شرايكم بنات ..الحمل مباشره بعد الزواج والا ننطر

[iLLuMinaTion]

انا سارلي سنه ونص واكثر وطبيعي للحين مو حامل

صراحه اول زواجي ماكنا متفاهمين ,, بعد السنه الاولى تعودنا على بعض وسافرنا واستانسنا وكله نطلع مطاعم وسينما ورحلات ووو ..

بس الحين حيييييييييل اتمنى وودي يكون عندي بيبي ,, كل يوووووووم ادعي ربي وبديت اعالج ,, والله كريمـ

احنا مستانسين بحياتنا حاليا وزوجي يقول مستانس معاج واللي اييبه الله ,,حياه الله

بس
اهل زوجي حييييييييل يضغطون عليه يعني يوميا !!
ووايد قالو عني كلام يجرح لدرجه مرت علي فتره كله ابجي !!
بس بعدين قلت الحمدلله على كل ,, وطنش تعش

وعسى ربي يرزقني بالذريه الصالحه ,,


ادعووووووولي بلييز

خوش موضوع
خليتيني افضفض

يعطيج العافيه

الله يعافيج

 

[كويتيه مذهله 87]

سالفه متى نحمل ونقرر هذا الشي مو بيدنا

بس انا ضد الي تحمل بسرعه لان بنات هالايام او شباب هالايام ماينعرف لهم مايعجبهم شي ويطلقون بسرعه ماكو تفاهم

شنو ذنب ولدي الي ابطني
اول شي اعرفه علي الاقل 6 شهور تالي احمل

 

[iLLuMinaTion]

سالفه متى نحمل ونقرر هذا الشي مو بيدنا

بس انا ضد الي تحمل بسرعه لان بنات هالايام او شباب هالايام ماينعرف لهم مايعجبهم شي ويطلقون بسرعه ماكو تفاهم

شنو ذنب ولدي الي ابطني
اول شي اعرفه علي الاقل 6 شهور تالي احمل

اميل الي هذا الراي

 

[ميس الريم]

خليها ع الله واللي يجي من الله حياه الله

والوناسه بشوفت عيالج

واكبر غلط كلمة اربطه بياهل

لان لو بيهدج بيهدج حتى لو عندج عشره بالعكس الوضع يكون اصعب مع اليهال

 

[iLLuMinaTion]

خليها ع الله واللي يجي من الله حياه الله

والوناسه بشوفت عيالج

واكبر غلط كلمة اربطه بياهل

لان لو بيهدج بيهدج حتى لو عندج عشره بالعكس الوضع يكون اصعب مع اليهال

ونعم بالله

 

[iLLuMinaTion]

اراء جديده