شرايكم بقرار التحضير بالكتابة باليد؟؟

[qumar-q8]

السلام عليكم

شلونكم بنات ان شاء الله بخير

بنات

في قرار يانا بنهاية السنة وعقب ما غابو التلاميذ بخصوص دفترالتحضير

القرار يقول لازم المعلمة تحضر بخط ايدها وطباعة الكمبيوتر ممنوعه والفايلات ممنوعه

يعني يبون دفاتر التحضير الجاهزة وكتابة باليد .... مادري ليش



انا مدرسة عربي ويوميا حصتين يعني تحضيرين

ودايما اطبع الاشياء الثابتة واكمل الباجي بخط ايدي

بملف مغلف شحلاته

لكن ابتداء من السنة الياية يبونا نكتب بايدنا ونشتري دفاترتحضير جاهزة من المكتبات والجمعيات

انا ابي اعرف شنو الفايدة اللي بيستفيدها التلاميذ من تحضير المعلمة بايدها ؟؟؟؟؟؟؟

الناس تطورو ودخلو الكمبيوتر بكل شي الا اهم ... هدفهم اتوقع تعزير لا اكثر ولا اقل

انا عندي خبرة ما شاء الله اقدر ادرس من بداية السنة لييي نهايتها بدون تحضير

يعني مالا داعي كل هالتعذيب :eh_s(16):

وسؤالي لكم >> الزبدة

- تتوقعون ليش يبونا نحضر كتابة باليد؟

- ما مدى تأثير تحضير المعلمة يدويا على التحصيل العلمي للطلاب؟

:eh_s(16)::eh_s(16)::eh_s(16):

انا ماخليت احد ما سالته لكن بصراحة عجبني رد يدتي الله يطول بعمرها

تقول يمكن الوزير عندة مصنع دفاتر تحضير ويبي يمشي بضاعته !!! :eh_s(10):

حبيباتي

انا كثرت الحجي لكن والله محترة من هالخرابيط اللي مالها معنى

والمايك لكم :eh_s(7):

 

[miele]

شسالفه !! خييير ان شا الله .. خلصت القرارات .. عشان يمنعوون الطبااعة بالكمبيووتر .. وين قاعدين؟؟ تعذيب هذا مو تحضيير

الكمبيوتر اسهل واسرع بالكتابة .. واذا ورد خطا بالتحضيير ما تشقيين الصفحة ولا تخربينها بالكوريكتر .. اعدل الخطا بالنسخة الموجودة بالكمبيوتر واطبعه .. شنو هذا ؟؟؟
هذا رايي انا .. يعطيج العافيه حبيبتي

 

[qumar-q8]

شسالفه !! خييير ان شا الله .. خلصت القرارات .. عشان يمنعوون الطبااعة بالكمبيووتر .. وين قاعدين؟؟ تعذيب هذا مو تحضيير

الكمبيوتر اسهل واسرع بالكتابة .. واذا ورد خطا بالتحضيير ما تشقيين الصفحة ولا تخربينها بالكوريكتر .. اعدل الخطا بالنسخة الموجودة بالكمبيوتر واطبعه .. شنو هذا ؟؟؟
هذا رايي انا .. يعطيج العافيه حبيبتي

والله مادري

مشتهين احد يدعي عليهم :yaaaaaarb:

انا اتوقع انهم ماكانو يدرسون قبل


تسلمين حبيبتي ع المشااااركة

 

[Q8Buying]

يديرهم شخص عدو التكنولوجيا !

لا يسوونها ! خل يخلونه شيء حر ..
ما يات على دفتر التحضير عاد!
يحكرون الابداع ويقيدون المعلم ويخلونه يكره شغلته

 

[جوري!]

انا مو مدرسه بس قراركم صعب الصراحه :/


الحكمه أتوقع عشان المدرسات الجدد
انه ماتطلع ناسخه او مخليه احط يطبع عنها أو حتى شاريه جاهز :/


والتأثير على الطالب أكيد ايجابي
تاخذ ايدها ع الكتابه اكثر لووول



مشكوره قلب

 

[LA TROO7]

امبيه

ماسمعت عن هالقرار

صدمتيني بصرااااااااااااحه

 

[miele]

انزين .. اخااف هذا توجيهكم اللي طالب منكم .. مو عام عالمدرساات...تهقين؟؟؟؟

 

[نوني.]

غريبه انا مدرسة عربي وممنوع التحضير بالكمبيوتر يعني من زمااان هالشي مو جديد < مادري انتوا اي مرحله انا ابتدائي

 

[PuPa^^SWeeT]

لاا العكس موجهتنا اتقوليلنه

طبعوه بالكمبيوتر علشان مو كل سنة اتحضرون

يكون جاهز بالباور بوينت بس تطبعونه


احنا موجهتنا محبة للتكنولوجيا و الباور بوينت والداتا شو و البطاقات الكمبيوتر المغلفة

 

[مشغوله و محتاسه]

قرار متخلف


و أيل للسقوط


الحين الكل يتحجى عن التطوير و هالتواجيه على طمام المرحوم


انتي باي منطقة تعليمية ؟؟


توجيه الانجليزي كان مانع .. و الحين دارت الدنيا و صار يشجع على المطبوع


هالموجهين ما ينعرف لهم ..

حتى موجهي المنطقة الوحده .. تلقين كل واحد له راي


بوسي يدتج على راسها بوسه مني .. وقولي لها مشغوله تقولج هذي فلسفة الموجهين مو الوزير ..



