شجعيني واشجعج مع رجيمي واحبه =)

[فانتا ستروبري]

السلام عليكم ​

شلونكم حبايبي ​

فديت عن اللي سألو عني والله فرحتوني
مامن شر ان شاء الله بس كان عندي حفله بالويكند والرجيم ملخبط شويه خذيت امس اوف واليوم رديت رجيم وشريت جهاز الغزال الطائر نص ساعه كل يوم ان شاء الله باذن الله بتسمعون اخبار حلوه قريبا عاد اذا نفع الجهاز معاي بأنصحكم فيه حاليا تحت التجربه ​

اليوم كان ريوقي 2 توست مع 2ملعقه لبنه مع كافيه لاتيه قليل الدسم​

غداي شويه شيش طاووق مع نص كوب بيبسي دايت وعلبه روب اكتيفيا​

وبشرب جاي اخضر بعد شوي وبلعب عالجهاز ان شاء الله ​

اشوفكم على خير ​

أحبكم ​

اهلين الحمدلله عالسلامة اشووه ما فيج اللا العافية :eh_s(17):​

وبالعافية على قلبج والله ينولج اللي ببالج ويقوي ارادتج وتضعفين

بس بسألج من وين شريتي الجهاز وبجم :eh_s(10):​

 

[فانتا ستروبري]

عوافي بنات

بنات اشرايكم بنظامي ؟ابي رايكم بصراحة
انا كنت اول اخذ نص خبز بر بالريوق والعشاء والغداء
والحين صرت بس الريوق و الغداء ربع خبزة والعشاء صار فاكهة وروب وبستمر اسبوعين فيه ان شالله
بنات تكفون اذا وايد قولو لي

هلا حبيبتي حاولي تاكلين الصبح تمرتين او ثلاث عالريج

علشان تفيدج واذا في نقص بشي يسده التمر

واذا تحبين سلطات وخضار وايد مفيد ترا

ولا تنسين الماي وايد مهم :eh_s(15):

وموفقة يارب :eh_s(17):​

 

[الصعيريه]

اهلييين بناات

الغزال الطائر ممكن يتعبج بأول شي بس عقب تعودين عليه وانا من قبل كنت العب فيه لمدة نص ساعه ومن امس خليته ساعه
وهو وظيفته يشد الجسم خاصه الفخوذ والمؤخره

وهذي صورته

واللي عندي خذيته من تلي سين تقريباا بشي واربعين

بس شكله يختلف عن اللي حطيته بس نفس الوظيفه


وبالنسبه ليوومي

من قعدت شربت نسكافيه لايت
وغداي شوربه وصدر دجاج بالفرن وعصير اناناس
وشوي بروح الممشى


وبالليل إن شاءالله أكتب شنو سويت باجي يومي

 

[فانتا ستروبري]

كل خير ان شاء الله مشكوره عالسؤال حبيبتي :eh_s(7):

ما سويت اللا الواجب حبيبتي والحمدلله عالسلامة نورتي :eh_s(17):​

 

[الصعيريه]

بالعافية حبيبتي ويارب تضعفين :eh_s(15):​

بس بسألج من وين شاريه الغزال الطائر وبجم :eh_s(10):​

اهلين حياتي

يعاافيج يارب أجمعين إن شاءالله

شريته من تلي سين وتقريبا بشي واربعين او 39
ماذكر بالضبط لانه زوجي اللي شراه لي

بس انصحج فيه :eh_s(15):

 

[فانتا ستروبري]

عليج بالعافيه حبيبتي
عكسي أنا اليوم ما أكلت ولا توسته
شنو كان شعورج يوم حطوا لج توسته لو انتي عادي ماتفرق عندج أكل التوست
انا أحب التوست ويا الريوق وخصوصا محمر ويابس شوي
يم يمي باجر راح أكل توست ههههههههههه

راح اسوي يوم أكو توسته ويوم ماكو​

الله يعافيج يارب

امبييه تدرين والله حسيت اني ما اقدر اكلها او شي صار ثقيل غير الروتين

بالعافية حبيبتي عليج :eh_s(17):​

 

[فانتا ستروبري]

قوة بنات

شخباركم ياحلوين ؟​

دايتي اليوم
الريوق : شاي حليب + بيضة + شرائج طماطم وخيار وخس
بس باجر راح اكل توسته وحدة بس​

​

غذاي : كباب لحم + سلطة + وخضار وما أكلت الكباب الا قطعة صغيره لان انا اللحم مااحبه بالمره واحاول أكله ابي اتعود عليه بس للاسف ما ضنتي اتعود عليه​

