شنو اللبس المناسب حق الدوااام بالحرر والغبااار .. ؟!

[AwRaD_Q8]

حبيبتي كله لبسي قمصان واسعه روحي وحاولي ان خامه القميص مو شافه يعني ما تحتاجين تلبسين تحتها بدي اما بالنسبه للمكياج فماله داعي كلش لان راح يسيح بس حطي مرطب على ويهج وكحل داخل العين ومسكارا

إي يبيله مع هالجو كله قمصاااان وبنطرونات
الله يعين


مشكوره حبيبتي el-3ashqaa على المشاركه والنصيحه
ماقصرتي

:tek:​

 

[AwRaD_Q8]

ممممممممممممممممم والله شقووولج نفس مشكلتي

انا رحت السوق وشريت خامات تهبل خفيفه بسويها قمصان طوال مع لجنز وبنطلون خفبيف شسوي بعد

إي هذي مشكله الكل والله
ربي يعيناااا


الخياط خوووش فكره الصراحه
بس انا ماعرف حق الخياط وما عرف أضبطه ولا يطلع علي حلووو كلششش
بس عموما القمصان والجينز اهيه اللي اكتسحت الآرااااء لوووول

:dddds:



مشكوره حبيبتي عاشقة الكاكاو
على المشاركه والنصيحه ..
وان شاء الله تطلع قمصانج بعد الخياط روعه ومريحه

:tek:​

 

[AwRaD_Q8]

صج بنات انا حق الدوام ماحب احط كريم اساس بس كونسيلر وبلشر وردي خفيف وطبيعي وقلوس.. اي ومسكرا

بس الكونسيلر هم يسيح شوي بس يعني موو ويع
بس هم مااااااحب يسيح

منو تعرف كونسيلر حلووو ومايسيح بناات

إي صاجه اختي القميص برحه يبقع يبيله تحته بدي
ومراااات حتى ويا البدي اللي تحته يبقع ماكووو فااايده لووووول
مادري شنسوي

:eh_s(1):



وانا مثلج حظي مو حلو مع الخياط
الجاهز أسرع

:icon30:


وبالنسبه للكونسيلر والله ما أدري أتمنى البنات يفيدونا

:eh_s(1):



ومشكوره وايد حبيبتي فاتو_الحلوة على المشاركه والنصايح الحلوه
ماتقصرين

:tek:​

 

[AwRaD_Q8]

احسن شي تدوامين بالشتا ههههههههههههههه

انا البس كل شي عادي لان مواقفنا صوب الباب قريبه حيل مايممديني احس بالحر ههههه

لووووووووووووول
إي والله أحسن شي ما تداومين إلا بالشتاااا

:dddds:


والله أحسن شي إن المواقف صوب الباب
ولا هالخيسه والله شي لا يطاااق

:/



مشكوره حبيبتي yam_yam على المشاركه
والنصيحه اللي بنوصلها للمجلس إن ما ندوام إلا بالشتااا لووول

:tek:​

 

[AwRaD_Q8]

انا معاج بنفس الحالة
بس انا البس عباية وخليها وسيعة ومديلها ناعم والبس تحتها بدي حفر وبرمودا

والله العبايه أريح شي
وخصوصا إذا مديلها ناعم وعملي
وشكلي آخر شي راح أستسلم وألبسها ولا هالجوووو

:eh_s(1):


مشكوره حبيبتي بنت المطيييير على النصيحه
وماقصرتي

:tek:​

 

[رغوووده77]

ولببه مادري شقولج الحمد لله اني بعطله الحين

الله يعينج يا الغاليه على هالحر

 

[Miss independent]

الفاونديشن حطي فاونديشن منيريال تلقينه عند بودي شوب او لوريال
انا استخدم بودي شوب
وعلى ضمانتي مارح يسيح بس اهم شي ترطبين بشرتج
والحمرا حطي مات مو قلووس
حمر ماك تفي بالغرض
والكحل لا تحطيني ايلاينر او كحل عادي
لأ حطي كريمي من ماك او ميكب فورايفر
انا استخدم ماك بعد
حق حواجبج استخدمي تاتو ميكب فور ايفر
والماسكرا ماكس فاكتور ويا ريميل الحمرا وكثفيها
والبلشر حطي بروونز عشان صيف انا استخدم مال مكياجي

وبعد ماتحطين كل الميكب رشي على ويهج فكس ماك عشان يثبت الميكب

واللبس انا البس عبايه وسيعه وتحتها لقنز اسود وبدي حفر

 

[^وجد قلبي^]

عبايه وريحي عمرج ..

 

[malekatsabaa]

بنات على فكره
فيه لزقات قطنيه تنحط داخل البديات ..تشبه ..اممم...الفوط الصحيه مالت كير فري
بس هذي تنحط داخل البدي ..وايد مريحه وما تبين ..