سبب المنع .. ما يبون احد يرتاح و يفترضون ان الكل راح يلجئون للجاهز او التحضير القديم
علاوة على انهم دقة قديمة


شوفي للامانه ميزة الكتابة انها تثبت التحضير الذهني

بس عاد ما امنع عشان هالعذر .. لان ممكن المعلمة تقرا التحضير مره مرتين .. و يثبت ببالها

عاد اذا دخلت لحصة و لقيت المعلمة مو مستعده ذهنيا انبهها و اهي كيفها ... تتحمل

ما امنع الكل علشان هالاسباب ..


تواجيه عجيبه غريبة

 

[Miss dreams]

من صجج

عيل احنا العكس

الناظره لزمت علينا وعلى كل الاقسام انه ابتداءامن السنه اليديده

تبي التحضير بالكمبيوتر حتى اغلب المعلمات اعترضوا على هالشي

وانا بعد الصراحه افضل الكتابه يعنى الصراحه مالى خلق كل يوم اقعد اجابل الكمبيوتر

واطبع التحضير صج فى بعض الشغلات تكون ثايته وما تتغير بس مادرى تعودت

يعنى علاقل اقدر احضر بالمدرسه اما اذا كمبيوتر لازم بالبيت وكل شوى لازم اغير مادرى احس الكتابه اريح واسرع

 

[@ الرسامة @]

متخلفين



انا مالي شغل بهالقرار هيييين اذا طبقته

 

[ذكريات الطفوله]

انا مو مدرسه بس قراركم صعب الصراحه :/


الحكمه أتوقع عشان المدرسات الجدد
انه ماتطلع ناسخه او مخليه احط يطبع عنها أو حتى شاريه جاهز :/


والتأثير على الطالب أكيد ايجابي
تاخذ ايدها ع الكتابه اكثر لووول


مشكوره قلب

أختي اشكثر معلمات ينقلون على العمياني أو اتخلي وحده من طالباتها اللي خطها حلو تنقل لها
يعني اللي أقصده اللي تبي تنقل التحضير تنقله:bbbiu:

 

[the white heart]

هذا القرار موجود من زمان بس على كيف الموجهين مرات يفعلونه مرات لأ ... بس رأيي أنه متخلف جدا لأن الناس وصلت القمر وحتى الكتب صارت على أقراص كمبيوتر والمدرس ليلحين يبونه ينسخ جرايد علشان يدش يدرس .. وأصلا المدرس بعد ما يصير عنده خبرة ما يحتاج يطل بالتحضير لأنه التدريس ممارسة بس الله يخلي التخلف !!!!!!!!!!!
احنا ناظرتنا حرصت علينا ان الي ماتعرف كمبيوتر تتعلم لأن السنة الياية كل شي بالكمبيوتر... وبالمناسبة دريتو يا أبلات أن قرار لابتوب لكل طالب وقفو تنفيذه والسبب أن توجيه الحاسوب قالهم بدلو اللابتوب بالآيباد والجماعة طالعين إجازات فتم وقف القرار ولم يصدر أي قرار آخر بشأن الآيباد .. الله يعين

 

[randomy]

احنا من زمان التحضير يدوي وممنوع الكمبيوتر

حتى العام طنشتهم وقمت احضر بالكمبيوتر ولما حضرتلي الموجهه كتبت بخط كبير على الدفتر التحضير يدوي !!

 

[the white heart]

الله randomy فز قلبي من توقيعج الله أيام الجامعة كلية التربية

 

[ذكريات عشاق]

بالعكس انا افضل الكتابه باليد
يعنني كل يوم بتجابلين الكمبيوتر وتطبعين مانخلص
ومايمديج تسوين شي بتحضرين والاتطبعين والا تعدلين وتزهبين شغلج لي باجر
مادري احس مضيعه للوقت

 

[مشغوله و محتاسه]

بالعكس انا افضل الكتابه باليد

يعنني كل يوم بتجابلين الكمبيوتر وتطبعين مانخلص
ومايمديج تسوين شي بتحضرين والاتطبعين والا تعدلين وتزهبين شغلج لي باجر
مادري احس مضيعه للوقت

بالتعود يصير سهل جداااا

العام الماضي التوجيه غير بطريقة تحضيرنا .. فطلبت من ابلاتي ملفات بدال دفاتر التحضير

و تركت لهم حرية الخيار

طباعة التحضير او الكتابة يدويا على نموذج التحضير

مع تشجيع التحضير المطبوع

اللي طبعو كان بالبداية صعب عليهم لان مو متعودين .. بس بعدين عجبهم الوضع و لقو انه ارتب و اريح و احسن .. التغيير سهل .. التلوين سهل .. خطوط الكمبيوتر منوعه و حلوه .. ادراج الصور ممتع و سهل .. اذا الطلبة غايبين وما قدمت الدرس .. برنت يديد و خلاص مولازم تكتب من يديد ..

علاوة على انه موجود عندج للسنوات القادمة تعدلين عليه و تطبعينه


انا لما كنت مدرسة كنت اطبع تحضيري
وكان شي حلو و حاطه يم مكتبي طابعه بس حقي و عندي طابعه بالبيت
عقب التوجيه منع ... و عقب سمح و عقب منع و بالاخير سمح و شجع بعد :eh_s(17):

 

[ذكريات عشاق]

اهوا اكيد الكمبيوتر ححلو وانا احب اكتب واطبع على الكمبيوتر وحتى قبل بالجامعه بعض المحاضرات كنت اطبعها بالكمبيوتر واحفظها بفلاش واطبعها بملف
وصح ححلو بس مادري احس بالمدرسة غير يعني
مع انه انا للحين تعيين جديد وماجربت التحضير

 

[بحر الذكريات]

فديت جدتج الله يخليها لكم يارب