سويتي ريجيم و نجحتي ؟؟ شاركينا بتجربتج

[LuLiTa]

يالله بنات نبي مشاركاتكم

 

[مخروووشة]

ما شاء الله عليكم شجعتوني

الله يوفقكم

 

[LuLiTa]

حيااااج الله مخروووشة و مشكوورة على مرورج

 

[eng.q8]

لا يوقف يالله شجعونا

 

[home alone]

))

 

[*نوفه*]

السلام عليكم

انا بقولكم قصتي انا كان وزني 99 وطولي 170

وكل مااسوي رجيم واضعف جم كيلو والناس تلاحظ ارد ابدلهم

المهم انا عمري 21 وكل مااطلع تعالوا شوفوا النغزات والتعليقات وغير لمى اكون بزواره عند اهلنا طنازه مو طبيعية

المهم بتاريخ 13_1 حسيت نفيب يائسه صج لانه انقطت على كلمه صج احسها مثل الطراق على ويهي ومن سمعتها سويت رجيم ودشيت نادي وطبعا مثل ماقالوا خواتي حاولت اقاطع اهلنا والبنات بالكليه مايلاحظون لاني كل يوم جدامهم واذا صار يوم الزواره وتيمعوا اهلنا وخالاتي عندنا بالبيت كنت اقعد معاهم عالعشى وعااادي كانه ماكو شي
وكانت امي تكثر سلطات ومشويات بهاليوم فتلقوني اكل علشان اللي جدامي مايحسون فيني واني مسويه رجيم والحين وزني وصل 79 بس جسمي مبين حلو ومو متينه لانه موزع عدل وع الرياضه شاد جسمي ولي الحين ماشيه على رجيم وتخيلوا بكل عرس وبكل مناسبه اشوف اهلنا لازم يقطون عل كلمه سبحان الله مغير الاحوال والله يرحم ايام قبل يالدبه واللي تقولي شنو مسويا قولي وانا كنت ارد عالتعليقات بابتسامه علشان يتغثون زياده هههههههههه ولي الحين ماشيه بارجيم ابي اوصل 70 او 68 يالله هانت مو باجي شي كلها 9 كيلو والحين كل من شافني قالي متغيره 360 درجه وحتي امي اكتشفت انها كانت مفتشله مني قبل لووووووووووووووووووووول مبين من حركاتها وكلامها الحين وصج بنات صرت اجتماعيه اكثر من قبل لاني كنت مااطلع ازور اهلنا او عرس علشان محد يقط علي كلمه اما الحين ادور الطلعات دواره واهم شي المعاريـــــس لوووووووووووووووووووول صاروا اشكثرهم قبل مااذكر احد خطبني الا واحد اما الحين كل يوم معرس بس توني بتنقى واختاااااار ههههههههههههههههههههههههههههههههه والله يصبرني عال 9 كيلو واحرقهم اي اقولكم قبل كنت انقهر لمى اروح السوق ماالقى مقاسي ومو اي شي البسه الحين لا ارووووح واتنقى بعد من اي مكاااااااان ابي ومن اي محل ونااااااااااااااااااسه شعور لا يوصف صج صج تحسين نفسج غير والله راحه مااري شلون كنت عايشه ووزني 99 لوووووووووووووووووووووووووول

 

[brat]

ماشالله على تجاربكم بنات وإنشالله تكون رشاقتكم دايمه

آنا لما تخرجت من الثانويه طافني التسجيل فقعدت كورس فاضيه، وقررت إني أسوي رجيم، كنت وايد متينه والكل يعيب علي، أيامها كنت أدش منتديات وأشوف تجارب البنات ورجيماتهم فتشجعت إني أسوي رجيم، جربت كل شي، خاصه الرجيمات القاسيه، وكنت أمشي كل يوم ربع ساعه بعدين زدت وصار نص ساعه (كان هذا أول رجيم جدي بحياتي) وضعفت 10 كيلوات طلعت من التسعينات.

بعدين سنه ثانيه بالكليه، بين الكورسين كنا رايحين الخيران والبنات كلهم أجسام وبنت خالتي كله تتفلسف جسمي حلو طالعوا ظلي أحلى ظل لوول من عقب ما رحعنا من الخيران بديت برجيم ربيعه مع مشي ساعه كل يوم بدون استثناء سواء كان غبار ولا مطر وحتى لما ظهري كان يعورني اللي ماكنت أقدر أقعد وأقوم كنت أروح أمشي، لأن المشي كان يسد نفسيتي ويحفزني إن أكمل.

