شلون ارد الثقه بزوجى الملتزم ؟؟!!

[بدون هويه]

موكل من ربى اللحيه وقصر الثوب يعني ملتزم ومايغلط

بعضهم يحطون اللحيه ديكور يخفون فيه باطنهم:denya:

بس ياختي سامحيه وتقاضي كلن يغلط غفري له هالمره

وبيني له لوعادها مره ثانيه ماراح تسامحينه..!!<<هدديه عشان يخاف ويقدرك:eh_s(4):

وماعليه صبري ومسكي بيتك وادعي له بالهدايه والصلاح

ربي يجمع بينكم بخير ويسخره لج ويصلح مابينكم يارب

دعواتي لك بالتووووووووفيق

مشكوره على الدعوه الطيبه والله ينعم علينا بالنسيان

 

[بدون هويه]

الله يعينج اسوء شي الجذب و النفاق جذي!!!!
و المشكله ان ملتزم و يدعي الدين
حبيبتي الدين مو تقصير دشداشه و تطويل لحيه الدين و الالتزام اكبر من جذي
انا اقول ريحي بالج ولا تراقبينه لان دام حلف عالقرأن و ما تغير شي و للحين يطالع و يخز عيل ماكو شي بيغيره الا اذا اهوه يبي يتغير
اهم شي ان ما يخونج ولا الخز مقدور عليه

هذا اللى مو مخلينى انسى ليما الحين ما تغير يخز و لما اتذكر انه ملتزم ومربي اللحيه وحدث على طول حرام وحلال انا احاول امشى حياتى ابي شي يساعدنى ارد الثقه فيه والحمدلله استفدت من كم كلمه اكتبوها البنات هنى والله يمسح على قلوبنا بالغفران

 

[بدون هويه]

لوسمحتو ..
انتبهولي شوي ...

كلكم على العين والراس ورايكم طيب ..

بس لاننسى صاحبة الموضوع .. المره اكتبت مشكلتها تبغا الفزعه بالراي الطيب ونخفف عنها مصابها ..

اختي الغالية صاحبة المشكله ...

ارجو منج تنسين اللي صار وتهتمين بروحج .. خلاص تكفين ديري بالج على نفسج الرجال غلط واعتذر عن خطاه

والرب سبحانه يسامح احنا البشر مانسامح ؟؟ انا ادري ان الشي الي صار يقهرررر بس لاتقهرين عمرج خلاص

قولي حسبنا الله ونعم الوكيل ... انتي تقولين شكلج اصغررر من عمرج بس والله لوتقعدين اسبوع واحد تفكرين بالسالفه ليل

ونهار راح تكبرين اكثر وشكلج راح يتاثر ... غير الامراض النفسية الي راح تحوشج عسى ربي يبعدج عنها ...

تكفين انسي الي صار ورجعي الثقه بزوجج بس بحذر واقصد بحذر يعني تصيرين ذكيه وماتبينين غيرتج خليه يخاف

من ردة فعلج المخفية ..

وان رحنا وجينا هذا ابو وليدج الغالي ... امحي زلته لوجه ولدج ...

ويااااااااجعل ربي يقوي قلبج وايمانج ياااارب ...

وانا تحت امرج اواسيج .. واصبرج لين اتعدين المرحلة ...

اسعدنى مرورك وافرحنى كلامك الطيب بالذات لما كتبتي (( تكفين )) تصدقين انى ضحكت ونسيت همى حسيت انا هنى نخاف على بعض وانتى تترجين انى انسى الله يجعلها فى ميزان اعمالك صج اسعدنى مرورك

 

[بدون هويه]

يعني رلي دشدااشته مو قصيره بتقنعيني ربج مايشووفه ؟؟

اوكي هذي مو مشكلتنا

الحين انا ما ألوومج بلي تسوينه

بس حبيبتي عطيه فرصه ثانيه
ثقيه فيه بالعكس بينيله علشان ريلج يعجب بشخصيتج ومايخونج ابد ولا يفكر اصلا

