شنو شريتي اليوم_شاركينا بالصور_

[~ miss NERD ~]

اي والله أحسن لي من الزحمة

 

[أم الحلوة جمان]

لمووية العسوولة ... عليج بالعافية و أالكورن فليكس يونس ...

حبيبتي .. علبة الساعات من وييين ؟؟؟

 

[فطيرة]

بنات الموضوع يشووووووووووووووق حدة بس انا كنت بالاربعين وتعرفون حكرة بس انشاء الله عن قريب اشاااااااااااااااااارك معاكم

 

[*سكون*]

فراوله فوشيا .. مو معبرتني كلش .. كتبتي اسماء كل البنات

ترا توني اتعلم انزل صور وانتوا كلش ما تشجعون

تتهنون بأغراضكم

 

[Pink GirL]

لمويـة > خووش اغراض عليج بالعافية ,, الجوتي وايد ستايل تقطعينه بالعافية

بينك من وين شريتي المق

من كولومبوس كافيه بالفنار حبيبتي

عليكم بالعافية بنات

مشاء الله كلكم اغراضكم حلوة ,, بس بينك انتي فناتق مشاء الله ذوقج يهبل

الله يعافيج حبيبتي ,, تسلمين انتي اللي تهبلين

عليكم بالعافيه ..

بنك .. من وين النوت بو صوره .. و اشكبره ؟

الله يعافيج ,, النوت من مركز سلطان وحجمة نفس حجم الصورة العادية اللي تحمضينها عند المصور

بنووووووكه
بالعافيه الأغراض بغير اسمج بسمييج فنتوووووقه
ماشالله اغراضج دايما حلوه وغريبه
بسإلج شنو هذا اللي بالنص

لوووول فراولة خوش لقب فنتوقة خخخخخخ

اللي بالنص اللي يسلمج جهاز يعمل بالحرارة ويستخدمونة مثل الماسكرا يوقف الرموش
بس مادري ماحبيته خوارة

 

[فراولة^فوشيا]

بنات اليوم رحت سوق شرق وشريت هالحمرة جفينشي من دبنهامز ويحليلها الفلبينيه عطتني وايد شغلات معاها الجنطه الصغيره مع سامبلز حمرة 2 وعطر حقي وكريم اساس قالت لي جربيه وشغله ما قريت شنو اهيا حق ريلي والمجلة اللي ورا

وشريت بدي سبراي من فكتوريا سكرت

[/URL][/IMG]

سكووووووووووووووووون حبيبتي والله ما عاش من يكدر خاطرج والله صج مادري ليش ماشفتج العتب على النظر

خوووش شغلات والله عاد انا اموت على ميك اب جيفنشي واحب التقليد ترى بقلدج لوووول حتى السامبلز مالهم يشوق عليج بألف عافيه حبيبتي والسمووحه :eh_s(22):

 

[فراولة^فوشيا]

أم الحلوة جمان ... وينج مختفيه من زمااان ما شفناج

*سكون* ... حبيبتي انتي ما نبيج تزعلين ونبي نشوفج دايما بالموضوع

فطيرة ... الحمدلله على سلامتج وسلامة البيبي والموضوع موضوعكم اي وقت مفتوح لكم

فنتووقه ... يامعوده دام انه خواره خلاص لا تستخدمينه كل شي عاد ولا تطيح الرمووش

بنزل الصور

 

[Pink GirL]

مشترياتي اليوم

مجسم للاكسسوارات

ملح الحليب

بسكوت

 

[Pink GirL]

فنتووقه ... يامعوده دام انه خواره خلاص لا تستخدمينه كل شي عاد ولا تطيح الرمووش

[/COLOR/]

لا ماراح استخدمة انا ناقصة يصير فيني قرعه برموشي خخخخخ

 

[فراولة^فوشيا]

لوووووول حلوه قرعه برموووشي :d

بالعافيه الأغراض صابونة ملح الحليب من وين يديده هذي

 

[سمسميه]

:eh_s(15):مسك
خوش عطر الي ملبس زري شنو هذا شكله اينن عليج بالعافيه

بنك
ما شاءالله تبارك الرحمن اغراضج اتشوق

بيتوتا
شهيتيني على ستاربكس عليج بالعافيه:eh_s(17):

لولو
عليكمم بالعافيه االقيمات اتشوق!:eh_s(3):

لمويه
عليج بالعافيه الميك اب

رفرف
خشي الدراريع حق رمضان حوين عليهم بالعافيه

اما مشترياتي اليوم ايضا من الجمعيه:eh_s(3):



مكسرتات من الرفاعي حق الياهال!! وام الياهال:eh_s(3): وكاكاو لزوم الرجيم

بعض العصيرات وكرتون ماي اكوافينا!بس صورتهم عقب ما صفيناهم بالثلاجه!لوووووول


مافي ليل مافي ليلى!

