سويتي ..... وعصب عليج زوجج ..؟؟ (اعترفي) خخخخخ

[اشتياق]

اذكر قالي سويلي عشا
قلت بسم الله قبل ساعه مسويتلك!

وقمت بسوي جان يقول مابي وان سويتي ماراح اكل وزعل لوووووووووووووول
قلت مو قصدي يعني متملله بس اذكرك يمكن ناسي لووووووووووول<<ماتترقع

 

[ريم الغزلان]

لا على الاكل خذو وخلووو
اذا المزاج طارف
يحط الف عيب بالاكل وما ياكل
وطبعا ما اكل
ويروح تعبي مثلا اكون قايمه الصبح اسلق اللحم وما ادري شنووو

احس كل اللي سويته ما يبين


الله كريم

 

[جنون الغيم]

ينزل ملابسة ع الارض ويدخل الحمام يسبح >طيب ليش ما تنزلهم معك ف الحمام لازم انا اشيلهم
وإذا سافر وكلمني يقول روحي سلمي ع اهلي اليوم واقول تعبانة ولا ماعندي احد يوديني يطنقر ع طول
و إذا بيجي من السفر يقول خليك قدامي عند اهلي وان اقول لا وانت جاي مرني يعصب وياخذني وهو مايتكلم من الضيقة >اكثر شيء وهو مسافر

 

[Alzain.Alhabib]

رد : سويتي ..... وعصب عليج زوجج ..؟؟ (اعترفي) خخخخخ

zojy kan 3asabiiiiiiiiiiiiiiiiiiiiiiiii fo matetkhaialoooon shay mooooo 6be3y walla bs 7mdla 3rft shlon akhaleh hadi
gmt kl mazfni zafa 3adia abchy o aswy salfa 3oda hawan gam ymsk 3mra ygol ahwan men la t6l3 swalf akbr looooool shraikm btfkeri tra walla tnf3

 

[sweet december]

رد : سويتي ..... وعصب عليج زوجج ..؟؟ (اعترفي) خخخخخ

:eh_s(21): اتوتا يالقبسه انتي ما ينزل عليج الالهام الا تالي الليل

>>>> نايمه ساعتين وقاعده على صراخ ولدها

امس قبل لا يروح ابونا الدوام ولا عنده ديايه والده

وحاط الكتكوتين جذي تقريبا بين المطبخ وغرفه الطعام >>>> اي ديايه اهم من عياله عادي لا تستغربون

وحاطهم داخل قفص مادري بيت مادري شيسمونه وملحفهم جنهم عياله

عاد اهو كل يوم لما يقعد من النوم علطول يروح يشوف شنو عندهم اكل ما عندهم

واييب ابر من المطبخ وادويه وفيتامينات ويحوس بالمطبخ

وانا اقول ياربي شفيه طول كل يوم بسرعه يطلع

ولا اروح

ولا اشوفه قاعد يحط التوست بالتوستر ويقصص بندوره

ولا اقوله شتسوي ؟؟؟؟؟؟؟؟:gr4uu:

:gr4uu:ولا يقولي ها عمتي تبين اسويلج بطماط او بدون >>>> ماتحب الطماط

ولا قتله شكوووووو انا ناطرتك تقعد عشان اسوي غدا :tongue22: >>> ترقع لانها مو طابخه

ولا يقولي اهاااا عشان جذي من السنع ريلج يدش المطبخ وانتي مجابله كويتيات :tongue22:

ولا اانا انصدم ويحرنييييييييييي وعصبت بصرااااااااااااااااااااااااااااااحه شكوووووووووووووووووووووو

يعني انت كل يوم تدش المطبخ اول ما تقوم من النوم عشان تخلص شغل ديايك انا شدراني مثلا قاعد تطبخ لوووول اقصد تسوي توست وحركات

ولا يقولي لا شفتيني طولت ما يييتي قتله كا لما حسيت يييت ولا يقولي العاده مع كويتيات ما تحسين استغفر الله عاد انا والله مو مدمنه لوووووووووول

