شنو عيوب مدارس الحكومة اقنعوني

[أم عبووووود]

عيالي كانوا بخاص وهالسنة نقلتهم الحكومة بصراحة فرق شاسع السما عن الارض تعبت اول السنة معاهم وعلى التأقلم بس بعدين تعودنا

انا احمد ربي اني نقلتهم هالمدارس لأنهم افضل بواااايد من المدارس اللي اسمع عنها لكن بعض المدرسات الله يسامحهم ماتدري وين الله قاطها وفي مدرسات مثل الذهب بس الواحد شيقول الله يعين ويسهل

 

[برونزية رشيقة]

رايي الشخصي إنها مو سالفة موووووضة إلا سالفة تلحقين على إعيالج من الوضع المتردي في وزارة التربية ...

مناهج الحكومة ما فيها شي وياما خرجت دكاترة ومهندسين ومتفوقين بشتى المجالات ....

بسسسسسسسسسسسسسسسسسسسسسسسسس

العيب بنظام وزارة التربية ..... وزير مادري وزيرة تألف قرارات من عندها ولا أحد يحاسبها ......... (( شرايكم في هالنقطة ؟؟؟))

ومدرسات مغصوبين على التدريس تسألينها عيل ليش داشه كلية التربية ؟ ترد عليج والله أهلي ما يرضون إلا أني أصير مدرسة أو أقعد بالبيت !!!!! يا سلام إذا وحدة جذي شنو تترجين منها ؟؟؟؟؟؟


وحكومة سوري مع احترامي بسسسسسسسسسسسسسسسسسسسسسسسسسسسسسس بنتج او ولدج راح يحتك كل طبقات المجتمع !!! جان واحد أبوه مخدرات أو سجون أو الأم هايته ما تدري عن هوا دار إعيالها ............. إلخ من هالنماذج المشرفة !!!!!

اما بالخاصة المصاريف غااااااااااااااااااالية على البعض من الناس ..... و بجذي ولدج أو بنتج مراح تحتك إلا مع فئة النخبة من المجتمع .... أدري النقطة هذي واااايد راح ألقى عليها معارضة بس فكروا فيها معاي ... مثلا دششتي ولدج حكومة وبالصف معاه واحد أبوه متزوج 4 زوجات ومسكنهم في بيت حكومة 250 متر وإعياله فوق 20 ياهل ....ما يدري وين الله قاطهم ولا يهمه التربية بقد ما يهمه وناسته وإرضاااااء نزواته !!!! ما أرضى إعيالي يحتكون مع أعيال انسان جذي صراااحة ... هذا مثال واحد والأمثلة متعددة عن الفئات الصددددددددددددددددمة إللي راح يحتكون بالحكووووووووووووووومة مع الولد أو البنت !!! نص أهلي مدرسات وتعالي سمعي القصصص المأساوية بالحكومة !

 

[كويتية صغيرة]

اختى
سؤال واحد فقط اريد منكم ان تجاوبونى عليه
متفوقين الجامعة اللي يكرمهم الأمير كل سنة ..... هل كلهم جايين من مدارس خاصة ؟
طلبة كلية الطب و الهندسة في جامعة الكويت ..... هل كلهم كانوا بمدارس خاصة؟

مع احترامي للأخوات ........ و بعد تجربتى للحكومة و تجربة اقاربي في الخاص
في رأيي ...... انه يعتمد على الطالب نفسه


يعنى الطالب الشاطر ....... شاطر وين ماتحطينه بمدرسه خاصة او حكومة
و الطالب الضعيف ....... ضعيف سواء بمدرسة خاصة او حكومة
و الطالب المتربي و اللي مهتمة فيه امه و ما تتركه للخدامة تجابلة ...... يبين من اهتمام امه فيه ....... و هذي يلاحظونها المدرسات على الطالب نفسه.


انا كنت على وشك ادخل عيالي مدارس خاصة ......... لكن بعد التجارب اللي شفتها لاوالله الحكومة و بس مع تعليم الطالب الاعتماد على النفس ودورات تقوية انجليزي . لعدة أسباب منها:


1. مدارس الحكومة كل عيالها كويتيين و نعرف اهاليهم و كلهم من اهل منطقتنا لأن المدرسة بمنطقتنا بالعاصمة و نعرف اهلهم و هذه ميزة بصراحة بالنسبة لي و الحمدلله وفعلا لاحظتها بعيالي ان اصدقائهم عوائلهم معروفة.....اما الخاصة الطلبة اللي فيها قرقيعان ...... يعنى من كل بستان زهرة بدون ذكر جنسيات عربية معينة مع احترامي للكل ..... و هذا لاحظته من اقاربي ان اصدقاء عيالهم مشكلين و كل واحد و عاداته الأجنبية معاه و عارفين شنو قصدي بدون تفاصيل او ان الطفل يكون معزول عن أصدقاء المدرسة و هذي صعبة لأن الطفل يتأثر بصديقه أكثر من الأهل

2. فقط للمثال :اعرف اقاربي لنا عيالهم كانوا مدارس خاصة و نقلوهم حكومة ........ تقول الأم الطفل موقادر يتحمل يعطونه فوق طاقته و فوق مستواه ..... و ام اخرى عيالها مدارس خاصة و حاطة لهم مدرس خصوصي تقوللي انا ضايعة معاهم و موعارفة ادرسهم يعنى خسارة من الصوبين.

3.مدارس الحكومة تغيرت كثيرا ..... وايد ظالمينها و مصورينها انها نظام فاشل بشكل مبالغ بصراحة....... المناهج حاليا (خصوصا اولى و ثانية وثالثة) تغيرت مناهج 3 مواد العلوم و الرياضيات و العربي ......... تصعبت المناهج صارت اصعب و هذا من صالح الطالب ..... الأمهات يتحلطمون لأن متعودين على المنهج القديم لأنه أسهل عليهم بالتدريس .....و اي شيء جديد اكيد فيه معارضة لكن لايعنى انه سيء..... لكن المنهج صار مواكب لعصر التكنلوجيا

4. الأم لازم تتابع عيالها حتى لو بالحكومة هذا ماله علاقة ، ألحين مدارس الحكومة مو مثل قبل بس اجتماع امهات كل 3 اشهر او بعد الشهادة....... حاطين يوم اسبوعي لكل مرحلة يعنى اسبوعيا تشيكين على ولدك او بنتك....... و بالتالي الأم لها دور خصوصا اغلب الأبلات حليوين حتى تلفونها النقال تعطيني اياه ، يعنى حسب الأبلة بعد.

