شلون نفسيتج ياعروس ^^تعالي فضفضي لنا

[Gorgeous ~]

السلام عليكم والرحمه


شلونكم عرايسنا ؟ ان شاء الله بخير وسهاله
طبعا ادري محتاسين ومن سوق لين سوق ومن مجمع لين مجمع :eh_s(1):

تعب وحر ولوعة جبد والحمدالله على كل حال :eh_s(17):
وهاذا غير النفسسيه

شعور بالانعزال عن العالم وان محد يفهمج وشويه تكتمين بقلبج وممكن بكاء بدون سبب ؟:eh_s(1):
او حاله غضب اذا اخترب شي لاسمح الله وخوف وترقب :eh_s(22):

وطبعا اكيد وسوسه وقلق وهالشي محد يقدر ينكره هههه او نسيان بعض الامور :eh_s(17):
وغير ان كل اللي حولج مستانسين وفرحانين وانتي تفكريين وتضيعين مع نفسج هههه

*

طبعا انا وايد احب احرص على راحتي ك عرووس وراحتكم
ف قلت افتح هالموضوع عشان نسسمع بعضنا بعيد عن التجهيز واللويه والخلطآت

وياليت كل وحده تذكرلنا كم باقي على عرسهآ , وشو احساسها وكيف تقضي يومهآ
واذا عندها مشكله راح نسآعدهآ بإذن الله :eh_s(7):

احبكم عروسآت :eh_s(22):

 

[أمورته]

حبيبتي مشكوره ع موضوع ..
انا حاليا كله قاعد انسى ومافكر بالعرس بس افكر بالتجهيز هههههههه
حتى العنايه لج عليها مو ذاك الزود بس افكر بالجهاز مدري ليش وخايفه انسى شي ..
اذا فكرت بالعرس اخاف شعور يخرع بس الحلو اني احاول انسى
عرسي بعد العيد باذن الله مباشره والله يتمم لي ع خير ولكل من قال امين لج بالمثل

 

[لوزين]

آمييييين يارب

الله يتمم لنا كلنا بخير يارب ويوفقنا يارب


انا عرسي مابقى عليه شي ومابي اذكر جم باقي بالضبط من الخووووف:eh_s(2):
التاريخ موجود بالتوقيع


حاليا حايشني تبلد من ناحية الاهتمام بنفسي ومسيطر علي الخوف والمحاتاه:eh_s(2):
والله يتمم لنا على خير يارب ويوفقنا اجمعين ويرزق العزابيات يارررب

 

[lulu_q88]

ياحياتي الله يوفق كل العرايس

لوول انا باقيلي ٣ شششهور ومو حاسه باي شي للحين ولا خايفه ولا احاتي شي كلش

يمكن لان تو بدري

 

[سور المدينه]

انا زواجي 13/8
باقي لي شهر
وحدي متوترة واحاتي وخايفه
مابعد اخلص اغراضي
ومحتاسة رمضان وضغط وشغل

حتى النوم مو قادرة انام
انا احاتي استقبال الناس ودخلة الصالة
و....

 

[عروسة اكتوبر]

انا عرسي 10/27 ان شاء الله حاليا موقفه تسوق لين بعد رمضان ان شاء الله ومستمره بالعناية بنفسي وجلسات الليزر الوضع عندي عادي بس افكر شوي في بدل الاستقبال بس مأجله موضوعخا لين بعد العيد ان شاء الله

 

[Gorgeous ~]

لوزين

انتي قبلي بجم يوم لووول وهم سور المدينه

انا عن نفسي من دشيت الشهر الاخير والتفكير مايخليني حدي تعبت =(

 

[نور الضي]

باقي علي عرسي اقل من شهرين
العنايه نص نص
والتجهيز موقفته
ماكو وقت كلش

 

[لوزين]

احس اني بنسى شي مهم الله يستر هالشعور حيل مسيطر علي!!