​

والعشى : تفاحة + عصير اناناس
​

وبس​

ومشيت على الجهاز 40 دقيقة​

وبالتوفيق بنات​

بالعافية حبيبتي على قلبج :eh_s(17):​

 

[فانتا ستروبري]

ماشالله عليج نوور
عسااج تضعفيين بصحه وعافيه ياارب

وانا توني مشيت عالغزال الطائر
ونااااااااااااااااااااااااااااسة مدة ساعه
من الساعه 11 لي 12
على وقت مسلسل تو النهار

وإن شاءالله كل يوم العب فيه ساعه بوقت المسلسل

تدرين بخاطري فيه من زمان الجهاز

كان في وحده اهني تبيع قالت اسبوع

الياي يوصلون وبيصر لها شهر مادري صار :eh_s(10):

شكلي مثلج بحطه جدام التلفزيون ​

 

[فانتا ستروبري]

مووفقه

قواج الله

تسلمين حبيبتي اجمعين :eh_s(17):​

 

[فانتا ستروبري]

هلا بنات

عواااااااااااااافي على قلوبكم وصحة ورشاقة

غلا :
ما جربت الجهاز حبيبتي

نور ::
انا اكلي اكثر منج لاني المغرب اخذ سناك

بنات يقولون الاعتراف بالحق فضيلة
وانا اعترفت من قبل وقلتكم نقاط ضعفي ان احوس الدنيا بالويك اند لا حول الله واليوم انا حست نص حوسة ولا حوسة كاملة ياربي

الريوق ::
نص خبز اسمر <<بالعادة اخذ ربع وقلت بنفسي اني ما راح اخذ على الغداء حسبي الله على ابليس لعب علي
جبنة قليلة الدسم والملح <<هي السبب بالربع الثاني من الخبز
جاي وحليب نص كوب اشوى التزمت فيه

سناك
جاي زنجبيل

الغداء ::
بيضتين بالمقلى بدون دهن
برتقالة
شرايح جزر <<وفيت بوعدي وماكليت حصة الخبز والله قصت ويه توني اسأل عن نظامي

المهم عقب
سناك
شربت كوب حليب <<المفروض انه نص كوب
وكليت 3 تمرات

العشاء ::
مسكين المفروض يكون روب وفاكهة
تخيلو شنو




صمونة فلافل <<بس رشيقة
وانا اكلها قلت بس النص بس انا كليتها كلها ااااااااااااااااه ياربي شكلي بربط اسناني

بس عقب مشيت 45 دقيقة وصعدت ونزلت لحد ما انقطع نفسي طبعا انا كليتها على سبع ولا نمت الا وحدة باليل

بنات من صج من صج انا وايد صعب علي الالتزام بالويك اند وهذا الي ياخر النزول عندي
اشلللللللللللللللللللللللللون اتجاوز المطب الي كل اسبوع لاني قهر طول الاسبوع خوش بنية على يوم ما يسوى

الله يعينكم على هذرتي وانشالله باجر اصير احسن

بالعافية حبيبتي :eh_s(17):

وديري بالج ترا اخطر شي اليمعات والويك اند والعزايم

يخربون التزام الاسبوع كله حرام

انا قبل لا اشترك برجيم سنتر كنت مسويه رجيم وكنت اسويلي

اكلي واحطه بعلبة واروح بيت يدي او بيت عمتي او بيت اهلي

وفيه كل الاكل مال الرجيم وعادي ترا راح تتعودين لا تقولين فشله او شي :eh_s(15):​

 

[فانتا ستروبري]

اهلين حياتي

يعاافيج يارب أجمعين إن شاءالله

شريته من تلي سين وتقريبا بشي واربعين او 39
ماذكر بالضبط لانه زوجي اللي شراه لي

بس انصحج فيه :eh_s(15):

مشكورة حبيبتي ما قصرتي وشكلي بطرش ريلي اييبلي واحد ​

 

[فانتا ستروبري]

بنات ما حطيت لكم جدول امس الغدا والسناك والعشا ​

لان كنت بيت اهلي زوارة كل سبت وبعدها رحت تسوقت ​

والوناسة ان حسيت اني خفيفة وقت القياس قبل كنت اتنرفز​

واحس اني ثقيله وبسرعه اتعب وانافخ ​

والله ترا كافي ان اكل صحي حتى النوم كنت كله نايمة ودايخه​

ومالي خلق شي صار العكس كلي نشاط ما شاء الله ​

امس غداي كان سلطة يونانية​

وامي عطتني دياي مشوي قالت اكليها علشاني :eh_s(22):​

​

والسناك شربت قهوة دايت​

والعشا عقب السوق ريلي قال خندش مطعم وانا ويهي جذي :eh_s(10):​

قلت له شفيك بتخرب رجيمي محتر ​

قال اكلي شي خفيف عادي​

المهم دشيت وطلبت ستيك مع سوتيه وحاطين لي توست محمص وصلصه مشروم​

ترسته ليمون وكليت وما خلصته كله وطبعا ما كليت التوست بس حسيت شوي ان دسم​

​

طبعا عالعشا ما شربت ولا شي​

رحت البيت شربت ماي ماي ماي لوووووول​

جان انام رديت تعبانة وعقب الغبار اللي امس والمطر وانا وريلي من مكان لي مكان ​

 

