سويتي ريجيم و نجحتي ؟؟ شاركينا بتجربتج

[$نسيم الصباح$]

هلااا والله
أنـا بغيت أشارك المهم أنا كنت بطـه والكــــــــل يعيب علي ( أمي واخواني والشباب لما أروح السوق )
:0bee2e8d89: لا واذا رحت السوق لازم لما أرد البيـت أبجي
عاد صكــة فيني حالـه نفسيه وكرهـت عمري فما كمت آكــل كلــــش
بس أشرب نسكـافيه وعـاد بسرعه ضعفت الحمداللــه بس المشكله ان معدتي خلاص
تعودت اتكون خاليـه فإذا كليت أي شــي تلــوع جبدي المهــم اني ضعفت
عـــــاد من بعدها حيــــــــاتي ثلث أرباعها بالســـوق بس أشتري بهالملابس من كثر الونــاسه
وانشــالله اللـه يضعف اللـي يبي يضعف لأن الأحســـــــاس مو طبيـــــــعي
وبالتوفيــق

يارب أصير مثلج
أنا لما أرجع من السوق أكره نفسي وكل البنات الرشيقات بس للأسف مافي إراده

 

[LuLiTa]

كنووز انتي الأحلى و مشكوورة عل النصيحة المفيدة و ان شالله الكل يطبقها و يستفيد منها

speed توني ارد على موضوعج لووول و keep on the good woRk

End Girl حياااج الله بين خواتج و احنا اهني كلنا موجودين عشااان اساعد بعض و هالتجارب ان شالله اتكوون حافز لج و لكل البنات اللي يبيون يضعفوون و محتاجين من يشجعهم ​

 

[$نسيم الصباح$]

ماشالله على البنات .......بس اهم شي الاستمرارررررر:ggdw:

بـــــــــــــــــــــــــــــنات طافكم امس ...............بجيت بجي بالسووووووووووووووووووق!!!!!!!!
انا اقولكم ليش

انا من كنت متينه خلاص البدل ما اعرفها ....كله اروح السوق مع خواتي اشتريلهم واختارلهم البدل>>>>>ذوقي حلو هاهاهاها
وصارلي 5 او6 سنين ماعمري لبست بدله كله دراريع
انزين .....وامس رحت للسوق والله والله والله كل ما ادخل محل كل شي يعجبني فيه وامشي واخذ قطعه وامشي واخذ قطعه عشان اقيسهم وقبل لا ادش غرفة القياس مريت جان ىاشوف نفسي بالمنظره وشكلي وانا شايله كل هالملابس بإيديني وامي واختي وراي
جان اقعد ابجيييييييييييي واقول أنا ما كنت عايشه قبل
تخيلو بنات قعدت امي تهديني وامبيه الناس فشله كلهم قعدو يطالعون فيني
ومو بجيت بجي عادي لأ بجي بشهقه....
وعن جد انا ماكنت عايشه قبل ...وين كنت ......اول مره واول لحظه احس إني خلااااااص ودعت المتن
وطبعا اللعانه لازم تجيني ...استغليت فكرة إني كاسره خاطر امي وشريت ملابس ب170 دينار _03BA:
لا واليوم بعد مواعدتني بنروح للأفنيوز:ggdw:
ولمن ردينا للبيت قالت اختي الثانيه :ها شريتولي شي>>>>لأنها متغعوده إن السوق دايما لها ولأختها
جان ارد عليها: لا حبيبتي خلااااااص إلحين كل واحد يشتري لنفسه وراحت ايامج انتي واختج ألحين السوق كله لـــــــــــــــــــــــــــــــــــــــــــــــــــــي:ggdw::ggdw::ggdw:

ياحياتي عورتي قلبي حاسه فيج:0bee2e8d89:

 

[ناني سيكرتس]

هم رديت وقريت الموضوع ,بصراحه وايد شدني وكل ما اقراه يشجعني واتحمس اكثر واكثر..

الله يوفقكم وتزيد ارادتكم ويحفظكم من العين..

 

[زينة2008]

بنات مشكورين تجاربكم وايد حلوه وزيدت الاراده عندي عسالله يوفقكم ويضعفكم ابصحه وعافيه يارب وانشالله راح اذكرلكم تجربتي إلي خسرت فيها 15 كيلو ولي رجعه لكم انشالله

 

[بنت العديليه الشقرديه]

تدروون لييش هالموضووع حلو وممتع وشيق ... لان من وااقع تجاارب :>

 

[LuLiTa]

حيااااج الله يا زينة2008

 

[LuLiTa]

بنت العديلية الشقردية أنتي الأحلى و الموضوع نووور بمشاركتج

 

[عمشه المنتفشه]

والله هالموضوع يعور القلب ويرفع الضغط لانه يقلب المواجع

انا طول عمري اشوف نفسي متينه وبس اطالع اجسام البنات وحلم عمري اني اضعف لكن بعد ماتزوجت

متنت وتحسفت اني قبل الزواج كنت حارمه نفسي من الاكل ومعقده نفسي لاني اكتشفت ان جسمي

