شــنو كليتــي اليــــوم **** تعـــالي و شاركينـــــا بالصـــــــور ؟؟؟

[دراما كوين]

غداي اليوم انا وزوجي .....
سلطة ناتجووووس اهداء حق دلوعة تحبها ككككككك


الصلصة






حدها لذيذه هالسلطـــــــــــــة عذاااب..........
شوربة الرجيم حق زوجي


همبرغر مشوي حقي وحق زوجي


تابع




​

مس ارت ممكن طريقة شوربة الريجيم؟؟؟ مداام حلوووه وحق ريجيم عزز الطلب عيل_03ba:

 

[دراما كوين]

عوااااااافي بنات

امس مديرتنا العسل يايبه لنا دونت شغل ايدها ايننننننننننننن مع القهوه العربيه

و هذا ككاو يمي يمي

و هذي توها فريش مسويتها وحده من البنات ليلحين ما انقضوا عليها

​

اوراد علييج بالعافيه ماشاء الله مديرتكم تونسس _03ba:

بعيت اسالج الكيكه الثانيه داخلها اوريو صح؟؟؟؟؟؟

 

[noty]

عليييكم بالف عاافيه

وااي صج الايام تمر بسرعه صارلي شكثر عن هالموضوع

هذي جم وجبه من الايام اللي طااافت


بمطعم تال < صج لذيذ اكله





و حلوو طبعا اختي بعد قلبي تبي سويت اقولها ما ينفع الهندي
شافت الاكل لذيذ قالت اكيد الحلو عجييب
طبعا الله يزيد النعمه بس شكل

 

[دراما كوين]

سويت حق ريلي فواكة مقصصة بس هني ماكل نصة مالحقت عليه ككككك

وعشاي كان






وفي مرة وحده سالتني شنو حاطة فوق لسلطة جنه بسكوت
هذا امي تشتريه من كارفور



وبس الحمدلله عالنعمة.............:ada:


​

انا انا اللي سالتج:ggdw:

اصلا محد يسال هني ويغث البنات غيري لووول

زين هالبسكوت وين احصله يم شنو؟؟

 

[احساس طفلهـ]

غرررررررررروب ال
دجاج محشى شلون طريقته والعيش بالمكسرات بعد

اذا ما عليج امر ومشكوره\\




بالعااااااااااااااااافيهه على قلوبكم بناااااااااااااات

 

[ام مضاوي]

ابييييييييييييه شفت بس اخر صفحتين

غروب

مذهله

مبدعين ماشاءالله عليكم

انا مسويه رجيم ومقاطعه هالموضوع
ومرات اطل عليكم بس هالطله تزيدني كيلوين عالاقل وانا بدون ما اطل الخبط وايد بالاكل مو ماشيه عدل

مذهللللللللللللله ابي نفس الباستا السبايسي اهئ اهئ مالي خلق اسويها على ويه الفير
و نفس الباستا الي بالكريمه

شوقتيني على هالمطعم ولا مره دخلت الي بالكويت
دخلت كارينوز دبي
كانت بيتزتهم تينن

 

[^^عاشقة النوتيلا^^]

بالعاااااااااااافية عليكم
و شكرا مس ارت

بما ان كيكه النوتيلالالالالالالالالالالالالالالالالا عجبة وايد من البنات اليكم المقادير


لمقادير:-
1 كريمة حمراء
1 قيمر
1 نوتيلا حجم وسط (يوضع في حمام مائي عن طريق غلي الماء و وضعه في اناء ثم وضع اناء النوتيلا فيه)
1 كيك سارالي على حسب الذوق اما ابيض او ادعم
1 كاكاو مارتيز

الطريقة :-
1) يخلط القيمر و الكريمه و النوتيلا مع بعض و انا اخلطهم في اناء للكيك و ليش خلاط العصير عشان يمتزجون عدل
2) نقطع الكيك مربعات و نصففهم في بايركس و نصب الخليط اللي سويناه عليه وعدين تزينينه باي شي تحبينه انا ازينه بكاكاو مارتيز
3) يوضع في الثلاجه حتى يتماسك

و بالعااااااااااااااااااافية

 

[Pink GirL]

عليكم بالعافية بنيات

 

[سياسية]

بالعاااافيه بناااات

يومياتي الرجيميه هههه

غداي امس

قاااااااااب

الكباب المربع هذا أذكره أمي كانت اتييبه قبل لذيذ و ناطع.. بس الحين ما قامت تلقاه..وين لقيتيه ؟؟ وشنو ماركته ؟:eh_s(1):

شوقتيني عليه :eh_s(6):

وعليج بألف عافية يارب​

 

[bnt_7waa]

bel3afyaa bnat

 

[سياسية]

أكلي على أيام متفرقة ..

