سويتي ريجيم و نجحتي ؟؟ شاركينا بتجربتج

[ام كنعه]

ام كنعه اختي ترا الحل عندج و بإيدج انتي :tek:

لأنه حسب كلامج (( انا كل ما اسوي رجيم لمده شهرين والكل يدري عني ويقولي ضعفتي تلقيني بدون شعور اطيحله اكل واخرب رجيمي وارجع امتن من اول ))
لأنه الظاهر انه لما احد يقولج انه شايف النتيجة عليج تستانسين و اتردين نظام أكلج الأولي على اساس انه الريجيم حقق فايدته

ترا اهم سبب في نجاح الريجيم اهووو انج اتحبين نفسج و اتسوينه لأنح انتي تبين ترضين رووحج بمعنى حقج انتي و بس :fun22:

ام كنعه انتي قدها و قدوووود و تقدرين تضعفين بس حبي نفسج لأنها تستاهل تنحب و اعتبري الريجيم بمثابة دليل محبتج لنفسج مثلا( انا قاعدة اضعف عشاان جسمي يكون صحي اكثر ) (انا حلوة و الضعف يخليني أحلى ) او مثل ما قالت وحدة من البنات( والله والله والله يابنات شعور ولا اروع تحسين نفسج ملكه زمانج الكل) أو (انا حابه اني اصير احلا من الي كنت عليه)

و ان شالله الله يسهل أمورج و خلينا نسمع اخبارج :33_1185028183:​

حبيبتي كلامج يهبل ونابع من نفس حلوه ومشكوره على النصيحه بس تبين الصج الناس ما يخلون احد بحاله يضلون وراج يحنون لما يطقونج عين هذا قصدي وتاكلين بدون شعور وانشالله احط كلامج جدامي واذكره واسوي فيه وما قصرتي

 

[LuLiTa]

نصيحة عامة للكل عشاان ما تلفتوون النظر انكم اتسوون ريجيم حاولو انكم اتخلوون شغلكم بالخش و الدس و وقت الطلعات و العزايم حاولو تعتذروون عن الطلعة او اذا ما قدرتو حاولو وقت الأكل اطلعوون لكم اعذاار اي عذر تراا الناس ما يخلوون شي ما يحسدوون عليه

و انا من تجربتي الشخصية اقولكم انه عمرررررررري ما نجحت في ريجيم كاان في احد يدري عنه لأنه تلقينهم يحسدوون أو يتقصدوون ياكلوون جدامج او يعزمونج عشاان اتخربين الريجيم

 

[دلــــوعــــة]

^^

بهذي صدقتي وهذي اكبر مشكله اعاني منها

الله يعين بسس

يارب اقدر اصير مثلكم

ورااااااااااااانا عرررررررررررررس

 

[شقرديه]

ميرسي وايد على الافاده

 

[LuLiTa]

حيااااكم حبايبي و نورتووونا بمروركم

 

[ET_girl]

نصيحة عامة للكل عشاان ما تلفتوون النظر انكم اتسوون ريجيم حاولو انكم اتخلوون شغلكم بالخش و الدس و وقت الطلعات و العزايم حاولو تعتذروون عن الطلعة او اذا ما قدرتو حاولو وقت الأكل اطلعوون لكم اعذاار اي عذر تراا الناس ما يخلوون شي ما يحسدوون عليه

ايه والله صاجه اختي لوليتا

المفروض إللي مثلي (نازله كيلوات واجد) إنها دايما وإهيا ضيج يعني اكون مستخفه
بس والله العظيم إذا صار عزيمه عندنا أدورلي بدله من إللي قصاتهم وموديلاتهم وساع
لا و فالبيت ما البس بجامه تكون مفصله جسمي ......دايما اشتري بجايم وساااااع
لأن ربي عطاني مرت اخو تلاحظ حتى الغرامات إللي انزلها:0bee2e8d89:
إهي توها طالعه من الاربعين نزين ولمن كانت عند اهلها كان عندي مناسبه بالتالي بالفتره إللي إهيا صاده فيها عن البيت استغليت الفرصه وشديت على نفسي حييييل بالرجيم ونزلت عن اخر مره شافتني فيها 12 كيلو
والله لا يوريج اول ماردت البيت وشافتني شهقت شهقه والله حتى امي واخواني خافو علي
وعاد امي قالت عن عيونها: يافلانه طافت مادريتي عن بنيتي طاحت علينا شهر وحالتها الله لايوريج حتى العدو ما تتمنينه يكون بحالتها وحيل ضعفت والحين اشوه ردت متنت شوي
عاد قالت :لا حييييييل ضعفانه وانا ما غبت عنكم إلا 41 يوم!!!!!
عاد من اول ماردت مرت اخوي البيت كله تراقبني وتعزمني جنها تبي تشوفني انا مسويه رجيم ولا لأ