5. هذه السنة بالذات مدارس الحكومة بصراحة عندي أجدد و صارت أحدث من مدارس الخاصة ....... انا شفت بعينى مدرسة عيالي من داخل ما شاء الله جددوها بالكامل و حطوا ألعاب فيها صارت المدرسة تونس ........ و عاجبنى القانون اللي حطوا وزارة التربية ان كل صف لازم عدد الطلبة مايتعدى 25 طالب هذا اقصى حد في مدارس الحكومية . و انصدمت لما عرفت ان بعض المدارس الخاصة (اللي وايد صيتها و معروفة) الصف فيه تقريبا 40 طالب !!!!!!!!!!!!! و المدرسة صغيرة و قديمة و بحولي و ما ادراك ما حولي.

6. كل ام تعرف مستوى عيالها و تعرف نفسها .......... فقط تعليق للاخت فوقي ...... الفلوس لاتعنى ان الطالب من طبقة معينة ، و المدارس الخاصة لا تعنى ان الولد اخلاقه عالية ............ بالعكس تصدقين انا بالنسبة لي اللي عنده فلوس و كل شي متوفرله و مترف و مدلع ....... هذا اهو اللي اخاف منه و اخاف انه يصادق ولدي ...........و الطالب اللي معتمد على نفسه و يحترم اللي جدامه هذا يدل على تربية امه ...... و على فكرة من تجربتى الخاصة ...... اغلب العوائل الغنية من الترف لايوجد تقارب بين الأم و عيالها وتاركين عيالهم للخدم و كلهم تربية خدم و مدارس مختلطة و عادي عندهم البوي فرند الا بعض العوائل اللي ملتزمة دينيا ........مع احترامي لك و لكل الأخوات و في النهاية لكل واحد وجهة نظره .

ملحوظة : الشيء بالشيء يذكر تذكرت مقابلة للمذيع طلال الياقوت ...... لما قابلوه في ضيافتهم مع عياله .... قال كلمة عجبتنى ........ قال انا درست في الحكومة و كانى مهندس و الحمدلله و عيالي كلهم دخلتهم مدارس حكومة و الحمدلله كلهم متفوقين ....... عيالي حالهم حالي وعندي مبدأ ان الشطارة على الشخص نفسه.

 

[كولوراديه]

انا بقول وجهه نظري وياريت تقبلينها
بما اني مدرسه ابتدائي بمدرسه حكوميه فاني اقول يعتمد على المدرسه واذا تبين تدخلينه مدرسه حكوميه حاولي تدخلينه بمدرسه نموذجيه ( بلاش )
عندج الخالديه ، اشبيليه بكيفان مثلاً والدعيه
و اذا تبين ليش المدرسه بالمدارس الانقليزيه يهتمون والنفسيه حلوه !! لان شنو نصاب حصصهم ؟ شلون الاداره تعاملهم ؟؟ شنو مستوى الطالبات البيئي ؟؟
انا اعترف مرات اجعم بالبنات والله مو مني !! من الضغظظظظظ
ناظره تعاملج جنج خادمه ابوها حشاج
وكيله مدخله عصها بشي ما يخصها و رئيسه قسمج مالها كلمه
قسم يحب الحجي وما يشتغل كله ياخذون وسايلج سلف لوول
بنات كل وحده لسانها يطول اذانها وفوووق هذا تييلج امها شويه وتاكلج معنه بنتها الغلطانه !!
اخصائيات زينه !! اذا قلتي ابي استدعاء تقولج ليش و ليش وليش وبعدين تقولج ميخالف و شفيها ؟؟ دام ميخالف ليش ما يتصرفون ؟؟
مابي اطلع من الموضوع بس إلي ابي اوصله ان المدارس الحكوميه غالباً ما تهتم بالمعلمه وملا حتى تشجعها ودايما نقد نقدد نقددد مبالغ يؤدي للاحباط فالمعلمه تتحبط مع البنات وتحس جنه تعبها ضايع هدر

 

[داريني]

والله حبيبتى كلنا فى نفس الحيرة بس يقولون ان الحكومه ما فيها اهتمام كلش

والمدارس الخاصه حسب ميزانيتك وحسب مكانها

يعنلى شوفى ميزانيتك كام والاماكن اللى تناسبك وبعدين شوفى الزين بينهم وقارنى وما شاء الله البنات هنا ما يقصرون

اي والله انا حدي محتاره و ولدي للحين مو عارفه وين اسجله؟ حكومه ولا خاص
وبالنسبه حمدالله في مدارس اسعارهم حلوه وفي لأ حق الي الله منعم عليهم

شوفي حبيبتي انا باريحج واعطيج اياها من الاخر ...

انا وحده متأسسه في مدارس اجنبيه لين 4 ابتدائي وخريجة امريكا واخواني كلهم خريجين مدارس انجليزيه .. وانا وحده مثلج قلت مابي ادخل عيالي مدارس اجنبيه كا ماعاقنا شي ولا عاق ابوهم متخرج من مدارس حكومه والحمدلله خريج من بره ووظيفته ممتازه فقلت نفس كلامج باخلهم حكومه وانا اساعدهم والشاطر شاطر على كلامج ..

مو لاني ماابي مدارس اجنبيه.. لاااااااااا بالعكس انا حيل عاجبتني طريقتهم بالتدريس بحكم تجربتي الشخصيه ومتابعتي لاخواني الصغار بس قلت احنا بزمن اغبر واوفر فلوسي علشان اشتريلي بيت والا شي مايندرى باجر شيصير واذا على عيالي انشالله اذا نجحوا وتفوقوا بدراستهم ذيج الساعه لو ادزهم على حسابي بره مو مشكله .. وفعلا دخلت بنتي الروضه حكومه ومع الاسف مع الاسف مع الاسف!!!!!!!!! من سيء الى اسوأ!!!

