شنو !!أقدم شي تحتقظين فيه؟؟

[الربع الخالي]

امي محتفظه بذهبي وانا صغيره واقدم شي حيول ذهب .. هذي اول هديه شراها لي ابوي كان عمري اسبوع يمكن
وانشالله لي تزوجت بلبسهم بنتي
وهم امي محتفظه ببعض ملابسي وانا صغيره واغلبها قمصان نوم .. تعرفون نفانيف قبل اللي يكون نفنوف طويل من قطن وناعم سوالف اوروبا صج يهبلون

بس انا يمكن اقدم شي عندي مذكراتي واوراق من ايام المدرسه كنا نكتب رسايل انا ورفيجاتي بالصف ونقط الورقه على بعض لوووول وهم عندي ورده من كوشه بنت خالتي


مادري وايد اشياء بس حيولي ونفانيفي مستحيل افرط فيهم بلبسهم لبنتي اذا تزوجت والله عطاني بنت وبخشهم حق بنتها لووووووووووووول

:eh_s(7)::eh_s(7)::eh_s(7):

 

[الربع الخالي]

موضوعج هيض شغلات وايد ليت الزمن يرجع أقدم شي خاشته صور حقي أنا ورفيجاتي بالثانوية وحدة منهم رفيجتي اللي اقرب وحدة لقلبي توفت :eh_s(2):الله يرحمها :yaaaaaarb:بعد ماتزوجة جابة ولدين وبنتين الله يعوضهم حنان ابوهم يارب :yaaaaaarb:

:eh_s(2)::eh_s(2): الله يرحمها

تدرين عاد صعبه إنج تخشين شي لأحد متوفي