شرايكم بقرار التحضير بالكتابة باليد؟؟

[PuPa^^SWeeT]

لاا بالعكس استسهلت الكمبيوتر

 

[randomy]

الله randomy فز قلبي من توقيعج الله أيام الجامعة كلية التربية

كل من يقولي جذي

 

[المـــــها]

مادري شالهدف؟؟
يعني اللي تحضر بخط ايدها ماتنقل من غيرها ولا تاخذ تحاضير قديمه .. و اللي تحضر بالكمبيوتر تنسخ من غيرها ؟؟؟
قرار غبي مع احترامي .. أعتقد الأفضل يتركون لنا الحرية
و كلن ينام ع الجنب اللي يريحه !!!

 

[qumar-q8]

يديرهم شخص عدو التكنولوجيا !

لا يسوونها ! خل يخلونه شيء حر ..
ما يات على دفتر التحضير عاد!
يحكرون الابداع ويقيدون المعلم ويخلونه يكره شغلته

من يقدر يعادي التكنولوجيا بهالوقت !

لا والله خبال يبون يعذبون وبس

شاكرتلج مرورج العسل

 

[qumar-q8]

انا مو مدرسه بس قراركم صعب الصراحه :/


الحكمه أتوقع عشان المدرسات الجدد
انه ماتطلع ناسخه او مخليه احط يطبع عنها أو حتى شاريه جاهز :/


والتأثير على الطالب أكيد ايجابي
تاخذ ايدها ع الكتابه اكثر لووول



مشكوره قلب

انتي مو مدرسة!

اوك التحضير يومي وتحضيرين مو واحد غير الالتزامات الثانية صعبة وايد

والمدرسات التعين اليديد تعلمو بالتربية العملية

انا ماقلت كله كمبيوتر المفروض مكس الاشياء الثابته طباعة واللي مو ثابته كتابة

حياااج يا الغلااا منورة الحته

 

[qumar-q8]

امبيه

ماسمعت عن هالقرار

صدمتيني بصرااااااااااااحه

سلامتج من الصدمة حبيبتي

القرار من زمان يفعلونة ويردون اما من السنة الياية يطبق

نورتي

 

[qumar-q8]

انزين .. اخااف هذا توجيهكم اللي طالب منكم .. مو عام عالمدرساات...تهقين؟؟؟؟

الورقة ياية مطبوعة من المنطقة وعليها اختام الدنيا

وموقعة باسم هدى العميري

وما ادري يمكن بس منطقتنا التعليمية

مشكورة ع المرور

 

[qumar-q8]

غريبه انا مدرسة عربي وممنوع التحضير بالكمبيوتر يعني من زمااان هالشي مو جديد < مادري انتوا اي مرحله انا ابتدائي

احنا يمنعونة ويتراجعون كل رئيسة قسم وكل موجه له سالفة

وابتداء من السنة الياية ممنوع الكمبيوتر ع الكل

انا ادرس ابتدائي

تسلمين ع المشاركة

 

[qumar-q8]

لاا العكس موجهتنا اتقوليلنه

طبعوه بالكمبيوتر علشان مو كل سنة اتحضرون

يكون جاهز بالباور بوينت بس تطبعونه


احنا موجهتنا محبة للتكنولوجيا و الباور بوينت والداتا شو و البطاقات الكمبيوتر المغلفة

التكنولوجيا مطلوبة الحين بكل مكان

حتى لو تسوين تقرير او مجلة بتقولج طبعيها احلى

بس وقفت على التحضير

انا قصدي ليش ما يخلونا نسوي اللي يعجبنا ونبدع فيه

يفرضون علينا قرارات ويبونا نبدع مستحيييييل شي ما احبه ابدع فيه

مشكووورة ع الطلة الحلووة

 

[بنات حواء2]

لالا لا يحوشك

 

[qumar-q8]

قرار متخلف


و أيل للسقوط


الحين الكل يتحجى عن التطوير و هالتواجيه على طمام المرحوم


انتي باي منطقة تعليمية ؟؟


توجيه الانجليزي كان مانع .. و الحين دارت الدنيا و صار يشجع على المطبوع


هالموجهين ما ينعرف لهم ..

حتى موجهي المنطقة الوحده .. تلقين كل واحد له راي


بوسي يدتج على راسها بوسه مني .. وقولي لها مشغوله تقولج هذي فلسفة الموجهين مو الوزير ..



سبب المنع .. ما يبون احد يرتاح و يفترضون ان الكل راح يلجئون للجاهز او التحضير القديم
علاوة على انهم دقة قديمة


شوفي للامانه ميزة الكتابة انها تثبت التحضير الذهني

بس عاد ما امنع عشان هالعذر .. لان ممكن المعلمة تقرا التحضير مره مرتين .. و يثبت ببالها

عاد اذا دخلت لحصة و لقيت المعلمة مو مستعده ذهنيا انبهها و اهي كيفها ... تتحمل

ما امنع الكل علشان هالاسباب ..


