شنو الهبه هالايام

[رتو الكيوت]

بنات شفتو بنطرون زارا الي هبو فيه البيج الوسيع كل وحده تقولي احلا ستايل شافت فيه هالبنطرون

لان الابيض وبيج مكرر اخحس ابي الوان فرايحيه
ابيها لبدله عزيمه مو برا يعني و شرط يكون التوب ساتر

شرايكم اورانج فاااتح ؟ او كموني << لبسي كله كموني عنااابي ! احسه يكتم مو مال صيف ووناسه مشمشي ؟؟ مع تان احس يشوق



اراااكم ! انا شريت الوووردي وركبت قميص مشجر ابيض بورود فصار للطلعات ابي البيج لعزيمه وجذي عججبني وابي ادخل بلوزه حفر وياه شرايييكم ؟

ابيه لعزيمه قلت يعني ابي الوان حلووة قميص رفل شريت مع البينك مسجر وخلاص

بس البيج ابيله تركيبه حلوووة توب كشكش بسيط ع الجتف وحفر والبنطرزون وكعب شرايكم ؟

اقترحو لي الوووان وناسب الشعر البييييييييييييييييج المنتف : (

 

[رتو الكيوت]

وصح بنات شعري صبغته ثلجي كله وصرت كلا بس رابطته ماعندك صور تسريحات نعومه ببزيارات غير الرفع لان الفك يبين انه متقصف ومتنف : (

قريب اسوي كيراتين واعالج خبالي بشعري الثلجي حرقني حررق

والتااااااااان عطونيي الون الوردي مشتهيته انا لوني ذهبي الان متنته ببيره وبيبي اويل كخخخ ابي لا لون وردي زي سيرينا بقوسيب قيرل منو تعرف ؟

 

[ام مضاوي]

غمازه

شوفي موضوع شنو شريتي
حطيت جزء من مشترياتي أمس
وشوفي جينزات جس الي اشتريتهم من السيل
لان مورجان وكوكاي وجس وديزل وريبلاي كللللهم نفس الشركه
فميمعين الشماطيط بمحل واحد لوووووووول
بس يطلع منهم لي فتشتي ههههههههههه


دنيا

ساعة بالون بلو- كارتير من هبات 2009 بس لي الحين ماتركوها
حدها عمليه ورزززززه
بس مورخيصه سعرها فوق الالف
واذا تبين ارخص اخذي ساعه تكون سنجل علشان تمشي على كل شي وحتى لو كان فيها شوية الماس
وحلاته تكونين مميزه بالساغه لاتمشين ورا الهبه فيها

 

[ام مضاوي]

رتو


حبيبتي البنطلون في بزارا الجينز الفاتح حلو
بس مافي سايزات

وبما انج تحبين اللون الكموني في بنطلون كحلي تهببببل قصته وخامته عندهم
وايد موديلات حلوه لقمصان الرفل فصليلج واح\ لان صعبه تحصلين بهاللون
وركبي وياه أساور واااايد عالهبه
ودخلي اللون الجولد مع الكحلي وأكسريهم بلون ثالث <<<واللون الثالث دخليه بالكلتش و الحمره مثل اللون الاحمر

يعني بنطرون كحلي والقميص كموني وأساور وايد جولد وكحلي وشويه احمر خفيف مع حمره حمرا وكلتش أحمر
ترى بالوصف تحسينه اوفر بس عالتطبيق يبين حلوووو

بس انتي تقولين متعوده عاللون!!! والمشمشي امممممممم ماشفت شي يمشي وياه ويصير حق عزايم
ممكن اللون الزيتي لون الارمي
وهاللون نفس موديل الوردي الي تقولين عندج منه وهذا قصته على خامته عمليه
في لون الكاميل واااايد حلو وتقدرين انتي بذوقج وتطقيمتج تخلينه يصلح للمناسبات تختارين القميص المشمشي مع الاكسوسوريز والشوز والجنطه تخلينهم راقيين بيفخمون اللوك


انتي الحين ارسي على بر وقولي شنو الالوان الي تبينها
وانا بساعدج باختيارات الالوان مع البنات


بالنسبه للشعر الثلجي كل شي يمشي وياه لاتتقيدين بلون
وتأكدي من الكيراتين الي بتسوينه لان وايد بنات انتلفت شعورهم بزياده والسبه هالكيراتين <<انا ماعندي خلفيه عنه بس حبيت انصحج