شريت عوار قلب من فترة.. بس ما عجبني وايد حالي وأنا ما أحب الحلاة بالعصيرات (يمكن من الآيس كريم اللي فيه)..

بس إسمي جربته على الأقل..وخذيت فكرة

بعد جهد جهيد وأنا و زينه نفتر على هالدليل.. من ستاربكس لي ستاربكس...

بالزور حصلناه في ستاربكس جمعية سلوى.. و كانوا شايلين العدد لأنه قديم و على حظنا آخر حبة طلعها الفلبيني من داخل المخزن خمطناها و طلعنا :dddds:

مشروبنا يوم الثلاثاء او الأربعاء اللي في فات بتشيليز الأفنيوز..

ما صورت أكلنا .. لأن الموضوع طافح صور شيليز و فرايديز ما شاء الله خخخخخخخ

وغدانا أمس بالبيت..

سلطة فراولة

زوووووووووووووووم ..

برياني دياي..

كوسة مع صلصة ..

يتبع ...​

 

[بطة رشيقة]

بالعافيه عليكم بناااااااااااات... بس بغيت اسأل اختى ام كتكووووووت مشالله السوتيه مع الربيان يشووق اللى مسويته فى صفحه 383 ... ممكن طريقه المشروووم بليز بليز والطبق كله مره وحده

 

[GAP^^الكبيرة]

بالعاااااافيه بنات
وسياسيه.. المربع هذا من خزان والمواشي وكلهم موجودين بجمعيه القادسيه وبيان... خدامتنا كانت حارقته شوي بس بالعاده يكون وايد الذ

 

[سياسية]

والإسبوع اللي فات.. عزمت أمي وزيون على عشاء بدون سبب ..بس تغيير جو..

رحنا مطعم IL TETTO إيطالي..

عجيب و هادي و مكانه وايد حلو ورومانسي..

وهذه صورة من داخل المطعم لديكوراته..

وهذا عصيري... ليمون وذ منت..

وهذه سلطة انسلاتا دي روزيتو..لذيذة والله : )

وهذه مزوريلا كرمبس.. اتينن

وهذا طلبي.. فييل ألفونغي <-- لحم عجل مع مشروم..ناااطع :ggdw:

وهذا طلب أمي..تورتلليني

وهذه الصورة طلب زينه فيتوشيني ألفريدو و بتصويرها بعد..حركااات بركااات هههههههه

سوري بنات من العيلة اللي فيني ما صغرت حجم الصور.. :eh_s(1):

وعلينا بألف عافية ​

 

[أم حسون]

الله يعافيكم حبايبي
سياسيه شكل الاكل تحطيييم عوافي
هذا عشاانا امس انا وريلي عقب ماطلعنا من السينما رحنا ناندوز يم يم

منزلين اطباق يديده ولذيذه هذي جوانح دياي والصوص عججيب

وهذي مقبلات طحتله بالزيتون يهبل

طلب ريلي صيخ دياي مع خضار سوتيه

وطلبي

عيش فوقه خضار سوتيه وقطع دياي يهبل العيششش والخضار مالتهم ناططعه

والحمدلله عالنعمه وعلينا بالعافيه

 

[قطوة@@]

نعومه
الله يعافيج حبوبه

ريمه الكويت

الله يعافيج

عز
حياح معااي

 

[قطوة@@]

بالعافيه
بغيت اسالج عن الفاكهه ان شعر واللي تحتها
حلوين ؟؟ جم مره اشوفهم بمركز سلطان بس شكلهم مايشوق اني اخذهم وبالمنتدى اشوف وايد بنات ماشاءالله يشترونها

الله يعافيج

الفاكهة اللي فيها شعر اسمها رامبوتان تايلندي حلوة و اللي تحتها اسمها مانجوستين ما عجبني فبها حموضه شويه