يعني انا مو قاهرني ولا حارني الا ان بنتي ضاعت سنتين من حياتها برياض الاطفال واهي ماتعلمت غير انها تنط وتلعب بتقولولي مرحلة التعليم برياض الاطفال اساسها "التعلم من خلال اللعب" اقولكم على عيني وراسي بس وين التعلم؟؟ شنو اتعلم؟؟

بعدين الابلات الله يسامحهم كل وحده مالها خلق التدريس ادش تربيه واذا سألتيها ليش تحبين التدريس تقول لااااااااااااا!!! انزين ليش صرتي مدرسه ترد بكل بروووووووووووود علشان العطله والمعااااااااااااش!!! اذا هذا حال ابلاتنا ويلي على عيالنا والله

ادري قرقرت عليج وايد بس الزبده التعليم بالكويت كل ماله ونازل ما احمل المنهج المسؤليه ولا احمل الابلات احمل الوزاره اللي ماعندها تنسيق وتخبط في تخبط اي نعم انا موافقه النظام اللي مسوينه ممتاز بس المشكله وين اللي ينفذ؟؟!!

مو المفروض يوم انا غيرت النظام فوق تحت ادخل المرسات والمدرسين دورات عن هالنظام؟؟ مو لازم اخليهم يطلعون ويفهمونه عدل قبل تطبيقه؟؟


الزبده حبوبه انا باشتري العافيه وعلى قولتج باقط فلوسي بالشمس واقعد بالظلال وقررت ادخل بنتي الابتدائي مدرسه اجنبيه وانشالله الله يسهل امرها واسجلها على خير

واذا دخلتيهم حكومه وحطيتي لولدج والا بنت من اولى ابتدائي مدرس خصوصي بعد اشحقه هالعباله؟؟ دخليهم خاص وتوكلي على الله اذا انتي همج مصلحة عيالج..

والله يسهل اموركم ويوفق الجميع

​

والله كلامج عدل وانا خايفه ادخل ولدي حكومه واتحسف
واخاف ادخله خاص وما ادري شنو ظروفنا تصير بعدين
والحمدالله بيت وضمنته بس ما تدرين شنو يصير بعدين ؟

شوفي من ناحية فرق بين الحكومه والخاص فاكيد فرق كبير

لكن انا عيالي في مدارس حكوميه مو لاني ما اقدر ادششهم خاص لا الحمدلله قادرين ماديا ولله الحمد

بس ما ادري ليش انا ضد المدارس الخاصه

احس لما الياهل يدخل المدرسة الخاصه جنه تخلى عن هويتية العربيه الاسلاميه

ما ادري بس هذي وجهة نظري!

الحكومه والله ما شفت منهم شي شين

والحمدلله كل المدرسات اللي مروا على عيالي من اروع ما يمكن

لدرجة ان ابلات عيالي اذا كان عندهم اي ملاحظه يدقون علي

عيالي برابعه ابتادئي و ثانيه ابتدائي و اولى ابتدائي

اكيد التعب عليج اكثر من ان ولدج يكون بمدرسه خاصه

بس شنسوي جزا الوالدين الينه

عيالي ماشاء الله عليهم متفوقين و الحمدلله التعب مشترك بيني و بين المدرسات

واذا على الانجليزي اشوف مستواهم وايد وايد وايد زين

عيال اختي بمدرسه خاصه والحمدلله ما حسيت فرق بيهنم

واذا على المناهج اليديده ترى المناهج قريبة من مناهج المدارس الخاصه

بس الفرق احنا بالعربي و اهم بالانجليزي

ومع الاسف اغلب الامهات قعدوا يتحلطمون قبل ما يدرون شنو الطبخه

لسبب وحيد جدا تغير المنهج!!

شي طبيعي يتغير ... المنهج من زمن الطفحه ... الزمن قاعد نتغير ولازم نسايره

واذا على سالم وعبير

انزين ليش حارينكم خخخخخخخخخخخخ اشفيهم والله سؤال

ليش محد عاجبه سالم وعبير!!! صج سؤال ماني لاقيه له اجابه!

وبالنهايه اكيد اللي مدششه عيالها مدارس خاصه بتتحابه لها واللي مدششه عيالها مدارس حكومه بتتحابه لها

والله يوفق عيالنا

عجبني اخر كلامج
وبالعكس احس مدراس الخاصه قامت تتهم وايد يالجانب الديني
اكثر من مدرسه رحت شفتها يعطون حصه قران ولغه عربية

انا بس حبيت اقول شي
اختي قالت لي انه من السنه اليايه ان شاءالله الروضه راح يصير لهم كتب و بيدرسونهم ما ادري عاد صج ولا لأ. و اذا صج شي حلو والله على الأقل الياهل ما تضيع عليه سنتين من عمره بس لعب.

لا ماكووو هالشي انا اختي مردسه روضه وقالت هالحجي خرابيط

انا عندى حكومه وعندى خاااااااااص

فرق السما عن الارض

الحكومه مافى اهتمام ما يدرون عن الياهل والابلات حدث ولا حرج تقولى عن بنتى فيها وفيها ولما اوريها الدفتر تقول يمكن انا ما اعرف بنتج !!!!! اشلون تتكلمين عيل

واللى صارلها قرن تقول مليت من التدريس بس ابى اخلص اقساطى !!!!!!

ما يمنع انه فى ابلات ذهب

الخاص انا اختلف مع امواخ يوم قالت يتخلى عن هويته بالعكس والله انى ما احفظ ولدى الايات اييبون لهم مطوع ويقول افتتاحيه مثل الدعاء وغيره اللى عمرى ما سمعته من اللى بالحكومه

اذا شافو الولد فيه شى ولا مستواه متغير يقول لج تعالى كلمى الناظر والمدرس

الحكومه استدعااااااء اذا الطيور طارت برزاقها

:eh_s(1):

 

[برونزية رشيقة]

كويتية صغيرة : مدارس إعيالج حكومة ولاحظتي كل إللي معاهم كويتيين ومن إعيال البلد ومن العاصمة ..... إي هذا ألحين بس إحنا باجر إللي بيوتنا راح تطلع في ...................... و .................... و .............. مابي أذكر مناطق معينة وين بنحط إعيالنا في شمال الكويت ؟؟؟؟؟؟؟؟؟؟؟ مثلا ؟