تواجيه عجيبه غريبة

عطيني قرار ما فيه تخلف

قراراتهم كلها عويه ونتيجتها واااضحة المدرسات اتعبوو وطلبة مافهمو شي حسبي الله عليهم

انا قصدي ابيهم يخلون كل مدرس يسوي اللي يعجبة عشان يقدر يبدع مو داشين ابلعومة ويبونة يبدع

انا مدرسة قديمة اقدر اشرح بدون تحضير والمنهج حفظته


انزين وحدة تكتب نقل من دفتر ثاني وعمياني تسولف وتكتب هذي شلون بيثبت التحضير بمخها

بوسة يدتي وصلت ولج مثلها

مشكوووورة حبيبتي نورتي الموضوووع

 

[RowTow]

آنا لما كنت بالميداني الأبلات كانوا يسولفون لنا عن الموجهات القديمات. وحده منهم ما ترضى تحضير عالكمبييوتر آنا استغربت و سألت ليش, و الإجابه خلتني أكركر من الضحك هههه
ما تبي تحضير كمبيوتر لأنها ما تبي المدرسات يردون ينقلون تحضيرهم السنه اللي وراها ههه
و الأبلات أصلا كل وحده جايبه معاها دفتر السنه اللي طافت مالها و تنقل منه بإيدها و تضيف و تعدل على كيفها و على حسب خبرتها.
ههه ذكاء رهيب من الموجهات.
الصح إن المعلمه يكون عندها أرشيف حق التحضيرات السابقه سواء عالكمبيوتر أو على دفتر و اهي تعدل على حسب خبرتها.
بس للأسف وزارتنا ما تهتم إلا بالقرارات الغوغائيه.
يا ليت يلفتون انتباههم على شي ينفع.
​

 

[EviL^^GirL]

صج تخلللللللللللللللللللفففففففف
خل يشوفون الدول المتقدمه يطبعون التحضير جاهز مع الاهداف حق الابلات
والابله اتفنن بالماده العلميه ما يقيدونها بشي وتضيع وقتها عالفاضي

انا للحين ماتعينت بس الكورس الي طاف كنت ميداني
وناظره المدرسة قالت على اخر السنه انها من السنه اليايه تبيهم يطبعون تحاضيرهم عالكمبيوتر لان خطوط بعض المدرسات غير مفهومه
وما كان عاجب اغلب القسم لما وحده مسكينه اهي الوحيده الي من الاول تطبع تحضيرها عالكمبيوتر قالتلهم بالعكس ارتب واحلى
جان يهبون فيها انتي مو متزوجه انتي ما وراج مسئوليات وبيت وريل واعيال تجابلينهم كل همج نومتج وطلعتج ومو شايله مسئوليه احد و و و و !!
امبي شدعوه عليكم كل هذا بيسوي فيكم تحضير الكمبيوتر ! حسيتهم بيقولون ان من اسباب الطلاق تحضير المعلمات عالكمبيوتر
ولا تحضير الكمبيوتر لا دين له حاله حال الارهاب :\

 

[*ماي الورد*]

معاي بقسمي مدرسات ما يدرون عن التحضير مخزنين التحضير بالكمبيوتر من سنين بس يغيرون التاريخ و الصف
لمن طلع القرار اول ناس اشتطوا
مع انه لا عندهم لا ريل و لا عيال
لان بكل بساطة لاهين بالدروس الخصوصية و ماعندهم وقت يحضرون

 

[جيتك تعال]

هذا قرار اهوج ماله داعي

واكيد الي اصدره ماكان او ماكانت تحضر

لانه سبحان الله كلن يرى الناس بعين طبعه

ولانهم لما كانو معلمين ماكانو يحضرون ... فاكيد متوقعين الكل مثلهم

 

[ورود كويتيه]

الله يعين بس ~~~~

 

[هيبة ملك]

من زمان هالقرار ومطبقينه أنا معلمة عربي ابتدائي

بس هالسنة ناظرتنا تبي كل شئ كمبيوتر

بنشوف نحضر يدوي أو لا

 

[Miss dreams]

انا اقوول يخلوون كل واحد على راااحته

اللى تبي كتابة باليد تحضر

واللى تبي تستخدم الكمبيوتر بالتحضير

بس مو يطلعوون قرارات على كيفهم ويجبرون الكل

 

[alhnan]

هالقرار متخلف وبسسسسسسسس

 

[أم مهند]

احنا قالت لنا رئييسة القسم

والموجهه

بس طنششش تعشششش. تنتعششش

انا اطبع الأساسيات فقططط والباجي

أكمله كتابه يعني مو ثابت

شيبون بعد 