كل ما دقرتيه واسلووبج معاه زفت صدقيني الريال راااح يمل

وطق جبده ويتنرفز يقول لي متي زوجتي جذي بتعاملني


قصتدرين منو قالى جذى زوجى الملتزم دايم يقول انا مقصره الدشداشه عشان ينظر لي الله سبحانه وتعالى قلت له اهو امر من الله سبحانه فى حديث يعنى قال اى امر من الله ان الرجل تكون دشداشته تكون قصيره شوي فوق كعب الرجل 00 والله خير العاملين
انتى صح احس انه يمل لما يشوف تعابير ويههى متضايقه مع انى اكلمه عادى بس يقول احس بداخلك شي مشكوره على المرور

 

[++The DuchesS++]

الله يهديه لج يارب

 

[blue star]

عزيزتي.....

زوجج احوج ما يكون لج في هذه المحنة

زوجج الله ابتلاه بهذا الشي و اهو المتضرر من هذا الشي بالدرجة الاولى

و صدقيني اهو متضرر اكثر منج لان هذا الشي بينه و بين ربه اذا غلط ربه يحاسبه مو انتي

و انصحج تبتعدين عن عواطفج شوي مع انها صعبة و تدرسين حالة ريلج بعقلانية

و اتحطين لج برنامج تمشين عليه الى ان يتحقق هدفج من البرنامج

ممكن هذا الشي مثل ما ذكرتي مستمر معاه من فترة طويلة يعني صعب يتغير بين يوم و ليله

الا اذا كان ريلج صاحب قرار و عقلاني

اما اذا كان عاطفي فانتي لازم اتساعدينه يتجاوز محنته

لا تقولين ما اقدر اثق بزوجي مرة ثانية اعتبري زوجج ضحية او اعتبريه مريض و انتي دكتورة تبين اتعالجينه

مو قاضية تحكمين عليه من تصرفاته او شكله


وانا اختج و اقترح عليج باتباع البرنامج التالي و البرنامج قابل للتعديل على حسب احتياجج (انتي بحاجة الى افعال )

1- الدعاء ثم الدعاء

2- حاولي انج اتسامحينه و تعطينه من الكلام اللين الحلو علشان ما اتخلين له مجال يقارن و يقول مرتي نكدية و اللي اكلمهم كلامهم ...................

3- حاولي ترسلين له مسجات رومانسية و غزلية عالاقل مرة باليوم خاصة اذا كان عاطفي.

4- حاولي تشغلين وقته خاصة الوقت اللي تحسين انه عايش في فراغ (اقترحي عليه مثلا دوام اضافي) (او خل يحضر

دروس او يتطوع مع لجان دام اهو يحب الالتزام بس مو قادر على نفسه)

5- اذا كان عنده ربع زينين و ديوانية, حثيه و ذكريه انه يروح لهم و يقضي وقته معاهم (شي احسن من شي)

6- و حاولي انه ولدج يكون بعيد عن السالفة لا يدري بالموضوع

7- إلتفتي لنفسج و شوفي مطالب نفسج و صدي عن ريلج و افعاله و لا تتحسسينه انج اتحاولين اتصيدين عليه شي

8- اذا عندج هواية شغلي نفسج فيها علشان تكبرين بعين ريلج و يحس انج اتحبين نفسج فيركض وراج بدل ما يركض ورا.......

9- اذا بتروحين اماكن عامة مع زوجج حاولي اتنقين الاوقات اللي ما يكون فيها السوق مزدحم (مثلا الصبح او اوقات الدوامات)

10- اخيرا و ليس اخرا اذا ريلج علق على وحده, افترضي فيه حسن النية و حاولي اعرفين شنو اللي لفت نظره ممكن اهو يحب شي معين فانتي اولى من غيرج ان ريلج يلتفت لج

11- لا تخلين الناس همج (شنو بقولون عن ريلج) بل فكري بأسرتج و اشلون اترجعين الامور الى نصابها

و الله يهون عليج و يصفي قلبج

و الكلام اسهل من الافعال

لكن العبد يبذل الاسباب و يترك النتايج على الله


و ثقي بالله و ما فيه شي مستحيل,

و ان شاء الله تفرحين و تفرحينا برجعة ريلج الى صوابه قولي امين

 

[G!RLooNa]

سوري بس ريلج شكله من اللي يحطون اللحيه ديكور !!

