سويتي ريجيم و نجحتي ؟؟ شاركينا بتجربتج

[Om ToOoTa]

بالنسبه لي....اعتبر نفسي وصلت لهدفي مرتين:ggdw::ggdw:
انا بديت انفجر لما رحت ل3ثانوي وما تخرجت من 4 إلا وزني بالتسعينات وطولي161
نسبتي ماكانت ذاك الزود بالتالي هنيه فكرت بروحي بطه وشمتني لا والنسبه خايسه ماتدخلني إلا للتجاري لا واخوي مارضا عشان سمعة هالكليه مو ذاك الزود
المهم بعد ماتخرجت قعدت كورس كامل بالبيت....يعني لا شغل ولا مشغله متييييينه وفاشله :0bee2e8d89:
عاد ابتكرت رجيم من مخي بس اعتقد إنه كان مرض .....كنت طول ايام الاسبوع اشرب اناناس وماي بس
ويوم كنت اكل فيه وجبه وحده من المطعم واول ما اخلص علطول اروح للحمام وارجع كل إللي كليته
وعلى هالحاله لمدة3اشهر وزني كان بالتسعينات ووصلت68 تخيلوووووو
المهم الكورس الثاني اقنعت اخوي إني اروح للتجاري واحول للتربيه ...والحمدلله جبت معدل عالي وعلطول اقبلتني التربيه
ومن يوم ما انقبلت هديت رجيم الاناناس ومتن بصوره مو طبيعيه وياليتني رديت حق التسعينات لا دخلت الاميه يعني وزني وصل104
امي حيل تخرعت مني وقالت امشي نروح نسويلج تحاليل لأنج متنتي بمعدل مو طبيعي وبمده قصيره
سويت التحاليل وماطلع فيني شي
ومرت السنين وملج اخوي(اول اخو لي يتزوج) وحددو العرس وانا هنيه جتني حاله نفسيه .....لأن انا بطبعي مو اجتماعيه والناس اصلا ما يدرون بوجودي وما يدرون اصلا إن امي عندها بنت بهالعمر
والحين غصب من ورا خشمي الناس كلهم راح يشوفوني بعرس اخوي لا وراح يشوفوني متيييييينه:tomato2:
الزبده إهم حددوا العرس من هنيه وانا من اليوم الثاني رحت للدكتور طالب الشمري
وبأول زياره لي عند الدكتور قلتله انا عندي عرس اخوي بعد 5اشهر إلا...يمديني اوصل لل70؟؟؟؟(وزني كان 104)
قال اكيد يمديج
المهم ما جا عرس اخوي إلا وانا اجننننننن....والله العظيم طلعت تحفه
وصباحية عرس اخوي التلفونات ما وقفت هالحريم يدقون على امي ويقولون انتي وين كنتي خاشه هالزين هذا كله:ggdw:ماكنا ندري اصلا عندج بنت كبيره
وبعض الحريم إللي يدرون عني بس ماعمرهم شافوني...قالوا: الصراحه يا ام فلان حسبي الله على الناس كانو يقولون عن بنتج إنها متينه وجيكره وقصيره لا وعرجا بعد
بس إللي شفتها بالعرس امس اتهبل اتجنن حرام عليهم جذيه يطلعون كلام واهم اصلا ما شافوها
والله يابنات انا من النوع إللي مو اجتماعي مثل ماقلت لكم ومتني زاد هالشي بالتالي ما كنت اروح عروس او مناسبات مع امي
بس اليوم تعالو شوفوني ادور طاري العروس والجمعات
وما اروح حق عرس إلا هالحري لاحقيني تسألني او تسأل امي عن عمري واسم عايلتي وتطلب رقم التلفون بعد يعني خطبه اشكره علني:ggdw:

والله والله والله يابنات شعور ولا اروع تحسين نفسج ملكه زمانج الكل يبي منج قطعه بس ليلحين ما انكتب نصيبي وانشالله عاجلا غير اجلا