وحبيبتي مو الكل بطايقهم على العاصمة !!!!!! وإذا حطينا بطايقنا على العاصمة اشضمني إن هالمدرسة زينة وناظرتهم ووكيلتهم زينة ؟؟؟؟؟ وفي اهتمام بالطلبة والطالبات ؟؟؟؟

كولورادية : أنا معااااج 100 % حيااااتي وحاسة فيكم يا قلبي الله يعينكم يالمدرسات .... كل من يشكيلي من اهلي المدرسات ... لكم الأجر إنشاءالله ...
بس شفتي شلووون في مدارس حكومة نموذجية بسسسسسسسسسسسسسسسسسسسس انا من وين لي واسطة احط أعيالي بكيفان وإلا الخالدية ؟؟؟ شنو أنقل بطايقنا المدنية على هالمنطقة بسسسسسسس علشان المدرسة لا يبا ؟؟؟

تصدقين على قولت الأنصاري بالديوانية حتى المدرسة ألحين يبيلها عضو مجلس أمممه علشان ينقل إعيالك ؟؟؟؟

الله يالكويت ............... مادري ليش تردت الأوضاع ليه جذي

 

[داريني]

انا وجهة نظري الشاطر شاطر الحكومة مافيها شي شوفي نهاية السنة بالجرايد اللي نسبهم فوق ال 90 ما شاء الله شكثر صورهم واسماؤهم

تارسة الجرايد وبعدين الكويتيين فيهم طبع ناس طالع ناس وصارت المدارس الخاصة موضة للاسف

وانا مرات همن اقول جذي اخاف هبه او موضه ؟
وانا ابي شي في مصلحه ولدي والله يعلم بنيتي

والله انا ولدى ب3 ابتدائى بالحكومه ووضعه وووووووووووووووووايد نازل وبنتى بالباكستانيه وووووووووووايد احسن منه مدارس الحكومه كلش مو شئ حرام تضيعين مستقبله بمدارس الحكومه:krkrkr::krkrkr:

اسال مجرب ولا تسال طبيب
مشكوره على رايج

الحكومه وما ادراك ما مدارس الحكومه .. انا اخصائية اجتماعيه .. وذاك اليوم يتنى مدرسة الرياضيات مسويه استدعاء لطالبه راسبه بغيت اقولها جنه مبجر >> أتطنز .. يعنى تسويين استدعاء لمن البنت ترسب !!! هذا نموذج بسيط لمدرساتنا .. شقوول وشنو أخلى الوضع سئ مدرسات مالهم خلق تدريس .. أنا اشوف بنات اخوى بالرؤيه والله مره جدامى دقت المدرسه الظهر على مرة اخوى قالت بنتج ما سلمت الدفتر وانا ما ابى انقصها ليش اهيا دفترها مو كامل ؟؟؟ شوفى الاهتمام واحنا الطالبه سلمت ولا ما سلمت المدرسه مثل الورد تحط لها صفر وما تعب نفسها نهائيا ..

وشهده شاهده من اهله
مشكوره

تبين الصراحه اناا ادرس بمدرسه حكوميه

ولا افكر ادخل عيالى حكومه رحت سجلت

بنتى بخااص حبيبتى يوم الثلاثاء اختبار القبول


ان شاء الله يقبلونه


الحكومه كل ساعه يايه نشره قرار يديد

وتكليف ورش عمل اجنماعيات فنيه

مسابقات علميه بحوث مشاريع يعنى الابله

يعنى صار التدريس مو وظيفتهاا الاساسيه

لا صارت ثانويه والمشكله لما اييي قرار تكليف

او ورشه او ندوه والابله تقول ياجماعه عندى حصص

متاخره بالمنهج يصرون لازم تروحين ولا فيهاا افاده

وشنو يصير بنهايه الدرس الا يبله اسبوع ينشرح بيوم

ومنو متضرر اكيد الطلبه فوق هذا وهذا البنات تغيروا

الجيل كل ماله بنازل وسلوكيات البنات صارت تخرع

واحس بالحكومه يتساهلون وايد مع البنات بعكس الخاص

انا اختي مدرسه ونفس الحجي تقول والله
وين سجلتي بنتج ؟

 

[rawona]

السلام .. شلونكم بنات؟؟ انشالله تمام



شوفوا الاختلاف بالراي لا يفسد للود قضيه وشي اكيد في ناس تأيد الخاص ومثلها بالمقابل ناس تأيد الحكومه ..

انا مو مع الاخت اللي قالت ان المدارس اللي بفلوس فيها ناس "نخبه" وزينين بالعكس الحين من كثر "كل من هب ودب دشش عياله خاص اخترب مستوى بعض هالمدارس والسبب الناس اللي دخلوا فيها"


الشغله الثانيه انا مع الاخت اللي تكلمت عن خريجين الجامعه وعيال الياقوت 100% بس حبيبتي خريجين الجامعه مالحقو على النظام اليديد

خريجين الجامعه مالحقو على الابلات اليدد اللي "يالله نفسي"

خريجين الجامعه مالحقو على مدرسات "همها المعاش والعطله والتلميذ بالطقاق" سوري لهالكلمه بس هذا الواقع الحين

انا وحده مقتنعه 1000% ادخل عيالي حكومه والحمدلله تخرجنا من الحكومه وصرنا مهندسين ودكاتره لاوخريجين من جامعات كبيره بره بس على ايامنا في استقرار بالنظام استقرار بالمدرسات وخل نكون واقعين كانوا اغلب مدرساتنا مو كويتيات انا مابي اظلم الكل بس سبحان الله كل شي بالديره بس يمسكونه كويتيين كل ماله وبالنازل مااعمم بس موجوده هالشغله وبكثره بمجتمهنا
بالوزارات
بالمستشفيات
بالمدارس
الخطوط الكويتيه
ومانلاقي هالشي بالقطاع الخاص هذي نقطه

النقطه الثانيه بالعكس انا يهمني عيالي يحتكون بكويتيين ويصيرون ربعهم من عوايل معروفه وكويتيه والكل يعرفهم ويعرف اهلهم بس هم يهمني عيالي يحتكون بجنسيات ثانيه اولا انا مااحب عيالي يتكبرون على احد بحجة انهم كويتيين لان خل نكون صريحين اهني اغلبيه الناس بالكويت ماتحترم الجناسي الثانيه وانا احب اعلم عيالي التواضع وحب الغير وبنفس الوقت احترام الجنسيات الثانيه

النقطه الاساسيه انا مو مشكله عندي ادخل عيالي خاص وعلى المتوسط انقلهم حكومه بس يهمني بالسنين الاولى ان تتكون شخصيتهم صح .. وهالشي انا شفته بالخاص ومالقيته بالحكومه
الخاص يهتمون بشخصية الطفل ويحترمون رايه ويشجعونه على التعبير عن الذات ويحسسونه انه له رايه بالمجتمع واذا انا اربي عيالي على هالشي صعب اشوفهم يندقرون من بره ويتجعمون او احد يغلط عليهم لان عيالي حساسين ومابيهم ينكمشون على عمرهم من اول تجربه وباول العمر

وعلى العموم كل ووجهة نظره وعلى حسب تجربته الشخصيه ..