و وايد مثله للأسف

 

[G!RLooNa]

عموما الله يهديه

 

[Deeda]

قبل شهر كان في محاضرة للدكتور طارق الحبيب بعنوان " حتى اذا بلغ اشده وبلغ الاربعين "

قدمها في مؤتمر الدكتور طارق السويدان "نظرات عصرية في السيرة النبوية

وايد وايد راح تفيدج ... كانت تتكلم عن التغيرات النفسية اللي تصير للرجل و المرأة بعد سن الاربعين
و وضح فيها ليش الريال يتغير عقب هالعمر و شلون تتعاملين معاه ،، و بين ان هذا العمر حساس وله تعامل خاص

و بين شلون لازم الوحدة تتعامل مع الريال الاربعيني لما يصير مراهق مرة ثانية


نصيحتي لج .. لا تسمعين كلام البنات اهني ،، اغلبنا صغار و نتكلم عن تجاربنا مع فكر الشباب
دوري على ايميل د<طارق الحبيب ،،، صاحب مركز مطمئنة في السعودية

آو حاولي تسوين بحث في الانترنت عن هالمحاضرة بالذات سواء بحث في قوقل ولا يو تيوب

و الله معاج

 

[Deeda]

"" عودة ""


بحثت في النوت عندي عن شي ممكن يساعدج لقيت هالمعلومات بكتبها و يمكن فيها اللي يمكن يفيدج


الخصائص المميزة في سن الاربعين
- الاحساس بالخيبة جراء مرور الزمن بسرعة و رتابة الحياة اليومية هذا الشعور غالبا يؤدي الى اكتئاب
- الاحساس بالارتهان الى مصير محدد.. يتجلى في اعمال ينبغي القيام بها و لذا غالبا ما يشعر الزوجان بأنهما يعيشان في حجرة زجاجية خانقة
- احساس باللاجدوي ،، مما يدفع الكثيرين الى مضاعفة الجهد كي يمنحو حياتهم معنى مميز كل حسب ميوله


اذكر انه وضح ان الرجل الاربعيني تحوشة مثل حالة فصلة شي جذي
فعشان جذي وجه رسالة حق كل حرمة


إذا رجل في الثلاثين أراد التعدد فصادموه لكن ان كان اربعينيا فاحتووه
لأنها أزمة منتصف العمر وهي فكرة عابرة و التصادم قد يهيجه أكثر و يدفعه إلى كسر الحاجز الأحمر
و إن كسره فسيستمر
طالبوه في التفكير أكثر



للأسف ما كنت وايد حريصة أدون نوت عدل لأن مو محتاجتها الحين و أدري إن ممكن أحصلها على قناة الرسالة بعدين


عالعموم
لقيت لج ايميل الدكتور و رقمه "أو رقم المركز" ما ادري صراحة
لأنه كان عارضهم عالبور بوينت وقت ما كان يشرح

[email protected]

00966-1-2296669

كلمي ناس متخصصين احسن منا احنا العليمية
p;

 

[بدون هويه]

عزيزتي.....

