شسالفة موضة الصديقة اللى تقلب على صديقتها فجأة من غير ما تبين السبب وهالشىء أشوفه ..

[يحبنى الله *]

السلام عليكم ورحمة الله


:bbbiu::bbbiu::bbbiu:

حسبنا الله ونعم الوكيل ابتدى فيها


بنات شىء يحر والله العظيم من قلب


أحد يفهمنى بس



حتى الملتزمات ....شفته منهم



تكون صديقتك وفجأة من غير سبب ما ترد على مكالماتك


ما تحترم اتصالك ما ترد على مسجاتك



الله بالخير عسى ما شر ... لو سمحتى وين الخطأ توك عازمتنى على استقبال





ما تدرين

أكثر من وحدة جربتها


المشكلة فى اللى كانت منفصلة واهى اللى طلبت مساعدتها ولما اشتد عودها ,,, تتهرب
وبعدين طنشتها اعتذرت وبعدين يالله شفيك خل نطلع ردت تتهرب وكنت سألتها شنو المشكلة تقول والله نسيت شنو كنت متضايقة منه ....من تفاهة السبب


اقول حسبنا الله ونعم الوكيل ...على اسلوبك



ميتة ميتة من الحرة منهم


المشكلة ما فى مشكلة ما فى سبب

تلقينها رافعتك بالسماء عند اهلها

الله العالم شنو الحين تقول عنك عند أهلها ...وابى اعرف شنوووو ليش وضحى



الأخ مراة اخية


انتو مريتوا بجذية مواقف ؟؟




ارجو المناقشة

 

[هدوووشه]

ااااااوه انا عدي واغلطي كثييييييييييير والله مرت علي هالمواقف كانو ياكثر صديقاتي

للأسف الحين حتى اللي كان اسمها صديقة صارت معرفة فقط

حتى السلام مابيننا اول كنت انقهر وازعل الحييين والله العظيم ماعندي ولا صديقة ومرتاحة ومريحة عمري

اصلا هالزمن زمن مصلحة لا تقولين لا صديقة ولا بطيخة

كل من همه نفسسه ومصلحته

 

[Kocheko]

الشكوى لغير الله مذلة .. يا كثر ماصادفت هالاشكال

لو عندها مشكلة وتبي تفضفض تعرفج من تخلص بلوك ودليت ..

بس للامانه مره وحده انا سويت فوحده هالتصرف بقولج ليش تعرفت عليىها بمكان عام طلبت رقمي انحرجت ما عطيها عطيتها ومن ثاني يوم لزقت لزقه مو طبيعية وما مداني اعرفها يا دوب أسمها بس مريني ما عندي سياره .. أبي سلف ومن هالخرابيط أهني قمت مارد عليها لاني تخوفت منها حسيتها جريئه وايد على الرغم انها كانت ملتزمه بس تصرفاتها تخوف .. بس فالنهايه سوي خير وقطيه بحر

 

[تحت ظلك]

خليها على الله

اصلا الدنيا منو الي فيها ومايتغير

هالناس عجيبه تصرفاتهم.

 

[يحبنى الله *]

يا سبحان الله




الله يجزاكم خير حبيباتى اللى رديتوا




الموضوع للنقاش يا ريت كثرة الردرد مو عشان الموضوع .... علشانى انا ابى ابرد قلبى

 

[1001]

صداقاتي كانت بس بالدوام
نشتكي لبعض ونسولف لبعض ونفضفض لبعض ونضحك ونتغشمر واغلبهم متزوجات عندهم مشاكل ببيوتهم خلتهم مايلتزمون بالدوام
ووصلت اشيل شغلهم وانا مستانسه وبما ان عندي اهل بقسم الاجازات كانو يطلبون مني اساعدهم باجازات طارئه ودوريه دون علم المدير
لغاية ما لقولهم دوامات قريبه من بيوتهم وانتقلو ال5 موظفات كل وحده بسكه
بعد اسبوع
حبيت اتطمن عليهم كل ما ادق على وحده النفسيه شينه والي تقول انتي منو ما عرفتج اقولها انا فلانه الي كل يوم تتريقين معها تقول مااتذكر " سنتين مكتبي مقابل مكتبج وسوالفنا وضحكاتنا مع بعض تقولين نسيتي"
هذول اصدقاء المصلحه

 

[Japanese]

تبين الصج عاد انا قاعده اسوي هالحركه مع وحده من رفيجاتي مع انها كلش ماتصلت ولا شي بس هاللي ناويه عليه

اني احقرها وماتكلم باللي مضايقني وليش مابي صداقتنا تستمر

صارلي سنه اعرفها ،، بس خلاص علاقتنا اوصلت لمرحله انه حتى لما اجي ابي اتكلم عن شي ضايقتني فيه