والحين عندي هدف وانشالله اوصله بإذن الله إللي هو ال58

وهاذي قصتي من طقطق لي السلام عليكم
وانشالله اعطي دافع وتشجيع للبنات إللي يبون يضعفون:klhfl:

ماشاءالله عليج

شااااااااطره :eh_s(9):

الله يرزقج بالزوج الصالح يارب

وتوصلين للوزن المثالى يارب :eh_s(9):

 

[بحر الرمال]

حلووو الموضوع

 

[TOUNISSIA]

Upppp

 

[spanish-girl]

موضوع حلو وايد

انا بديت الرجيم من نفسي انا مو متينه وايد بس مليانه شوي يعني يبيلي اضعف بس مو وايد

قصتي مع الرجيم بدت خصوصا لمن خلصت من الكليه وتدرون لا شغل ولا مشغله قاعده بالبيت قدمت على كل مكان وناطره لي الحين

المهم طبعا يومي مطاعم لازم كل يوم وككاوات وبطاط وبلعه بليل حق السهر يا سلاااااااااااام اكملت

طبعا شوي شوي متنت واحس شكلي يلوع الجبد قلت لازم اسوي رجيم وفعلا هذا الي صار

رحت المستوصف وحطولي موعد وراجعتهم وخذو وزني وطولي وبعدها دشت على اخصائية التغذية وقالتلي لازم تضعفين 15 كيلوا

المهم بديت الرجيم وماشيه عليه صح وحطتلي موعد بعد اسبوعين ولا نازله 3 كيلوات وطبعا انا متبعه الرجيم بالحرف ورياضه وشاده حيلي

طبعا وقتها الدكتور قالتلي برافوا عليج مشاءالله ومستانسه مني وطبعا حطتلي موعد عشان اراجعها مره ثانيه ولا عياده التغذية الي بمستوصفنا شالوها واخذت تحويل حق الصباح وعلى ما يه الموعد تدرون هناك يطولون بالموعد لانه وايد بعيد موعدي حطولي بعد شهر ويه موعد ورحت عند دكتور مبارك العازمي وقلتله انا دكتور مسويه رجيم من قبل قالي انتي وزنج 57 وطولج 152 ليش يايه؟ قلتله دكتور احسن عشان اتابع حالتي قالي ما بقى لج شي على الوزن المثالي وقالي شنو تتريقين وشنو تاكلين وقلتله كل شي قالي خليج على رجيمج واهم شي الرياضه المهم يا بنات اهلي كلهم قالولي ضعفتي الضعف احلى عليج ويهج طلع وحتى رفيجاتي الي مو شايفيني من زمان انصدموا والي شجعنييييييييييييييييييييييي اكثر

لمن نزلت ملابسي الصيفيه وقست بالايز وبناطيل عندي كانوا ضيجين والحين خباخب والبلوزه وسعت شعور حلو ما يوصف انا قبل الرجيم وزني 69 وطولي 152

والحين وزني 57

ادعولي بنات اني استمر وما اخربط


ادري طولت عليكم

اشكر صاحبة الموضوع موضوعج وايد حلو

 

[TOUNISSIA]

حلووو

 

[spanish-girl]

حلت دنياج حبيبتي

 

[Amoon like moon]

ماشاء الله عليكم ^_^

تونسون حدكم و تعطون حافز لـ الناس ..

انا أعـلى وزن وصلت له في حياتي كان 64 كيلو ..

كنت في اول ثانوي .. و توزيع الدهون في جسمي حلوو ولا حد كان يقول لي متينه ولا شي ..

بس شنو تعرفون فترة مراهقة و ابي البس مخصر و مزلط و مفحط خخخخ

فكنت لمن البس مخصر يطلع مو حلووو علي ..

عاد قلت لازم اضعف ..

و بديت في التخفيف و مشي و سجلت في نادي ..

