شسالفة الثلاث نكات اللي يسوون دعايه لعطورات العربيه

[نوف الصقعبي]

دشيت كذا موضوع وكلهم مسجلين بنفس التوقيت
ويسوون دعايه لعطورات العربيه
اخاف رياييل

:eh_s(10):​

 

[حنانو 89]

امبيه نوف مو بس علي دعايات للعربيه دشي قسم العمليات الجراحيه دعايات علي دكاتره معينه بالتجميل وغيره ناس استغفر الله ماتخاف الله

 

[نوف الصقعبي]

وليش جذي عاد العربيه معروف مايحتاي دعايه وله طاح سوقه​

 

[بنت العقربيه]

ايه طاح سوقه من يوم اكتشفوا الناس غشه في كثير من العطور الغاليه الكمبوديه المعتقه الي تنباع بالتوله عندهم طلعت مغشوشه هذا كلام قريباتي والناس في المنتديات لكن انا من زمان مااحبه من الله ماادري ليه شريت كذا شي عليه مدح وماطلع حلو ومن 3سنوات مادخلته

 

[نوف الصقعبي]

انا مره او مرتين شريت مبثوث الشيوخ هالكلام طاف عليه اكثر من 6 او 7 سنين بعدها قطعت ماحسه قوي الصراحه يعنى مو بمستوى آطياب المرشود او القرشي و امل الكويت حتى اجمل احلى منه بسوالف البخور ودهون العود​

 

[منيره آل ثاني]

كأني لاحظت

مره شميت عندنا القرشي في مجمع فلاجيو دهن العود بس شنو قوي بس الله أعلم إذا يثبت ولا لا
قلتله اصغر توله بجم يقولي بستميه مادري ثمنميه
بروح له مره ثانيه وبسئله اممممم للتأكد لا غير

 

[قاهره عذالي]

بالعكس العربيه للعود فيه شغلات حلوه

انا جربت منه عطر اربيان برستيج روز يهبل وثابت

وتوني من شوي رشيت عطر ماجستيك فخم ويصلح للجمعات والمناسبات وقوي وثابت

وعندهم مبثوث الحمرا مره شميته حلوو

ومره جيتهم وسالت عن مسك العروس اللي عندهم ريحته احلى من اللي عند القرشي بس غااااااااالي ما اذكر السعر

ومره مريتهم لان سمعت عن عطر الفراشه وطلع لي كذا نوع وشكل من العطر عجبني وااااحد منهم كان سعره ب12 وعيا ينزل لي وكنت وقتها ما معاي الا 10دك فقط

بالعكس العربيه للعود عندهم شغلات حلوه وعطورهم قويه

بالعكس اجمل والرصاصي اللي تحسين العطر خفيف وبسرعه تطير ريحته

بس مشكلة العربيه على انهم مسوين تنزيلات بس لازالت اسعارهم مرتفعه

اما سالفة الثلاث نكات اللي يسوون دعايه للعربيه
صراحه خربوا مواضيعنا وانغثيت من مشاركتهم والتمثيليه اللي يسوونها
كلش ماله داعي