شنـو شريتي اليوم ؟؟؟ شاركينا بالصور (الجزء الخامس)

[Raveena]

و اخيرا من الفضاوة اللي بالدوام قررت انزل مشترياتي


ملللللللللل ماكو احد مداوم ههههههه لا طلبة و لا موظفين بس انا و رئيس القسم و المراسل :eh_s(1):


مشتريات ريلي حقي ..

1- طاولة لاب توب المنيوم وردية .. اخيرا لقيتها كنت ادور عليها بمحلات الكمبيوتر _03BA:
2- هارديسك حق لاب توب امي اللي طيحه اخوي :0bee2e8d89: و راحت عليها صورها بس ما صورته ههههه


و انا اصورها بنتي حطيت ايدها هههههه لو مبطلتها جان يت و قعدت فوقها :gathering:

صورتها من النت

من المحاميد ...
1- رغوة للجسم على ريحة التفاح الاخضر وعسل الزهور
2- رغوة للجسم على ريحة الفراولة و الاوركيد
3- زيت الحية الأصلي ( لونه يخوف احممممر جنه دم ) هههههههه
4-نعال ( تكرمون) حق بنتي و كان آخر واحد طلع مو قدها
5- ديدودرنت نيفيا حق اخوي الصغير(ماصورته)
6- معطر للحمام(تكرمون) حق حمام اخوي (ما صورته)

خرابيط بو 100 فلس ...
1- دواسة ربل صغيرة للحمام
2-شباصات ملونة حقي
3-زجاجات رول صغيرة للعطر
4-ربطات نايلون حق الجياس او الوايرات
5-جياس للزبالة (تكرمون) كل ما اروح بو 100 لازم اشتري منهم
6-بطاقات تهنئة صغيرة
7-اوراق نونات صغيرة ملونة (شريت 12 حبة) حق الدوام .. الجيسة فيها 4 الوان بــ100 فلس بلاااش

 

[زيـنـه]

بالعافيه رافينا

 

[يابختي]

يالعافية يا بناااات

 

[قوطي نيدو]

بالعااااااااااااافيه عليكم المشتروااااااااات

 

[شيخة الحلوة]

ونااااااسة خوش موضوع

عليكم بالعافية

 

[أم حسون]

الله يعافيكم
الاسطوريه النفنوف يهبل ماشالله ملبوس بالعافيه

 

[طوق البنفسج]

عليكم بالعافيه ..

من زمان مالي خبر بالسوق

 

[Om JooD]

بالعافية بنات

 

[نطوووعه]

علييكم بالعاافيه بنااات

راافينا الطااوله مالت الابتوب من الكويت؟؟

و من اي محاميد خذيتي غراش العطر يشوقوووون ماشاء الله

 

[ام مضاوي]

عليكم بالف عافيه بنات

بالعافيه بنات..

مضاوي بسم الله عليها اكبر مني ب3 ايام اللله يحفظها يارب..
..

لووووووووووووول ما اتخيل مضاوي اكبر منج ب3 ايام وااااااي فديتها
كل عام وانتي بخير مقدما رونه >>>>اخاف انسى ما اهنيج

وانا كل مناسباتي بفبراير
عيد ميلاد ريلي يوم 7
مضاوي 9
خواتي كلهم وحده 13 بتكمل 18 سنه
واختي Iam red بالفلانتاين يوم 14
وعيد زواجي يوم 21
وغيرهم واااايد
بس هذيل اهم شي عندي :dddds:

 

[laylaas]

هااااي مشتروااتي اليوووم
ملفع اقنر





ملفع فندي






جنطة برادا




دلاغات حريمية




ماسكارا وقلم كحل وعلبة فيها جميع الفرش روووعة من الهنود






يتبع بس برووح اتغدى طالبة من مغل محل برياني ربيااااان يمي يمي​

 

[ام مضاوي]

سياسيه

وانتي بخير
ومشكوره عالدعوه

 

[.]

