شسوي ياناس ان تكلمت فضحتهم وان سكت ضاعوووووا ؟؟

[حجيه هيونه]

لاااااااااااااااااااا تسكتين

علمي الام خل تتصرف بدل مايفوت الفوت

 

[((shoOoshoOo))]

ماكـــو إلا تنصحين البنآت .. امبيه والله وايد صغار

حاولي تذكرينهمـ ان الله مايرضي جذيه ومو كل الناس زينيين ممكن يسووون لهم مشاكل وبلاوي

وهم حاولــي توعين امهآتهــمـ شوي .. يعني تقوولين والله بنات هالوقت يبيلهم مجابل والله الوقت صار يخرع ..

موفقــه

 

[lovely jojo]

انا اقول وعي الامهات...

 

[غلا روحـي]

الي تدرين عنهم حاجيهم ودامج قريبه منهم انشاالله يتقبلون وواجيههم
والي مايدرون انج تدرين سولفيلهم عن قصص جذي وشنوو صار من وراها
يمكن يفكرون شوي
والامهات انا من رايي ماتقوليلهم من اول شي كلمي البنات واذا كلش ما فاد
ذيج الساعه كلمي امهاتهم وحتى الامهات قوليلهم جذي سوالف خل يفتحون
عيونهم على بناتهم عدل
والله يعينج صراحه ويجزاج خير

 

[نووووونا]

استخيرى وكلمى امهاتهم

وبما انج انسانه واعيه وعارفه بالدين اكيد بيقدرون حرصج على بناتهم يزاج الله خير يالغاليه

 

[DốǾốDї]

خرعيهم ان ما تابو راح اخلي اهاليكم يتدخلووون ويعرفون لانه انا ما اسوي هالشي الا لاني خايفه عليكم وابي مصلحتكم

يعني هدديهم وخرعيهم

 

[على الطيب تربيت]

رد : شسوي ياناس ان تكلمت فضحتهم وان سكت ضاعوووووا ؟؟

حبااااااااااااايبيي ماقصرتم حلووولكم كانت عالنحو التالي :

الي قال مالج شغل فيهم وتنقلب عليج ...... صح مايندرى ويمكن يصدقوني امهاتهم وبعدها البنات يعافوني والام تكش مني وتخاف اني امشي واتكلم او تظن اني علمت امي وخالاتي والكل فراح تتحسس وتتفشل .

والي قال علمي أمهاتهم ..... محتاره وخايفه مدري كيف ابديهااااا


والي قال ليش تفضحينهم ووثقوا فيج .... هذول صغار مايعرفون مصلحتهم من 14 الى 18 ان ماحطيت حد يتمادوووون باجر يعرفون اني ساعدتهم ووقفتهم عند حدهم أجل اخليهم لوكان اعمارهم فوق العشرين بقول كيفهم ماهم صغاااار

والي قال اتبعي اسلوب التهديد .. فكرت فيها ويمكن اسرع طريقه عشان يتسنعون

والي قال عطي درس ونبهي بشكل غير مباااشر .. نفس فكرتي وبحاااول اسويها

وبالتالي كلكم على عيني وراسي وفعلا كلكم فدتوني راح اجمع حلوووولكم كلها واخليها حل واحد

بحيث اني اعطي درس بمناسبة العيد واقط شوي نغزات وبعدها المح بالدرس ان مثل هالنوعيه من البنات ماينسكت عنهم لانهم بيكونون البنات بالدرس
الوكاد كلكم على عيني وراسي ماقصرتم يالغاليات

 

[غزلان]

شلج بطلايب تدورين المشاكل وعوار الراس

 

[كتكوته ورديه]

تحمليلي الي راح يجيج بس محد يرضي علي بناته حتي لوانك صاجه

 

[على الطيب تربيت]

رد : شسوي ياناس ان تكلمت فضحتهم وان سكت ضاعوووووا ؟؟

مشكورات عالرد حبايبي ماقصرتم عسى ربي يبارك فيكم ياااارب

 

[n.m.3.k]

اول شي الله يكون بعونج حبيبتي اذا تقدرين مره بالاسبوع تجمعين البنات وتعطينهم دروس عن اي شي وتضحكين وتسولفين بالدرس ومسابقات وهدايا قيمه هاذا اول 3دروس بعدين كلميهم عن الشباب وعطيهم قصص وسوالف الشباب الي راح اتجيبلهم المشاكل وافتحيلهم قلبج وقوليلهم عندي سالفه خاصه ولحد يدري انا أأمن فيكم ومن هالكلام ليما اهم بنفسهم يصارحونج واكيييد راح يصارحونج انهم مع علاقه مع شباب وبعدين خليهم يتركونهم..

