شلوون نقدر نحس بالامان مع الزوج؟؟؟؟؟

[7oorq8]

السلام عليكم،،


شلون نوصل لمرحلة الامان مع الزوج؟؟؟

ماني قادرة أحس بالشي هذا، ولا لحظة تمر علي أحس فيها بالامان

يمكن من كثر ما قريت مشاكل بالقسم تعقدت وااايد،

شسوي؟ شنو الحل؟؟

والله يجزاكم كل خير يا رب

 

[للزين هيبه]

اهليــن
الاماان شلوون من اي ناحيه
وضحي..؟؟؟؟

 

[احب المنتدى]

رد : رد: شلوون نقدر نحس بالامان مع الزوج؟؟؟؟؟

اهليــن
الاماان شلوون من اي ناحيه
وضحي..؟؟؟؟

انا معااااااااهاااااااااااا:d

 

[اشتياق]

اللي يأمن للرجاله يأمن للميا في الغربال لوووووووووووول

 

[7oorq8]

مشكورين لسرعة الردود،،

أنا قصدي شلون أحس انه يحبني بصدق وما راح يشووف غيري؟؟؟

بصراحة دايما أحاتي انه يخووني، اهو وايد يطالع الحريم ويفكر بسوالف الحريم، ويحب سوالف أمه وخواته عن الأمور النسائية، وعن حريم العايلة وحدة وحدة،،

حتى ربعة بس يفكر كل واحد ومرته شلون صايرة ولا شلون تعامله،،

وأحسه يغير من الرياييل المستانسين مع حريمهم،، مادري وايد أشياء،

يعني مرة راجع من السوق يقولي تصدقين ولا وحدة اليوم حلوة وانت شكو بالناس،،

يعني أحس مافيه ثقة بنفسه ولا بالي عنده أبد،،

وبعدين وااايد يحب يلفت نظر الحرييم أي وحدة بالشارع، بالمستشفى بالجمعية،، قمت افتشل والله،،

وتعبت من الزعل لأنه ما يحس انه قاعد يسوي شي بالاساس

قولولي، هذي أول مرة أفضفض حق أحد بحياتي كلها،،

والله يسخر لكم ويهديلكم كل احبابكم يا رب،،

 

[لجين]

رد : شلوون نقدر نحس بالامان مع الزوج؟؟؟؟؟

اي والله صاجه الحين انا متزوجه صارلي سنة و3 شهور

ما احس بالامان معاه او هو ما يحسسني بالامان ..

^_*

 

[لجين]

رد : شلوون نقدر نحس بالامان مع الزوج؟؟؟؟؟

وبعدين وااايد يحب يلفت نظر الحرييم أي وحدة بالشارع،

نفس حركات زوجي بالضبط

يعني اذا شاف حريم .. يناديني ويقولي يالله شنو تبين

تعالي ويمسك ايديني ومدري شنو ؟؟

ولما يكون المكان فاضي قاطني ورى ظهره شكووووووووو؟؟

 

[دكان الفريج]

الله يعينج عليه عيونه زايقه

 

[Tosta M7mSha]

حبيبتي اول شي بعدي عن قراية المشاكل الي تييب الهم والغم عشان ما تتعقدين وتحاتين وتوسوسين
ثاني شي دايما ادعي (اللهم ملكني قلب زوجي اللهم اجعلني قرة عين زوجي) والادعيه وايد ولا تقصرين بحق ربج ولا بحق زوجج
ثالث شي انتي قلتي كلمة احساس الاحساس ما ايي بدون شي يعني اشلون افهمج .. قوي احساسج اشوي اكيد انتي ادرى بريلج ممكن عليه حركات خلتج تحسين هالشعور .. واذا شفتي منه شي ضايقج ياختي كلميه وقفيه عند حده شوفي الاسلوب الي يمشي مع طبيعته اذا مافي قصور من ناحيتج يمكن خلل فيه اهوه عاد اشلون تعالجينه؟ عندج طرق واايد..
اما بالمواجهة ان شي يضايقج
اما بالنغزات
اما وحده بوحده
اما الترهيب والتهديد والوعييييد (قويه ها )
واذا ما نفع شي مالج الا الدعااااء
وعسى الله يهدي سركم ويسخره لج ولا يشوف غيرج ابد

 

[najdeya]

هالنوعيه من الريايل ما عندها ثقه بنفسها عشان جذي يحب يلفت الانتباه

و الحل بسيط انتي تفخيييييييييييييه!! سويه جنه ماكو مثله ... تغزلي فيه ... و بين الغزل قطيله جم نغره " ترى محد يعرفلك غيري"