بصراحه كنت مستانسه في النادي حدي سوالف ويا البنات و ضحك و لا وحده صارت تعلمنا رقص خخخ يعني ولا جنه رايحه تمارين و تعب بالعكس كنت مستانسه بالتمارين و تفتح نفسيتي و سوالف البنات اللي وياي شيييييي ..

و تقريباً في شهرين من 64 الـى 52 يعني تقريباً 12 كيلو ..

عاد شوفوا الأحساس بعدهاااااا كيف يالله من جد احلى احساس ممكن يحس فيه انسان ..

كانت عندي ملابس ضيقه شوي و شكلها مو حليو علي صرت البسها ثقه و احس روحي ملكه ..

غير شعور الثقة بالنفس البس على كيفي ولا اقول هذا يناسب ولا مايناسب ..

ههههه غير الغيرة اللي كنت اشوفها واضحه في بنت عمي و رفيجاتي < هم كانوا دايم يتطنزون علي اول بس ضعفت و صار جسمي احلى منهم بـ الفين مررررررره احس عيونهم بتاكلني اذا شافوني ..

** بس من تركت التمارين وصلت لـ 55 ستل جسمي حلوو ..
بس اللحين فيه فستان لازم لازم البسه و بسوي رجيم التمر و اللبن عشان انزل خمسة كيلو البسه هههههه ..

يا بنات مافيه شي صعب ابداً كل شي بالأرداة يصير ,,

بس بقولكم شغلتين هم اهم شي اذا سويتين دايت ..

أول شي : خلي الموضوع سر بينج و بين نفسج لا تعلمين احد ..

و يا حبذا لو تخصصين لج دفتر تكتبين فيه يومياتج بالدايت و شنو سويتين و شنو اكلتين يعني انتي و الدفتر بس اللي تعرفون بهالسالفه .. و طبعاً المنتدى و التجمعات حلوووه ..

لأنه اذا احد عرف يا راح يحطمونج و انتي كل مره جذي و انتي اصلاً ما تنفعين و من هالكلام اللي يغث ..
أو بيجيبون اكل عشان يحسرونج بس جذي عنااااااااد
أو بيقعدون يراقبونج هااه جم نزلتي شنو سويتي جم وصل وزنج و بيقعدون يشجعونج بهالطريقه بيسون لج ضغط مو طبيعي !!

احس اهم اسباب نجاح اي نظام هــو الـسـر لاحد يدري ..!

فيه احد يوافـقـني !!؟؟!

ثاني شي سوي التمارين و انتي مستمتعة و حتى و انتين تسوين الدايت حسسي روحج بالمتعة ..

و اذا شفتين روحج في المنظره لا تقولين ويع شنو هالجسم و انا دبه و افشل ..

لا بالعكس قولي : ( آسفه يا جسمي ظلمتك وياي وااايد ، خليت شكلك قبيح ، عرضتك للأحراج ، و انت دايماً تساعدني و تاخذني كل مكان ، و توديني و تيـبـني ، و انا خربتك ، بس اوعدك و اوعد نفسي بالتغييييييير ) ..

تخيلي يعني تمدحين شخص و تكلمينهم بإسلوب حلوو و دايماً تعطيه كلمات إيجابيه ..
و تخيلي شخص ثاني دايم تسبين فيه و تهزأينه و تزفينه زف و هذا اللي كل يسويه ..

تتوقعين منو اللي بـيـتجاوب وياج و بيعطيج نتيجه تحبينها و بيستجيب وياج ؟؟!!!
شوفوا انتون و بالضبط هذا اللي يصير ويا الجسم ..

يالتوفييييييييييق ياااااااارب ..

 

[alfajr alb3eed]

:ggdw::ggdw::ggdw::ggdw:up

 

[فتاة المدينه]

ااااااااااااااااااب

 

[lolwah]

ماشاء الله عليكم ^_^

بس بقولكم شغلتين هم اهم شي اذا سويتين دايت ..

