[سهل] أحب الناس .. بس [صعب] أجبرهم يحبوني ... تعالو نتناقش @@

[xxx]

من السهل أن تحب الناس ..

ولكن من الصعب أن تجبر الناس على حبك !

هالحكمة وايد عجبتني ومقتنعه فيها مليون %

لاني سهل أحب الي جدامي .. من ضحكته .. من كلمة حلوة قالها لي .. من اي شي بسيط

وصعب اجبره يحبني .. ولا احاول اخليه يحبني .. مو غصب


انتو شرايكم ؟؟

الحكمة صحيحة ولا ولا ؟

ذكرو السبب .. سواء انتو مع الحكمة ولا ضدها

بانتظاركم :eh_s(6):

 

[ســــــــارة]

يشرفني اني اكون اول وحده ترد عليج
نعم صح هذي المقوله
لكن ممكن احنا بأخلاقنا نقدر نكسب حب الطرف الثاني اما نجبره فهذا مستحيل لانه المحبه من الله سبحانه وتعالى

 

[dalal]

خووووووش موووضوووع :ggdw:

انا اشوف صحيح انك ماتقدر تجبر الشخص انه يحبك ..

بس صدقيني لو الواحد مامنه عيب وقصور واخلاقه عاليه وحبيب بينحب ..

يعني مو معقوله بصادف وحده خدومه وتحب الخير واخلاقها عاليه ماراح احبها؟؟!! اهي بتعاملها واخلاقها العاليه تجبرني اني احبها...

ولا شرايج ؟؟؟ فالواحد يعامل الناس مثل مايحب انه يعامال وصدقوني بتكسبون صداقاااااات وايد ونااس تحبكم ...

هاذا في نطاق العلاقات والناس الي اصادفهم سواء اهل ولا زملاء العمل او الدراسه ..

لكن وحده ولا واحد بالشارع مني والطريج اكيد صعب انه بيحبوني اشعرفهم فيني :eh_s(22)::eh_s(22):



وجهة نظر

 

[فبراير]

هم أنا معاج مليوووون بالميه .....

صج أحس سهل على انى احب ناس اول مره اشوفهم من كلمه او تصرف ويصير ودى اتعرف عليهم اكثر واصادقهم >>> بس بالمقابل

صعب انى افرض نفسي عليهم اذا حسيت ان الشعور مو متبادل عاد اذا اندقرت حدى اتأثر >> حسااااااسه جدااااا

عشااان جذى ما اجازف كلش

 

[حبيبة أهلها]

روعهـ الموضوع

وانا معاك سهلة انة نحب الناس ونفتح لهم قلوبنا احس القلب مثل الفلاش موموري كل واحد وسعتة هههه بس الناس صعبة احس بااسلوبة الواحد يقدر يخلي اللي مايحبه يحبه بالحب والكلمة الطيبه والاحساس الصادق اللي طالع من كل قلب ومع العشرة والمواقف غصبن عنة راح يحبه ولو حتى ماحبة راح يمر بظروف ومواقف لما يتعامل مع الناس القاسين ويقول الله يرحم ايام فلان والا فلانة او يكون الخلل بالشخص نفسه وانا قاعدتي بالحياة احب اللي احبه واللي مايحبني كيفه ليش اتعب نفسي معاه ومشكورة ياقلبي على الطرح الحلووو ...

 

[noreez]

الحكمه مو كلها صح
لانه وايد شغلات تخلي الناس تحبج
الكلمه الطيبه والابتسامه وخدمه الناس ولمه تكون نيتي صافيه معاهم

والحكمه تكون صح .. لمه اسوي كل هذا واسوي الي علي وما افرض نفسي عليهم
لانه بالاخـــير ..

المحبـه من الله


موضوعج فضيع حق النقاش
:eh_s(15):

 

[puppet]

انا اختلف مع هالراي

لان المعاملة الطيبة ومقابلة السوء بالحسنى

تلين القلوب .. مثل الماي لما يمشي ع الصخر لين يكسره

 

[xxx]

يشرفني اني اكون اول وحده ترد عليج
نعم صح هذي المقوله
لكن ممكن احنا بأخلاقنا نقدر نكسب حب الطرف الثاني اما نجبره فهذا مستحيل لانه المحبه من الله سبحانه وتعالى

وانا يشرفني ردج

صح كلامج مانجبرهم ومحبتهم مو ضرورية ..

خووووووش موووضوووع :ggdw:

انا اشوف صحيح انك ماتقدر تجبر الشخص انه يحبك ..

بس صدقيني لو الواحد مامنه عيب وقصور واخلاقه عاليه وحبيب بينحب ..

يعني مو معقوله بصادف وحده خدومه وتحب الخير واخلاقها عاليه ماراح احبها؟؟!! اهي بتعاملها واخلاقها العاليه تجبرني اني احبها...

ولا شرايج ؟؟؟ فالواحد يعامل الناس مثل مايحب انه يعامال وصدقوني بتكسبون صداقاااااات وايد ونااس تحبكم ...

هاذا في نطاق العلاقات والناس الي اصادفهم سواء اهل ولا زملاء العمل او الدراسه ..

لكن وحده ولا واحد بالشارع مني والطريج اكيد صعب انه بيحبوني اشعرفهم فيني :eh_s(22)::eh_s(22):



وجهة نظر

صح كلامج

بس بعطيج مثال :-

انا تعاملي مع الكل وااااااحد (بالمنتدى)

ناس تحبني وناس لأ :eh_s(6):

ماجبرتهم مع ان اسلوبي طيب معاهم !!