بين كل أسبوعين تطلع شغله، مثلاً عرس ومن الظهر بالصالون وماروح الممشى وما آكل شي، فأخرب بالعشى، بس ما كنت أقول ببدى من يوم السبت، كنت أكمل رجيمي ثاني يوم.

ضعفت 17 كيلو اللي شفت الستينات أول مره من كنت صغيره وحدي كنت مستانسه (طبعاً لما الكورس الثاني كنت ضعفانه بس 5 كيلوات) مره بالتسجيل وحده من اللي يشتغلون هناك شافتني جان تقولي انتي مو كنتي متينه؟ شنو سويتي؟ كانت أول وحده معلقه على جسمي عقب الرجيم فحدي استانست، و في بنيه نفس تخصصنا، رفيجتها نادتي باسمي جان تقول وي هذي انتي؟ ما عرفتج

(لي هالدرجه الضعف يغير؟) ويوم من الأيام قصيت شعري قصه عجيبه فصار شكلي غير غير

بس للأسف، عقبها بسنه، الكورس الثاني خذيت وايد مواد ووحده من الدكاتره كانت مسببتلي اكتئاب ولما أكتئب آكل ككاو زياده عن اللزوم وهديت المشي والرياضه :\ وعقب ما تزوجت متنت أكثر وأكثر، لأني انشغلت بالزواج والدراسه

بس الحين معطله وببدى إنشالله عدددل وأهتم بجسمي، اشتركت بنادي وبصك حلجي وإنشالله ماراح أخرب اللي سويته، راح أحافظ وأيي هالموضوع وأكتب تجربتي الناجحه.

أوف سوري على القرقه

 

[LuLiTa]

السلام عليكم

انا بقولكم قصتي انا كان وزني 99 وطولي 170

وكل مااسوي رجيم واضعف جم كيلو والناس تلاحظ ارد ابدلهم

المهم انا عمري 21 وكل مااطلع تعالوا شوفوا النغزات والتعليقات وغير لمى اكون بزواره عند اهلنا طنازه مو طبيعية

المهم بتاريخ 13_1 حسيت نفيب يائسه صج لانه انقطت على كلمه صج احسها مثل الطراق على ويهي ومن سمعتها سويت رجيم ودشيت نادي وطبعا مثل ماقالوا خواتي حاولت اقاطع اهلنا والبنات بالكليه مايلاحظون لاني كل يوم جدامهم واذا صار يوم الزواره وتيمعوا اهلنا وخالاتي عندنا بالبيت كنت اقعد معاهم عالعشى وعااادي كانه ماكو شي
وكانت امي تكثر سلطات ومشويات بهاليوم فتلقوني اكل علشان اللي جدامي مايحسون فيني واني مسويه رجيم والحين وزني وصل 79 بس جسمي مبين حلو ومو متينه لانه موزع عدل وع الرياضه شاد جسمي ولي الحين ماشيه على رجيم وتخيلوا بكل عرس وبكل مناسبه اشوف اهلنا لازم يقطون عل كلمه سبحان الله مغير الاحوال والله يرحم ايام قبل يالدبه واللي تقولي شنو مسويا قولي وانا كنت ارد عالتعليقات بابتسامه علشان يتغثون زياده هههههههههه ولي الحين ماشيه بارجيم ابي اوصل 70 او 68 يالله هانت مو باجي شي كلها 9 كيلو والحين كل من شافني قالي متغيره 360 درجه وحتي امي اكتشفت انها كانت مفتشله مني قبل لووووووووووووووووووووول مبين من حركاتها وكلامها الحين وصج بنات صرت اجتماعيه اكثر من قبل لاني كنت مااطلع ازور اهلنا او عرس علشان محد يقط علي كلمه اما الحين ادور الطلعات دواره واهم شي المعاريـــــس لوووووووووووووووووووول صاروا اشكثرهم قبل مااذكر احد خطبني الا واحد اما الحين كل يوم معرس بس توني بتنقى واختاااااار ههههههههههههههههههههههههههههههههه والله يصبرني عال 9 كيلو واحرقهم اي اقولكم قبل كنت انقهر لمى اروح السوق ماالقى مقاسي ومو اي شي البسه الحين لا ارووووح واتنقى بعد من اي مكاااااااان ابي ومن اي محل ونااااااااااااااااااسه شعور لا يوصف صج صج تحسين نفسج غير والله راحه مااري شلون كنت عايشه ووزني 99 لوووووووووووووووووووووووووول