انا شفتها عند الي تبيع قمصان نوم في كويت ماجيك

 

[~Luxury]

بنات على فكره
فيه لزقات قطنيه تنحط داخل البديات ..تشبه ..اممم...الفوط الصحيه مالت كير فري
بس هذي تنحط داخل البدي ..وايد مريحه وما تبين ..

انا شفتها عند الي تبيع قمصان نوم في كويت ماجيك

؟؟؟؟


مافهمت وين تنحط بالضبط

 

[~Luxury]

انا البس عبي خفيفه

والبس تحتها ليقنز يهبل خفيف ومريييييييييييييح مع تيشرتات قطنيه خفيفه واااايد

وكوني كالفراااشه

 

[ليالى الحنين]

نصيحه عبايه وريحى نفسج

 

[AwRaD_Q8]

احسن شي انج تشترين كريمات بالفواكه
وتشترين بجامه قصيه تحت العبايا
والزبده يكون شكلج مرتب ونضيف
وبس اكيد انتي صيفي اي الله يكون بعوونج
لان لو دوامج مكتب مو مشكله مكيف
البلا الجامعه

مشكووووووووووره حبيبتي غلا الرووح على النصيحه
ولو إني ما أحب العبايه علي بس شكلنا مالنا غيرها بهالجووو

:eh_s(1):


لا والله مو صيفي انا موظفه بمجمع الوزارات
هم يبيله مشششششي تحت الحررر والخيسه
الله يعين بس هم اهون من الطلبه على قولتج لأن الجامعه اللي صج يبيلها مشي محتررررم

:cxxxp:​

 

[AwRaD_Q8]

وااااي عباية بهالحر انا البس بنطلونات الرسمية حق الدوام مالبس الجينز لان دوامي مايصلح البس فيه جينز .. والبس قمصان وسيعة او بوالطو صيفية و البس فلات شوس اللي اسمه بالارينا و بس

إي والله شفتي شلوووون
الكل ينصح بالعباااااااايه




انزين شنو هذيل تكرمين البالارينا .. ماعرفتهم .. ؟
وين يبيعونهم وشلون صايرين .. ؟ حلوين للدوام ؟؟


ومشكوره اختي nouna82 على المشاركه

:tek:​

 

[AwRaD_Q8]

انا البس جينز وقميص او بلوزة وفلات مع اني قصيره لول اهم شي راحتي الصراحة

لوووووووووووووول
الحال من بعضه انا بعد مو طويله
ومادري شلون بلبس فلااااات وأجازف


:dddds:​

 

[AwRaD_Q8]

انا البس قمصان طويله مع جنزات الي تكون خامته خفيفه اشوي وفلات

مرات على مزاج البس كعب

اما مكياج اولاي الي بالتوت و ماسكرا و قلوس

وزين مني اداوم لووووووووووووول

لووووووووووووووول
أهم شي "زين مني أداوم"
كلنا زين منا مداومين والله بهالجو الله يعين

:dddds:



إي هذا اللي بيصير قمصان اللي خاماتها خفيفه وجينزات
بس مادري عن مكياج أولاي بالتوت شنو هذا أساس ولا شنو مافهمت .. ؟؟!


:eh_s(10):


ومشكوره اختي قطوه ملثونه على المشاركه الحلوه

:tek:​

 

[AwRaD_Q8]

ولببه مادري شقولج الحمد لله اني بعطله الحين

الله يعينج يا الغاليه على هالحر

مشكووره حبيبتي رغوووده77 على مشاركتج
واحساسج فينااااا
الله يعين والله ..


وزين انج معطله افتكيتي
لأن جد الجو صاير مو طبيعيييييي

:eh_s(11):​

 

[عطري الشوق]

رفع

 

[العصفورة]

والله على قولتج حررررررررررر وانا الصراحة البس عباية بس ارجع البيت عبايتي لونين من الغباااااااااااااااار
شكلي بسوي عباية نصها اسود ونصها رماديييييييي ولا بني عشان مايبين الوصخ ههههههههه

ماكو فايده العبايه بعد تلصق وبسرعه تتوصخ من الغبار واحسن شي البنطرونات وووالقمصان الفاتحه لان اللون الغامج يسحب الشمس بس شنسوووووووووي انا تعودت على العبايه وحايسه مع الغبار ادعوووووووو يارب يتعدل الجو يصير بارد

 

[^وجد قلبي^]

بنات على فكره
فيه لزقات قطنيه تنحط داخل البديات ..تشبه ..اممم...الفوط الصحيه مالت كير فري
بس هذي تنحط داخل البدي ..وايد مريحه وما تبين ..

انا شفتها عند الي تبيع قمصان نوم في كويت ماجيك

تنحط مكان الاباط عشان تشفط العررررررق ؟؟
اتوقع جذي

حلوووووووووووووووووة والله في بالصيدليه ولا بس بكويت ماجيك !!