وعندي تعقيب على كلام المدرسه اللي مساع .. والله حاسه فيج ومعاج حق وهذا اللي انا اقوله .. الغلط من التربية ووايد ناظرات ووكيلات مايقدرون تعب المدرسه ويشغلونها باشياء ثانيه على مستوى مدرسه او منطقه ويعطونها شغل ثاني لين مايصير لها خلق لليهال وهذا الغلط

لكن اذا التربية عطت المدرسين والمدرسات دورات تربوية وتعليميه وعطت المدرسه حريته بالابداع والتعليم واسلوب خاص بالتعامل مع الطفل او الطالب راح يسهلون عليهم اشياء وايده وبسنا من المظاهر !! السنه كلها تخلص على مايزهبون حق حفله بيحضرها المدير او الوزير ساعتين وتخلص انزين وعيالنا؟؟؟ وين حقهم بتعليم افضل ؟؟

بس قرقت وايد وعورني قلبي .. والله يوفق عيالنا وعيالكم اللهم امين

​

 

[داريني]

زادت حيرتي والله

 

[داريني]

انا مدرسة بالحكومة ومافكر ادخل بناتي حكومة الا اذا اضطريت ..

اول شي .. اغلب المدرسات للأسف الشديييييييد كارهين المهنة ويايين علشان المعاش والعطلة او مجتمع الحريم او مغصوبين من اهلهم .. طبعا تقدرون تتخيلون شلون يعاملون اليهال !!!!!
اضافة الى ان بعضهم معذورين في وايد اعباء غير التدريس على المدرسة يعني ماتيي حصتها الا وهي مهدود حيلها من الشغل اللي ماله علاقة بحصتها !!!!
ومهنة التدريس طاردة وماكو تقدير والمدرسة تتقيم على كل شي ما عدل حصتها ..


ثاني شي .. كل توجيه المهم عندهم الترزز والمناسبات اللي مالها سالفة وورش العمل والمسابقات واخر اهتماماتهم مستوى الطلبة !!


ثالث شي .. عيالنا صايرين حقل تجارب .. يطبقون قرار تالي يكتشفون انه فاشل واكبر مثال الملف الانجازي اللي اول 3 سنين لعب و4 و5 يخرعونهم بلجان واختبارات ماكو تدرج كلش والمدرسات يعرفون انا شقصد ..
ويكتشفون الغلط بس عقب شنو عاد ..؟؟ ماكو فترة تجربة .. ماكو دراسة عدلة للمشروع .. يجربون كورس بمدرستين تالي يتعمم ولا عمري سمعت بقرار جربوه وما تعمم سبحان الله كل القرارات ناجحة ولي طبقوها وطاح الفاس بالراس تطلع مو من مصلحة الطلبة ..


رابع شي .. يبقى الخاص مدخلتهم بفلوسج شغلة تجارية بحتة المعاملة توب وينمون شخصية الياهل هذا غير المستوى التعليمي بس الصراحة عن نفسي النفسية اهم لان الياهل لي حب المدرسة ايبدع فيها

واي شجعتوني والله ان استمر وبخلي عيالي بالخاص ابركلي
المهم
انا مدرسة وهم اقولج ادا تقدرين وتهتمين بنفسية عيالج وديهم خاااااااااااااااااااااااااااااااااااااص
وادا ما يهمج النفسية وديهم حكووووووووووووووووووووووووومة
لان الشاطر شاطر ماله علاقة بالمكان كثر ماله علاقة بالوراثة والدكاء
ولو علي انا جان كل عيالي بالخاص
بس ما يعوقني الا المادة
وعلى الله المستعان
وصدقيني مو موضة كثر ماهي فطنة من الناس وقامت تقلد الزين عند الغير
ويمكن غيرة مو موضة مثل ما قلتي

رونه , رفرف .. كلامكم عدل أهم شى النفسيه .. نفسية الطالب قبل الدراسه .. بصراحه المدارس الخاصه واايد يهتمون من الناحية النفسية وزرع الثقه بالطالب .. الطالب عندهم شخصيته حلوووه .. انا وحده من الناس أكره مادة الرياضيات والسبب ان ابلة الرياضيات لمن كنت فى اولى ابتدائى >> ملاحظييين اولى ابتدائى كانت تطقنى بالمسطره الخشب اذا جاوبت غلط وبس صار عندى كره شديد لمادة الرياضيات لى يومكم هذا ومو بس جذى والله العظيم لمن يكون عندى امتحان رياضيات كانت نفسيتى تتعب وبس ابجى

السلام عليكم

انا كنت متردده مثلج..
بصراحه اذا تفكرين بالخاص لازم تكونين ميسوره الحال..مو ناطره المعاش علشان تدفعين قسط المدرسه..ولا تحطين جمعيه ولا تاخذين قرض..والله زمنا صعب والواحد لازم يفكر لي بعيد شوي..

في وايد مدارس حكوميه اداراتها ناجحه..من غير لا مدرسين خصوصيين ولاشي

كل شي يعتمد عالطالب..وعليج
اهو بذكاءه وحبه للدراسه وانتي بتهيياه لاستقبال المدرسه نفسيا

الفرق الوحيد ان طالب الخاص لغته الانجليزيه اقوى

منو قال ان المناهج فاشله؟؟؟انا عندي باولى ابتدائي لي سابع وكلهم ماشاءالله عليهم ممتازين
يمكن المناهج صعبه ومو مرتبه خاصه لاولى ابتدائي..لكن في النهايه يطلع الياهل يقرا ويكتب من احسن ما يكون
ومافي طفل غبي..لكن لازم تعرفين الطريقه الي تناسبه لتوصيل المعلومه..واتاعينه بالبيت والمدرسه..وهالشي هم راح تسوينه لوكنتي بالخاص
وبالنسبه لي انا احط المبالغ الي بدفعها من الحين لي 12 سنه جدام..حق مستقبل الولد وحق دراسته في احسن الجامعات..