المهم واهو معصب ولا اقوله عطني اقصص الحلوم

ولا يقولي لا لو سمحتي عطيني صحن

قتله شهالاسلوب يعني زعلان شنو لو سمحتي وما سمحتي خلصني عااااد

مافيها شي لو سويتلي انا وانت غدا >>> غدا الساعه 7 ونص المغرب لوووووووووووووووووووول

ولا يقولي اها غدا ومافيها شي وانا اسوي الغدا اتيين وتوقفين يمكن احتاج شي بدل مو مجابلتهم


امبيه انا حسيت الموضوع بيطول وهو من صجه معصب وماد البوز

ولا اقوم واخممطلي توسته محمصه واكل قبل لا يصف التوستات بالصحن

ولا يعصب زوووووووووود ويقووووووووووووولي ذلفي نطرني عالطاوله الحين اييب الاكل

>>>> حدها يوعانه

وبس هذا اخر موقف وعدي وخربطي

اب لعيونك يا مزه

 

[๓ίşś зśŏłả..!]

رد : سويتي ..... وعصب عليج زوجج ..؟؟ (اعترفي) خخخخخ

قبل سنه ما كنت حامل
جذبت على ريلي وقلت له باركلي حبيبي انا حامل وبتصير ابو للمره الثانيه
اهوا تشقق من الوناسه
جان ادخل الحمام " تكرمون بتضوى " << ونسيت السالفه
لما طلعت من الحمام جان يقولي تتوقعين ولد ولا بنت ..؟؟!!
انا مـت من الضحك << مصدق الاخ
جان اقوله اجذب عليك
والله وكيلج عصب علي وعطاني هذيج الزفه وطلع

>> واي ما يحب الغشمره كلش <<

 

[فرح@@الكويت]

رد : سويتي ..... وعصب عليج زوجج ..؟؟ (اعترفي) خخخخخ

صرااحه مواقفكم تهبل طبعا ريلى موبعيد عنكم

اول شى الملابس اذا عنده ملابس وصخه لاااااااااااااااازم يقطهم على الارض مع انه السله مالت الملابس تكون وارى الباب


بس مره كنا طالعين الافينيوز وانا اتمشى معاه وطبعا انا لازم يطلع منى شى يعنى يا شعرى او قذلتى او رقبتى والمشكله انى لابسه نقاب فضيحه عاد مره امشى ويطالعنى والا الرقبه كلها طالعه عصصصصصصصصصصصصصب وزعل ورجعن البيت ( وحتى عشى ما عشانى<<<<<<<<<<<<< متعوده على طناقره

 

[فراولة شريرة]

رد : سويتي ..... وعصب عليج زوجج ..؟؟ (اعترفي) خخخخخ

اهما الرياييل على العموم اذا ما عندهم شئ قاموا يتحججون

يعني ساعات يمزح معاي واذا اقلب عليه السالفه يطنقر علي ويزعل
انزين انت يوم ما تقدر ع القشمرة وتدري انها بتقلب عليك ليش تتقشمر

والله الرياااايل مودهم نفس ويوهم خرة في خرة

 

[ضايعة بدنيتي]

ههههههههههههههههه الله يعينكم موااقفكم رووووووعة . الله يوفقكم ويهنيكم يارب

 

[نـعـومـه]

رد : رد: سويتي ..... وعصب عليج زوجج ..؟؟ (اعترفي) خخخخخ

اممممم ...ماجربت للحين ...@@ باااقي شهر

انا بعد

 

[ترووفه]

امممم

افكر اقوولج

........

