شنو سر جمال البنت إذا قرب عرسها ؟ - تم دمج المواضيع المشابهه

[نسايه]

رد: خلطة جربتيها على جسمج ،،، شعرج تعالي قوليها اهني ...... ملف التجارب

قوه بنات حبيت اشارك بالموضوع الحلوو
انا من جم سنه على خلطه تفتيح تبيعها رفيجه اختي بس صج صج ما استغني عنها حتى لما اسافر شرق اسيا لااااااازم اخذها ولما ارد ما يصدقون بياضي ولون جسمي واحد
واستمر عليها اسبوع واقطعها اسبوعين او اكثر
وبسسسسسسسسسسسسس بصراحه حبيت افيدكم

حبيبتي شنو اهي الخلطه ؟ شسمها

ومنووووووووووووووووووووووووووووره

 

[foshia84]

رد: خلطة جربتيها على جسمج ،،، شعرج تعالي قوليها اهني ...... ملف التجارب

موضووع حلووو

للرفع

 

[نسايه]

رد: خلطة جربتيها على جسمج ،،، شعرج تعالي قوليها اهني ...... ملف التجارب

مرحب
انا في خلطة جربتها

وحيل فادت معاي
خلطة حور الجنان :
(كأس ونصف صابون الوزير ,علبة جلوسيد كاملة ,نصف كأس عصير ليمون ,4 مللاعق زيت لوز ,4 ملاعق زيت الجوز الهند ,2 حبة جبن كيري )
الطريقة :
تاخذي بادية وتحطين اول شي الصابون المبشور وبعدين اليمون وتخلطينة لين يرقي الصابون
بعدين تضعين الجلوسليد كلة واذا شفتي المزيج ثغيل زيدي ليمون لين يصير شبة سائل لا ثقيل ولا سائل
ونلبس بدلة الساونا .

انا وعضوة في المنتدى مسوين لنا جدول
وحيل فتحنا من هالخلطة

يابعد عمري مشكورة على الخلطه مكوناتها مفيده بس جبن كيري !! أول مره بنحطها بقائمة التجارب

كل شهرين وشي بجرب خلطه طبيعيه .
ما اغامر بالادوية والكيماويات اخاف يبقع ويغمج

منوووووووووووووووووووووووووووووووووووووووووووووووووورة

 

[foshia84]

رد: خلطة جربتيها على جسمج ،،، شعرج تعالي قوليها اهني ...... ملف التجارب

للرفع

 

[وآوهـ حلآوهـ]

رد: خلطة جربتيها على جسمج ،،، شعرج تعالي قوليها اهني ...... ملف التجارب

شلونكم عرابس بصراحه حبيت اشكركم على المواضيع واااااااااااااااايد حلوه وفادتنا بعد بالتوفيق

 

[Loutes]

رد: خلطة جربتيها على جسمج ،،، شعرج تعالي قوليها اهني ...... ملف التجارب

حبيبتي انا ما حطيت كيري
وجسمي فتح ولا بقع بالعكس

 

[foshia84]

رد: خلطة جربتيها على جسمج ،،، شعرج تعالي قوليها اهني ...... ملف التجارب

موضوع ايفيد العرااااايس
للرفع

 

[ثلج]

شنو سر جمال البنت إذا قرب عرسها ؟؟؟؟؟!!!!

أولا : السلام عليكم و رحمة الله و بركاته

ثانيا : الكتاب واضح من عنوانه

بنات ... أنتوا ما تلاحظون ... و ألا أنا بس ألاحظ !!!! :gr4uu:

مو بنت وحده و لا ثنتين إلا أكثر من بنت و خصوصا إذا قرب عرسها ....

و آخر وحده ألحين عندنا الكل أنهبل عليها قالوا مو فلانه اللي قبل ... كانت ـــــــــــــــ و صارت تهبل:wqedqw:

و على كلام الحريم ( و سوالف الحريم ما تخلص :gathering: ) أنها كانت تراجع العيادات من عياده لعياده

المهم ... يا بنات اللي بالموضوع _03BA:

أشلون نتغير للأحسن

مو تقولون عمليات تجميل و ألا شفط ...