كان متناسق والكل يقولي بس ما اصدق

لكن بعد الولاده طررررررررررررررراااام


الطامه الكبرى عاد هني صج صج متنت لاني بالحمال زت 20 كيلو والحين وزني يتأرجح بين 74 و ال72

يأنبني وبعدها اشرب اعشاب ووجاي اخضر


جربت بفتره اعشاب ملينه من واحد اسمه بو محمد وصغرت بطني شوي بس قطعت وهالايام


رديت عليه

وجربت زنيكال بس صراحه وايد يفشل ويقعدج على اعصابج

وجربت زين الاتات اول شي ضعفني بس بعدين ماقام يأثر فيني

وبس هذي قصتي ودي اضعف بس مادري شسوي

هالايام اخفف بس اذا شفت اكله احبها ما اقدر اقاوم

 

[LuLiTa]

عمشة ما يخاف كلنا انمر بلحظات ضعف بس المهم الاراااااااااااادة و انه احنا ما نستسلم
شوووفي قصص البنات تبارك الرحمن ما اوصلو الوزن اللي يبونه الا بالعزيمة و الارادة القوية و الشغل المتواصل
و انتي قدها

 

[ET_girl]

بنـــــــــــــــــــــــــــــــــــــــــــــــــــــــــــــــــــــــات باركـــــــــــــــــــــــــــــــــــــــــــــــــــــولي
واخيرا دشيت الستينات
امس كان موعدي عند الدكتور وكنت خايفه حدي وقلبي قام يرقع من الخوف
حتى اختي قالتلي شفيت شكلج منتي طبيعيه؟؟؟؟
لأني بالاسبوعين إللي فاتو كنت ماشيه عدل مدل على الرجيم
وكنت اقول لأمي والله لا انتحر ولا اسوي شي قوي إذا ما لقيت نفسي داشه الستينات
لأني مستمييييييته عشان ادخل الستينات
والصراحه كنت كتوقعه إني اكون 69
بس المفاجئه كانت إني صرت 67
والله يا بنات ليلحين احس إني بحلم
وانشالله ربي بيجازي كل وحده على تعبها وتفرح مثل ما انا فرحانه ويجبر بخاطرها بإذن الله

 

[عمشه المنتفشه]

عمشة ما يخاف كلنا انمر بلحظات ضعف بس المهم الاراااااااااااادة و انه احنا ما نستسلم
شوووفي قصص البنات تبارك الرحمن ما اوصلو الوزن اللي يبونه الا بالعزيمة و الارادة القوية و الشغل المتواصل
و انتي قدها

ان شالله اكون قدها يارب واقدر باذن الله

 

[ناني سيكرتس]

بنـــــــــــــــــــــــــــــــــــــــــــــــــــــــــــــــــــــــات باركـــــــــــــــــــــــــــــــــــــــــــــــــــــولي
واخيرا دشيت الستينات
امس كان موعدي عند الدكتور وكنت خايفه حدي وقلبي قام يرقع من الخوف
حتى اختي قالتلي شفيت شكلج منتي طبيعيه؟؟؟؟
لأني بالاسبوعين إللي فاتو كنت ماشيه عدل مدل على الرجيم
وكنت اقول لأمي والله لا انتحر ولا اسوي شي قوي إذا ما لقيت نفسي داشه الستينات
لأني مستمييييييته عشان ادخل الستينات
والصراحه كنت كتوقعه إني اكون 69
بس المفاجئه كانت إني صرت 67
والله يا بنات ليلحين احس إني بحلم
وانشالله ربي بيجازي كل وحده على تعبها وتفرح مثل ما انا فرحانه ويجبر بخاطرها بإذن الله

واي وناسه :ggdw: مبروك النزول, الفال لي يارب لان صج حلمي ان يكون وزني67 ..

 

[بنت العديليه الشقرديه]

بنت العديلية الشقردية أنتي الأحلى و الموضوع نووور بمشاركتج

النووور نوورج يا البي :tek: :tek:

 

[Dancing^Queen]

لموضوع وايد حلو ومميز
لان واقعي
وان شاءالله تضعفون علي صحه وعافيه
وفرحت للي نزل وحلو ان اشوف تجارب غيري

بس بنات في ملاحظه لاحظتها عليكم اهي سلبيه وسمحولي اكون صريحه
ليش جذي التفكير؟
ليش كل كلمه تنقال عين وبتصيبني وشهقو لما شافوني وحسدوني ويطالعوني؟

ترا مرات الناس اتجاملج لما تقولج ضعفتي احلويتي
مرات ناس صج فرحانتلج
مو كل الناس بتحسد
من اللي قريته اليوم ومن وجهه نظركم الصراحه عمري ماراح اقول حق وحده خقيتي او ضعفتي بتجاهل الموضوع اذا كل وحده بقولها ضعفتي ماشاءالله بتقول حسدوني !!!!!

ترا والله في ناس بس جذي تجاملج ولادرت عن هوا دارج
او انها تشجعج بهالتعليق!!!!!
ومو يمكن شهقتها بفرحتها لج؟؟

لاتعطون الامور اكبر من حجمها واحسنو الظن ان الله عند حسن ظن العبد به !!!!