زوجج احوج ما يكون لج في هذه المحنة

زوجج الله ابتلاه بهذا الشي و اهو المتضرر من هذا الشي بالدرجة الاولى

و صدقيني اهو متضرر اكثر منج لان هذا الشي بينه و بين ربه اذا غلط ربه يحاسبه مو انتي

و انصحج تبتعدين عن عواطفج شوي مع انها صعبة و تدرسين حالة ريلج بعقلانية

و اتحطين لج برنامج تمشين عليه الى ان يتحقق هدفج من البرنامج

ممكن هذا الشي مثل ما ذكرتي مستمر معاه من فترة طويلة يعني صعب يتغير بين يوم و ليله

الا اذا كان ريلج صاحب قرار و عقلاني

اما اذا كان عاطفي فانتي لازم اتساعدينه يتجاوز محنته

لا تقولين ما اقدر اثق بزوجي مرة ثانية اعتبري زوجج ضحية او اعتبريه مريض و انتي دكتورة تبين اتعالجينه

مو قاضية تحكمين عليه من تصرفاته او شكله


وانا اختج و اقترح عليج باتباع البرنامج التالي و البرنامج قابل للتعديل على حسب احتياجج (انتي بحاجة الى افعال )

1- الدعاء ثم الدعاء

2- حاولي انج اتسامحينه و تعطينه من الكلام اللين الحلو علشان ما اتخلين له مجال يقارن و يقول مرتي نكدية و اللي اكلمهم كلامهم ...................

3- حاولي ترسلين له مسجات رومانسية و غزلية عالاقل مرة باليوم خاصة اذا كان عاطفي.

4- حاولي تشغلين وقته خاصة الوقت اللي تحسين انه عايش في فراغ (اقترحي عليه مثلا دوام اضافي) (او خل يحضر

دروس او يتطوع مع لجان دام اهو يحب الالتزام بس مو قادر على نفسه)

5- اذا كان عنده ربع زينين و ديوانية, حثيه و ذكريه انه يروح لهم و يقضي وقته معاهم (شي احسن من شي)

6- و حاولي انه ولدج يكون بعيد عن السالفة لا يدري بالموضوع

7- إلتفتي لنفسج و شوفي مطالب نفسج و صدي عن ريلج و افعاله و لا تتحسسينه انج اتحاولين اتصيدين عليه شي

8- اذا عندج هواية شغلي نفسج فيها علشان تكبرين بعين ريلج و يحس انج اتحبين نفسج فيركض وراج بدل ما يركض ورا.......

9- اذا بتروحين اماكن عامة مع زوجج حاولي اتنقين الاوقات اللي ما يكون فيها السوق مزدحم (مثلا الصبح او اوقات الدوامات)

10- اخيرا و ليس اخرا اذا ريلج علق على وحده, افترضي فيه حسن النية و حاولي اعرفين شنو اللي لفت نظره ممكن اهو يحب شي معين فانتي اولى من غيرج ان ريلج يلتفت لج

11- لا تخلين الناس همج (شنو بقولون عن ريلج) بل فكري بأسرتج و اشلون اترجعين الامور الى نصابها

و الله يهون عليج و يصفي قلبج

و الكلام اسهل من الافعال

لكن العبد يبذل الاسباب و يترك النتايج على الله


و ثقي بالله و ما فيه شي مستحيل,

و ان شاء الله تفرحين و تفرحينا برجعة ريلج الى صوابه قولي امين

الله يريحك مثل ما كتبتي لي مهما كنا كبار نحتاج نسمع من ذوى الخبره لو يكونو اصغر منا بكثير كلامج احس زاح حمل عنى لدرجة انى نسخته عندى الله يوفقك وين ما رحتى دعوه بظهر الغيب اسأل الله ان يتقبلها والله يقدرنى على التسامح والنسيان

 

[بدون هويه]

"" عودة ""


بحثت في النوت عندي عن شي ممكن يساعدج لقيت هالمعلومات بكتبها و يمكن فيها اللي يمكن يفيدج


الخصائص المميزة في سن الاربعين
- الاحساس بالخيبة جراء مرور الزمن بسرعة و رتابة الحياة اليومية هذا الشعور غالبا يؤدي الى اكتئاب
- الاحساس بالارتهان الى مصير محدد.. يتجلى في اعمال ينبغي القيام بها و لذا غالبا ما يشعر الزوجان بأنهما يعيشان في حجرة زجاجية خانقة
- احساس باللاجدوي ،، مما يدفع الكثيرين الى مضاعفة الجهد كي يمنحو حياتهم معنى مميز كل حسب ميوله


