شلي يسبب الغيره بين حريم الحموان

[الراقيه 81]

السلام عليكم
اشلونكم كويتيات
بنات ابي تفاعلكم بلموضوع شنو اللي يسبب الغيره بين حريم الحموان ؟؟؟؟؟؟؟؟؟؟؟؟؟؟
يالله بشوف ردودكم ​

 

[شمووووع الليل]

لووول مادري اذا كنتي كاشخة وريلج يحبج وتسافرون وتطلعون اويمكن جي بدون سببب غيررررة بس لانكم حريم حمووووان

 

[بنكوووو]

مادري

 

[Muzza]

موضوعج حلووووووووووووووو

اللي يسبب الغيرا بين حريم الحمى

الشقه اذا كانت فخمه _ السفرات _ واذا كان ريلج مدلعج جدام الحموله ​

 

[زبدة ككاو]

رد : شلي يسبب الغيره بين حريم الحموان

لوووول احسن شي ضروري من الله
والله خوش موضوع

 

[brettey]

رد : شلي يسبب الغيره بين حريم الحموان

معامله الزوج يعني الصراحه الوحده ماتنلام اذا غارت من مرت حماها اذا شافت ان حماها مدلل زوجته وسفرات ولبس وطلعات ومريحها على الاخر وبالمقابل زوجها ميننها ونجره وهواش ومقصر معاها
وهم الحموله اذا فرقوا بين الجناين بشكل مبالغ فيه
بس مو معناه الغيره ان المره تضر مرت حماها وتاذيها خل تدعي لها بالبركه وتدعي ربها ان يرزقها ويعوضها
انا رفيجتي جمييييله بس مالها حظ مع الريل والحموله مع انها جسم ولبسها حلو يمكن مو ماركات غاليه بس لبسها حلو والجسم يساعد بس انها مو من مواخيذ حمولتها وماكانوا يبونها مع انها من نفس مذهبهم بس الريل اصر ياخذها لان عن حب وسنه دللها وعقب طلعت نذالته
والثاني اخذ وحده من مواخيذهم ومو حلوه وجسمها مو حلو بس فلوس وماركات ومدللينها ويحسبون لها الف حساب الريل والحموله
وقاعده وتحر رفيجتي بسفراتها لاوربا وامريكا ودبي وشرق اسيا وتفلسف بالماركات وحرب وضرب بينهم والسبب الغيره هذه بعد تغار من رفيجتي لان بالمناسبات رفيجتي الي تاكل الجو بجمالها ولبسها وكل الحريم يانين عليها
ورفيجتي مسكينه صار لها 10 سنين متزوجه وداها شهر عسل البحرين اسبوع وتوه صيف السنه الي طافت 2009 تكرم ووداها دبي وماليزيا وعقب نجره وهواش لانها كانت تبي ترفع دعوى طلاق لان كله يسافر مع ربعه ويخليها وغير خياناته واذيه الحموله فانقهرت وقررت ترفع عليه قضيه فسكتها بهالسفره وراضاها
والثانيه مدللة عالاخر اكيد بتصير الغيره

 

[درة أهل الطولات]

رد : شلي يسبب الغيره بين حريم الحموان

ما تغار من مرت حماها وتعدها شريجة لهاا الا اللي عقلها صغير

اهية عند زوجها والثانية عند زوجها

الغيرة مالها داعي

 

[فوفو22]

رد : شلي يسبب الغيره بين حريم الحموان

عدم الرضا

وهو صفة سيئة جدا

لانها ما تشوف الخير والنعمه اللي بين يدها

عينها على لقمه غيرها

فوفو

 

[روعه 99k]

رد : شلي يسبب الغيره بين حريم الحموان

يا حلو الموضوع
لي عوده

 

[غرشة عطر]

جمعت لج كذا شغله قريتها

جمالج هذا رقم واحد *_^
معاملة زوجج وحبه لج ودلعه حقج
سفراتج وياه
بيتج الفخم الكشخه اذا ماكان عندها بيت او ساكنه مع الحموله فتغار
كشختج هذي اهم شي (اناقتج)ومدح الناس وحمولتج لج جدامها لوووووول
سيارتج الجديده اذا انتي تسوقين
وحلات الوحده قنوعه بحياتها ولاتراقب العالم وتلتفت لنفسها ولعيالها يوووووه ياكثر الحريم اللي يراقبون بعض صج ناقصات عقل ودين الله لاتبلانا
ومرات الغيره بدون سبب بس جذي يغارون بس اللي تغار من مرت حماها ماعندها سالفه الثقه حلووه بنات

 

[*peace*]

عدل كلام فوفو

كله تبي تبي وتبي

وتفكيرها دايما فلانه سوت وليش انا موجذي شمعنى اهيا بشنو احسن مني

كله تفكيرها جذي

ووضعهم موعاجبها مهما يسوي زوجها

 

[جوك احلى جو]

جان زين بس بين حريم الحموان بس تعالي شوفي بالدوامات شلون الامراض النفسيه اللي علي اصولها اي مكان يجتمعون في حريم يصير مأساة كله حقد وحسد من عقد النقص للاسف استغفرالله فعلا تجمعات تسبب بلاوي

 

[انا مو هني]

رد : شلي يسبب الغيره بين حريم الحموان

شوفو بنات انا ماعندي مرت حمى
بس شي طبيعي كل وحدا تبي تكون الاحسن سوائن انتي مع اختج ولا انتي مع رفيجتج
ولا انتي مع مرت حماج ولا حتى مع ناس ماتعرفونهم
هاذي الانثى بس سالفه تحقد على اختها ولا صديقتها ولا مرت حماتها احس غلط
يعني شذنبهم اهما
انتي عدلي من نفسج وعدلي زوجج
ورتبي بتج
وعتني بكل شي واختبي بالمناسبات وبتصيرين التوب

 

[bnt_7waa]

يعني من كلامكم يل متزوجات انكم اتشوفون الظاهر بس ماتدرون شنو الي بينهم


فليش الغيره

يعني محد كامل بصراحه !!

 

[$$ داجـــه $$]

بدايتهااا معامله الخاله للجنه وعيالها خاصه اذا كانت الخاله ماتواطن الجنه الثانيه فهني بتصيرر الحرب ):

 

[الراقيه 81]

كملوا ابي تفاعلكم

​

 

[نغم الخلود]

والله وحدة من حريم حمواني ماتحبني من اول مادخلت البيت وهي ماتحبني مدري ليه تخيلو تعزم كل حريم حمواني بشقتها وانا لا واذا شافتني عادي معاي بس ادري انها ماتحبني مع انها احسن مني بكل شي بس الشي الوحيد الاحسن منها وبشهادة الكل اني احلي منها واكشخ حتي حمواتي ياخذون ذوقي قدامها وهي لا يمكن هذي الشغلة اللي مجننتها

 

[حرم_طيار]

رد : شلي يسبب الغيره بين حريم الحموان

طريقه معامله الخاله
اذا كنت اتميز ولد عن ولد بالحب و الحنان و الدلع الزايد و اتحب اعياله اكثر
اكيد الجنه الثانيه بتغار

 

[لمسه حزن]

رد : شلي يسبب الغيره بين حريم الحموان

لو كل وحده تقتنع

بالي ربي قسمه لها من زوج

وحياه

مايصير في غيره

 

[الراقيه 81]

انزين وإذا الغيره من غير سبب اشبتسوون ملييييييييييييت