 

[al3ta]

رد : شسوي ياناس ان تكلمت فضحتهم وان سكت ضاعوووووا ؟؟

اذا تكلمتي بطيحين في مشاكل كبييييييره

موبس من الاهل يمكن بعد من الشباب الي البنات متعرفين عليهم انتبهي على عمرك

 

[الــــراسيـه]

بدام انتي تعرفين امهم وحاولتي انج تخليهم يتركون الغلط ولا اتركو انا اقول اجمعي كل ام وبنتها بروحهم وخلي البنت تفتح قلبها لامها على اساس ماتطلعين بالشينه وانج ساكته عنهم من مده
والله يهديهم زمن يخرع

 

[*صَبا*]

انا اشوف انج تمسكين الامهات وتعطينهم دروس
تعلمينهم يطلعون مع بناتهم بكل مكان

واذا مافاد قولي لهم عن اللي مايدرون عنه

 

[واقعية حـلـم !]

كلمي الامهات بشكل عام


وضحي نقطة ان الحين بنات احسن العوايل صار عندهم سوالف مو مثل اعتقادنا ان بنات الشوارع بس هي الي يمشون هالطريق


و ان الام لازم تكون واعية و تفهم حركات بنتهااااا و ادقق عليهاااااااااااا



قبل كانت البنت تطلع على امها واهلها لانهم كانو المصدر الوحيد لثقافتهااااا الحين لا تعددت مصادر المعلومات و عادي تلقين الام داعية و البنت الله العالم فيهااااااا


طبعا البنات لازم تنصحينهم بس مو من ناحية دينية لا من ناحية اجتماعية و نفسية انزلي لتفكيرهم و قولي لهم ان هالشي عمره ما كان وناااااسه و حتى لو كان في وناسه بتكون لحظية و مؤقته


و انت ادرى مني بهالسوالف بس الارتباك شوي مشتتج ...



بس انتبهي تعلمين و بالاسم






من ستر مسلم ستره الله يوم القيامة




و ادعي لهم بالهداية و الستر و الصلاح



و عساج على القووووووووووة



و الله يكثر من أمثالج

 

[المتطورة]

رد : شسوي ياناس ان تكلمت فضحتهم وان سكت ضاعوووووا ؟؟

بسم الله الرحمن الرحيم

اختي العزيزة / ام عبادي العجمي

انصحج نصيحه خالصة لوجـه الله اذا كان عندهم خوات اكبر منهم او خالات بلغيهم ودايمن الخوات والخالات اقرب لهم

واذا مافيه مالج الي تقولين لامهاتهم . ( الساكت عن الحق شيطان اخرس ) وهذي مسئلت ضياع شرف ليست بالهينه

أم الغزلان

 

[دلال كول]

حبيبي انا اقوول اول شي تسوين درس ديني عن هالسوالف للبنات وتقولين انه هذا غلط
وتقولين لهم عن عقابهم عند الله واذا ما نفع كلمي البنات وصارحيهم وقوليلهم وانصحيهم وبنفس الوقت قوليلهم اذا ما وخرتوا عن هالطريق
رااح اقول لاهلكم يتصرفوون معاكم عشاان يخاافونن واذا لا سمح الله ما نفع قولي لامهاتهم ولا تترددين والله لان البنات صغار ومايعرفون مصلحتهم

والله يوفقج ويهدي جميييع بنات المسلمييين اللهم آآآمييين

 

[f@rsaq8]

الله يستر علينا و على بنات المسلمين

 

[الذوق عنواني]

رد : شسوي ياناس ان تكلمت فضحتهم وان سكت ضاعوووووا ؟؟

حبيبتي انصحج لاتقولين لامهاتهن لان الامهات راح يكذبنج ويحقدن عليج حتى لو يدرن عن بناتهن وراح يصدقن بناتهن ويكذبنج وماتحصلين الا المشاكل من وراهن:

 

[Tom ♥ Jerry]

.

صج مصيبه :/ !



حبيبتي آنتي تقولين البنات اعمآرهم بين 14/18 !
ترا يهآل على فكره يعني
و الكلمه الحلوه و خوفيهم من ربهم ترا رآح يخآفون صدقيني ..
كلمي البنات مره مرتين ثلاث آربع عشر ..
لمآ يحطون بآلهم على نفسهم
ذكريهم بربهم قولي هالشي مو زين و من هالكلآم ..
ترا هالفئه آغلبهم مرآهقين ..
تقربي منهم و خلج مثل آمهم و قولي لهم
وعيهم لا تقولين حق آمهم ..
يمكن أم مآ تمسك نفسها تآخذ التلفون و تطق بنتهآ و و و !
آنتي وعيهم مليون مره لمآ يفهمون
دآيمآ طلعيهم معآج و قولي هالشي غلط و
ذكريهم بعذاب القبر و مع ذكر بعض القصص و العبر > صرت نبيل العوضي
صدقيني ترا المراهق كلمه توديه و كلمه اتييبه ..=)


.