ومثل ما وايد قالو.. بقولج
ياما الحكومه طلعت دكاتره ومحامين ومهندسين ..وناس من انجح ما يكون

والله يوفق عيالنا وعيالكم ويصلح حالهم ويهديهم.

انا خريجة مدجارس حكومة وهمن جامعه الكويت وكنت متفوقة ونسبتي كانت فوق ال90 %

بس تدرين كنت ضعيفة بالنسبة لمستواي العام بالمحادثة انجليزي ودراستي بالجامعه كانت انجليزي والله فرق بيني وبين زميلاتي خريجات المدارس الانجليزية مو بالشطارة لا انا احس اني اشطر منهم بس اهما يقرون ويدرسون كأنهم يدرسون عربي يعني اللغة مو مشكلة بالتالي المنهج بالنسبة لهم واضح مو مثلنا كنا ندرس والديكشنري بيدينا نطلع معاني نالي نفهم يعني معاناة

وهمن كنت اتلعثم وانا اكلم الدكاترة وبالامتحانات ما كانت صعبة بالنسبة للمادة العلمية بس كلمة بالسؤال تغفلين عنها او ما تفهمينها كل شيء يعتفس وطبعا اخذ وقت اكثر عشان احل الامتحان

ومن يومها تعقدت وعشان جذي عيالي دخلتهم من الحضان منهج انجليزي والحمدلله قراري كان صائب واحس انهم ما شاء الله عندهم معلومات عامة اكثر مني لما كنت بسنهم وهمن عقليتهم وايد متفتحه وهمن انا متابعه معاهم وتصدقين انا قاعدة استفيد شخصيا وااااايييييييد من مناهجهم وصار عندي كم كبير من الوووردز اللي لو ما دخلتهم ما كنت اعرفها الا اذا خذيت دورات وانا قاعدة اتقوى وياهم

يمكن انتي هالموضوع مو مهم بالنسبة لج او في وايد ناس ما يهمه انها تستفيد بس انا للحمد طموحة واحب اكسب معرفه ومعلومات والاهم من هذا كله شغلي مع اجانب واحتاج اللغة وايد في مجال عملي وهمن قاعدة افكر جديا اني اكمل اذا الله سهل يعني انا فعلا مرتاحة وما افكر حاليا اني اطلعهم واذا الله عاني ان شاء الله اخرجهم منها الا اذا زادت الاحمال علي راح اشوف طريقة ثانية اخفف منها المصاريف وبعد اتابع معاهم بنفس المناهج مع مدرسين مناهج انجليزية

بصراحة التدريس هني حاليا صارت المناهج ممتازة بس المشكلة بالتعليم والمدرسات والادارة بس كمنج وووايد قووه وصار مقارب للمناهج الخاصة نفس تقريبا العلوم والرياضيات بس الانجليزي يفرق معاهم

وهمن الخاص قاعد ياخذون تاريخ وجغرافيا وهمن فرنسي طبعا غير الاهتمام الثاني بالمواد اللي تبني مهاراتهم وشخصياتهم وتقويها


انا من رايي اذا انتي قادرة الخاص افضل وووووواااااااييييييد بالوقت الحالي

السلام .. شلونكم بنات؟؟ انشالله تمام



شوفوا الاختلاف بالراي لا يفسد للود قضيه وشي اكيد في ناس تأيد الخاص ومثلها بالمقابل ناس تأيد الحكومه ..

انا مو مع الاخت اللي قالت ان المدارس اللي بفلوس فيها ناس "نخبه" وزينين بالعكس الحين من كثر "كل من هب ودب دشش عياله خاص اخترب مستوى بعض هالمدارس والسبب الناس اللي دخلوا فيها"


الشغله الثانيه انا مع الاخت اللي تكلمت عن خريجين الجامعه وعيال الياقوت 100% بس حبيبتي خريجين الجامعه مالحقو على النظام اليديد

خريجين الجامعه مالحقو على الابلات اليدد اللي "يالله نفسي"

خريجين الجامعه مالحقو على مدرسات "همها المعاش والعطله والتلميذ بالطقاق" سوري لهالكلمه بس هذا الواقع الحين

انا وحده مقتنعه 1000% ادخل عيالي حكومه والحمدلله تخرجنا من الحكومه وصرنا مهندسين ودكاتره لاوخريجين من جامعات كبيره بره بس على ايامنا في استقرار بالنظام استقرار بالمدرسات وخل نكون واقعين كانوا اغلب مدرساتنا مو كويتيات انا مابي اظلم الكل بس سبحان الله كل شي بالديره بس يمسكونه كويتيين كل ماله وبالنازل مااعمم بس موجوده هالشغله وبكثره بمجتمهنا
بالوزارات
بالمستشفيات
بالمدارس
الخطوط الكويتيه
ومانلاقي هالشي بالقطاع الخاص هذي نقطه

النقطه الثانيه بالعكس انا يهمني عيالي يحتكون بكويتيين ويصيرون ربعهم من عوايل معروفه وكويتيه والكل يعرفهم ويعرف اهلهم بس هم يهمني عيالي يحتكون بجنسيات ثانيه اولا انا مااحب عيالي يتكبرون على احد بحجة انهم كويتيين لان خل نكون صريحين اهني اغلبيه الناس بالكويت ماتحترم الجناسي الثانيه وانا احب اعلم عيالي التواضع وحب الغير وبنفس الوقت احترام الجنسيات الثانيه

النقطه الاساسيه انا مو مشكله عندي ادخل عيالي خاص وعلى المتوسط انقلهم حكومه بس يهمني بالسنين الاولى ان تتكون شخصيتهم صح .. وهالشي انا شفته بالخاص ومالقيته بالحكومه
الخاص يهتمون بشخصية الطفل ويحترمون رايه ويشجعونه على التعبير عن الذات ويحسسونه انه له رايه بالمجتمع واذا انا اربي عيالي على هالشي صعب اشوفهم يندقرون من بره ويتجعمون او احد يغلط عليهم لان عيالي حساسين ومابيهم ينكمشون على عمرهم من اول تجربه وباول العمر

وعلى العموم كل ووجهة نظره وعلى حسب تجربته الشخصيه ..

