امبيه نفسيتي تعبت اليوم فجأة بسبب ظرف طارىء عفست الدنيا ( كليت فشار بالكراميل والعشا كليت جباتي أبيض 1 وسمبوسة 4 ) أمبيه امبيه ماتحمل يبي لي تكفخ
باجر بعاقب نفسي رجيم اللبن والتمر طول اليوم والله يصبرني
هلا قوة بنات
شخباركم حبايبي ؟
فانتا حبيبتي وينج صار لج يومين مادخلتي عسى المانع خير يارب
لج وحشة يا قلبي
المهم راح اسدح لكم تقرير اليوم
قعدت الصبح ووزنت ولقيت الحمدلله نزل وزني تقريبا كيلو وفرحت وايد لان هالاسبوع صار شوي تخبيصات
وزني الاسبوع اللي راح كان 74 والحين 73.2 وقبل شهر كان 77.3
يعني خسرت هالشهر اربع كيلوا الحمدالله والله وناسة وان شاء الله هالشهر كلنا ننزل من هالوزن وايد واحنا بالصحة وعافية
دايتي اليوم
من زود فرحتي اليوم بنزول وزني غيرت الشوي في الريوق
الريوق :
البان كيك بالعسل والقرفة + فروت + حليب بالزعفران والهيل
غذاي : سمك مشوي كنعد + سلطة وخضار سبايسي وعصير جريب فروت
وما أكلت كل سمكة تقريبا اللي اكلته ثلاثة ارباع
والسناك : جريب فروت
وهم اليوم رحت بيت حميي بعد العشاء واكلت حلو شوي وبسكويت وشاي احمر شسوي اهني خبصت
وعشاي : جوافة وكيوي وعصير جريب فروت
واليوم ما صار عندي وقت الى المشي ان شاء الله باجر اعوض لان طلعت رحت بيت اخو زوجي
وبس
وسلامتكم والله يوفقكم يارب
صباح الورد والأمل والتفائل والإرادة ان شاء الله
بما أني أمس خربطت ولعبت الخرابيط فيني لعب
فاليوم تعويض وإلتزام ان شاء الله
بدأت صباحي بشرب كوبين ماي ، وجيت الدوام وتريقت الساعة 9 ( كورن فليكس + حليل قليل الدسم ) وكليته بدون سكر ولا سكر محلى وهذا إنجاز بالنسبة لي لأني وايد أكره الكورن فليكس بدون سكر بس حطيت على نفسي وكليته الحمد لله ويارب أتعود على جذي
وراح أتغذا سلطة ومعاها اي شي بسيط او روب قليل الدسم
العشا: ناوية آكل أناناس الليلة
بنات بسألكم: هل كمية الأناناس اذا مثلا نصف أناناسة فرش طبعاً لها مضرة أو لا؟ مثلاً أقطع الأناناسة وآكلها كعشا بدون أي شي زيادة معاها؟؟؟؟؟ او وايد الكمية ؟!!
السلام عليكم احلى بنات
فنوته ::
سلامتج حبيبتي بس لا تعودينها وبسرعة اختاري رجيم والتزمي فيه والله يعينج
نور ::
عليج بالعافية وشوقتيني على البان كيك بسوي لي على الويك اند تغير عن البيض
مع ان البيض الصبح هو الي يشبع
ليالي :
عوافي وزين اتسوين العشاء اناناس كلي روب ولا لبن ولا تزيدين عن النص
والله يرزقج الالتزام يا حلوة
اليوم وزنت الحمدلله صرت 106
يعني نزلت كيلو باسبوعين مع التخربط الحمدلله والله يتمم علي
قعدت تقريبا 3 شهور بدون مبالغة على 106 يا ازيد كيلو ولا انزله عقدني الوزن بس ان شالله خير والاسبوع الياي يتحرك وبحاول امشي كل يوم ومتفائلة خير
السلام عليكم
هلا حبايبي شخباركم؟
عوافي على قلوبكم بنات والله يوفقكم جميعا وان شاء الله تضعفون
وانتو بصحة و سلامة
دايتي اليوم
الريوق : بيضة مسلوقة + توسته + خيار وخس + كابتشينو
الغذى : شيش طاووق + سلطة وتبولة
سناك العصر : شاي حليب مع 5 تمرات
وسناك بعد صلاة المغرب فرولة
والعشى ما صورته لان تعشيت تحت مع بيت عمي واستحيت اصور ولكن ما كثرت في الاكل
اكلت مشاوي 2 شيش كباب مع سلطة وعصير شمام وبس
واليوم مثل امس ماقدرت امشي
وان شاء الله باجر اقدر امشي
وبس سلامتكم وان شاء الله اشوفكم على خير