تقعد تجادل وتطول السانها وكله تطلعني انا الغلطانه ،، امانه شتسوين بناس جذي حتى اصغاء مايبون يصغون؟ ولا يبون يفهمون

وكل هالاشيا تدل ع انهم مايهتمون اصلا

اذا انتي مب من هالنوع ماجوف سبب مقنع لرفيجاتج انهم يعاملونج جذي بس بغيت اوضح انه لآسباب وايد ممكن البنات

خلاص مثل اللي يصيدهم احباط حتى انهم يشرحون موقفهم

بس ماتدرين يمكن البنت منشغله ولا ملتهيه ،، عادي يعني ليش وايد مكبره الموضوع :/ طقاق!!! وباللي مايحفظ بعد لوووول

من مايعدك مكسب لاتعده راس مال​

 

[يحبنى الله *]

صداقاتي كانت بس بالدوام
نشتكي لبعض ونسولف لبعض ونفضفض لبعض ونضحك ونتغشمر واغلبهم متزوجات عندهم مشاكل ببيوتهم خلتهم مايلتزمون بالدوام
ووصلت اشيل شغلهم وانا مستانسه وبما ان عندي اهل بقسم الاجازات كانو يطلبون مني اساعدهم باجازات طارئه ودوريه دون علم المدير
لغاية ما لقولهم دوامات قريبه من بيوتهم وانتقلو ال5 موظفات كل وحده بسكه
بعد اسبوع
حبيت اتطمن عليهم كل ما ادق على وحده النفسيه شينه والي تقول انتي منو ما عرفتج اقولها انا فلانه الي كل يوم تتريقين معها تقول مااتذكر " سنتين مكتبي مقابل مكتبج وسوالفنا وضحكاتنا مع بعض تقولين نسيتي"
هذول اصدقاء المصلحه

يماااااااا الحمد الله الذى عافانا



الله المستعان



جذية ناس شفتى ... المشكلة اللى تبط الجبد اكثر ما يبن ان الوحدة حبوبة ووفية لا تبين جنك قاطة نفسك عليهم


استغفر الله صج تضايقت

على تصرفاتهم


شفتى هذا اللى يقهر ..

 

[يحبنى الله *]

تبين الصج عاد انا قاعده اسوي هالحركه مع وحده من رفيجاتي مع انها كلش ماتصلت ولا شي بس هاللي ناويه عليه​

اني احقرها وماتكلم باللي مضايقني وليش مابي صداقتنا تستمر ​

صارلي سنه اعرفها ،، بس خلاص علاقتنا اوصلت لمرحله انه حتى لما اجي ابي اتكلم عن شي ضايقتني فيه ​

تقعد تجادل وتطول السانها وكله تطلعني انا الغلطانه ،، امانه شتسوين بناس جذي حتى اصغاء مايبون يصغون؟ ولا يبون يفهمون ​

وكل هالاشيا تدل ع انهم مايهتمون اصلا ​

اذا انتي مب من هالنوع ماجوف سبب مقنع لرفيجاتج انهم يعاملونج جذي بس بغيت اوضح انه لآسباب وايد ممكن البنات ​

خلاص مثل اللي يصيدهم احباط حتى انهم يشرحون موقفهم ​

بس ماتدرين يمكن البنت منشغله ولا ملتهيه ،، عادي يعني ليش وايد مكبره الموضوع :/ طقاق!!! وباللي مايحفظ بعد لوووول ​

من مايعدك مكسب لاتعده راس مال ​

لا حبيبتى ما عندى ولا عندهم طولة لسان عاد الحق ينقال



بس هالفجأة من غير سبب



ولا توضيح



وانصحك لا تتصرفين هالتصرف والله ما تدرين الزمن يدور حتى لو ما غلطتى تتصرف معاك وحدة نفس التصرف

انتى بينى لها أنك حيل متضايقة من تصرفها وبس وضحى السبب علشان اهى تعرف غلطتها وان السبب هذا أهو اللى مخليك تتضايقين منها



ياكره الحقران ترى ساعات الواحد ما يكون قصدة مثل وحدة شديت عليها من حبى لها ان ما تنزع الستر اللى اهى ملتزمة فيه تضايقت شدعوه نصحت لله .. بس هم بينت لى ان الأولى لو كان من غير شدة ..بجذية تعرفين ان هذا الموقف حتى لو مو قصدك لكن فى طرق افضل ..


لكن حقران ياكره هالتصرف ...


