شالحل مع قطاوتي :) .. تعبت و مليت :(

[لوولوو_88]

السلام بنات .. بقولكم مشكلتي مع قطاوتي


عندي قطو عمره ثلاث سنين .. اخصيته من عمره 9 شهور .. صار ممتاز ولا يحن ولا يبي تزاوج ..

و الثاني عمره سنتين للأسف اني اخصيته متأخر طبعا تلفنا بعزكم الله البول و يخرج بطنه على الأرض .. لين اخصيته و أهوا عمره سنة ..

بنات قطي الأول قام يخرج بطنه على الأرض معنا كان زين .. بس من بدأ القط الثاني بالعادة هذي قام أهوا بعد نفس الشي ..

و قطي الأول تعود انه يطلع من البيت شوي و يرد معني كارهه هذي العادة بس أهلي يبون يفتكون من حنته و ودهم لو يطلع و ما يرد بس انا قاعده لهم قعدة .. ما يطاوعني قلبي ..

ادري الحل البيطري بس مواعيدهم مطولة ..

الي عندها خبره هذي اعراض لأمراض معينة مثلا أو شلون ممكن أتعامل معاهم .. والله تعبت ..

و كاسرين خاطري .. شسالفه جد !!!

 

[Shinexo]

شلون يعني يخرج بطنه ع الارض ..

المهم اذا في عاده انتي ماتحبينها ف قطو جيبي عندج الرشاش اللي تعبينه ماي وترشينه يستخدمونه حق قص الشعر وجي ,

كل ماجفتيه يسوي هالشي رشيه بتجوفينه يشرد , فتره وبيوقفها لان مايبي يتبلل عن تجربه

 

[لوولوو_88]

يعني عزج الله برازه على الأرض .. كانو يسوونها بالتراب و طبيعي .. بس القط الثاني مع فتره التزاوج ياله هالطبع مع عزج الله البول قام الاول يسوي نفسه ..

مشكوره حبي بجرب معاهم ..

بعد بنات فيدوني عفيا

 

[Stay alive]

الله يكون بعونج

حطيلهم ليتر بوكس زياده وغيري نوعية ترابهم .. وفعلا مالج الا مسدس الماي