بخصوص الموضوع نفسه
الحمدالله انا مريت بهالتجربه من قبل
اذكر فتره من فترات الجامعه ماكنت منتبهه علي عمري ولاهيه ولادري عن وزني ولاكنت ادري متينه مافكرت !
كنت البس وفي لبس قدي
الحمدالله انا فيني طول يعني طولي 166 بس بنيتي ععريضه
وزني وقتها 86
ولاكنت اوزن ولافكر بشي اسمه وزن
لين يوم صار جذب وشد بيني وبين وحده اهي تبي تحرني جان تقولي يا المتينه يا البطه ! وقالتها يعني ججنها قاعده تحقرني
وقصدها تسبني وتجرحني
اهني يمكن اول مره بعمري افكر شنو يعني متن وشنو يعني ضعف
احتريييييييييت لان اهي قصدها تحقيري وتبي تسبني بشي يعييبني واصابتني وقتها بمقتل اهني رحت وزنت وشفت وزني وانصدمت بعمري لان خبري بعمري وزني كان 54 متا وصلت 86 مااااااااااادري
اشوا كان وقت الاجازه علي طول
خلصنا امتحانات من هني
سويت رجيم مع اختي من هناك
وتساعدنا
سوينا رجيم اسامه حمدي الكيميائي
وكان الممشي ورا بيتنا امشي مو كل يوم بس امشي
شهررر بس
صار وزني 63 وكان اكثر من بيرفكت علي لاني عريضه خلصت خلصت من فوق اللي البس سايز 10 واقدر اتقلقص ب 8 اذا ستريش
بس الطامه من تحت الا 14 انا عريضه
عمودي علي علي قوله اهلي لووووووووووووووووووول
ويتهم عقب اجازه الصيف نيو لوك من قللللللللللللللللللللللللللللللللللب
غيرت صبغتي حسبي الله علي ايام السن ان وقتها ماكنت متحجبه وشعري برتقالي
والبس نظاره قاعه بطل
قمت صبغت بني
وقصيت شعري
وقليت النظاره وتبدلت بعدسات (وعقبها هبيت بالعدسات الملون ايام عزهم الازرق ينطق) والشعر بني مشوقر
واشتغلت علي اللويست
وبديات وتننانير لف
كانت ايام جميله والله

 

[Dancing^Queen]

واحلا شي
يوم واعدت رفيجاتي
قلتهم نطروني بالمكان الفلاني
وييتهم قلتهم قووووووووووووه جان كلهم توقف عندهم الصوره
ماعرفوني
حسيت اني ربحت حرب كسبت فيها نفسي

 

[الواثقه]

انا بقول لكم تجربتي مع الرجيم

عسا الله مايحدكم عليه بس بقوله وامري لله
انا كنت ناويه اسوي رجيم ورحت تقريبا الممشى ثلاث مرات وخففت الاكل وفجأه طاحت علينا الوالده مريضه وقعدنا بالمستشفى شهرين وكنت مرافقه وياها
بس هااااااااا
كنت حارمه عمري من الاكل اكل خفييف والحلويات كلش ماتطب حلجي . وانتوا عارفين ان المستشفى كل من زارنا وياه ماعون حلووو بس كنت محترمه الحلويات والبيبسي

وعلى الله وعلى ريوق المستشفى والغدا كنت اكل اللي يجبونه من البيت والعشا شي خفييييييف
واذكر اذا سكرو باب الجناح بالليل امشي امشي امشي افتررررر حتى كانوا السسترات يضحكون يقولون لي اذا استمريتي راح تضعفين
وفعلاا يابنات خلال شهرين نزلت 15 كيلو
وبعدها من طلعت الوالده من المستشفى وانا هاده عمري بالاكل بس قاطعه خمس شغلات (البيبسي - العيش - الخبز - المعكرونيه - الوجبات السريعه ) وكنت كل يوم الصبح امشي بالممشى ساااااااعه
والله احس ان الحياه صارت حلوه والحين وزني صار 70 بس عندي هدف اوصل 64 وانشالله الحين انا مستمره بالرجيم والتخفيف وقاطعه الخمس شغلات اللي قلت عنهم وفوق هذا امشي على جهاز المشي بالبيت
لان برااا غباااااار

ومرات اذا اشتهيت اكل مطعم اروح اطلب بيتزا دايت مالت بيتزا هت وآكلها مع عصيررر اناناس <== شلون مادري بس ابلعها بلع


يالله شدووووو حليكم بنات والله الضعف حلوو

 

[LuLiTa]

الواثقة الحمدلله على سلامة الوالدة و عليج بالعافية هالوزن اللي نزلتيه

 

[LuLiTa]

دانسنج كوين عسى الله يديم عليج هالفرحة و نورتينا بمشاركتج

 

[LuLiTa]

اي تي عالبرررررررررررررررررررررركة حياااااتي و عقباال الخمسينااات ان شالله