أهلين حبيبة قلبي ^_^
شوفي يا عسل ,,
الزواج آللي ينبني على أساس علاقة و مكالمات و من هالأمور آللي ما ترضي ديننا الإسلامي الحنيف
هذا ما منه خيــر ,, ليه ما منه خيـر ؟
لأن أساس هذا الزواج انبنى على باطل ,, على علاقة حب و مكالمات و غزل و طلعات و تمشيات ,,
يعني أساسه باطل و ما بُني على باطل فهو باطل ( قاعدته ) ما فيها رضا لرب العالمين ,,
و ثمن هالمعصية ( الإنحطاطيّة ) سيتم دفعه ,, عاجلاً أم آجلاً فإن لم تكن في الدنيا ففي الآخرة إلا أن تكون صاحبة هذهـ العلاقة قد تابت
يعني آللي كانت تكلّم و تزوّجت .. خلاص تتوب و تستر على نفسها ,, و عسى ربي يتغمّدها بواسع رحمته و يغفر لها ما مضى ,,
لكن تروح تجاهر بمعصيتها ؟ ,, و تشجّع البنات على العلاقات المحرّمة و على الزواج المبني
على مكالمات و طلعات بحجّة ( إنوهـ أنجح ) و إنها تزوّجت بهالطريقة و زواجها كان ناجح ؟؟
فأقول لها ليتك سكتِ و سترتِ على نفسك و على معصيتك المُخزية ( و ما شجّعتِ غيرك ) على الحرام ,
لأن البنت هذي آللي بتسمع كلامك و تنفّذهـ و تكلّم واحد و تطلع معه و تتغازل معه ,, راح تشيليـن إثمها و وزرها على ظهرك
و السبب إنك شجّعتيها على الإقدام على المعصيـة ,, !! فيـــــــــــــك حيـــــــل ؟؟
ماهيب كل علاقة حب تتوّج بالزّواج ,, و الواقع يفرض نفسه بقوّة لتأييد ذلك
غالب هالعلاقات تنتهي بالفشل الذريــع ,, فكيف تنصحين بنت بالدخول في علاقة أنتِ مانتيب متأكدة من نتيجتها ؟
كيف تنصحين وحدة بدخول علاقة عواقبها ( وخيــمة ) طريقها مكسر مشبوهـ ما يرضي رب العالميـن ؟
كنتِ سترتِ على نفسك و نصحتِ كل بنت بالستر و العفاف و سؤال الله من واسع فضله الرزق الصالح
و الزوج المتديّن الحنون الطيب ذي القلب المخموم ,, حتى تكسبين أجر النصيحة و أجر انتشال بنت من زمرة فساد
و تغيير فكرها إلى ما فيه صلاح لها في دينها و دنياها ,, ^_~
ممكن تجي وحدة و تقول ,, طيب زواج الحب ,, يضمن لي معرفة الشاب آللي أبرتبط فيه
وشلون شخصيته و طبايعه و تفكيرهـ قبل أتزوّجه و أتوهق فيــه و يطلع شي ثاني ,, ( مثل كلام الأخت الكريمة الفاضلة : أم أبيها )
أقول لها : الدين الإسلامي يضمن لك هالشغلة بس بالحلال ,, و بالعكس أنتِ الربحانة و أنـا أقول لك كيف ! :d
لما عقدتِ على واحد ( يعني صار زوجك ) بس ما صار العرس للآن ,, لنفرض إن الفترة بين العقد
و العرس أممم 5 أشهر أو أكثر ,, أعتقد تقدرين خلال هالفترة تعرفين طبايع الرجال ( بالحلال )
يعني تقدرين تكلمينه و تطلعين معه و تتعرفين على شخصيته أكثر نفسه نفس العلاقة المحرمة
بس أيش الفرق ؟ الفرق إنها بالحلال ,, تعرفتِ على الرجال بالحلال , ( قدام أهلك ) و قدام كل الناس
مهوب من وراهم ( بخوف و قلق ) و في قرارة نفسك عايشة بجحيم يحسسك عظم الجريمة
آللي ارتكبتيها بحق أهلك و سمعتك و دينك و ( شرفك ) ,, "!"
يعني عندك فترة الملكة تقدرين تتعرفين عليه ,, و إذا ما تم موضوعكم ( ما طلعتم متفقين )
خلاص يتم فسخ الخطوبة و انتهيــنا ,, و إذا تم فسخ الخطوبة من جهته فيرجع له نص المهر بس
و لنص لك أنتِ .. ما قلت لك ( أنتِ الكسبانة و بالحلال ) :d
شفتِ كيف الدين الإسلامي يقدر المرأة و يحترمها ؟ ما يبيك تطلعين من هالزواج مكسورة الخاطر !
يرجع لك نص المهر في حال ( كان الفسخ من قبل الزوج ) .. أما العلاقة المحرّمة لو انته بالفشل ؟
تنتهي بألم و حزن و ضيييق ,, ما استفدتِ و لااااااااااا شي كل آللي جنيتيه آثام و ذنوب و خنتِ أهلك و طعنتيهم بالظهر
و استنزفتِ مشاعرك و عواطفك في شخص ما تملكيـنه ( مهوب زوجك ) ..
الله يهدي الكل و جميــع ,,
احترامي و تقديري
ترانيم القصيم