هالشي يثبت ان الاسلوب والكلمة الطيبه ماـثر على بعض الناس لو مهما يصير

وارد واعيد هالشي مو ضروري عندي

 

[نهى أحمد]

أول شي
أشكرج وايد يا مديرة المنتدى يا بنت الكويت الغاليه
مع تمنياتي لج بالتوفيق والتقدم والنجاح

هذي المقولة صحيحة

أكيد من السهل انا نحب الناس من معاملتهم ويانا
يعني مثلا شخص معين قام بالواجب تجاهنا مع انه نشوفه لأول مرة
على طول نقول (والله هذا الشخص زين وينحب)
بس احنا بنفس الوقت ماندري اذا هذا الشخص حبنا أو لأ

 

[تـــرف]

اااااااامممم انا اشوف ان هالحكمه مو واقعيه

لان طول عمري عندي قناااااااااااعه ان القلوب شواهد واللي تحبيه يحبج من اول لقاء بينكم يعني احساس متبادل

تحبينه يحبج تكرهينه يكرهج بنسبه لي مااافي شي اسمه تحبينه وهو يكرهج مدري فاهميني ولا لا

اشخاص واجد اقابلهم وارتاح لهم واحبهم والحمدالله قله اللي اكش منهم

الخلاصه ان احب الناااس وهم يحبوني اكرهم وهم يكرهوني

ما ورد عن النبي صلى الله عليه وسلم في قوله: {الأرواح جنود مجندة؛ ما تعارف منها ائتلف، وما تناكر منها اختلف

ومانطق عن الهوى

 

[ام السيف1]

صحيحة100%
ممكن احب اى شخص بس صعب انى اجبره على ان يحبنى

 

[عنايد]

صح ميه بالميه

في ناس لووووووو شنو ماتكسبين حبهم لو طلعتي عيونج لهم اسألللللللللللللليني

يعني وحده تغار منج بتحبج مثلا؟ مستحيييييييييييييييل

حمولتج مايحبونج لو مهما تسوين موبالعينج شتسوين؟

يبا الحب من الله والكره من الله

 

[الصابرة المحتسبة]

خوووش موضوع والمحبة من الله وما أجبر أحد على حبي لو شنو سويت يمكن الطرف الثاني ما أعجبه سواء بشخصيتي أو بعض سلوكياتي أو جذي من الله ونحبتك عيني ما ضامك الدهر فعلشان نرتاح ولا نعور روسنا نثق ونآمن إن الشخص اللي جدامنا ما يحبنا لو شنو نسوي خلاص نخليه على راحته مانجبره يمكن يغير نظرته بالنسبة لك فحكمة معقولة وفيها من الواقع وعساج على القوة يا مديرتنا الغالية وعسانا نكون من الأشخاص اللي ينحبون وخفيفين على القلوب .

 

[vogue grl]

موضوووعج عجيب
بس بصراحه انا بقول صج
انا برايي نادر ماتلقين صداقه بهل زمن او وحده نيتها صافيه ..الانه الي يسود الزمن هذا المصالح والمضاهر وبس
سو انا مااقتنع انه الاخلاق والمعامله الحسنه وتمني الخير للكل بيخليني محبوبه او بلاقي الصديقه المثاليه ولا جان انا الحين عندي اكثر من صديقه"
فا سهل احب الناس وصعب اهم يحبوني مولازم الكل بس الأغلبيه يبون منج المصلحه والمضاهر وغيره
فا اذ لم تتوفر فيج المصلحه والمضاهر انتي موصديقتهم

 

[باريس الخبر]

اي والله الحكمه صحيحه ............بس كل شخص يتعامل مع الناس باخلاقه

ومو مهم المحبه ..............وفعلا انا اتعامل زين مع اللي حولي ومايحبوني لانهم يغارون مني

بس عادي والقلب للقلب دليل

يسلموووووووووو علي الموضوع الحلو

 

[xtina-90]

اكيد انا مع الحكمه
مو شرط الكل يحبني اكيد في ناس ماتحبني وتتمنالي الشر مثل مافي ناس تحبني وتتمنالي الخير

 

[منورة الكويتية]

عين الصح
ماكو شيئ بالغصب
والقلوب جنود مجنده
في ناس ينحبون ويدشون القلب بسرعه
وفي ناس سبحان الله ماترتاحين لهم او مايرتاحوون لج
فهالشيئ طبيعي جدا

 

[ملكة الحب]

الله يعطيج العافيه

 

[^وجد قلبي^]

من السهل أن تحب الناس ..

ولكن من الصعب أن تجبر الناس على حبك ..!

المقوله صحيحه في ناس تحبينهم جذي من الله بدون سبب يدشون القلب ..!

بس انج تنحبين يمكن الناس تحبج بس محد يتجرأ يقول هالكلمه ..!

احنا ماندري شنو داخل قلوب الناس ..

وموووضووووعج روووووعه ..

 

[عنزية والهيبه وايليه]

مقووله صحيحه مليون %

والناس بهالزمن عجيبين غريبين اللي مايحبهم ويصد عنهم يلحقونه ويذلون انفسهم بس عشان يسولفون معاه ويقعدون معاه

والطيب اللي على نياته دايما يطبقون عليه هالمقووله بالفرح ناسيني وبالحزن ذاكرين

والله ناس عجيبين ...