تصدقين من نفسهم صاروا يحطون شوربة من غير لا أدق .. :eh_s(10):
شكلهم يقرونا ردودنا ..
والله للحين مو فاهمة شسالفة ..
و ما صاروا اييبون واحد من الهريس و الجريش و التشريبه ..
الظاهر يا هذا يا هذا ..
بس اليوم يابو شوربة و جريش ..
عالعموم اشتراك بس افطار زين ناسبني ما أحس إنه كان لازم أشترك بسحور بعد ..
لكن حركة المنيو .. صج حوسة نقي من تحت وحطي دائره وكتبي ..
إي توني دقيت لأنه أمس رجع من السفر ..
عاد لما عطيتها رقمي و قرت الاسم ( استازة فلانه ) جنها تقول هذي انتي
و خلتني أختار الموعد على راحتي ..
و إن شاء الله بروحله وأفهم كل شي ..
بالنسبة لنكهة الأكل مثل ما قلتي في شركات أحسن منهم ..
بس دام فيها نزول ما عليه .. هذا أكل الرجيم لازم جذي ..
مشكورة حبيبتي :eh_s(7):
هلا حبيبتي ..
صح كلامج .. لأنه بالشركات اللي قبل كنت أدخل على أخصائية و أسأل كل شي ..
بس هو كان مسافر و مافي وقت أنطره .. وعلى ما أحط موعد و راح يبون عقب جم يوم من لما أشترك و جذي ..
ما هقيت المنيو جذي معقدة ..
ومافي متابعة .. مادري لأنه مسافر ..
بس هي قالت لي حتى لو مسافر في أخصائية بتنسق معاي و محد دق ..
بالشركة اللي قبل الاخصائية عقب يومين من الاشتراك تدق تسأل عن كل شي ..
و كل جم يوم ماذكر بالضبط متى يدقون ..
و اذا قلت ملاحظة يدقون يجيكون صار اللي أبيه ..
لكن هالشركة محد دق سألني شي ..
بالنسبة للعصير ..
شركة ليناز & ديناز ..
كان عصير مو طبيعي ..
و لما دقت الأخصائية - من نفسها - عقب ما بدا اشتراكي ..
قلت لها هالملاحظة .. قالت ولا يهمج في خيار عصير طبيعي و غيروه ..
و لما كنت أقول ملاحظة تخلي السكرتيرة تدق علي و تنسق معاي و يدقون عقب يتأكدون ..
بالنسبة للمنيو .. بلى فيه .. و دايت بعد .. بيبسي و سفن .. و عصير ..
حتى مثل ما قلت لج لما كلمت الاخصائية ما استغربت ..
و تقدرين تدقين عليهم جنج تبين تضيفين بيبسي و بتشوفين إنه فيه ..
وأرد أقول المفروض المنيو أوضح من جذي ..
يعني دام حاطين خيار انه عادي ما ندخل على أخصائي ..
يكون في متابعة للمنيو ..
ويكون في مكان نكتب فيه شنو الأكل اللي ما نحبه .. أو الأكل اللي يسبب حساسية ..
لأنه قاعدين أييبون لي شغلات ما أحبها المفروض تنشال من مكونات الأكلة ..
والله يبشرج إنه نزلتي .. إن شاء الله يكون في نزول بالنهاية .. :eh_s(7):
حياج الله و ولكم باك ^.~
يمدحون هيلث كومباني و كالوري كنترول ..
ما جربت كالوري كنترول ..
و حالياً أجرب هيلث كومباني ..
توني بالبدايات .. فما أقدر أعطيج حكمي النهائي ..
بس تقدرين تشتركين بهيلث كومباني و حاولي هالمرة تدشين على أخصائية وخليها تختار معاج ..
و الدخول والاستشارة مجاناً .. وأعتقد هم الوحيدين إللي مافي رسوم لفتح الملف ولا للدخول على أخصائية ..
وحاولي من الحين عشان ورا رمضان على طول تبلشين ..
التعديل الأخير:
