شلون أعرف اذا الغاز يتسرب!!!!!!

[LiLy_S]

السلام عليكم،

بنات عفيه ممكن تفيدوني!؟
أهلي امسافرين علاج وانا أكبر وحده متوهقه!

توني بالمطبخ مريت صوب الغاز ولا أشم ريحة غاز! وظليت أجيك وأشم كل دقيقه لمن لاعت جبدي وبطت راسي الريحه!
عاد خفت وقلت حق الخدامه تغير الغاز... بدلناه بس أحس للحين في ريحة بس يمكن شوي أخف من قبل...

مادري شنو أسوي؟ شلون أعرف اذا في شي الغاز ولا لأ؟
ويعني اهوا المفروض جذي عادي يعني اذا مريت يم الغاز أشم في ريحه؟ ولا شنو؟

 

[جذابه بنت ذيابه]

هلا حبوبه


يرجعون بالسلامه ان شاء الله وعسى ربي يشفيهم ويعافيهم لج يارب .. :eh_s(17):


شوفي لا تبطلين ليت المطبخ اذا الريحه قويه .. ودام بدلتي الغاز اجل ارتاحي
وباجر الصبح دقي على فرع الغاز يجي يشوفه لج و شوفي الجوله اذا مفتوحه او لا ..


و ان شاء الله مافيه شي ..


:eh_s(7):

 

[ابدا يالغالي مانساك]

انتي بس صكيها علي اوووف وبس
ولتبدلي ولا شي موووفقه

 

[غرور الريم]

حبيبتي حطي ماي وصابون او جنه بس ماي ع غاز اذا شفتيه يبقق =يطلع فقاعات يعني فيها تسرب غاز

 

[قدساوية 99]

اب اب

 

[ام الدرر]

مثل ماقالت غرور الريم
سوي رغوة صابون وحطيها على مكان اللي شاكة يسرب منه غاز
اذا طلع فقاعات يعني فيه تسريب
وعموما حبوبة سلندر الغاز اذا بيخلص تشمين ريحة بالمكان
والله يحفظكم

 

[LiLy_S]

مشكوووووووووووووووورين بنات ما قصرتوا يعطيكم العافيه
دقيت على فرع الغاز وطلع صح سلندر الغاز كان مخترب وبدله.