 

[يعني أني]

رد : سويتي ..... وعصب عليج زوجج ..؟؟ (اعترفي) خخخخخ

كركركركرككركركر

اجل الرجال شحقه متزوج مو عشان تعلقين ثوبه وتشحنين موبايله وتقولين له جيب لنا خس عشان اسوي لك السلطه اللي بيحبها ألبك ابن عمي

ومو عشان يجي وينسدح وتسوين له مساج وتجيبن له الماي عند اطراف خشمه

مو عشان تعلقين شماغه بشكل محترم لان هالشماغ فيه قبايل << اخذني الحماس

هذا الزواج ياللي تبون الزواج

كراف ومسؤوليه وتعب

واللي بدو العسل لازم يجرب لدغ النحل ياحلوات

وتالي قولوا رجاجيلنا مادري شفيهم

سمعي كلامه وشوفي الحياه كيف جربوا يااخي


<< برى

 

[الليدي لموسه]

الله يعينكم ع الرياييل
وملاقتهم وطلباتهم الماصخة

 

[لبـى قلبـي]

الحمدالله للحين مامريت بموقف كذا ...


وإن شاءالله مايمر علي لأني بصرآحه ماأتحمل الي يطنقر علي عشآن موقف سخيف ...

 

[nooooof]

مو متزوجه


ههههههههههههههههههههههههههههههههههههههههههههههههههههههههههههههههههههههههههههههههههههههه

امنيتك ااااااااااااااااااااااااااااااااااااااه يا قلبي من الشقى والقهر

تعالى وانا بالغرفه وهو بالصاله صبي لى جاي تدرون وين المطاره ع الطاوله والطاوله تقريبا بحضنه اقط نفسي من البلكونه مثلا ولا ما تبى

اشربه عنك بعد اريح صح بس علشان يقهرنى . وحكات توم اند جيري وايد مع الاخ الزوج اللى ربي عطانى اياه علشان اكفر عن ذنوبى ونعمه

منه علي علشان ادخل الجنه ان شاء الله مع الصابرين والابرار الله يهديه علي يارب

 

[FiOnKa]

واااي الله يعيــــــــــــــنكم و يصبركم = / ..

انا ماا اتحمل المصاخه الزايده جان بالداشه و بالطالعه اقطط حجي الله يستر بس

 

[هــدوء]

رد : سويتي ..... وعصب عليج زوجج ..؟؟ (اعترفي) خخخخخ

<<<<<<<<<<<<<<<<<<<<< متفرجهـــ







لاني مو معرسهــ

 

[يحلموؤوؤن]

اقــــــــــــــــولج بعد شهر لوووووووووووووول

 

[الغاليه نونو]

يازينه ويااااازين طنااقيره الشايب اتييله ام العبيد لما تحوسه بطنه من اليوع مااايعرف امه من ابوه وانا طبعا حريصه اني ماخليه يوعان كلششششش واكله بالمواعيد بس يوم زوارة العيال علي مايوصلون الله وكيلكم البرطم يوصل لييييييييييما كرشته وخل اقول لكم اشلون يحمق

مثلا يبي ماااااي يصرخ من قمة راااسه بقشاره يقول عطوووووووني مااااااااااااااااااااااااااااي
والا يقول دقي علي عيااااااالج ماصااارت
يعني حتي لويصادف يرن التلفوووون يقول شيلوووووووووووووووووووووه ازعجني ههههههههههههههههه

واول مايدشون العيااااال وحريمهم وصيحة عياااااالهم يطخخخخخخخخخخخ يصير جذاب جنه مو اهو اللي قبل شوي يرافس من الطناقير

بس تعودنا عليه وعلي حسه الله لا يحرمنا منه ياااااارب

 

[@ام ضاري@]

من صجج هههههههههههههههههههههههههههههه

نفس طريقت شماغ رجلج سويتها ورفعته فووق عن تروك وليدي

امس يدوره قال جذي شماغي معفس وهذي حالتي مع عيالج يعني

وطنقر عليناا ماتسوى والله لفت ها الشماغ

يابووووووي والا لا نزلو شماغه تحت شنو يسوي هذي حالتي يومي اشتري

لان اذا نزل الشماغ تحت رااااااااااح في خبر كان هههههههههه