اذكر انه وضح ان الرجل الاربعيني تحوشة مثل حالة فصلة شي جذي
فعشان جذي وجه رسالة حق كل حرمة


إذا رجل في الثلاثين أراد التعدد فصادموه لكن ان كان اربعينيا فاحتووه
لأنها أزمة منتصف العمر وهي فكرة عابرة و التصادم قد يهيجه أكثر و يدفعه إلى كسر الحاجز الأحمر
و إن كسره فسيستمر
طالبوه في التفكير أكثر



للأسف ما كنت وايد حريصة أدون نوت عدل لأن مو محتاجتها الحين و أدري إن ممكن أحصلها على قناة الرسالة بعدين


عالعموم
لقيت لج ايميل الدكتور و رقمه "أو رقم المركز" ما ادري صراحة
لأنه كان عارضهم عالبور بوينت وقت ما كان يشرح

[email protected]

00966-1-2296669

كلمي ناس متخصصين احسن منا احنا العليمية
p;

الله يجزاك خير على بذل المجهود الطيب تصدقين انج نبهتينى ان الرجل بالاربعين يتغيرومثل ما ذكرتى بس شنو يعنى كسر الحاجز الاحمر واذا كسره فاستمر؟؟؟؟
الله يعطيك على نيتك الطيبه

 

[*peace*]

ابن آدم خطاء>>>>>وماله شغل ملتزم او لأ

شنو الملتزم نازل من السماء

اهو انسان وتعاملي وياه على هالاساس>>>>>مو عشان مطوع عقابه فيه زود؟؟؟

الصحابه واهم بين الرسول يخطئون فمابالج في هالزمن اللي اخبرنا عنه الرسول عليه الصلاة والسلام

ان ماكو فتنه اشد على الرجال من النساء او كما قال عليه السلام

الله يهديه ويغفر ذنبه>>>>>خير الخطائون التائبون

ويمسح على قلبج

عاد انتي اهتمي زياده وحاولي تنسينه غلطته مو تكررين عليه السالفه

وخلي بين فتره وفتره تتفقين وياه على جزء من القرآن>>>>وتسمعون لبعض

وبالتوفيق

 

[نور الدنيا_]

بعد شنو راح اتسوين ما كو الا تدعين اللة ان يعافية من ما هو فية وعلى فكرة لو كل وحدة بتنبش فى موبايل زوجها راح تلقى بلاوى

 

[Deeda]

اللي فهمته حزتها ،، ان الرجل الاربعيني تحوشة أزمة منتصف العمر .. و هي مثل ما احنا نقول عنها بالعامية حالة فصلة


تلاقين مثلا واحد حدا فري فجأة يقصر الدشداشة و يطول اللحية و يكسر التلفزيون.. فجئته!!
او واحد ملتزم يصير مراهق ،، أو يقول حق مرته ترى باخذ ثانية .. يعني تلاقين حالته تنقلب
و غالبا المسكين ما يكون متوازن .. ما يدري شسوي بعمره


فالمرا بهالوضع لازم تحتويه ، و تكبر عقلها و تعطيه على قد عقله ..
و الدكتور عطا مثال عاللي يصارح زوجته برغبته بالزوجة الثانية

رد فعل المرا بهالحالة مو إنها تصادمة و تتناجر معاه لكن تحتويه

لأن الرجل اساسا عنده حواجز يخاف يتعداها .. اذا انتي كسرتي خوفه هذا ،، راح يستمر بخطأه
يعني في حالتج .. ريلج قاعد يسوي هالشي بخوف و من ورا ظهرج .. اذا ناجرتيه ، راح تكسرين خوفه و اللي كان يسويه مع صراع نفسي .. راح يسويه و يستمر فيه ، و عينه قوية




ودي افيدج أكثر بس لو تتواصلين مع الدكتور وايد أحسن
ترى حدا حليو و خدوم ، و عقله كبير و كلامه موزون ، شي عجيب