أول شي : خلي الموضوع سر بينج و بين نفسج لا تعلمين احد ..

و يا حبذا لو تخصصين لج دفتر تكتبين فيه يومياتج بالدايت و شنو سويتين و شنو اكلتين يعني انتي و الدفتر بس اللي تعرفون بهالسالفه .. و طبعاً المنتدى و التجمعات حلوووه ..

لأنه اذا احد عرف يا راح يحطمونج و انتي كل مره جذي و انتي اصلاً ما تنفعين و من هالكلام اللي يغث ..
أو بيجيبون اكل عشان يحسرونج بس جذي عنااااااااد
أو بيقعدون يراقبونج هااه جم نزلتي شنو سويتي جم وصل وزنج و بيقعدون يشجعونج بهالطريقه بيسون لج ضغط مو طبيعي !!

احس اهم اسباب نجاح اي نظام هــو الـسـر لاحد يدري ..!

فيه احد يوافـقـني !!؟؟!

ثاني شي سوي التمارين و انتي مستمتعة و حتى و انتين تسوين الدايت حسسي روحج بالمتعة ..

و اذا شفتين روحج في المنظره لا تقولين ويع شنو هالجسم و انا دبه و افشل ..

يالتوفييييييييييق ياااااااارب ..

صح كلامج والله انا كل ما قلت حق رفيجتي اني بسوي ريجيم عشان تشجعني و ما ناكل وايد يصير العكس !!
تحنننننن على راسي و تيب الاكل لي عندي و تخليني اكل غصب و تقولي اكلي ترى انتي ما كليتي شي و انتي مو متينه وايد و انا اكل و اهيا اللي تضعف !! معنه تاكل نفسي بس شلون تضعف مادري ! و كل يوم نطلع نروح مطاعم !
واللي يبط جبدي انها تفضحني يعني لي كنت معاها عند احد و يابو فطاير او حلو تقولهم ترى فلانه مسويه ريجيم عاااد تبدي الحنه اكلي و اكلي و شزينج و مافيج شي!

 

[ROSIE]

يعطيج الف عافيه على الموضوع

 

[شوارفسكيه حمره]

انا سويت رجيم ونزلني 22 كيلووو الحمد الله وفي موضووع انا كاتبته عن رجيمي اللي كنت متبعته قبل

 

[ROSIE]

Üpppp

 

[BiiShOoO]

ماشاء الله عليكم يا بنات الله يتمم عليكم و يسهل علينا مثل ما سهل عليكم


home alone قصتج حدها فظيييعة ماشاء الله

الله يتمم عليج

انا شهر 3 سنة 2008 سويت ريجيم و ماصار شهر 6 الا و انا ناقصة 10 كيلو استانست حدي

تخيلو عقبها اشتغلت و زااد وزني 16 كيلوو

متخيلين و الحين قاعدة اسوي ريجيم و ودي انزل 30 كيلو باذن الله

 

[miamy]

خوش موضوع

انا حاليا متبعه رجيم صكة الحلج

صاكه حلجي عدل

اشرب شاي، نسكافيه، شوربة خضار

اشياء ماتمتن وبكميات قليله

وانشالله اضعف

 

[ROSIE]

مشالله

 

[ري ري الحلوه]

للرفع

 

[ري ري الحلوه]

السلام عليكم انا عضوة يديدة معاكم اهني بس قديمة بالرجيم ودي اعرف شصار غلى البنات الي بالموضوع كملو المشوار ولا قتلهم الاحباط ، بقولكم عن تجربتي بس مو الحين ، بس اتمنى من كل وحدة تسوي رجيم انها قبل لا تخربه تذكر ان عمرها اهو الي بروح وهى غرقنة باكوام الشحوم واذا كملت والتزمت فمرده لها فتشوف شكثر حياتها بتغير

 

[LuLiTa]

 

[qa6wa_]

موفقين