[Sweet Face]

هاي
فنوتة كيفك اليوم نفس الشي لماصحيت شربت كاسة موية وعملت رياضة مشي نص ساعة والأكل مثل ماسبق .
البارح حسبت bmiتبعي والله شي خطير كيف هيك تركت حالي يارب أضعف يارب .
أم مهرة
النشويات عادي تاكلينها في النهار بكمية محددة بس بالليل وقفيها , مشان تضعفين .

نصيحة​

شوفو يوتوبات د عبد الله المطوع راح تستفيدون كتير معلوماتو خطييييييييييييييرة .​

 

[فانتا ستروبري]

اليوم جدولي ​

الصبح حاطين لي تمر وزيتون اسود ومرتديلا ​

طبعا انا بس كليت تمر وزيتون ولبن ​

​

وعقبها على طول الغدا ما كليت شي ولا شربت شي​

الغدا كان قطع ستيك مع خضار وانا امس ماكله بالعشا شوفوا الصدفة

طبعا البطاط ما كليت اللا عضة وما عجبني اصلا ​

​

مع سلطة ​

​

وعقب الغدا بنص ساعه شربت ماي والحين بعد بشرب ماي :eh_s(15):​

 

[فانتا ستروبري]

هاي
فنوتة كيفك اليوم نفس الشي لماصحيت شربت كاسة موية وعملت رياضة مشي نص ساعة والأكل مثل ماسبق .
البارح حسبت bmiتبعي والله شي خطير كيف هيك تركت حالي يارب أضعف يارب .
أم مهرة
النشويات عادي تاكلينها في النهار بكمية محددة بس بالليل وقفيها , مشان تضعفين .

نصيحة​

شوفو يوتوبات د عبد الله المطوع راح تستفيدون كتير معلوماتو خطييييييييييييييرة .​

اهليين بخير الله يسلمج انتي شخبارج :eh_s(15):

عسى الله يوفقج يارب وتضعفين بصحة وعافية :eh_s(17):​

 

[n00_00ry]

السلام عليكم

شلونكم شخباركم؟

بنات جهاز الغزال شاريته من فناتك يوصلون ب 39 دينار

بالنسبه للسعر اللي بالصوره هذي وحده تبيعه بمنتدى ثاني بس انا دقيت على فناتك اسرع وهذا رقمهم
25713886
25713884​

 

[n00_00ry]

ايه صج نسيت فناتك ايبونه مركب وخالص وحيل حلو انا جربته اول يوم نص ساعه والحين ساعه عالتلفزيون يطير الوقت يقول اني حرقت في ساعه 720 كالوري صراحه احسه يبالغ شوي بس صج اتحسين انج معرقه حيل ومايتعب الركب

يالله اشوفكم على خير :*

 

[ام مهرة 2009]

هلا بنات

فنوته ::
والله شكلي باخذي وياي سلطة كل ما طلعت ورحت مكان وبخلي العيز
مثل ما قالج ريلج كلي شي خفيف وماكو شي خفيف برا البيت
بس حاولت اخفف من الصمونة وااااااايد شسوي بعد اضعف الايمان
وترى انا اكل سلطة على الغداء واذا جعت باليل اخذ خس وجزر وخيار والحمدلله
يا معودة اذا صارت وجبة بالاسبوع اهون من وجبات كل يوم

وصاجة ان من اسوي رجيم احس بنشاط وخفة من قل الاكل تكون المعدة خفيفة سبحان
والفال ان شالله لتغير القياسات
الا بسألج فطور غريب ما تشربين حليب الصبح ؟انت مختارة جذية ولا هو نظامهم ؟
عواااااااافي على قلبج

 

[ام مهرة 2009]

بنات

الحي الغزال الطائر يتحمل الاوزان الثقيلة ؟
ثابت ؟؟لما تسوين فيه الرياضة ؟

 

[n00_00ry]

يتحمل لي 100 كيلو

تقريبا يمكن اذا سويتي بشكل سريع حيل يتحرك بس والله حلوو