شفتي هالمسج بتلفون زوجج ،، شتسوين؟

[أم هنودة]

:rerrerek::rerrerek:

وعسى الله يسخر لها زوجها ويخليهم لبعض ويبعدهم عن عيال الحرااام
:yaaaaaarb:

حبيبتي مو فاهمه الموضوع ارد واقول زوجها اهوا الي يعزم ربعه علي هالحفلات عرفتي

 

[لوفيه]

مافي دخان من غير نار ...

والله اعوفه حياته ..
واهيا ابخص بزوجها ومن اي باب تقدر تتعامل معاه ..
يمكن الحقران وانها تطنشه وتحسسه انه ماله وجود يكون سلبي عليها ..
لكن تحاول تكون اكثر عقلانيه مو هبله وتسوي روحها مصدقه وتعديله بدون مراقبه ...


والله يصلح حالهم وحال جميع البنات

 

[أم هنودة]

انا بعطي باسووردي لها واخليها اهيا ترد
لان مسكرين الاشتراك بالمنتدى واهيا ماعندها اكاونت من قبل
الله يهدي رياييلنا ياااارب

 

[دلـع آل مـرّه♥]

انا اساسا مو فاهمه شنو هذي الحفلات
ولا اهيا لان مايابتلي طاري خمر وزنا
ولا جان طار عقلها مسيكينه
فهموني جان سامعين شنو اهيا حفلات الكبلز وشنو يصير فيها؟!
انا قلتلها تدخل امه بالموضوع لان على حسب كلامها انها وايد حبوبه

اهيا قلبت الدنيا فوق راسه وسمعته كلام سم بس مشكلته ان نكر كل شي
تبي تنهي الموضوع ما عرفت شلون الا انها تسوي روحها صدقته

شالحل اذا امه تدخلت وكلمت ولدها .. المره وين تروح ؟
شرايكم باقتراحي انا قلت روحي بيت اهلج ولا تبينين لهم انج زعلانه خلج جم يوم لمه امه تكلمه
اكيد بيعصب فلا تكبر السالفه بينكم ابتعدي هالفتره

حفلات الكبلز على حسب معرفتي اهي حفلات اظنتي خلط شباب وبنات ومسخره
بحثي في قوقل وبتعرفين

اهي ختروح بيت اهلها .. لا ما انصحج تقول حق امه جذي بتصير مشاكل عوده اذا تدخلت امه وبتنقلب المشاكل عليهاا, خليها تفهمه ان اهو الحين صار ابو خلاص وانها صايدته مرتين على التوتر والتلفون وتسامحه ويوعدها ان مايعيدها مره ثانيه اذا عادها لازم تخبر ابوها ,, ابوها بيسنعه, بس اذا اهي ماتقدر انا عندي تقول حق ابوها افضضل

 

[أم هنودة]

مالها خلق اهي ترد مسكينه مضايقه

بس ترا علمت امه وقالتلها انها بتكلمه وبتشخط فيه
حتى لو نكر تقول امه خل يحس ان في احد كشف خرابيطه وان راح تنحط العين عليه يمكن يستحي على ويها
وبتفهمه ان مو مرته قايلتلها مني والطريج لا بتقول ان الام شافت مرته مضايقه وبعد الحنه وحلفتها انها تتكلم وقالت لها

 

[fdeet_shosho]

اعوذ بالله الله يعينها - هذا زوجها اهوا اللى يسوى الحفلات والجو للمسخرة
حفلات الكبلز هى شباب ولازم كل واحد وياه بنت ويسوونها باى مكان شقه استراحه المهم مكان طبعن شرب ورقص ومسخرة وكل واحد ويا رفيجته يسوى اللى يبي ومحد يحاسب الثانى
اهيا اذا زوجها نظامه يسهر برا البيت او ينام بالليل برا البيت معناته فيه عله لان هالحفلات بالليل
ولازم فيها خمر وشرب وبلاوى طبعن مو شرط يردلها سكران اذا رد بالليل خل تشوف هدومه اذا لقت شي يثبت خاصة ملابسة الداخلية تشوف اهوا مبدلها من طلع من البيت ولا نفسها يعنى المرة تعرف اذا زوجها خربط برا البيت تشيك وراه وبتعرف
واذا طلع راعى هالسوالف هذا سمساؤ للخراب والله يعينها اذا عندها عيال
اففف مالت عليهم هالرياجيل يبطون الجبد

 

[كويتيه شماليه]

ادوس عالمثاليه بس الله لا يقطني بهالموقف يحر الله يعينها

 

[بنت التمايمة]

هادي الحفلات لازم يكون كل شاب معاه بنت ورقص ويمكن شرب وزنا هي ما تدري
المفروض ماتسكت وتعرفه انها فاهمه مو عادي عالباله يقص عليها بكم كلمه شكله عنده مكان وهى ماتدري عنه
مايستحي قليل ادب ربي اراد انها تعرفه على حقيقته
انا لو مكانها بصراحه بواجهه وبحاول اعرف مكان اللي ماخده علشان يسوي فيه حفلاته

 

[* بنت المطر *]

هذا اشكره راعي قعدات وشرب ومصخره لاتخليه بالويك خل تنشب له لاينام برا السرسري

 

[سارووونه22]

الله يهديه

 

[شقرديـه عالطل]

الله يهديه ويسخره لهاااا ويبعده عن عيال الحرااااام

 

[gala q8]

خل تبطل تمثيل احسن لها

و خل تحسسه بالذنب

ليش اهيا ياهل يقص عليها ؟؟

انا رايي نفسها .. لا تسوي نفسها راضيه !! والله باجر بيلعب عليها و لا بعد بحترس انه ما يسوي شيء إلا و يمسحه ..