مشكووووورة حبيبتي على مشاركة تجربتج معانا و الحمدلله انج ضعفتي بصحة و عافية و الله يوفقج يااا رب

 

[LuLiTa]

brat نوور الموضوع بمشااركتج و keep on the good work :ggdw:

 

[ET_girl]

ماشالله على البنات .......بس اهم شي الاستمرارررررر:ggdw:

بـــــــــــــــــــــــــــــنات طافكم امس ...............بجيت بجي بالسووووووووووووووووووق!!!!!!!!
انا اقولكم ليش

انا من كنت متينه خلاص البدل ما اعرفها ....كله اروح السوق مع خواتي اشتريلهم واختارلهم البدل>>>>>ذوقي حلو هاهاهاها
وصارلي 5 او6 سنين ماعمري لبست بدله كله دراريع
انزين .....وامس رحت للسوق والله والله والله كل ما ادخل محل كل شي يعجبني فيه وامشي واخذ قطعه وامشي واخذ قطعه عشان اقيسهم وقبل لا ادش غرفة القياس مريت جان ىاشوف نفسي بالمنظره وشكلي وانا شايله كل هالملابس بإيديني وامي واختي وراي
جان اقعد ابجيييييييييييي واقول أنا ما كنت عايشه قبل
تخيلو بنات قعدت امي تهديني وامبيه الناس فشله كلهم قعدو يطالعون فيني
ومو بجيت بجي عادي لأ بجي بشهقه....
وعن جد انا ماكنت عايشه قبل ...وين كنت ......اول مره واول لحظه احس إني خلااااااص ودعت المتن
وطبعا اللعانه لازم تجيني ...استغليت فكرة إني كاسره خاطر امي وشريت ملابس ب170 دينار _03BA:
لا واليوم بعد مواعدتني بنروح للأفنيوز:ggdw:
ولمن ردينا للبيت قالت اختي الثانيه :ها شريتولي شي>>>>لأنها متغعوده إن السوق دايما لها ولأختها
جان ارد عليها: لا حبيبتي خلااااااص إلحين كل واحد يشتري لنفسه وراحت ايامج انتي واختج ألحين السوق كله لـــــــــــــــــــــــــــــــــــــــــــــــــــــي:ggdw::ggdw::ggdw:

 

[LuLiTa]

واااااااااااي اي تي عورتي قلبي و بتلحقين ان شالله من الخير الأيام ياية و الفكر ياية و تررا صج احسااااس روووعة لما تشترين مقاااس انتي نفسج فيه من زمااان

 

[ناني سيكرتس]

اما بالنسبه لي ...........
ماكنت متينه بس مربربه وكانت فيني كروووووشه عنووووووونه
كان وزني 69 بس مزوع يعني حلو كان بس هالكرشه ..........
المهم ياني هوس الضعف ........مت الا يصير جسمي خيااااااااالي
المهم تميت 3 شهووووووووووووووووووووور تخيليي يوميا جهاز المشي ساعتين .....
وتمارين المعده والخصر وماطلعت لأحد كلش ,,كله بالبيت وادهن جسمي كامل بزيت اللووووووز مع ويهي
صار جسمييييييييييييييييي واااااااااااااااااااااااااااااااااااااااااااااااااااااااو اينن وصلت 62 بس جسمي مشدوووووووووووووووووووووووووووووووووووووووود وخيالي كان صج تخيلي من تحت الصدر ولاربع صفطه او ترهل خفيف اقولج الكل استخف يوم شافني بس+ امتنعت نهائيا عن العيش والمعكروووونه واللحوووووووووووووووووووم +يوميا سلطه الجرجير 3 مرات معاها بصل+ماي صحه صغير معاي +أحلى شعوووووووووووور عشته مع اني تعبت بس اول اسوع انا عندي اراده قويه