و صيري ذكيه ترى الريال ما يحب المره الساذجه بكل شي يحبها تكون متجدده, مرحه,.... الخ

يحبها ذكيه ياشياء و في اشياء معينه يحب يكون احسن منها ... يعني ساعات خليه يفرد عضلاته عليج شوي

هو شكله وايد مشغول بلفت انتباه الحريم

الحل انج تشغلينه بلفت انتباهج يعني غيري اسلوبج معاه فجاة صيري وحده ثانيه بس طبعا للاحسن

هو بتصير فيه لقافه هذي شفيها؟؟ يعني راح يركز معاج اكثر

عقبها عطيه الاهتمام و الثقه بالنفس بكلامج و تصرفاتج اللي تغنيه ان يشوف غيرج

اتمنى اكون وضحت الفكره

ترى المسأله سهله اي مشكله لازم تستوعيبين شنو العيب او الخلل بالموضوع و تالي تصلحينه

يعني حتى لو لبستي و كشختي اذا ما حليتي مشكلة ثقته بنفسه ماكو فايده

اسفه طولت عليج ... اتمنى اكون فدتج

و عسى الله يسخره لج و يدوم المحبه بينكم

 

[noorq8]

ياعمري ماعقب بيت الابو أمااااان ,طالما انتي ببيت أهلج فانتي بأمان وبببيت الرجل أمانج فلوسج حتى عيال بطنج مالهم أماااان جذيه علمتنا الدنيا .والرسول عليه الصلاة والسلام يقول اللهم اجعل أوسع رزقي عند كبر سني ........ليش برايج ماقال بشبابي ؟؟
بحثي وتعلمي الحياة من السنه وربي يوفقج ولا أحد يقص عليج عليج يقول لج الرجل وراه أمان .ماله أمان لين يتوسد يمناه بقبره.
هذا رأيي وجذيه تعلمنا من قصص الدنيا.

 

[دانة الدنيا1]

ماشاءالله عليج يانجديه كفيتي ووفيتي صراحه كلامج عجيييب وفعلا حتى انا استفدت وفعلا الريال كل فتره طلعيله بفنتق جديد خليه دايما يسأل ليش تغيرت شفيها لللاحسن طبعا وفجأه صيري عاديه يعني عقب ماتعطينه جرعات حب وغرام وشخلعه فجأه خففي منها لكن بطلووو اهمال وحقران خليج معاه مو معاه انا معاهم ومش معاهم ههههههه وبعدين المشكله مو فيه فيج انتي لازم يكون عندج ثقه بنفسج حبج ماحبج كفايه انتي تحبين نفسج وتدلعينها لاتنطرين الحب من احد لو من اهلج اذا بنقعد نحاتي طلع خان شاف غازل بنموت ولو ماكان صاير هالشي بيصير من كثر مانحن انا اكثر منكم لكن دايما اقول والله محد لا انا ولا غيري بيقدر يوقفه عن هالخرابيط الا ربي سبحانه فألجأ له بالدعاء والاستغفار بنية انه يصده عن الخرابيط ماكو ريال بالدنيا لا خليجي لا عربي لا اروربي كلللللللهم من طينه وحده يبصبصون ويخربطون ونزوات لانحمل الكويتيين والا الخليجيين بس هالغلط لكن الذكيه والشاطره اللي تمنع نفسها من التفكير بهالشي على قولة المثل الصيني ماتفكر به هو ماسيحصل لك
وموفقه ان شاءالله

 

[اميره1980]

ما ادري و الله
الرياييل ما يترس عينهم شي

 

[رحيل المرافيء]

رد : شلوون نقدر نحس بالامان مع الزوج؟؟؟؟؟

طبيعي الريال يطالع شي طبيعي
كل الرياييل يطالعون حتى الصحابة كانوا يطالعون
واظن علي بن ابي طالب قايل هالمقولة النظرة الاولى لك والثانية عليك ولها كمالة المقولة بس ناسيتهاا
هذا طبع الرجل
واذا توج متزوجة طبيعي ماتحسين بالامان الا بعد مرور فترة من الزواج

 

[najdeya]