وسالفه ثانيه.....تخيلي خالتج اخت امج تقول اشكره جدامج: انتو مو معقوله مسوين رجيم حالكم حال الناس
انتو قاعدين تاكلون شي؟؟؟
تخيلي!!!!!
ولمن ارد عليها واقول والله مسوين عند الدكتور طالب انا واختي ...جان تقول :لأ العايله كلها ضعفانه حتى اخوج محمد الكبت:dddds:صار جسيم وضعفان وامج إللي طول عمرها متينه الحين صايره منكان اضعف مني!!!

والله ياخواتي .....يمكن لأني البجر بالتالي من ابدا رجيم تخيلو البيت كله يبدا معاي وانا من طبعي علطول اترس الثلاجه بأكل دايت لمن ابدا رجيم .....واعليا على امي ماتسوي رجيم ولا هم يحزنون بس كل يوم توديني الممشى مع خواتي بالتالي تضطر إنها تمشي وهذا إللي ضعفها...والله مرات تكسر خاطري احسها من ضعفت حيل مفتخره فيني حتى لمن اروح حق عروس ونطلع منها واحنا بالطريج رادين البيت تقول عفيه بنتي رفعتي راسي.....انا هنيه اتحطم:0bee2e8d89:لأني ماكنت ادري شكثر إن امي كانت تعاني من متني
واخوي توه متخرج من الثانويه وتوه مستانس بالسياره و الليسن بالتالي خبركم بالشباب إللي مثله ما يقعدون بالبيت ومن هنيه ضعف

بس مشكلة خالتي شنو.....إنها مو متعوده إن إللي جدامها يقول الصج من اول مره وانا صرييييييييحه لأبعد الحدود بالتالي إهيا مو قادره تستوعب لي يومكم هذا ....وإهيا ليلحين من بين السوالف تقول انتو طايحينلكم على شي مضعفكم وتقولها على ضحك بس انا ادري إنها من جدها قاعده تقول

وانا انضم لأختي لوليتا واقول....ديروبالكم يابنات دايما دارو اموركم بالكتمان ترا إذا جاكم من عيون الناس شر ولا صدقوني ماراح تحصلون خير

 

[Miss_Moon]

موضوعكم حلووو واي تي غيرل استمرييي ومالج شغل بكلام الناااس والله يضعفج بصحة وعافية يارب

 

[ET_girl]

موضوعكم حلووو واي تي غيرل استمرييي ومالج شغل بكلام الناااس والله يضعفج بصحة وعافية يارب

مشكوووووره حبيبتي على دعوتج الحلوه
وانشالله ربي يضعف كل بنت اتسوي رجيم ويواجرها على تعبها بإذن الله:ggdw:

 

[eng.q8]

امييييييييييين

 

[home alone]

بــــــــــــــــــــــــــــــــوراااااااان................................ فرحت بتعلقج الحلو ....
وبالنسبه::

لطولي 162
بس شكلي اطول لان جسمي معزل
اما بالنسبه للرياضه ...لا مو وااااااااااااااايد مستمره صراحه,,,بس مازلت صحيه ..من حيث الاكل ومن فتره لفتره احب امشي ؟
هادتها من 5شهووووووور
حافظت على جسمي

ولو بوران لاثقل ولا شي ,,,بالعكس تستفيدين وتفيدين الكل ...)
بس بقولج شغله انا هالفتره الي العب فيها تمارين كانت 100%صحيحه يعني لدرجه جسمي ثبت على ماكان ولو امتن صاير بس ويهي الي يمتن .......
بعدين 3 شهور تمارين موشويه ترااا ويوميا .......بذلت جهد كبير اعترف ..فهالجهد ماراح علي,,بالعكس للحين احس ان يوم تركت التمارين احس بليااقه جسمي .....يعني بمعنى عربي مثل الرسمه ,,رسمت جسمي صح من حيث الزوائد والخصر...
وبعدين هالفتره اوكي تمارين بس مو يوميا ..وحتى لو اسوي ما اسوي التمارين مثل الي كنت اسويها ,,لاني انشغلت واااااااااااايد ,,بس تمارين الصباح العاديه ..اشرب اشيا حاره علطول بدون سكر ...يعني من هالاشيااااااا
واتمنى اني فدتج عزيزتي

