بنات شنو نصائحكم للحياة الزوجية بشكل عام شنو سمعتوا شنو علموكم خل نتشارك
اول شي في قاعده لازم تحطينها على قولهم مثل الترجيه باذونج
زوجج على ماتعوديه وابنك على ماتربيه
اوكي حلو المرا تدلع ريلها وتقول حاضر وان شاء الله وتكون الحمل الوديع بس مو بكل شي
اي شي من واجبات الزوج لازم الزوج اهوا الي يتكفل فيها بس مايمنع مره كل جم شهر تكسرين هالقاعده
مثلا الجمعيه لازم تخلون الجمعيه شي اهوا يسويه او شي مشترك بينكم وتروحون مع بعض مو انتي بروحج
وهم لازم المرا نفس ما الزوج يبي واجبات وحقوق لازم الزوج بعد يعرف هالشي ان المرا لها حقوق وواجبات مثلا يصرف عليها بالي يقدر عليه .. يقدر كيانها وان اهيا انسانه مو شي عابر بالحياه
يعني على قولتهم لا تخلين الزوج اهوا الي سعادتج مبنيه عليه امم يعني وايد تشوفين حريم دافنه نفسها بالحيا علشان اسرتها سواء زوج او عيال ولا تقصون على نفسكم وتقولون مرتاحين
اي شي يصير فيج اوفر والسبه اهوا صارحيه احلى شي المصارحه بس طبعا تكون بهدوء وبدون صراخ وبجو رايق
لا تستحين منه طبعا مو معناته الانسان يقلب ويصير وقح على ابو مايستحي
اقصد عامه بالحياه مو اشياء معينه مثلا محتاجه شي او في شي صاير يعني قوليله
التقدير ولازم من الطرفين اهوا لازم يقدر الي تسوينه له وانتي تقدرين الي يسويه لج سواء باالكلام او بهديه او بفعل
وهم قدري الاشياء البسيطه وهم عوديه يقدر الاشياء البسيطه .. ورد .. كلمه شكر .. مسحه عالراس
عوديه يحب شغلات ماتصير الا منج انتي علشان اذا ابتعد عنج يحس بمكانج مثلا طقوس معينه لاي شي
وارد واعيد نقطه لا تعاملينه بحب اوفر ههههه ولا تعودينه تدلعينه اوفر
هههههه يا ناس خليكم طبيعيين
عموما لا تشدون الحبل حيل ولا ترخونه حيل تخيليه جنه حبل مربوط فيج وفيه اذا اهوا شده او انتي شديتيه بتعورون بعض واذا انتي رخيتي او اهوا رخى مراح تحسون في بعض بس اذا كان الحبل مستقيم بدون شد بتحسون بوجود بعض واتحسون بعض
هم لازم تخلين له على قولتهم فسحته الخاصه بالحياه ماتتدخلين فيها وتخلينه ينعزل عنج كل فتره وفتره
وهم نفس الشي الريال لازم يعطي المرا فسحتها الخاصه
يعني بشكل ابسط مره مثلا كل اسبوعين تطلعين بروحج واهوا يطلع بروحه لان ترا كثر الدق وكثره المجابل تطفي شراره الحياه
هم لازم يعرف ان لج خصوصيات مايتدخل فيها الا بامرج ونفس الشي انتي لازم تسوينه معاه
مثلا: حساب البنك محد له دخل بحساب الثاني جم عنده فلوس جم عندج فلوس لازم ماتتدخلون بالشي هذا او مشاكل في بيتكم مشاكل في بيته هم لازم محد يتدخل الا اذا الطرف الثاني كان يبي حلول من الطرف الاول
ايييييييي اهم شي التقدير الذاتي شنو يعني تقدير ذاتي انا اقولج يعني لا تقولين عن نفسج شي سلبي جدامه
مثال:
جسمي مو حلو مابي البس جذي لااااا لبسي وسوي طبعا بالاول اذا انتي مقتنعه لا تسوين شي غصب عنج
مثلا ركبج سود عادي لبسي قصير ومدحي ركبج هههههه والله جد
طبعا متنتي ضعفتي اي شي صار لا تحلطمين جدامه لا تتحلطمين جدامه
وهم لا تقولين جدامه فلانه لبسها حلو فلانه جسمها حلو فلانه سوت فلانه حطت .. الخ
لان الريال خياله واااسع الى افق السماء فراح يقعد ليل ونهار يحلم بفلانه ويكشت فيج
حتى الممثلات لا تقولين جدامه واااي جسمها احلى من جسمي شعرها يهبل
لان بالطريقه هذي الريال اذا ماكان فاطن بعيوبج بيفطن فيها وممكن تصير رده فعل عكسيه ويكرهج
جد والله وايد رياييل جذي
هم لا تعودينه تكونين لابسه وكاشخه 24 ساعه وبليز الي بعلقون علي لا تقولون عروس ولازم تكشخ اوكي تكشخ وتبدل بالمعقول مو 24 ساعه
خلج جريىه بالمعقول ... خلج دلوعه بالمعقول ... زعلي بالمعقول ... عصبي بالمعقول
لا تخلين تصرفاتج اوفر
وشنو بعد اممم هذا الي في بالي حاليا ووو بس
الله يسخركم لبعض ويهدي سركم ويجملكم بعيون بعض ويستر علينا وعليكم :eh_s(17):