ماشاءالله عليج يانجديه كفيتي ووفيتي صراحه كلامج عجيييب وفعلا حتى انا استفدت وفعلا الريال كل فتره طلعيله بفنتق جديد خليه دايما يسأل ليش تغيرت شفيها لللاحسن طبعا وفجأه صيري عاديه يعني عقب ماتعطينه جرعات حب وغرام وشخلعه فجأه خففي منها لكن بطلووو اهمال وحقران خليج معاه مو معاه انا معاهم ومش معاهم ههههههه وبعدين المشكله مو فيه فيج انتي لازم يكون عندج ثقه بنفسج حبج ماحبج كفايه انتي تحبين نفسج وتدلعينها لاتنطرين الحب من احد لو من اهلج اذا بنقعد نحاتي طلع خان شاف غازل بنموت ولو ماكان صاير هالشي بيصير من كثر مانحن انا اكثر منكم لكن دايما اقول والله محد لا انا ولا غيري بيقدر يوقفه عن هالخرابيط الا ربي سبحانه فألجأ له بالدعاء والاستغفار بنية انه يصده عن الخرابيط ماكو ريال بالدنيا لا خليجي لا عربي لا اروربي كلللللللهم من طينه وحده يبصبصون ويخربطون ونزوات لانحمل الكويتيين والا الخليجيين بس هالغلط لكن الذكيه والشاطره اللي تمنع نفسها من التفكير بهالشي على قولة المثل الصيني ماتفكر به هو ماسيحصل لك
وموفقه ان شاءالله

حبيبتي والله عسى الله يوفقج و يهنيج و يكتب لج اللي فيه الخير و الصالح لج و لكل عزيز عليج

و اتفق معاج 100%

 

[روحي تحبه غصب]

حبيبتي اول شي بعدي عن قراية المشاكل الي تييب الهم والغم عشان ما تتعقدين وتحاتين وتوسوسين
ثاني شي دايما ادعي (اللهم ملكني قلب زوجي اللهم اجعلني قرة عين زوجي) والادعيه وايد ولا تقصرين بحق ربج ولا بحق زوجج
ثالث شي انتي قلتي كلمة احساس الاحساس ما ايي بدون شي يعني اشلون افهمج .. قوي احساسج اشوي اكيد انتي ادرى بريلج ممكن عليه حركات خلتج تحسين هالشعور .. واذا شفتي منه شي ضايقج ياختي كلميه وقفيه عند حده شوفي الاسلوب الي يمشي مع طبيعته اذا مافي قصور من ناحيتج يمكن خلل فيه اهوه عاد اشلون تعالجينه؟ عندج طرق واايد..
اما بالمواجهة ان شي يضايقج
اما بالنغزات
اما وحده بوحده
اما الترهيب والتهديد والوعييييد (قويه ها )
واذا ما نفع شي مالج الا الدعااااء
وعسى الله يهدي سركم ويسخره لج ولا يشوف غيرج ابد

:eh_s(15)::eh_s(15)::eh_s(15):

 

[ماكنتوشة***]

الله يسخره لج
ونصيحه لاتجعلين اكبر همج الزوج ......هذا طبعه ماراح يتغير !!!!!!
من ترك شي لله ....عوضه الله خيرا" منه
ومن ترك هالدنيا ومفاتنها ....اتته طائعه
لاتفكرين ......وصدقيني بتحسين بتغير وعليج بالدعاء

 

[انا مو هني]

ديري بالج على بيتج وعيالج وزوجج لا تقصرين معاه وتعيشين بالامان

 

[برد ابو الذهب]

:stars::stars::stars::stars:

ياعمري ماعقب بيت الابو أمااااان ,طالما انتي ببيت أهلج فانتي بأمان وبببيت الرجل أمانج فلوسج حتى عيال بطنج مالهم أماااان جذيه علمتنا الدنيا .والرسول عليه الصلاة والسلام يقول اللهم اجعل أوسع رزقي عند كبر سني ........ليش برايج ماقال بشبابي ؟؟
بحثي وتعلمي الحياة من السنه وربي يوفقج ولا أحد يقص عليج عليج يقول لج الرجل وراه أمان .ماله أمان لين يتوسد يمناه بقبره.
هذا رأيي وجذيه تعلمنا من قصص الدنيا.

والله انها صاجه وكلامها 100% تسلم ايدج بس على هالرد

 

[7oorq8]

السلام عليكم

مشكورين كلكم على الردود العسل،،

والله يوفقها ويعطيها الصحة والعافية كل اللي ردوا علي وحدة وحدة

بس أنا انسان وانجرح لمن أحس انه يتشيحط بس يبي الحريم يشووفنه
انزين سؤال: هل زين ان الوحدة تدقر ريلها؟؟

يعني توريه عيووبه؟؟ أو تقوله ترى حركاتك واضحة ولا لأ؟؟؟؟