لا هالسسوالف ما نقدر نسويها .... لأن حياتنا غاليه ....

عدل و ألا مو عدل ؟؟؟

أحنا نبي ألحين ... بشره أشلون تكون صافيه ... أنا سمعت و يا كثر ما اسمع عن أبر النضاره ... حيل يمدحونها

بس ما جربتها ....

و نبي بعد توريد الشفايف

يعني بالمختصر المفيد ... نغير الشكل الخارجي بأمور بسيطه مو عمليات تجميل ... قص و لزق و دم ينهمر :cxxxp:

أمور البشره و التبييض و توريد شفايف و الهالات السود اللي الكل يعاني منها و و و أي شيء نسيت أذكره


عفيه حبايبي أبي اللي تدخل تفيدنا باللي عندها و خصوصا إذا كانت مجربته عند دكتور زين :eh_s(6):



ياله أنتظركم على أحر من الجمر .... شكلي بسيح بسرعه لأني ثلج ...

 

[*نوفه*]

رد: شنو سر جمال البنت إذا قرب عرسها ؟؟؟؟؟!!!!

حبيبتي شي طبيعي العروس بتصير غير

1- بتكون مختفيه قبل العرس

2- اذا شفتوها بتكون مو كاشخه لانها تبي تطلع طلعه بعرسها

3- تلقينها تتفرك وتتكشخ طول هالوقت تستعد لابو الشباب وتبي تطلع طلعه حلوه

مو شرط تكون تراجع عيادات

اهيا مسالة تغير ستايل وعنايه

يعني انا باجي على عرسي 6 شهور انشالله خلاص بقطع مكياج (عاد انا مدمنة مكياج حتى بالبيت اتمكيج)

وبقلل زواراتي لاهلي واصلا باديه كورس للجسم والخلطات وحمامات مغربيه ومرطبات وحق الشعر زيوت ومازيوت

علشان الكل ينصدم مني بعرسي


عرفتي الحين

 

[ثلج]

رد: شنو سر جمال البنت إذا قرب عرسها ؟؟؟؟؟!!!!

أختي نوفه شاكره لج على الكلام اللي قلتيه

و صح ممكن ليش لا ؟!!!

و نقطه التقليل من الزواره .... حيل عجبتني ( مع إني أحب أروح و أزور الأهل من العمام و الخوال ... بس بقلل منها )

و أنا باااجي على عرسي تقريبا 4 شهور ... و قاعده أسوي خلطات ... بس أنطر أحد يقول لي تغيرتي بس ماكو

كل يوم يا رازه ويهي على المنظره و ألا اسأل خواتي لدرجة أنهم يقولون لي أنتي صااااحيه و ألا شفيج ؟؟؟؟

بس بالله وحده بشرتها سمره و مليانه حبوب و فجأه اشحلات البشره صااااااافيه و ما فيها و لا حبه ... مو تنصدمييين ؟؟؟!!!!

مو تستغربيييين ؟؟؟؟؟!!!!!!!

 

[*نوفه*]

رد: شنو سر جمال البنت إذا قرب عرسها ؟؟؟؟؟!!!!

اي هذي عاد تعالج حرام قولي الحمدالله

انا الحين ماروح زواره مثل قبل بس خالاتي مرات ييجون ومايقولون تغيرتي

بس مبين من النظرات تلقينهم يطالعون بشكل ملحووظ وكلش كلش قالوا انتي شحاطه

طبعا انا كله خلطات وكنت بحاجه اضعف سويت رجيم الحمدالله ضعفت

وشعري كانت يحت مع الرجيم الحين بسم الله مشالله رد ينبت

وبشرتي حفيت مره الله لا يعودها وقبت حبوب اخرع الحين الحمدالله مشالله بدت تصفى مع العنايه والاهتمام