 

[غروب]

عليييج بالعافيه غروووب وااي اكلج وااايد يشوقني ماشاء الله شكلج نفسج حلوو بالطبااخ

وسويت الديايه المحشيه اللي عطيتيني طريقتها طلعت تحفففففففففففففففففه



ممكن تعطيني طريقة العيش بالمكسرات؟؟ يعني شلون سويتي العيش شخلتيه والا طبختيه بمايه ؟؟؟تراني ما اضبط العيش عدل:tomato2: وشنو المكسرات اللي استخدمتيها؟؟؟ امم والزرشك شلون سويتيه؟؟؟

وبالمره الدياي بالفرن

الله يعافيج يارب وتسلمين وعليكم بالعافية الديايه المحشية..

بس على فكرة الدياي اللي بالفرن والعيش بالمكسرات هالمره الوالده مسويته بس طريقته سهله مايبيلها شي

اخذي الديايه فوحيها بماي وملح وبهارات عدلة (دارسين- هيل- فلفل أسود- ورق الغار- مسمار) وبصله قصصيها 4 قطع كبار مع فصوص ثوم، وشوية بهارات مشكلة وكركم، وبعد ماتستوي الديايه صفي الماي من اللي فيه وشيلي الديايه حطيها بالبايركس واخذي شوي من ماي الدياي وحطيه على الدياي وحطي شرايح زبدة على قطع الدياي، وبعد قفشة أو قفشتين زعفران منقوع بماي وماي ورد ودخليه الفرن لما يتحمر ويظل شوية ماي معاه.

أما العيش جبسيه بماي الدياي اللي ظل ولما يستوي رشي عليه زعفران منقوع بماي الورد وماي عادي وشوية هيل مطحون، وقصصي قطع زبدة على العيش.

وسوي حمسة مكسرات (صنوبر- فستق- بيذان- كازو) مع شوية زبدة وزيت، ورشي عليها شوووووية دارسين وشوية ماي الزعفران المنقوع، وآخر شي حطي عليه زرشك (أول شي نقعي الزرشك بماي دافي وبعدها شخليه وحطيه عالمكسرات) قلبيه قلبتين وطفي النار وبس بالعافية.

 

[^عنقود عنب^]

حباااااااااااااااااااااايبي عواااااااااااافي على قلوووووبكم كلكم ..
ولهت عليكم وااااااايد صااير ماعندي لاب توب عالأياااام أكسر الخااااطر ..:krkrkr:​

 

[غروب]

غرررررررررروب ال
دجاج محشى شلون طريقته والعيش بالمكسرات بعد

اذا ما عليج امر ومشكوره

بالعااااااااااااااااافيهه على قلوبكم بناااااااااااااات

حبيبتي طريقة العيش كتبتها بالتعقيب اللي قبل حق دراما

والدياي المحشي بالفرن:

-تنظفين الديايه وتغسلينها وبعدين حطي عليها شوية خل وطحين وخليها عشان تروح الزفره.
-ردي غسليها وبعدين حشيها بهالخلطة: عيش مغسول مو مطبوخ+نخي مفيوح شوي عشان يكون مستوي نص ونص+بصل مفروم+ بهارات (بهارات مشكلة-رشة فلفل أسود-رشة كركم-ملح)+شوية زعفران منقوع بماي+شوية زبده وخلطيهم عدل وبعدين حشي الديايه وضغطي على العيش، وسكريها بعود أسنان.
-حطي الديايه بجيس (الخاص بالطبخ حق الفرن) وخليه ببايركس وصبي داخل الجيس عالديايه هالخلطة: ليمون+ملح+زعفران منقوع بماي+شوية فلفل أسود+شوية كركم+شوية بهارات مشكلة+فصين ثوم مهروس+قفشة صبار (تمر هندي) في جاهز ينباع مثل الصلصة+نص قفشة دبس رمان+4 قفاش زيت زيتون+كوب ماي. وبس سكري الجيس من فوق وسوي فيه شوية فتحات بالشوكه ودخليه الفرن.
-أنا خليته ساعتين تقريبا ولما نشف الماي شوي بطلت الجيس وفتحت الفرن من فوق وخليته عشان ينشوي عدل ويصير لونه مثل الصورة، وبالعافية .