شنو شريتي اليوم ؟؟؟ شاركينا بالصور (الجزء الثالث)

[MiSs_ViSTa]

3alikom b2lf 3afyh bnat

 

[بتبوتااا]

بالعافيه حبوبات

 

[ام عفاف الكويت]

عليكم بالعافيه

 

[FOZQ8]

أم مضاوي يعافي قلبج اي والله عذاااب طعمه موطبيعي وكل ما تاكلين وحده تقولين بس اخر وحده ما تقدرين


أسطوريه فعلا فكرت بجذي بس يا عسل كلش ما ينفع حق حرنا يبا ببيعها مالي شغل بحد أهم شي عاجبني .. انا مثلج توني هابه فيه خواتي من قبل يتشرون منه حقهم وحق عيالهم بعدين قالولني عنه والا انا توني اطيح بهالاسواق خصوصا وا السوق الحين يلوع الجبد فأحط حرتي بهذيل

أمون يا حلوه سميته سنوات الضياع عشان المسلسل وعشان أشبه أيام الطفوله اللي ضاعت لووول وايد مدققه بسالفت المسلسل تصدقين شفت جم حلقه بس لأن اخوي اللي ما يتابع شي التلفزيون ذبحني فيه
القطره الله يسلمج لقيتها صوب العدسات ومكتوب عليها قطرة الراحه فحسيت انهم يريحون العين من العدسات اعتقد يرطبون العين واستعملهم قبل العدسات.. تصدقين ما البس عدسات وايد مثل قبل بس ما يضر اذا شريتها

يعافيكم كلكم يا بنات
وشكله اليوم ماكو شي عشان الانتخابات

 

[السدرة2]

عليكم بالعافيه

 

[بتبوتااا]

شكلكم اليوم لاهين مع الانتخابات المهم اليوم رحت الفحيحيل علشان افصل سديري حق ولدي حق التخرج

شفت محل بجايم وسوالف حلوه شدتني هالبجامه شوفوهاا

كلش مو مثل مالت الاسطوريه

ماحصلت الا اهيا اخر قطعه مريحه باللبس بس بلبسها لما اولد ان شاء الله لانها ضيجه صوب بطني

 

[الاسطورية]

لووووووووووووووووووول بتبوتا موتيني ضحك قاعده ادقق اقول امبلا اهي سلميلي عالخروف صديق خروفتي

 

[FOZQ8]

هههههههههههه بتبوتا كثروا المعجبين بالخروووف
ملبوس العافيه والله يقومج بالسلامه
توقعتج لاهيه بالانتخابات الله يوفق مرشحكم ان شاء الله

 

[شهووده]

عليكم بــ60 ألف عــــــــافيه ان شالله ..

ادعولي أخلص امتحاناتي وأتخرج على خير وأحطلكم كل الصور اللي عندي ..

ميمعتهم من شهر 4 :ggdw:

 

[FOZQ8]

شهووده الله يوفقج ويسهل امتحاناتج وتتفوقين وتتخرجين
ترى كل هالدعاء مو عشان صور الاغراااض لاااا ههههههه
موفقه حبيبتي

 

[بتبوتااا]

شهوده الله يوفقج ان شاء الله

سوسو عاد تدرين انا ما احب البجايم الي تحت الركبه اخبهم فوق الركبه احلى بس هذي جد عجبتني ولما لبستها توني ضحكت على روحي تهبل من فوق واسترج من صوب بطني ههههههههههههه قلت بخليها حق ورا الولاده ان شاء الله وماكان في الوان بس هذي وعاد جد لايطوفج سوالف الفحيحيل روووعه صج يبيله تحوسين له عدل بالدواعيس اكتشفت جم محل اليوم ينيت عليهم بس ماشريت رايحه متأخره وبروحي << قصه حياتهاا

وفوز تسلمين حبيبتي لووووووووول

 

[.عالم جنون.]

ملبوس العافيه والله يسهل عليج بتبوتا

 

[ام عفاف الكويت]

الله يسهل عليج ياقلبي بتبوتا


والله يوفقج وتنجحين شهودة قلبي

 

[FOZQ8]

بتبوووتا انا لما أروح رحله حق فحيحيل مع خواتي صج وناااسه عندهم شغلات رووووعه
وفي ملافع رخيصه اطيح عليها عجبه
وحتى البقالات هناك تبيع كاكاو قديم قديم وايد
صج حلووو بس لا تكشخين عشان ماراح يخلونج تاخذين راحتج
يعني كثر ما تقدرين تهلقي لووووول

 

[كلي دلع!]

عليكم بألــــــــــــــــــف عافيـــــــــــــــه أغراضكم حدها تشوق ودي أروح السوق بس مع الحمل والدوخه ما أقدر

 

[.. مـــلاكـ ..]

عليكم بالعافيه

 

[سياسية]

مشترواتي اليوم من مركز سلطان

 

[وين^العهود]

عليكم بالعافيه

 

[ذابحهم غروري]

مشتروات نسيت انزلهم لكم هذيل مشتروات الحنين الى الطفوووله
وبسميهم قمصان سنوات الضياع لووووول


تصدقون امي زفتني تقول عطيهم لبنت اختج تلبسهم ههههه
وحلفت البسهم
بس طبعا مو اي مكان
بشاليه او مكان اي كلام
صعبه اداوم فيهم صراحه
شرايكم؟؟

من جدام




من وراااا




رايحين شاليه الاسبوع الياي الله ياني بشبع تعلق وشماته من نسايبي
وبيلحقوني اليهال معجبين طردي وراااي


:dddds:

ملبوووووووووووووووووس العافيه حبيبتى

بس من وين وفي الوان وشخصيات ثانيه وعلى جم ؟؟؟

سي يو

 

[FOZQ8]

أتعبني غروري من فاشن مل حبيبتي اللي بمجمع بيروت
وتوني تذكرت ان في شخصيه دونالد داك
وفي على سياره .. وبس هذا اللي اذكره
وجنه كانت لولو كاتي اخر حبه اعتقد بس مو اكيد روحي جيكي يمكن يابو غيرهم لانه كانوا وايد بنات يخمطون منهم لحقي عليهم كلها دينار ونص


سياسيه بالعافيه الاغراض بخاطري اقز بمركز سلطان بس مو اي فرع احب فرع شرق .. يبيله