله

* بيض طماط

* سمبوسه جبن

* وشاربه حلييييييييييييييييب مع نسكافييييييه



:eh_s(8):

 

[عروس الدنيا]

عليكم باعافيه بنات توني راده من الافنيوز تريقنا PAUL مع بنات عمي

متفقين من امس متوقعين الجو بيكون شتوي
و على عنادنا اليوم الشمس من 3 الفير طالعه و تصلخخخخخخخخخ

اكثر شي عجبني



كرواسونهم حلو



الخبز


بيتزا البيض


مربى و بيستو زيتون عجييييييب


اومليت كريب


و هذا كيش اسمه زويين



و طلبنا لبنه بعد عاديه لبنتهم تفشل ..
و اممممممم اي فطيرة زعتر عجيين خاليه
و حلينا بستروبري و باينبري كيك حامضييييين مافيهم حلاة بس زينيين

و بس سلامتكم نسيت اصور الباجي

:gathering:

 

[عروس الدنيا]

عروس الدنيا مطعم دانة البحرين اجرااااااااااااام بالعافيه
]

الله يعافييج

و ام كتكوت مشكوره ما تقصريين


غزل و صبا طريقة اللحم :
تحمسين بصل مع مكعب ماجي و ثوم
بعدين حطي اللحم لين ينشف مايه
حطي شوي نعناع ناشف
و خلطي بعدين حطي صلصة راجا الحمره قفشه صغيره بالكاري
و شوي HP صوص و شوي باربكيو صوص على قفشه صغيره يعني
و رشة فلفل اسود و رشة لومي و عقب حطي المعجوون و قفشه صغيره دبس الرمان و بس هذا اهو مافي اسهل من اللحم المفرووم

oster_av1:

 

[.. مـــلاكـ ..]

عوافي

 

[هنـــد]

عجيبه paul وعندي قعدتها بمرينا احلى من الافينوز

بمرينا يمنا ربعنا وتر وليمون يعني نشتري منهم ساعات ونقعد بpaul

الكراوسون روووعه بجميع انواعه

بس الله يهديهم عالمقبلات جنى بدون نفس خبز توست يابس ولا بعد اسمر

اقعد ساعه اقص فيه ماكو فايده ميبس حده هههههههههههههههههاي

بس انرقع اشوي نحط عليه زبده يطلع حلووو

وعندهم شغلات بعد حلوه

 

[ريمه الكويت]

هذا غدانا




والحلو كيكه جوز الهند

 

[ღALNOoOoryღ]

عليكم بالعافيه
وصاجه سعوديه احنا للخبز ناخذ معانا جيس من القماش والاش صج خطر مع البلاستيك خاصه واهو حار حتى البلاستيك تحسينه يسيح
عليج بالعافيه خووووووش ريوق

هلا حبيبتي الله يعافيج يارب
والله زين تسوون ..احسن شي القماش.. بلا جريده بلا كيس بلاستك وبالنسبه للاش صاجه تشوفين البلاستيك غطاه ذايب من الحراره :cxxxp:


Pink GirL
الله يعافيج ياقلبي

عووأأأأأفي بنات

وصح كلامج سعووديه انا اخذ معااي حافض الخبر

والله زين تسوين..والله يحفظنا وياكم وجميع المسلمين:eh_s(8):

 

[ღALNOoOoryღ]

هلا سعوديه
ترى في مخابز خبز الخمير (الايراني) امسوين لهم جياس ورق تحفظ الحبزه بدون الحبر طبعا او جياس عاديه على صوب للي يبي يحط خبزته

بس مادري ليش السالميه جذيه عتيج شخبار جريده
المفروض مساهمين الجمعيه يشتكون على مخبز التنور لانه من حقهم يحط لهم جياس للخبز



وبعدين انصحج نصيحه لا تطلبين من بيرجر كومبني وااااااااااااااااي يلوع الجبد الله يديم النعمه الحمتهم جنها رمل
روحي بيرجر هب اللي على السيف يدوخ حده لذيذ

هلا حبيبتي ..
تدرين انا مالقيت غير هالمخبز دورت بجمعيه ثانيه وماشفته وبالنسبه للكياس والله ماشفته يحط غير جرايد :O_SHH_:
وهالمخبز حيل قريب من مكان فندقنا عشان جذيه اشتري منه

وعلى مطعم بورجر كومباني ابشرج ماطلبت منه لاني ماعرفت مكانه محد رد علي اصلا :cxxxp:
وزين ماعرفت مكانه رب ضارة نافعه وايد يقولون مو حلو الله يديم النعمه

ومشكوره حياتي على ردج ..:eh_s(8):