وايدي يمه يايدي قبل جني سيلانيه تخرع تخرع استحي اصبغ تظافر او البس اكسسوارات لانه بتصفق زياده

الحين مشالله مع العنايه حيييييييييل احسن

يعني الواحد يحس بنفسه يفرق بس مو بيوم وليله عطي نفسج وقت وانتي لا تسالين احد اهما يلاحظون بروحهم وبجون يسالونج والله

 

[سلطـ زمانها ــانة]

رد: شنو سر جمال البنت إذا قرب عرسها ؟؟؟؟؟!!!!

نوفه قوليلنا شتسوووين

 

[*نوفه*]

رد: شنو سر جمال البنت إذا قرب عرسها ؟؟؟؟؟!!!!

لا ماراح اقولكم سر علشان تقولون شنو سر جمال نوف بعرسها وتنزلون موضوع جديد باسمي

كيفي نحيسه ههههههههههههههههههههههههههههههههههههههههههههههههه


سلطانه تبين اي جزء بالضبط اللي خاص بشنو؟؟

 

[قَلبڪْ صًخرْ]

رد: شنو سر جمال البنت إذا قرب عرسها ؟؟؟؟؟!!!!

صاجه اعرف وحده ..كانت سمره

والحين فرنسية لوووووول


ماشاء الله عليها .. سألتها قالت لي فازلين لوووووووول

شوفي الجذب بس


لي فتره باديه عناية .. وقطعت والحين رديت

عرسي على شهر 1 .. إن شاء الله بيمدي ..

خاصه عندي مناطق عامجه عن باقي الجسم بوايد

مثل ايدي .. ركبتي كوعي ..


وويهي فيه اثار حب شباب .. ابي افتك منهم

قالوا لي حطي ميبووو .. ودي اجربه ..


شرايكم بنات ؟

 

[black-diamond]

رد: شنو سر جمال البنت إذا قرب عرسها ؟؟؟؟؟!!!!

حبيبتى انا اعرف ان ميبو لاثر الحرق وبعد العمليات
يكفينا الشر
بس ماسمعت عنة للمناطق الاكنة
الى جربت خلتقول اذا استفادة ولا لا

 

[*نوفه*]

رد: شنو سر جمال البنت إذا قرب عرسها ؟؟؟؟؟!!!!

ميبو للحروق بس لانه يجدد خلايا البشره يستخدمونه

 

[هذي قسمتي]

رد: شنو سر جمال البنت إذا قرب عرسها ؟؟؟؟؟!!!!

مرحبـــآآآ عرايس إي والله صاجهـ ثلج كل العرايس يتغيرون
نوفه ممكن تقوليلنااا إذا تحطين خلطات او لآ ؟؟ وشنو هي إذا تحطين ؟؟؟ وإستفدي منها او لآ؟؟؟
وبالنسبه لإيديج شلون تحسنت ؟؟؟ ممكن تقوليلنااا؟؟
وشنو تحطين لجسمح؟؟
سوري ياعمري على الإزعاج وما عليه تحملينااا

 

[عنووشه]

رد: شنو سر جمال البنت إذا قرب عرسها ؟؟؟؟؟!!!!

نوفه نبي نستفيد منج حبيبتي

وان شاء الله ندعيلج بالخير

 

[ثلج]

رد: شنو سر جمال البنت إذا قرب عرسها ؟؟؟؟؟!!!!

نوفا

الحمدالله

و إن شاء الله بستمر على خلطاتي و كريماتي

و يا ليت تقولين شنو تستعملين حق ويهج و رقبتج ؟

و قلبك صخر أنا مع الأخت بلاك إن ميبو حق الحروق بس عمري ما سمعت إنه ينفع حق البشره و الحبوب ؟؟

 

[blue diamond]

رد: شنو سر جمال البنت إذا قرب عرسها ؟؟؟؟؟!!!!

ومنكم نستفيد