وانتبههههي تسوين تسريحه خصوصا بالفير مثل الويفي او الكيرلي
خصوصا بالصالونات
انا سويت شعري بالاطراف بس على حسب تسريحتي اذكر وبعد المناسبه رديت بطلته ولقيته مفتفت محترق لاني صابغته اشقر والشعر وقتها ضعيييف مايتحمل

في وايد تسريحات سهله وبسيطه تقدرين اطبقينها في البيت مع بف خفيف حلوه ومرتبه
بس بطلي اليوتيوب وسوي سيرج عن تسريحات هوليوود الرفع

وأي استفسار بعد حاضرين حبيبتي

 

[miss_Ba6oOo6a]

هاذي صورت الشوز من سنتر بويت كله سيل والاسود مخلصينه وحده مريح لحمي فاتح

والينطرونات بارض المعارض علا اشكال روحو شوفو عندها كذه مديل مكل بنات قاعدين يتخامطون لووول

وبالمعرض طحت علاوحده نييب جناط من تايلند بس قصة الهيرمز كيلي كنت ميته عليها بس تقليدها 170 وهاذي تتوقعون جم (8) فقط لاغير لوول بس مالها ماركه مقلدين الشكل وعندها الوان عجيبه حجمها وسط عجيب

 

[al7lwa` `]

الساعات الهبة فولي فولي وااايد شفت يلبسونهم انا ماخذه وحده من برا بالصيف بس توه البنات هبو فيهم بالديرة اسعارهم تبدي من 90 ووايد اشكالهم غريبه وملفته وستايلهم يديد مادري اذا ينباعون اهني ولا لأ

فوز حبي وين القى هالمااركه؟


لاتقولين مو موجوده بالكويت عشان لا اييج البيت واغتالج:eh_s(3):

 

[miss_Ba6oOo6a]

ليش مو طالعين الصور هذول اهم من موقع ثاني

 

[ام مضاوي]

الحلوه

ممكن اتليقف واجاوبجج نيابه عن الاخت فوز لانها ماتدخل وايد
فولي فولي مااااااااااافي بالكويت
بدبي اذا لج روحه
وهالماركة نفس ستوى ساعات اون تايم بس لانها مو بالكويت اكيد بعيونا تصير احلى لووول



مس

عليج بالعافيه
ابييييييييييييه انتي ذكرتين !!!

اولا الجنطه الاورنج حدها حللللللوه عليج بالعافيه والاحلى انها مو تقليد ماعليها علامة الهيرمز وأشوف ان قصتها انعم واحلى

ثانيا كنت ميمعه صور من النت على هبه الجناط الاورنج ونسييييت مانزلتهم
وبالنسياغا الاورنج اهي الي هابين فيها
بس ماتعجبني وسعرها اوووفر

الي بالصوره تقليد

وجوتشي وكلوي وبرادا منزلين اورنج


وبعد منوووووو مر عليها جناط اورنج بسعر حلوووووو؟؟<<حرام اقط مبلغ موشويه على جنطه موعمليه بلونها ولا شرايكم؟؟

 

[miss_Ba6oOo6a]

اي الهبة الحييييييين كله درجااااااااااااات التااااااااااااان
الكرامييييييييل والبرتقالي وايد راقين بالبلس سواء ملابس او جناط

 

[krkooora]

miss_Ba6oOo6a

عليج بالعافيه حبي

ممكن إدليني الجنطه من وين بالضبط ؟ بأي معرض ؟ و البنطلون مرييييييح شكله .. اينن معه الجنطه

عليج بالعافيه :***

 

[miss_Ba6oOo6a]

ارض المعارض صاله 4 مادري الجنطه وين بالضبط بس عند كويتيه مجابله باب الطلعه الي وره البراحه عندها الوان منها عجييييبه وفي علا جلد السنيك بعد بس كل وحده حبه جن لحقي عليهم
البطرون حده مريح صاير بالنص محلين يم بعض كله سوالف غجري عندهم وكذه موديل فيه وايد عليه زحمه

 

[درة أهل الطولات]

لرفععععع

 

[{aqua}]

بنات علموني شلون انزل صور بالتفصيييل بلييييز

 

[فوز وفواز]

فوز حبي وين القى هالمااركه؟


لاتقولين مو موجوده بالكويت عشان لا اييج البيت واغتالج:eh_s(3):

هلا الحلوة مادري اذا في ولا لأ؟؟ انا خذت من فرنسا بس مو نفس ماقالت ام مضاوي طقة اون تايم؟ هالماركة صج رخيصة بس اشكالهم غريبه وكبيرة وحلوة انا وايد عجبوني مع انني مااحب البس ساعة عادية موجراند ليبل يعني.. بس لبستهم
سوي سيرج بالنت وشوفيهم
بوتيكهم فباريس عوووود ويمكن فيه 1000 قطعة واكثر وعندهم نظارات وجنط واكساسوريز حدهم كيوت هالماركةواسعارهم رخيصة 90 وطالع والحلو بهالماركة انها مومعروفة واااايد يعني موحلاو الكل لابسها
غير جذي باللبس تبين جنها ليبل غالي كلش ماتعطينها سعرها
وسلامتج سويتي


اذا بتيين لي البيت حياج لووووول

 

[شهووده]

مشالله عليكم بنااات ..