انا طبعا 3شهور ما استشور شعري خليته يرتااااااااااااااااااااح.. كله دهن وحنه .....
المهم صار اينن ..
اخر شي رحت الصالون وحفيت وتعدلت لان 3شهور ماحفيت الا الاماكن الي تطلع العرق واحنا عارفينها المهم .....شكلي كان وييييييييييييع بس محد يشوفني بالبيت ..........ههههههههههه
وصبغت شعري أسود لان من الحنه تغير لووووونه اهو حلو بس انا بغير بعد ........
صار طول واحد ليمن نص ظهري,,,,,,
المهم سويتلي حمام مغربي رووووووعه فالبيت .طبعا 3 شهور كله تدهن فطلعت نتاااااااااااايج اوضح واحلى ..
وهالبشره الي جنها زبده

بقوووووووووووووولج شلون طلعلتهم رحت شريت جنز لو ويست وبدي سااااده عادي اذكره سماااااااوي انا متعمده عشان يبين جسمي لان اذا لبست غامج بقولون الغوامج تضعف.......ههههههههههه
طبعا من غير ميك اب ......
بس عدسات وماسكرا كثيفه وجلوووووووووووووووس وااااااااو
تعرفين يوم جافوني قالو انتي مسويه شفط دهووون اعترفي هههههههههههه
لان ويهي ماضعف بس المنطقه الخصر والزوائد الخفيفه.....وويهي لاني اكل البصل والجرجير يوميا فصار صحي ...واكل عسل ملعقه يوميا قبل النوووووووووم وعلى فجة الريج ...........
..................

وشوقتوووووووووووني اعيد هالتجربه

ماشاء الله عليج, تجربتج هذي انا كله احلم فيها, كل يوم احلم اني اسوي جذيه بس ماكو اراده ,لكن مادام انج سويتيها عيل ببدي اسوي مثلج ومن اليوم انت مثلي الاعلى..

 

[ناني سيكرتس]

لوليتا<<home alone ما شالله تبارك الرحمن ارااادتج قوية و هذي اللي يسموونه صناعة النجاااح وودي اشوووف رد فعل الناس لمااا شافوووج عقب النيو لووك

لمن جافوني استخفوووووووووووووووووووووووووووووو ..بس للعلم انا قبل عادي جسمي كان البس جنزات والبس قصير ..ولو وست بعد بس انا حابه اني اصير احلا من الي كنت عليه
هذاك اليوم رديت البيت حدي طايره من الونااااااااااااااااااااااااااااااااااااااااااسه تخيلي 3 شهور توهم جافوني الكل كان مستخف...اهم حدهم كاشخين وبدل ومادري شنو وانا بكل ثقه وجنز وبدي وستريت وعدسات وماسكرا والله اجمل منهم كلهم ,هالملطخين المكياااااااج...واااااااااااو نايس كان هالشعوووووووووووووووووووووووووووووور
مشكوره على هالموضوووووووع الرائع الي خليتي الكل يستفيد ..من تجاربنا ,

الله .. ودي البس جينز لو ويست مع اني ما احبه وبدي.. :wqedqw:

 

[ناني سيكرتس]

بنات بصراحه تجاربكم تنحط عالراس, والله والله والله ان الامل والاراده ردوا لقلبي مره ثانيه, انا عبالي هالحجي بس بالافلام ولا عند المشاهير ولا بالبرامج الامريكيه الي يحطون فيها الوحده قبل وبعد, ما دريت ان في بالكويت ناس جذيه بعد, لان الي اهني بس يسوون رجيم وينزلون لي 6 او7 كيلو بعدين عادي ماكو شي, بس الي فوق ال10 ولا مره شفتهم, عسى الله يوفقكم وايسر اموركم وتكملون هالدرب وتصيرون رشيقين وحلوين ويبعد عنكم العين..

 

[ناني سيكرتس]

ايه صج اذا عالعين تخيلوا كنت السنه الي طافت مشتركه بنادي, وتخيلوا لاني اروح كل يوم فاكيد راح تحفظين الحركات والتمارين الي قاعده تسوينها خصوصا اذا صار لج سنه بالنادي, تخيلوا البنات هناك يشوفوني العب معاهم بالكلاس ولما يخلص الكلاس ونطلع كله يقولولي: تعرفين تلعبين عدل, ضعفتي شنو تسوين , جسمج صار حلو..
طبعا من يقولولي هالحجي عقبها لازم شهر ما اروح النادي, انزين اذا انا ضعفت وجسمي صار حلو انا بالنادي صارلي سنه اكيد بضعف مع اني والله كل الي نازلتهم 4 كيلو ولا مو من الرياضه من الرجيم الي كنت قبلها امسويته, يعني لما دشيت النادي رديت اكل مع اني كنت العب رياضه, بالبايخ لما يقولولي شنو امسويه عشان تضعفين..؟ مو قاعده ومجابلتكم بالنادي والعب معاكم رياضه اكيد بشد جسمي والا شنو بمتن..؟

لا تعليق..