وعندي تعقيب على كلام المدرسه اللي مساع .. والله حاسه فيج ومعاج حق وهذا اللي انا اقوله .. الغلط من التربية ووايد ناظرات ووكيلات مايقدرون تعب المدرسه ويشغلونها باشياء ثانيه على مستوى مدرسه او منطقه ويعطونها شغل ثاني لين مايصير لها خلق لليهال وهذا الغلط

لكن اذا التربية عطت المدرسين والمدرسات دورات تربوية وتعليميه وعطت المدرسه حريته بالابداع والتعليم واسلوب خاص بالتعامل مع الطفل او الطالب راح يسهلون عليهم اشياء وايده وبسنا من المظاهر !! السنه كلها تخلص على مايزهبون حق حفله بيحضرها المدير او الوزير ساعتين وتخلص انزين وعيالنا؟؟؟ وين حقهم بتعليم افضل ؟؟

بس قرقت وايد وعورني قلبي .. والله يوفق عيالنا وعيالكم اللهم امين

​

صح لساااااانج
والله تعبتج معاي ومشكوووره
وانا هذا قصدي
ودي اسس عيالي تاسيس صح من ناحيه تعليميه وتربويه
وبعدين انشالله لي اكتسبو هالشي
راح احولهم حكومه

 

[rawona]

داريني ..


الله يوفق عيالج وعيالنا كلنا اللهم امين وانشالله ماراح تندمين على قرارج

وباوضح لج نقطه مهمه صدقي او لا تصدقين الهدف الرئيسي من اني قررت احول بنتي من حكومه لي خاص مو انها تتعلم لغه لا ماهمتني اللغه .. لانها اسم الله عليها تعرف الحين تتكلم انجليزي ولغتها حلوه بالنسبه لسنها وتفهم وتكتب الاحرف والارقام وتعرف الالوان واسماء الحيوانات والاشياء واهي توها ما دشت ابتدائي ومو من الحكومه هالمعرفه طبعا واهني اقولكم ان الشغله راجعه على الاهل اهم يعلمون ويأسسون

بس انا ابي احولها خاص لان تعامل المدرسات معاها او مع اليهال مو عاجبني .. مااحب احد يدقر الياهل احب الياهل يكون منطلق ويعبر عن شخصيته من غير "تجعم" واحب انه يبدي رايه ويكون شخصيته المستقله وهالشي انا شفته بالخاص "انا جربته شخصيا لاني درست بمدارس اجنبيه لين رابعه ابتدائي" وشفته بعد باخواني واذا حسيت انها ready ترجع للمجتمع الكويتي بقوه اقدر احولها حكومه تالي "مع اني مو مفكره بهالشي "بس الواحد مايدري باجر شنو ظروفه

والله يسهل الامور
​

 

[باونتى]

السلام .. شلونكم بنات؟؟ انشالله تمام



شوفوا الاختلاف بالراي لا يفسد للود قضيه وشي اكيد في ناس تأيد الخاص ومثلها بالمقابل ناس تأيد الحكومه ..

انا مو مع الاخت اللي قالت ان المدارس اللي بفلوس فيها ناس "نخبه" وزينين بالعكس الحين من كثر "كل من هب ودب دشش عياله خاص اخترب مستوى بعض هالمدارس والسبب الناس اللي دخلوا فيها"


الشغله الثانيه انا مع الاخت اللي تكلمت عن خريجين الجامعه وعيال الياقوت 100% بس حبيبتي خريجين الجامعه مالحقو على النظام اليديد

خريجين الجامعه مالحقو على الابلات اليدد اللي "يالله نفسي"

خريجين الجامعه مالحقو على مدرسات "همها المعاش والعطله والتلميذ بالطقاق" سوري لهالكلمه بس هذا الواقع الحين

انا وحده مقتنعه 1000% ادخل عيالي حكومه والحمدلله تخرجنا من الحكومه وصرنا مهندسين ودكاتره لاوخريجين من جامعات كبيره بره بس على ايامنا في استقرار بالنظام استقرار بالمدرسات وخل نكون واقعين كانوا اغلب مدرساتنا مو كويتيات انا مابي اظلم الكل بس سبحان الله كل شي بالديره بس يمسكونه كويتيين كل ماله وبالنازل مااعمم بس موجوده هالشغله وبكثره بمجتمهنا
بالوزارات
بالمستشفيات
بالمدارس
الخطوط الكويتيه
ومانلاقي هالشي بالقطاع الخاص هذي نقطه

النقطه الثانيه بالعكس انا يهمني عيالي يحتكون بكويتيين ويصيرون ربعهم من عوايل معروفه وكويتيه والكل يعرفهم ويعرف اهلهم بس هم يهمني عيالي يحتكون بجنسيات ثانيه اولا انا مااحب عيالي يتكبرون على احد بحجة انهم كويتيين لان خل نكون صريحين اهني اغلبيه الناس بالكويت ماتحترم الجناسي الثانيه وانا احب اعلم عيالي التواضع وحب الغير وبنفس الوقت احترام الجنسيات الثانيه

النقطه الاساسيه انا مو مشكله عندي ادخل عيالي خاص وعلى المتوسط انقلهم حكومه بس يهمني بالسنين الاولى ان تتكون شخصيتهم صح .. وهالشي انا شفته بالخاص ومالقيته بالحكومه
الخاص يهتمون بشخصية الطفل ويحترمون رايه ويشجعونه على التعبير عن الذات ويحسسونه انه له رايه بالمجتمع واذا انا اربي عيالي على هالشي صعب اشوفهم يندقرون من بره ويتجعمون او احد يغلط عليهم لان عيالي حساسين ومابيهم ينكمشون على عمرهم من اول تجربه وباول العمر

وعلى العموم كل ووجهة نظره وعلى حسب تجربته الشخصيه ..

