شسااالفة العبايات الي فيها استرااس و الخامات الملونة والتايجر في العزااااء؟؟

[انوار87]

اشوه ان انا عندي عباتين و سااااااااااااده

 

[laura mercier]

أشوة

 

[Galb.sh]

اي والله حددده مصخرا انا من 4 شهور رحت لعزآ يدة رفيجتي وشفت أشكال وألوان .. العبايات ألوااان وبووودر احمررر وحمرآ وكحل .. و... ولاتعليييق .. !!! وانا لما رحت كنت مستحيه شووي لان عبايتي فيها شوارفسكي بالاسود على ورده معنه شكله عاادي .!

وللاسف حتى بعزآ أبوي الله يرحمه من شهررين في جم وحده مو متحجبين يايين بعبايه والفه عالرقبه انزين قطيها عالاقل على شعررج .. ومسويه ذيل حصان بعد ... ووحده هم يايه ببنطروون @@ انا يوم شفتها تسلم علي انصددددمت ... بس عقب قالو انها لبنانيه وانها تفآجأة بالخبر ويت سيده وماعندها عبايه .. !!!

 

[مس فوشيا]

رد : شسااالفة العبايات الي فيها استرااس و الخامات الملونة والتايجر في العزااااء؟؟

صاجه اختي بكل كلمه قلتيهاا
عيل انا بقولج سالفتي يوم رحت عزى ناس اعرفهم
طبعا لبست عبايا ساده مع ان ما عندي بس استلفت
قلت فشله اروح بشي اوفر ,, المهم لما رحت العزى
الا المكياج البرونز والعبايات الملونه وووو الخ
بس منووو اللي لابس جذيه؟؟ اهل الميت وقرابته
بناتهم بالتحدييييد ,, ولانهم مو بنت و2 لا ما شاء الله
عددهم كبييررر فصار الموضووع اووووفر ررر
والله انصددددددمت منهم يعني نحن غرب واحترمنا
العزى وهم اهله ولا حشموووا ,, بس شنقول شنخلي!!

 

[حرم حمود]

نفس السالفه انا بعد رحت عزاء ناس اعرفهم اول مادخلت واللاالعالم مكياج ناعم ملافع بشوار فسكي نفس نقشه العبايه وهذولا منو خوات الميته عادي ولا كانه فيه شي حتى لما اتعزينهم كانو يبتسمون الله يرحم موتانا وموتا المسلمين

 

[سمو ذاااتي]

رد : شسااالفة العبايات الي فيها استرااس و الخامات الملونة والتايجر في العزااااء؟؟

لا حول ولا قوة الا بالله

مو لهدرجه اصلاا العبايه والنقاب لستر مو لفت الانتباه سواء بعزى ولا بغيره

امبييييه اتخيل الاشكال مو راضيه دش مخي حتى بالعزى يتكشخون واهل الميت يعزونه واهم بهاللبس وين الاحترام لهم ولحزنهم !!

الله الهادي

 

[laura mercier]

اي والله الله الهاااادي

 

[daloola]

تصدقين
انا مره بالعيد.... رحت أعزي وبالزوارة ماعندي غير عباتي مالت العيد...شوارفسكي كحلي عالجموم
مت من الفشلة ..استحيت امد ايدي أسلم

الحين الناس تطريز ذهبي ... والعباة اتلالى

 

[بدمي لكويــت]

رد : شسااالفة العبايات الي فيها استرااس و الخامات الملونة والتايجر في العزااااء؟؟

عيل شراايكم اعرف وحده رايحه عزا تقول كل الي بالعزاا تريننقات <<<<<< هاذي وين صارت بالله

 

[summer's day]

رد : شسااالفة العبايات الي فيها استرااس و الخامات الملونة والتايجر في العزااااء؟؟

ما راح يحسون إلا لما يجربون موت قريب لهم
أنا مرة رحت عزا والله لا يوريج في وحدة معقدة تخيلي كانت توها رادة من السفر وطول الوقت بالعزا حاطة جنطتها على حضنها يعني شوفوها و تطلع الساعة م تحت العباية المشكلة هي وأمها الحمدلله والشكر!

 

[laura mercier]

اي والله الحمد لله و الشكر ...


كله كوووووم والمكياااااج كوووم ...

 

[laura mercier]

اب اب

 

[حربيه وبس]

رد : شسااالفة العبايات الي فيها استرااس و الخامات الملونة والتايجر في العزااااء؟؟

فعلا شغله تبط الجبد
وانا عن نفسي لا قدر الله ان صار عندنا عزا وشفت السوالف هذي صايره عندنا وخصوصا الضحك والسوالف
راح اطرد اللي عبالها انها جايه عزيمه
وفعلا من قبل سنه بعزا ابوي الله يرحمه ولا وحده قاعده عندي جان تقولي تصدقين شكلج غيييير بدون مكياج
تخيلووووووووووووووووو
انا ميته بجي وهذي داشه عرض
جان اقولها احترمي المكان اللي انتي فيه وياريت تلاقين لج مكان ثاني تسولفين فيه عن المكياج
وعزا ابوي يتعذرج
مادري عاد بالغت بردي ولا لا !!!!

 

[طـير7]

الله يهديهم

ذكرتيني بعزا يدتي ( الله يرحمها)

يوو ناس نعرفهم من بعيد

وقعدوا يقرقون وما احترمونا عالاقل سكتوا لين ماتطلعون

المهم!!!!


وحده منهم حاطه صبغ اضافر جان الثانيه تقولها حلوو عندج اياه

ولا الاخت تطلعه من جنطتها ويتصبغون!!!!!!!!



قههههههههههههههههههههههر


الله يهديهم

 

[laura mercier]

اب اب

 

[dnyay_mll]

رد : شسااالفة العبايات الي فيها استرااس و الخامات الملونة والتايجر في العزااااء؟؟

اللي يذبحني

عباية الراس وتحتها جينز وتي شيرت

شيي عجيييييييب

لكن شنسوي

الشكوى لله

 

[EnGiNeeRa_92]

رد : شسااالفة العبايات الي فيها استرااس و الخامات الملونة والتايجر في العزااااء؟؟

تعالي شوفي اللي يونا هذااك اليووم بتسريحات صالوون ونفنوف اسود مال حفلات !!
:denya:​

 

[@فطفوووطه@]

رد : شسااالفة العبايات الي فيها استرااس و الخامات الملونة والتايجر في العزااااء؟؟

صاااجه والله شكثر اشوفهم بالعزا

بس يالله احتسب لاخييك المسلم سبعين عذر


يمكن ماحطوا احتياطات للعزا

انا نفسج حاطه عبايه ساده مع ملفعها مخصوصه للعزا عسى الله يبعد الاحزان عنا

 

[قانوون كيفك]

رد : شسااالفة العبايات الي فيها استرااس و الخامات الملونة والتايجر في العزااااء؟؟

الله يخليج اوقفت على البنات حتى الحريم الكبار الله يهداهم يطيحون له حش وسوالف وتعليقات على الناس اللي بالعزا وصار شي اساسي الحلو والقهوه من يأذن المغرب يحطون الحلو والقهوه ويجتمعون هذا بدال ما يدعون ويترحمون على الميت لا ينسون الميت ويطيحون له حش وسوالف مالها داعي والله شي يفشل ويعور القلب
انا اول ما احب اروح العزا عشان الصراخ والبجي يأثر فيني حيل
طلع الصراخ اهون من اللي قاعد يصير لانه في قمه الوقااااااااااااااااحه

 

[دانة من البحرين]

كلامج عدل

احنا بالبحرين لازم نسوينا عباية سادة مافيها شي حق العزا