تكلمت عنهم بموضوعي هني
http://q8yat.net/showthread.php?t=82869

وخرابيط ثانيه بس تعبت!:eh_s(3):

 

[*سكون*]

اي جذي رفعتي معنوياتي

بشري كل يوم طابة عندكم هههههه بعد قلبي ما تقصرين

 

[Pink GirL]

لوووووول حلوه قرعه برموووشي :d

بالعافيه الأغراض صابونة ملح الحليب من وين يديده هذي

خخخخخ
الله يعافيج ياقلبي
الصابونة خذيتها من الهندي اللي ورا كاشيرات سيتي سنتر

بنك
ما شاءالله تبارك الرحمن اغراضج اتشوق
:eh_s(15):

بعد قلبي تسلمين

 

[فراولة^فوشيا]

يوم الخميس رحنا الفنار

شريت ست من هارلي ديفدسون حق بنوتة رفيجتي

وكاكاوه شرت صندل

بعدين تعشينا في ديلوايو .. بس الصور بجهاز اخوي

بنات تذكرون لما زرتوني حطيت هالماسكات

كنت شاريتهم من اسبانيا ولقينا المحل اهني بالكويت توه فاتح صارله 20 يوم صج ماشالله ماكو شي مو موجود بالكويت بس المحل الحين بس فيه اكسسوارات ،، الماسكات والميك اب بعدين اييبونهم واسمه beauty & colors فتحوه مكان لاسينزا ،،ولاسينزا غيروا مكانه

يوم اليمعه رحنا سينما المهلب

شرينا بوب كورن وخرابيط
(كنت بصوره فيديو توه طالع فرش )

كانت جدامنا زهره عرفات واقفه تشتري نفيش واحنا وراها على طوول واقول حق رفيجتي خل نصور معاها دام ويانا الكاميرا :eh_s(3): وانا اقول اي واهي لااا واي ولا واي ولا جان تلتفت علينا زهره وتطالعنا تضحك بس استحينا منها :eh_s(22): لول حتى سلام ما سلمنا

بعدين رحت الجمعيه شريت شوية خرابيط حقي (سمسوومه ترى هذي مو ماجلة البيت لوول)

ورحت بودي شوب كنت ابي صابونة مقشره ما لقيت الا هذي وريحتها ما عجبتني وايد بس خذيتها

واليوم تعشينا في بيتزا اكسبرس الضاحيه

ودشينا الجمعيه وبثثث

 

[جروح تبتسم]

وايد اشتري اشياء وانسى اصور

بعدين اتعييز

هذا صورة ككاو مثل كيندر سبرايس

ولدي خذا اللعبه وقط الككاو

حلاو من سويت فاكتوري يمي يمي

بيصير فيني سكر لحقوووو علي

 

[سمسميه]

فراوله فوشيا
ابيه!! عقدتج من الجمعيه!لوووووول
لبس عليج بالعافيه البوب كورن حده يشوق

جروح
ابيه ديري بالج من الحلو!!(طاع من يتكلم! اكثر وحده تاكل حلو)لووووول
لا بس عليج بالعافيه الكاكاو والحلاو لا يقاوم

 

[جروح تبتسم]

فراول فوشيا عليكم بالعااااااافيه

 

[جروح تبتسم]

اي سمسومه وانا بعد حامل والدكتور محذرني قالي فيه بوادر
يخافون البيبي يطلع كبير

 

[رقي]

هلو فوشي بالعافيه الاغراض
بيتزا الضاحيه
مطعم بناتي المفضل
يسوون لهم بيتزا بعدين يقلونها وياكلون بيتزتنا

 

[Pink GirL]

فراولة > عليها بالعافية خوش سيت احب سوالفهم ,, وخوش صورة مالت النفيش اما زهرة ترى حدها حليوة مره جذية صادفناها وصورناها مع ولد اختي وبالعافية العشـا ,, ماكو على مفراكة الفراولة لووول

جروح > بالعافية انتي وولدج