 

[LuLiTa]

اي تي انا حاسة باللي انتي حاسة فيه لأنه اللي معاي بالدوام مو بس يلاحظوون الضعف بعد يدققون بالأكل يعني يجيكوون اذا اكل خضرة و لا مقليات اشرب عصير و لا بيبسي الأكل مقلي و لا مسلووق يعني يدققون على كل شي و يسوون لي استجوااب العب رياضة و لا لأ ؟ جم مرة ارووح النادي ؟؟ و تلقين الوحدة منهم اتخش و شغلها كله من تحت لي تحت و اقوولج مره حاشتني عين قوية منهم قمت كل ما اكل شي ارجع -و أنتو بكرامة-و ما اتحمل شي حتى القهوة و لا الجاي من اشربهم ارجع شووفووو لي وييين وصلت حالتي ؟؟

الحمدلله الحمدلله الحمدلله من الشهر اللي طااف و انا متحسنة حالتي و بعدهااا و اانا قلت توووووووووووووووبة تووووبة اعطيهم مجال و لا حتى افكر اني اعلم اني مسوية ريجيم و حتى وقت الأكل تلقيني اتعذر لهم و اروح ابعييد عنهم

الوحدة قااام اتخاف من عيوون الناس

 

[speed]

موضوعكم حلوو وايد الشكر لصاحب الموضوع ...

انتو دخلتو بسالفة العين والحسد وطلعتوو عن سالفة كل وحدا وتجربتها لما ضعفت وشعورها ...

سوالفكم تونس بنات وتشجع الاستمرار في الرجيم ..

خل اقولكم سالفتي انا سويت رجيم والحمدالله ضعفت بس الفترا الي بديت فيها رجيم غبت عن الكل ورديت لهم عقب ما ضعفت وخقيت كان وزني 82 وشافوني وزني 71 .... لا تشوفون ردت فعلهم الكل يشهققققققققققققققققق

شلون ضعفتي ؟ وشنو رجيمج ؟ تمشين ولا لآ ؟ وجم ساعه باليوم ؟ وشنو تاكلين ومن هل سوالف ...

انا حيل زاد حماسي وستانست لما شفت ردت الفعل .. لكن عقبها تحسفت ليش تكلمت بنات صاروو يراغبوني بكل شيئ اسويه .. وانا ما احب المراغبه احسها تنقص علي عيشتي ..

يعني نصيحه الي تسوي رجيم لا تقول .. عشان كلام الناس بس تفتك منه ...

يارب هل قسم يصيرون بناته كلهم مو اكثر من 60 كيلوو ونصير رشيقات ونصك عيون الناس عنا .. .

 

[ET_girl]

انا حيل زاد حماسي وستانست لما شفت ردت الفعل .. لكن عقبها تحسفت ليش تكلمت بنات صاروو يراغبوني بكل شيئ اسويه .. وانا ما احب المراغبه احسها تنقص علي عيشتي ..

.

ايه والله فعلا الناس قامت تراقب الوحده لمن اتطيح جم كيلو
والله يابنات......حتى في البيت مرااااااااقبه!!!!!!
يعني لمن اسويلي اكل(احب انا بإدي اسويه) اقعد اخشه من مرت اخوي
انا مو من طبعي هالسوالف ...بس انا ذقت منها ومن عينها يعني مره امدحت إيدي وإن شكلها وتصميمها حلو بس نص ساعه جان تحترق جفي من جدام وحرام تشوهت إيدي لأن بقعة الحرقه كبيره تقريبا جفي كله
بالتالي لمن طلعت مرت اخوي من الاربعين وشهقت لمن شافتني شلون ضعفانه...وانا وامي امفهمينها إن طول فترة نفسها وانا كنت طايحه تعبانه من جذيه ضعفت
فعلى شان ما اتشك فيني إني مسويه رجيم واتصكني عين قعدت اسوي اكلي بالخشاشه واكل بغرفتي جنه فيني جرب....:dddds:

 

[ET_girl]