 

[End Girl]

اتمنى اني اضعف
ادعوووولي

تييني فتره اسوي رجيم واضعف اضعف بس ارد كل اللي ضعفته
الحين بنفجر
امي تقووولي سوي رجيم بس احس ماكو اراده كل شوي ككاو

بحاول نشالله

 

[home alone]

ناني ثانكس قلب على كلامج الحلوووووووووو


اتمنى لج دوم الخير وربي يعطيج قوة الارادة انشالله

 

[speed]

بنات اليوم انا في قمت سعاتي بين علي الضعف حيل لك الحمد يارب والشكرر ..

والله يا بنات الكل يشوفني يقول شنو هذاا ؟ حيل فرقتي وخقيتي وضعفتي ...

من الوناسه استحيت والله بنات شعور لا يوصف .. كنت متينه وعانيت وايد من احساس الاحباط والفشل اني ما اقدر اتغلب على مشكلتي ...

لكن قويت عزيمتي والاراده عني بفضل من ربي ونزلت وضعفت والله يابنات شعور لا يوصف ..

يارب لا تحرم كل متينه ولا تحرمني من هل شعور الثقه بالنفس والراحه ..

حسيت اني مسويه انجاز وتقلبت على نفسي والاراده عندي .. الكل يمدحني اليوم ويقولي ضعفانه حيل ستانست الحمدالله يا رب ..

لي درجت عقب ما طاف الوقت ولهينا بالسوالف اندمجت في التلفزيون ولفيت فجأه ولا بنت خالتي سرحانه تشوفني قلت لها شفيج ؟!! جان تقول حيل تغيرتي وضعفتي ويهج تغير حمستيني ودي اسوي نفسج ؟

ياني شعور حلو اني قدرت اضعف وتعبي ما راح على الفاضي ... الحمدالله يارب ...

والاسبوع الياي يايتني مناسبه استقبال وعاد هل مناسبه فيها اهلي الي مو شايفتهم من زمان يعني حدي مستانسه شنو بتكون ردت فعلهم ............ أدعولي بنات استمر واتوفج والله يبعد عني العين والحسد ...

يارب ويسهل عليكم ويساعدكم مثل ما سهل علي وساعدني .. ان شاءالله يارب

 

[كنووز]

من احلى المواضيع هي مواضيع التجارب
الف شكر والله يوفق كل من كتبت تجربتها الله يحفظها

انا ما اضعف الا من المشي
كثر ما تقدرون امشوا وبعدين زيدوا السرعه تدريجيا

 

[LuLiTa]

ايه صج اذا عالعين تخيلوا كنت السنه الي طافت مشتركه بنادي, وتخيلوا لاني اروح كل يوم فاكيد راح تحفظين الحركات والتمارين الي قاعده تسوينها خصوصا اذا صار لج سنه بالنادي, تخيلوا البنات هناك يشوفوني العب معاهم بالكلاس ولما يخلص الكلاس ونطلع كله يقولولي: تعرفين تلعبين عدل, ضعفتي شنو تسوين , جسمج صار حلو..
طبعا من يقولولي هالحجي عقبها لازم شهر ما اروح النادي, انزين اذا انا ضعفت وجسمي صار حلو انا بالنادي صارلي سنه اكيد بضعف مع اني والله كل الي نازلتهم 4 كيلو ولا مو من الرياضه من الرجيم الي كنت قبلها امسويته, يعني لما دشيت النادي رديت اكل مع اني كنت العب رياضه, بالبايخ لما يقولولي شنو امسويه عشان تضعفين..؟ مو قاعده ومجابلتكم بالنادي والعب معاكم رياضه اكيد بشد جسمي والا شنو بمتن..؟

لا تعليق..

احسن شي اتقولين لهم انج تاخذين كورساات بنادي ثاني عشاان يروحون له خخخخخخخ و نور الموضوع بمشاركتج