وانا اضمن ان اللى سوة فينى رادلهم بالمثل وان طال الزمن لأنى ما اخطأت بحقهم ولأخر لحظة مافى ولا مشكلة او موقف صار صداقة احترام


ولو على ظروفهم انا مفهمتهم إذا فى شىء بينوا انكم بفترة ضيجة وانا من نفسى ما ادق الا لما يدالمشكلة انى راااااااقية بصرفاتى والكل يشهد ولله الحمد لأنى انا ما ابى احد يغلط على ولا اغلط على احد
عاد الله واتصالاتى ما عندى وقت حتى النادى فوق 3 أشهر مارحت له علشان القى وقت كل يوم ادق عليهم ,, نوعى ما ادق الا وين ووين وهم ما سلمت هههه :krkrkr:

الله يعين

ذووووق بس فى ناس ما يستهالون الذووووق :eh_s(4):

 

[ℓσσσѕ]

ي الغلا في فرق بين الصداقة والمعرفة
ماكل وحدة تعرفت عليها بمكان عام تتسمي صديقة الحمدلله ماحصلي مثل موقفك
نصيحة للتفادي هيك ردات فعل اهتمي بالاصل مو الكم لتحفظي مشاعرك من ردات فعل اصحاب المصلحة وتذكري اصابع ايدك مو سوا وهيك الناس بيربو ي ع الاخلاق والادب او البذئاءة

 

[يحبنى الله *]

حبيبتى أنا اتكلم على صداقة مو معرفة

وتعارف حتى اهلنا تعرفوا على اهل بعض بس شنقول الله المستعان

 

[حناينq8]

الله ما يبعد عنج أي انسان الا وبهالشي خيره

لانج ما تدرين يمكن مع استمرار العلاقه تنقلب ضدج باشياء مو زينه الله يعلم فيها

وشي ثاني اللي ما يبيج لا تبينه وكل شخص مع الايام يبين على حقيقته سواء طال الزمن والا قصر

 

[يحبنى الله *]

الله ما يبعد عنج أي انسان الا وبهالشي خيره

لانج ما تدرين يمكن مع استمرار العلاقه تنقلب ضدج باشياء مو زينه الله يعلم فيها

وشي ثاني اللي ما يبيج لا تبينه وكل شخص مع الايام يبين على حقيقته سواء طال الزمن والا قصر

مشكوررة حبيبتى اى والله لعل خير

مع انهم اللى يشوفهم يقول ملتزمات وما اخترتهم صديقات الا علشان الدين


المهم الحمد الله الله بينهم لى



والله يعوضنى خير منهم ويرفعنى عليهم


شكرا

 

[ضــمــاد]

الاسباب وايد

١: يمكن انتي اتصالاتج وايد ، وهالشي يزعج البنت ومع الوقت تتضايق منج فتنسحب

٢: يمكن صار بينكم كلام وافهمتج غلط

٣: يمكن انتي تعاتبين او تتشرهين وموكل الناس يحبون هالشي

٤: يمكن انتي نوعج سلبيه او وايد تتذمرين وتتشكين لهم ، ف مع الوقت يملون




بالنسبه لبنات الدوام ، اسمهم زميلات ، يعني ماله داعي

نتعمق معاهم ونسولف لهم عن يومياتنا و خصوصياتنا

لأنهم زميلات مو صديقات ، انا وحده افضل الغموض مع الناس الغرب

بالذات بالدوام ، لانه وايد يصير لهم مثل ما صار لچ ، و وايد بنات تأذو

من زميلاتهم بالدوام ، اعرف وحده موظفه عندها زميلاتها بالقسم

يسولفون بكل شي ويطلعون مع بعض وچم مره اعزموا بعض بمطعم

لما وحده منهم ترقت ، اقلبت على البنت اللي اعرفها ، لدرجه فرة راس

مديرها ، وحط عليها ، لما طفشوها وخلوها بنفسها تطلع من دوامها

 

[Pinky -cat]

لا طبعا هالاسلوب يجرح حيل ويغث ويكسر القلب وماحد يرضا انه يصير فيه جذي فا ليش نسوية ويا غيرنا، اذا صج تحب الانسان
اللي وياك وتحترم العشرة بينكم ما رح تتركه معلق وما يدري شسالفة وليش هالتغيير وما تبرر له حتى شدعوه ليش نعامل
الناس بهالرخص جنهم ولا شي؟؟؟؟

اكيد ماحب هالشي وما اتمنى لحد يكون في هالموقف كلش

 

[Pinky -cat]

وبالنسبة للاخت اللي تقول ابي اسوي جذي صدقيني حرام تسوين جذي وتذكري لي هالانسانة موقف حلو وايام وذكريات حلوة
وماحد خالى من العيوب منتي قادرة تتحملينها عيل ليش رفيجتها؟؟؟ اكيد لها عيوب بس صارحيها حاولي في بينكم عشرة
ومو سهل تتخلين عنها لان فيها جم عيب شدعوه يعني؟؟


فكري عدل وشوفي لو انتي بمكانها راح تفلين وتوخرين بدون سابق انذار وترضين تحسين بالاهانة ؟؟؟

 

[يحبنى الله *]