اي تي انا حاسة باللي انتي حاسة فيه لأنه اللي معاي بالدوام مو بس يلاحظوون الضعف بعد يدققون بالأكل يعني يجيكوون اذا اكل خضرة و لا مقليات اشرب عصير و لا بيبسي الأكل مقلي و لا مسلووق يعني يدققون على كل شي و يسوون لي استجوااب العب رياضة و لا لأ ؟ جم مرة ارووح النادي ؟؟ و تلقين الوحدة منهم اتخش و شغلها كله من تحت لي تحت و اقوولج مره حاشتني عين قوية منهم قمت كل ما اكل شي ارجع -و أنتو بكرامة-و ما اتحمل شي حتى القهوة و لا الجاي من اشربهم ارجع شووفووو لي وييين وصلت حالتي ؟؟

الحمدلله الحمدلله الحمدلله من الشهر اللي طااف و انا متحسنة حالتي و بعدهااا و اانا قلت توووووووووووووووبة تووووبة اعطيهم مجال و لا حتى افكر اني اعلم اني مسوية ريجيم و حتى وقت الأكل تلقيني اتعذر لهم و اروح ابعييد عنهم

الوحدة قااام اتخاف من عيوون الناس

امبيـــــــــــه.......حتى بالدوام؟؟؟؟؟؟
عاد انا الكورس الجاي انشالله ميداني وناويه اضعف حييييييييل عشان مايقولون عني كنت متينه والحين ضعفت بالتالي ماراح يراقبوني ولا يراقبون اكلي

بس فشله ...انا الدكتور طالب يعطيني بالريوق بس كبتشينو ....واكيد المدرسات راح يعزموني على الريوق وكل مره راح ارفض اتريق معاهم والله قاعده احاتي هالشي من الحين

بس اختي لوليتا ...حاولي دايما تقرين على نفسج المعوذات على الاقل كل يوم صبح بالطريج وانتي رايحه للدوام وخلي هالشي عاده فيج سواء بالدوام او قبل لا اتدشين على جمعة حريم....لأن ما تسوى عليج إذا حاشج مرض وقعدتي تعانين....لا والمصيبه كله عبالهم ماكله شي وبين يوم وليله مضعفج حشى سحر!!!!
مايدرون إن احنا نعاني وحارمين نفسنا من الاكل والوناسه ومرات نعتذر عن العزايم والجمعات كله عشان ما نخربط وناكل
بس انشالله ربي بيواجرنا على تعبنا ويثبتنا على الرجيم ليما نوصل للاوزان إللي نبيها ويكافينا شر عيون هالناس إللي ماشافت خير.......اللهم آمــــــــــــــــــــــــين

 

[kuwaitya-frawla]

وناسه صج شجعتوني لانه انا الحين بلشت بثاني اسبوع رجيم والله و مستانسه لانه امس وزنت و نازل وزني كيلوييين الحمد لله يا ربي انشالله تختفي كروشنا و زوايدنا و نصير ملكااااااااات جمااااااااااااااااااااال اخييه بس اخيييه

 

[Zaro0y]

واااو
وناااسه قصصكم حدهااا تشووق
يالله منهااا للآعلى يااااااااااارب والكل يضعف وانا معاااكم
يبييله
مشكورين

 

[amoraa-q8]

ماشاء الله عليكم ايه شجعونا نبي نتحمس .. بس تدرون ما احس ان الوحده تنحف والناس يلاحظون عليها الا لما تنزل عشره كيلوا على الاقل واتوقع اللي تنزل 5 كيلوا يبين شوووووووي اما عشره يصير واضح

الله يبعد العين والحسد عنكم ان شاء الله اللي تضعف لازم ترقي نفسها قبل لا تطلع خاصه اذا اعراس اول مره تروح لها نحيفه

 

[LuLiTa]

حياااكم الله زوارنا بالموضوع و ان شالله تووصلوون الوزن اللي تبونه بصحة و سلامة oster_av1:

و في شغله قريتها بالنت احب اني اشاركم فيها و اهيا انه الوحدة لما تبدي ريجيم اتسوي قائمة أو لستة بالأسباب اللي اتخليها اتسوي الريجيم و لستة ثااانية فيها اشياااء تقدر اتسويها اذا نجحت بالريجيم و اقدرت اتنزل الوزن الزايد

يعني قائمة اتشجعها اتقااوم المغريااات :j013: و القائمة الثانية اتقوي ارادتها :weight_lift:


و اذا اذكرت شي ثااني بقوله _03BA:​

 

[home alone]

<<<<<<< متابعه مستمره للموضوع

<<<<عجبتني الكتابات الرائعه

 

[ET_girl]

upp