لازم تحسسه انها لي الحين تفكر بهالشيء و تحسسه بلي سوااه .. وواضح انه يجذب عليها



يا الله يسهل عليها امرها ..


(( وامييييييييييييييين )) لتوقيعج :d

 

[شقرا كويتيه]

الله يهديه

 

[ظل الياسميـن]

لاحول ولا قوة الا بالله العلي العظيم
الناس الحين بشهر رمضان وبشهر عباده
هذا بدال لا يدعي ربه ويؤدي فرضه

يدور هالخرابيط ويجذب

الله الهادي
يهدي من يشاء ويعز من يشاء

 

[جيكره(و)تتغلى25]

شنو كبلز؟

المهم السالفه حرام بحرااام المفروووووض تتدخل وهالمره ماااطوفها له كلش كلش لان اذا ماخافت عليه تخاف على روحهااااا


دام السالفه فيها كتكوت يعني زنااااااااااااااااااااا الله لايبلاكم بمرض


بالنسبه لي اذا شفت 2مره من هالمسج

حل واحد!!!

يطلع من الشقه او اروح بيت اهلي ومن غير صراخ خلاص احس لو صاير فيني اعوووفه ويع


لما يتعدل واحط شرووووط النت جكيتك فيه واي فون بعد يعني باختصار كل هالوضع يتغير



الله يصبرها

 

[جوانا2010]

الله يهديه ويسخره لها

 

[مولاي الفرج]

ليما الحين مافي دليل ان يروح لهالاماكن

خصوصا ربع السو الحين كلهم نفس الطقه

انا وايد اسمع ريلي يقول صاحبي قالي بضبطلك

بنيه .. يقوله انا متزوج يقوله عادي شفيها!!

انا بمكانها اقوله لاترد على هالاشكال

عشان لا يخترب بيتنا

وبس

خل تتأكد​

 

[مولاي الفرج]

جني ضعت شوية الحين اهو يدز ولا اهما يدزون له

تقولين اول شي كذاواحد من ربعه دازين له

بعدين تقولين اهو يقول يتغشمر رفيجه دازلهم جذي​

 

[الا يامطول صبري]

اذذذذبحه بدون تفكير

استغفر الله

 

[جنى القلب]

اولا خليها تلزم الاستغفار لأن الرسول صلى الله عليه وسلم قال من لزم الاستغفار جعل الله له من كل ضيق مخرج
ثانيا تجيبه وتقعد معاه وتقوله يافلان انا ابيك بموضوع ونبي نتناقش فيه بدون صراخ وهوشات حنا كبار وتعدينا مرحلة الطفوله والمراهقه وتكون الجلسه بعيد عن الاطفال والاهل يعني اذا شافته هادي
اذا وافق زين على زين تبدأ بما هو ات
تقوله صلي على النبي اللهم صلى وسلم عليه وتقوله شوف انا احبك ولا عندي شك بهالموضوع وانت طبعا بيقول وانا احبك ومالي غيرك وانتي حياتي هالحكي مفروغ منه تقوله طيب اذا تحبني ليش حياتك كلها اسرار أكيد بيقول ماكو شي
ترد عليه تقوله انزين اذا ماعندك شي شيل كل الاقفال اللي بالاي فون والاي باد وباالمحمول يعني اي جهاز بالبيت مبطل ماكو قفل اذا حاول يعصب تقوله هدي هدي مو قنا بدون عصبيه بيهدأ اذا شافها هاديه ترجع تقوله منت موافق براحتك بس تأكد اني مو مرتاحه لها الوضع وتسكت شوي عشان تعطيه فرصه يفكر
بعديت نقوله وين وصلت بيرد يقول معاك طبعا تجي هنا وترمي عليه قنبله قويه
وتقوله فلان تخيل معي حاجه بيقول شنهي بتقوله لو أنا خنتك وش بيكون جوابك أكيد بيطير عيونه وأقلها بطلقك هذا اذا ما ذبحتك . بتقول حلو خايف على نفسك من الامراض والا خايف على سمعتك أنا ان خنتك سمعتي على اهلي مو عليك والي ماترضاه لاهلك لا ترضاه لغيرك وذكريه أن الطيبون للطيبات مو الطيبين للخبيثات خليها توجهه الكلام الزين له مو لها وتذكره أن الزاني يزنى ولو بحائط بيته وتقوله حط فبالك مهما سويت ربي بيردها ويعاقبك ببناتك واذا على مسألة الخمر يمكن يشرب على خفيف بس حق الانبساط بس تقوله ان عقاب شارب الخمر يوم القيامه يشرب الخبال ومعناه الماء اللذي يتم قذفه بعد جماع الرجل للمرأه خليه تقرفه بحياته نصايح وتذكير ووعض بألاخره وتقوله يبن الحلال من ترك شيئا لله عوضه الله خير منه أذا انا مو عاجبتك روح دور بالحلال ارحم علي من تجيب لي امراض وتكسب أثمي والربع اللي زي كذا لازم يبعد عنهم بأي وسيلة كانت تحاول بشتى الطرق واذا ما استجاب لهالكلام تقوله اجل يبن الاجواد الله يستر علينا وعليك انت الله يعوضك بوحده تستحمل هالوضع أما انا اسفه وربي يعوضني بواحد يخاف الله
ترا الرييايل يخافون من حريمهم اذا طلبن الطلاق اذا كان مذنب
وخليها تمسك سهام الليل الا وهي الدعاء بجوف الليل أن الله يصرفه عن طريق الحرام كما صرف يوسف صلى الله عليه وسلم عن أمرأة العزيز
وربي يستر على عباده ويسخر كل زوج لزوجته ويصرف عنا السوء ظاهره وباطنه ويكفينا بحلاله عن حرامه اللهم امين ولا تنسانا من صالح الدعاء في هذا الشهر الفضيل