مكفين وموفين ..

أحب أطل على موضوعكم كل فتره وأستمتع بردودكم =)



على طاري هبة الجناط البرتقاليه والكراميل ..

توني ماخذه جنطه حجمها وسط لونها كراميل وحزام عريض نفس اللون ..

طبعًا دورت جوتي وإنتوا بكرامه نفس اللون بس مالقيت !

مع إن قبل فتره كان طحيييح بكل مكان .. بس ليش لأني الحين أبيه ماكوو

اقتراحاتكم .. ويا شنوو ألبسهم ؟؟

أنا ركبتهم على قميص أبيض ساده وبنطرون بيج وشيله بيجيه ..

شرايكم ؟؟ وشنو تعطوني مقترحات ثانيه ..



ومشكوووورين ..

 

[مس دندون]

مرحبأأأ بنات

وحشتونـــي موووت

وعليج بالعافيه ام مضاوي شفت اغراضج صج صج ذوق
وعساج اتهنين فيهم​

 

[$الـــحـــلاوه$]

هاااي بنات

اليوم رحت زارا وشفت البنطرون اللي تقولون عنه يجنن بصراحه وشفته عاللبس حلوو

بس ما حصلت الا اللون الكحلي وانا عندي 2 كحلي قلت ابي بيج ومالقيته عاد شكثر عالبنات شحلااااته

 

[nader wjoodi]

هااااااااي بنات انا ضيفة يديدة عليكم ,,
بالنسبة لساعة فولي فولي حدهااااااا راقية وانا من كثر مو عاجبتني اخذت منها 2 وحدة ابيض بذهبي والثانية اسود بذهبي بس صج صج حلووين .. لها محل بمصر و دبي ولندن وباريس وبسس هذا اللي اعرفه...

 

[ام مضاوي]

فوز

حبيبتي انا قلت رايي موتقليلا من قيمة الماركه بس حبيت اوضح واعطي خلفيه عنها
وانا ماشفتلهم الا بوتيك صغير فهذي خلفيتي البسيطه عنها وعليج بالعافيه الساعه ياقلبي تتهنين فيها

في بنت اذكر حاطه بالمول جم شغله من هالماركه للبيع
http://www.q8yat.net/showthread.php?t=595133

وهذا الويب سايت الي حابب يشوف وياخذ فكره عن الساعات يمكن رايكم فيها مو مثل رايي
http://www.follifollie.com/category/24_1_02/WATCH.html

الي يعجبني جناطهم بنوتيه والوانها فرايحيه والاكسوسوريز


شهوده

عليج بالعافيه الجنطه والحزام
تحصلين شوز بزارا انا كنت باخذه بس حده مو مريح يقص الظهراذا بتمشين فيه او للدوام وفي ثاني صندل بس الكعب عريييض خشب ومن فوق مثل الجدايل <<<موعارفه اشرح
ماجربته بس احس حلووو
وتطقيمتج حلوه
بس حاولي تكسرين اللون
ركبي فيست جينز
الاكسوسوريز يكون جولد

او اكسوسوريز جولد وخفيييييف احمر مثل الاساور الي هابين فيهم خيوط وفان كليف وفراشات والخواتم الكبار الجولد الي داخلهم قماش احمر
وحطي حمره حمرا


مس دندون

فديتج حبيبتي هذا من ذوقج



الحلاوه

انا بالويك اند شايفتهم شكثر بس المشكله بعض السايزات خالصه
روحي زارا شرق ان شاء الله تحصلين
وفي الي خامتهم عمليه لون الوردي اللحمي ولون زيتي وبيج فاتح


نادر وجودي


منووووره حبيبتي
حياج الله بينا تفيدين وتستفيدين
وسمعت من فتره ان فولي فولي بيبطلون لهم بوتيك بمول 360

 

[الله يرحمك بابا جابر]

بنات ترى القبقاب " تكرمون " راص تصير هبه و ذكروني بعدين P:

Lv و هذا موجود بالبوتيك بالكويت
:eh_s(22):

[/URL][/IMG]