عليكم بالف عافيه بنات




لووووووووووووول ما اتخيل مضاوي اكبر منج ب3 ايام وااااااي فديتها
كل عام وانتي بخير مقدما رونه >>>>اخاف انسى ما اهنيج

وانا كل مناسباتي بفبراير
عيد ميلاد ريلي يوم 7
مضاوي 9
خواتي كلهم وحده 13 بتكمل 18 سنه
واختي Iam red بالفلانتاين يوم 14
وعيد زواجي يوم 21
وغيرهم واااايد
بس هذيل اهم شي عندي :dddds:

هلا ام مضاوي..

وانتي بخير يارب انتي 3 وحده تهنيني اليوم وناسه شعور حلو

مشكوره..

وكل عام وانتوا بخير والله يخليكم البعض يارب..

اليوم ميلاد مض مض يالله الفال لعرسها يارب..


صغيرتي سياسيه تصدقين مادري وينه خخ ماعمري جربته بروحه وناويه لما اجربه اجربه مع بدلة السونا اتوقع يدبغ بس اخف من زيت الزيتون..

بس وايد مادحينه لي..

فوز اوكي ناطرتج

وبالعافيه مقدما..

ماريوتا زين ولهنا عليج وملبوس العافيه يارب ونظارت بولس ذكرتني بحب حياتي نظارتي الاولى كنت احبها المرحومه :0bee2e8d89:


روري انتي بنفس يوم ميلادي بس فرق السنه يالله كل عام وانتي بخير والعمر كله يارب..

ام حسون و روري والاسطوريه و ليزا وقطوه ومادري منو خل اجيك وارد..

بالعافيه يارب..

رديت :ggdw:

ليليز << صح؟؟ رافينا والكل الكل ..

بالعافيه يارب..

ووتتهنون فيهم يارب..

مابي انام خل اصور قشي اللي فات..

 

[laylaas]

تااابع

ماصورت الاكل لاني كنت حدي يوووعانه
والحمدلله تغديت بالعافية علي
مانرتاح الا لما نااااكل خخخخخخ

عموما اكمل مشترواااتي

شريت ادلاااغ طويل لي نص الفخذ على دانتيل عشان بلبس النفنوف الزهري الي من مانغو معاه
وطبعا خذيته من اكسفووورد



وشريت ملابس داخلية من سنتر بوينت



وبعد شريت ملفع اسود فيه شوارفسكي ملون وفي حبات كبيرة وحبات صغيييرة حده واااو باللبس



اغراضي من الجمعية
((استون-كلين اند كلير-مناديل ديتول-ملح الحليب -سنفرة ستيفز-اسكينول-بودرة جسم وككاو كيند بوينو غرااامي ووايد اغراض من الجمعية ما صورتها بعد

​

 

[كلي دلع!]

عواااااااااااااااااااااااافــــــــــــــــــــي

 

[F.A]

بالعافيه بنات
مايوتا تتهنين باغراضج ان شاء الله وايد حلوين
ليلاس عليج بمليون عافيه
رافينا أغراضج اتشوق ماشاء الله تتهنين فيهم
اسطوريه عليج بالعافيه النفنوف والنظاره وايد حلوه ملبوس العافيه ان شاء الله
بالعاااااااااااااااااااااااااااااااااافيه عالكل

 

[قوطي نيدو]

بالعااااااااافيه عليكم المشتروات

 

[ماريوتا]

عليج بالعافية


الاسعار خيال هههههههه يخلي اللي ما يبي يشتري يشتري :dddds: من49 لي 12 وااااو خصم 37 دينار


انا لما اشوف اشوف الليبل عليه اكثر من لزقة فيني فضول اني اشوف جم كان سعره :tomato2:

الله يعاافيج ..

اي والله حددهم .. ونفسي حتى انا اشييل واشووف جم كان وجم مره نزل لووووووووول

 

[Raveena]

بالعافيه رافينا

رافينا والكل الكل ..

بالعافيه يارب..

ووتتهنون فيهم يارب..

..

الله يعافيكم

 

[Raveena]

علييكم بالعاافيه بنااات

راافينا الطااوله مالت الابتوب من الكويت؟؟

و من اي محاميد خذيتي غراش العطر يشوقوووون ماشاء الله

اي من الكويت ريلي شراها لي من محلات الكمبيوتر اللي بحولي و في اكثر من نوع و كل نوع له سعر


محاميد اللي في مجمع بهبهاني (شرق)


غراش العطر من بو100 اللي بمجمع بهباني (شرق)