وعندي تعقيب على كلام المدرسه اللي مساع .. والله حاسه فيج ومعاج حق وهذا اللي انا اقوله .. الغلط من التربية ووايد ناظرات ووكيلات مايقدرون تعب المدرسه ويشغلونها باشياء ثانيه على مستوى مدرسه او منطقه ويعطونها شغل ثاني لين مايصير لها خلق لليهال وهذا الغلط

لكن اذا التربية عطت المدرسين والمدرسات دورات تربوية وتعليميه وعطت المدرسه حريته بالابداع والتعليم واسلوب خاص بالتعامل مع الطفل او الطالب راح يسهلون عليهم اشياء وايده وبسنا من المظاهر !! السنه كلها تخلص على مايزهبون حق حفله بيحضرها المدير او الوزير ساعتين وتخلص انزين وعيالنا؟؟؟ وين حقهم بتعليم افضل ؟؟

بس قرقت وايد وعورني قلبي .. والله يوفق عيالنا وعيالكم اللهم امين

​

كلامج درر .. وتستاهلين هذه :tek:

 

[برونزية رشيقة]

السلام .. شلونكم بنات؟؟ انشالله تمام



شوفوا الاختلاف بالراي لا يفسد للود قضيه وشي اكيد في ناس تأيد الخاص ومثلها بالمقابل ناس تأيد الحكومه ..

انا مو مع الاخت اللي قالت ان المدارس اللي بفلوس فيها ناس "نخبه" وزينين بالعكس الحين من كثر "كل من هب ودب دشش عياله خاص اخترب مستوى بعض هالمدارس والسبب الناس اللي دخلوا فيها"


الشغله الثانيه انا مع الاخت اللي تكلمت عن خريجين الجامعه وعيال الياقوت 100% بس حبيبتي خريجين الجامعه مالحقو على النظام اليديد

خريجين الجامعه مالحقو على الابلات اليدد اللي "يالله نفسي"

خريجين الجامعه مالحقو على مدرسات "همها المعاش والعطله والتلميذ بالطقاق" سوري لهالكلمه بس هذا الواقع الحين

انا وحده مقتنعه 1000% ادخل عيالي حكومه والحمدلله تخرجنا من الحكومه وصرنا مهندسين ودكاتره لاوخريجين من جامعات كبيره بره بس على ايامنا في استقرار بالنظام استقرار بالمدرسات وخل نكون واقعين كانوا اغلب مدرساتنا مو كويتيات انا مابي اظلم الكل بس سبحان الله كل شي بالديره بس يمسكونه كويتيين كل ماله وبالنازل مااعمم بس موجوده هالشغله وبكثره بمجتمهنا
بالوزارات
بالمستشفيات
بالمدارس
الخطوط الكويتيه
ومانلاقي هالشي بالقطاع الخاص هذي نقطه

النقطه الثانيه بالعكس انا يهمني عيالي يحتكون بكويتيين ويصيرون ربعهم من عوايل معروفه وكويتيه والكل يعرفهم ويعرف اهلهم بس هم يهمني عيالي يحتكون بجنسيات ثانيه اولا انا مااحب عيالي يتكبرون على احد بحجة انهم كويتيين لان خل نكون صريحين اهني اغلبيه الناس بالكويت ماتحترم الجناسي الثانيه وانا احب اعلم عيالي التواضع وحب الغير وبنفس الوقت احترام الجنسيات الثانيه

النقطه الاساسيه انا مو مشكله عندي ادخل عيالي خاص وعلى المتوسط انقلهم حكومه بس يهمني بالسنين الاولى ان تتكون شخصيتهم صح .. وهالشي انا شفته بالخاص ومالقيته بالحكومه
الخاص يهتمون بشخصية الطفل ويحترمون رايه ويشجعونه على التعبير عن الذات ويحسسونه انه له رايه بالمجتمع واذا انا اربي عيالي على هالشي صعب اشوفهم يندقرون من بره ويتجعمون او احد يغلط عليهم لان عيالي حساسين ومابيهم ينكمشون على عمرهم من اول تجربه وباول العمر

وعلى العموم كل ووجهة نظره وعلى حسب تجربته الشخصيه ..

وعندي تعقيب على كلام المدرسه اللي مساع .. والله حاسه فيج ومعاج حق وهذا اللي انا اقوله .. الغلط من التربية ووايد ناظرات ووكيلات مايقدرون تعب المدرسه ويشغلونها باشياء ثانيه على مستوى مدرسه او منطقه ويعطونها شغل ثاني لين مايصير لها خلق لليهال وهذا الغلط

لكن اذا التربية عطت المدرسين والمدرسات دورات تربوية وتعليميه وعطت المدرسه حريته بالابداع والتعليم واسلوب خاص بالتعامل مع الطفل او الطالب راح يسهلون عليهم اشياء وايده وبسنا من المظاهر !! السنه كلها تخلص على مايزهبون حق حفله بيحضرها المدير او الوزير ساعتين وتخلص انزين وعيالنا؟؟؟ وين حقهم بتعليم افضل ؟؟

بس قرقت وايد وعورني قلبي .. والله يوفق عيالنا وعيالكم اللهم امين

​

عبرتي عن كل إللي بقوووووووووووووووووووووله ... يعطيج العافية وصح لسانج :klhfl::klhfl::klhfl:

 

[داريني]

مشكورين بناات ما قصرتو
انا الحين الحمدالله قررت ولدي اسجله بالقطوف لانه جامعه بين الحكومه والخاص وشديده من جانب الديني
بس ابووه مو عاجبه يبي مدارس اجنبيه يقول احسن===صايع ههههه

وانشالله تنحل المشكله

 

[برونزية رشيقة]

مشكورين بناات ما قصرتو
انا الحين الحمدالله قررت ولدي اسجله بالقطوف لانه جامعه بين الحكومه والخاص وشديده من جانب الديني
بس ابووه مو عاجبه يبي مدارس اجنبيه يقول احسن===صايع ههههه

وانشالله تنحل المشكله

زينة القطوف تدريسها قووووووي ... بس إنشاءالله تلقين حجز ترى كله فوووووووووووووووووووووووووووووووووووووووووووول .. وتدرين ماسكينها بيادر السلام ؟؟؟؟؟

 

[Miss_Tiger79]

انا عيالي بالخاص
وكل الكلام الي قالوه البنات عن الخاص ماراح ازيده شي
بس الحكومه (لا تعليق)