الاسباب وايد

١: يمكن انتي اتصالاتج وايد ، وهالشي يزعج البنت ومع الوقت تتضايق منج فتنسحب
ههههه ضحكتنى ..انا اتصالاتى تفرحين فيها لأن عادى أسبوعين شهر ما اتصل ..بس اللى معاهم مقدرين انشغالى واذا تكلمنا كأننا متكلمين من امس .. يعنى مو هذا اهو السبب
٢: يمكن صار بينكم كلام وافهمتج غلط
لا ما صار .. واساسا لو صار جان فهمت بس انك تتضيقين من شغلة وما ادرى عنها وتختفين ولا تحترمين رسالة ولا اتصال ...قلت ادب ...
٣: يمكن انتي تعاتبين او تتشرهين وموكل الناس يحبون هالشي
اعاتب على شنو ...اذا أنا مشغولة وهم اقدر انشغالهم لو انشغلوا ..انا عندى انتى مشغولة وكتب لك وين وانطر يومين واراسلك وتحقرين هذا عندى قمة سوء الأدب ..قولى والله انا مشغولة خلاص اخليك سنة ليما انتى تدقين
٤: يمكن انتي نوعج سلبيه او وايد تتذمرين وتتشكين لهم ، ف مع الوقت يملون

الحمد الله انا عندى حسن الظن والتفاؤل مهم واخاف من الناس المحبطة


بالنسبه لبنات الدوام ، اسمهم زميلات ، يعني ماله داعي

نتعمق معاهم ونسولف لهم عن يومياتنا و خصوصياتنا

لأنهم زميلات مو صديقات ، انا وحده افضل الغموض مع الناس الغرب

بالذات بالدوام ، لانه وايد يصير لهم مثل ما صار لچ ، و وايد بنات تأذو

من زميلاتهم بالدوام ، اعرف وحده موظفه عندها زميلاتها بالقسم

يسولفون بكل شي ويطلعون مع بعض وچم مره اعزموا بعض بمطعم

لما وحده منهم ترقت ، اقلبت على البنت اللي اعرفها ، لدرجه فرة راس

مديرها ، وحط عليها ، لما طفشوها وخلوها بنفسها تطلع من دوامها

أنا نفسك احب الغموض بالدوام وعلاقتى سطحية -- لكن حذارى من التلفونات لأن من التلفونات ممكن يعرفون كل اسرار بيتكم هههه ولو كنتى غامضة خاصة اللى ما تقدر تقصر حسها

 

[يحبنى الله *]

لا طبعا هالاسلوب يجرح حيل ويغث ويكسر القلب وماحد يرضا انه يصير فيه جذي فا ليش نسوية ويا غيرنا، اذا صج تحب الانسان
اللي وياك وتحترم العشرة بينكم ما رح تتركه معلق وما يدري شسالفة وليش هالتغيير وما تبرر له حتى شدعوه ليش نعامل
الناس بهالرخص جنهم ولا شي؟؟؟؟

اكيد ماحب هالشي وما اتمنى لحد يكون في هالموقف كلش

اى والله صدقتى الله يحفظك من هالأشكال

 

[fatma A]

اتذكر في بنت وياي اول بالمدرسه تدرس تتصل على واحقرها كل يوم جذي ولمه تسالني وينج اقوله نايمه

ادري بتقولون حرام وليش وكما تدين تدان وهالسوالف


اول شي هالبنت تحب الحش والنميمه

ثاني شي انا برابعه ثانويه ابي ادرس ما تخليني كله تتصل وتبي تتكلم وتحش وتسولف تلهيني عن دراستي

وثالث شي تمشي وتعلق وما تشوف نفسها وتعيب وكله هذي فيها وهذي مافيها

ورابعه شي ما احب هالطبع وانا طابعي هادي وما احب المشاكل وكله تلهيني بالحصه تبي تسولف

فيوم نجحت برابعه ثانوي سحب عليهم كلهم الانهم نفس طينتها وانا ما احب هالطبع ولو يتصلون علي احقرهم

 

[fatma A]

اتذكر في بنت وياي اول بالمدرسه تدرس تتصل على واحقرها كل يوم جذي ولمه تسالني وينج اقوله نايمه

ادري بتقولون حرام وليش وكما تدين تدان وهالسوالف


اول شي هالبنت تحب الحش والنميمه

ثاني شي انا برابعه ثانويه ابي ادرس ما تخليني كله تتصل وتبي تتكلم وتحش وتسولف تلهيني عن دراستي

وثالث شي تمشي وتعلق وما تشوف نفسها وتعيب وكله هذي فيها وهذي مافيها

ورابعه شي ما احب هالطبع وانا طابعي هادي وما احب المشاكل وكله تلهيني بالحصه تبي تسولف

فيوم نجحت برابعه ثانوي سحب عليهم كلهم الانهم نفس طينتها وانا ما احب هالطبع ولو يتصلون علي احقرهم