شرايكم منو احسن النظام الامريكي ولا البريطاني

[سمبوسه2]

السلام عليكم بنات شلونكم حسب تجاربكم ابيكم تفيديوني شنو احسن النظام الامريكي ولا البريطاني ترى اول مشاركه لي رحبو فيني و ساعدوني :dddds:

 

[rawona]

هلا حبوبه ..

شوفي مافي "منو احسن فيهم" لان كل واحد نظامه غير عن الثاني

النظام البريطاني اقوى من ناحية اللغه والنظام والتعليم يعني تأسيسي اكثر "والامريكان نفسهم يعرفون هالشي"

النظام الامريكي سلس اكثر وفيه ابتكار بالتعليم والافكار يعني more creative واكثر مرونه من النظام البريطاني

هذا على حد علمي وانشالله البنات يفيدونج اكثر بس مافي واحد احسن من الثاني فعليا لانه كله يعتمد على الشخص وشنو اللي يميله اكثر ويرتاح منه

موفقه

​

 

[برونزية رشيقة]

البريطاني : شديد وصااااااااارم ويعلم الطفل النظام من صغرته ... وأقوى بالتدريس .

الأمريكي : يعلمه الأبداع بالتفكير والاستقلالية .. ومتساهل بالمقررات والمناهج ...

ماكوووووو أحسن من الثاني .. حسب شخصية ولدج أو بنتج ؟؟؟ أذا فوضوي وحوسة وعنيد وديه البريطاني يأدبونه لج .... أما أذا مسالم وهادي زيادة عن اللزوم وديه الأمريكي علشان ينطلق أكثر

 

[سمبوسه2]

مشكورين ما قصرتو على الرد

 

[dectora 7elwa]

الامريكي

 

[نواري]

حياتي مثل ماقالو الخوات بس النظام الامريكي يعتبر اللغه العاميه ..... والبريطاني هي اللغه الانجليزيه الفصحى ...نفس اللغه العربيه ايهم تفضلين تتكلمين العاميه ولا الفصحى ....والقرار لج ...اما بالنسبه للنظام الامريكي فاهوا مو نظام سايب وفوضوي بالعكس انا ولدي بالعالميه الامريكيه والله والله يخاف من المدرسين والنظار ويحسب لهم الف حساب خصوصا ان المدرسه فيها عقاب ...............وشكرا

 

[برونزية رشيقة]

حياتي مثل ماقالو الخوات بس النظام الامريكي يعتبر اللغه العاميه ..... والبريطاني هي اللغه الانجليزيه الفصحى ...نفس اللغه العربيه ايهم تفضلين تتكلمين العاميه ولا الفصحى ....والقرار لج ...اما بالنسبه للنظام الامريكي فاهوا مو نظام سايب وفوضوي بالعكس انا ولدي بالعالميه الامريكيه والله والله يخاف من المدرسين والنظار ويحسب لهم الف حساب خصوصا ان المدرسه فيها عقاب ...............وشكرا

شنووووووو نوع عقابهم ؟ أنا سمعت المدارس الأمريكية متحررة حيل ؟ شرايج في هالمقولة ؟