يمكن تقدرين تطلبين محاضرته من قناة الرسالة أو شركة الإبداع الاسرية مالت د.طارق السويدان
صدقيني بتفيدج أكثر منا

 

[Mrs.Q]

والله عيوني دمعت وخنقتني العبرة..
حبيبتي سامحيه لله مو عشانه ومشي حياتج وياه وانسي أنه يدعي الالتزام تعاملي وياه كإنسان خطاء وخير الخطائين التوابين..
لا تعلقين على هالشي وبس ترى إنتي اللي حياتج راح تخترب اهو مفتشل منج الحين وريه شكثر إنتي كبيرة وقلبج كبير وريه إنتي شكثر سنعة وكبيرة بأخلاقج وتتجاوزين هالمحنة وتعايشين ويا الوضع خليج حبوبة طول الوقت وإذا سوى حركات تقثج سوالف تخزز لاتعصبين وتصرخين.. لا سكتي واهو بيعرف من سكوتج أنج زعلتي وبييج زحف على ريوله.. بس أهم شي نفسيتج معاه دايما توب..
وبنفس الوقت بطلي سوالف تنبش وربي راح ترتاحين وايد..
الله يصبر قلبج ويسعدج حياتج.. الواحد شنو له بهالدنيا غير رضا الله؟ خلي رضا الله تعالى اهو هدفج وتعاملي عدل ويا هالزوج مو عشان سواد عيونه لا عشان رضا الكريم..
والله يوفقج لمرضاته.. ويمسح على قليج ..

 

[ريماس77]

يعني لاالملتزم صاين مرته ومايخربط والا الخربوطي صاين مرته صحيح موالكل بس والله كلامج يعور القلب يبا انا مع الاخت الي قالت مالج الا الدعاء والصبر

 

[miss_jamsheer]

ماكان ودي اكتب نفس هالرد بس هذا الصج ماراح تنرد الثقه الا لما اهوه يبطل يعني اشلون راح تردين تثقين فيه واهوه ليلحين خرابيط ويخز بالبنات انتي من نفسج ماراح تقدرين وراح تشكين

 

[RoOoz]

حبيبتي صبري واحتسبي
مالج الا الدعاء ( اللهم اهدي قلب زوجي وردّه الى الاسلام رداً جميلاً ) عند كل سجود مالج الا هالدعاء
وصبري ياقلبي 3 شهور شوي بالنسبة لغيرج قعدوا سنين والحمدلله وهذا سن مراهقة عند الرياييل عمر الاربعينات عز الرجولة والله يعديها على خير عليج وعلى كل البنات

 

[ام ناييف]

شوفي اختي انت ما كتبتي مشكلتج الا وانت بينج وبين نفسج مازلت تحبينه وتتمنين انج تسامحينه

كل انسان يغلط بس المهم يتعلم من الغلط ودام انه ناوي التوبه فهذا لانج غالية عليه ومايبي يفقدج مستعد يبعد عن الكل الا انت
وهذا شي طيب

اختي انت تعرفين انه طيب وخوش واحد بس الشيطان ما مات

اخذي درس من هذا وانسي الماضي وابدأي صفحة جديده
روحي سافري معاه العمرة كم يوم اطلعوا مع بعض اهتمي بنفسج اولا
ثم اهتمي فيه عامليه انه طفل صغير محتاج حنان امه وحبها

ولدج اذا غلط مو تسامحينه
سامحيه وابدأي صفحه جديده


فيه مبدأ تعلمته انج تقيمين اي شي بمبدأ (يسوى والا ما يسوى)
مثلا هل خيانته لج واعتذاره عن عدم التكرار يسوى انج تتركينه وتروحين لاهلج طبعا ما يسوى
هل استمرارج بتذكر اللي صار واحساسج بالخيانه والغدر يسوى انج تنهين حياتج معاه للأبد طبعا ما يسوى

راح تلقين انه ما فيه شي يسوى انج تزعلين عليه او تستمرين بالتفكير
الدنيا ماتسوى