 

[عروسة اكتوبر]

والله بنات من أقرا تعليقاتكم اخترع ههههههههه

 

[لوزين]

والله بنات من أقرا تعليقاتكم اخترع ههههههههه

إن شاءالله عقب هالخووف والخرعه يطلع كل شي مثل مانبي يارب
امي تقول هذا شعور طبيعي وعادي وعقب بتضحكين على عمرج من هالخوف اللي ماله داعي



انا حاليا بصراع مع الزمن واحاول اخلص الشغلات الباقيه
الله يسهل لي ولكم ويتمم لنا على خير يارب

 

[منـآل]

-


عرسي ثاني العيد :eh_s(2):
خوف توتر قلق أرق وصايره أم دميعه بزياده
أيّ كلمه أتحسس منها , وعصبيتي زايده وأحس إني طول الوقت متنرفزه وخايفه
هذا غير النسيان والسرحان أووف أحس وضعي مأساوي
ويمكن السبب بعد بهالأمور مو لأن العرس قرب
بعد لأن باقي لي أغراض شكثثثر ماخلصتها الله يعين يارب ويسهلها عليّ وعليكم
أحاول أشطب أموري قبل 15 رمضان عالأقل أقضي باقي الوقت براحه ويكون بس للصالون
مع اني احس حتى بآخر يوم برمضان بكون بالسوق
توي من يومين حجزت دخلتي والمسكه للحين

وشلون أقضي يومي غالباً انام بعد صلاة الفجر
والصبح هاليومين مراكض اخلص اوراقي حق تقديمي عالجامعه
وبعد الفطور طيران عالسوق

يارب بعد كل هالتوتر والتعب وعوار البطن لما نشوف التاريخ
يطلع كل شي مثل مانبي وأحلى ياااارب

 

[سحــابه]

وايد متوتره وتجهيزات لزهاب مااتوقعت اقول هالكلمة كرهت السوق

اخاف انسى شيء ومتوتره من اول يوم وكيف بفارق اهلي وبروح مع ريال غريب

واشياء ثانيه><

 

[al_sheikha]

النفسيه صفررر وللحين ماخلصت باقي لي واااااايد شغلات :eh_s(2):

وطبعااا ححدي متوترة احاول انسى والتهي مع التجهيز :eh_s(4):

الله يعينا يارب ويوفقنا :eh_s(22):

 

[ايمان7]

عسى ربي يتمم عليكن يابنات
ريلاااااااكس وكل وحدة فيكن ياعراايس تاخذ نفس عميق وتريح أعصابها
الليلة بتكون ليلتج أنتي وياه وبس
اتركي الخوف والقلق على جنب.. وحاولي تعيدين احسابج وتشوفين شنو ناقصج
كتبيه بورقة وخلصي الوضوع أول بأول
أهم شي يكون جاهز :
نفنوف العرس والمسكة ولوازم أول يوم أو شهر إذا بتسافرون شهر العسل وشغلات العرس
الباقي مقدور عليهم
اعتذر داخله عرض لأني ماني عروس بس حبيت أشارككن هاللحظات وأدعيلكن :
عسى الله يتمم على كل وحدة ويسخرلها زوجها وتمشي الامور مثل ماتبون وأحسن
اللهم آمين ​

 

[Gorgeous ~]

يسعدني توآجدكم =)


انا عن نفسي كتبت كل اللي ابيه بالجلاكسي نوت وكلما خلصت شي شطبت عليه
وايد ارتحت على هاذي الطريقه

وهالموضوعين حيل فادوني من ناحيه الاغراض

http://www.q8yat.com/t837219.html

http://www.q8yat.com/t808301.html

والحين ودي ابدي الصالون حمام مغربي ومساج بس الدوره مو راضيه تروح كلش
حيل متلخبطه عندي ولا سرت اتعالج

 

[خلان الاشده]

انا باقي ع عرسي شهر و10 ايام واحاتي تعبت من تفكير الله يعين ويسر امورنا

 

[RORO_13]

انا عرسي مطول بس افكر بشي واحد
اني لضعف قبل عرسي ):

 

[لوزين]

عرسي قرب بس عااادي عاااادي :eh_s(2):

 

[كنـده]

ذكرتوني بنفسي قبل سنه بس انا كان فيني برود ماكنت افكر سبحان الله كل شي سهالات ترى العرس مايخوف ههههه
الله يوفجكم ان شاءالله ويتمم عليكم فرحكم اهم شي لاتفكروون خلي كل شي بوقته