سنة كاملة وانا اتعالج عند الشيوخ والاطباء والسبب وحدة بالدوام

[إنسانه بكل حالاتي]

الى اخواتي في الله
العمل المختلط حكمه حراااام شرعا لمن لا تعلم
صغائر الذنوب هي التي تعمل لنا المشاكل
قال النبي صلى الله عليه وسلم من ترك شيئا لله عوضه الله خيرا منه
وفقكن الله

حبيبتي لا تفتين بكيفج شنو حرام ؟؟ حرام انتي لاتفتين
وشكرا

 

[كشموووشه]

دار سلوى
شكلج نايمه
عطيني رقم امج كل ما نمتي ونسيتينا بخليها اتقعدج

عسلللللللللللللل:dddds:

 

[нάγoηά cнεмίsтяγ]

الى اخواتي في الله
العمل المختلط حكمه حراااام شرعا لمن لا تعلم
صغائر الذنوب هي التي تعمل لنا المشاكل
قال النبي صلى الله عليه وسلم من ترك شيئا لله عوضه الله خيرا منه
وفقكن الله

فيـه مكان عمـل غير مختلط ؟:eh_s(1):

 

[الخاطر]

عورتي قلبي و صار بالي معاج عسى الله يفرج همج يا رب
و حبيبتي انتبهي ما يصير نلعن اليوم اللي صارت فيه مشكلة أو نقول إنه يوم أسود
لحديث الرسول صلى الله عليه و سلم : قال الله عز وجل : يؤذيني ابن آدم يقول يا خيبة الدهر فلا يقولن يا خيبة الدهر فأنا الدهر أقلب الليل والنهار فإذا شئت قبضتهما.
http://www.islam-qa.com/ar/ref/9571
و بشرينا باللي يصير معاج لا تبطين علينا

 

[مطـــيــريهـ فـــوشيـــآ]

ناااطرينج @@

 

[كشموووشه]

:gr4uu::gr4uu::gr4uu::gr4uu:

 

[دار سلوى]

دار سلوى از كومينق

اول شي قبل لا اكمل السالفه في ردود لبعض الخوات العزيزات راح اناقشها فلا يظنون الخوات اني لاني قاعده اكمل السالفه فما اقرا الردود
لا بعد ما اخلص اللي صار كله راح اتناقش معاكم بامور كثيره بخصوص تعليقاتكم واسمع ارائكم واتقبل نصائحكم بصدر رحب
لان المشكله مستحيل تستوعبون حجمها لاني الوحيده اللي مريت فيها
وكل اللي ذكرته لكم مو كبير كثر اللي جاي بالطريج والحال التي وصلت لها لولا ان من الله علينا بمشايخ واهل دين وتقوى سخروا انفسهم لرضا الرحمن وعلاج عباده بالقران

بس في بالنسبه لالفاظ يمكن انا استخدمها نبهتني عليها احدى الخوات الكريمات جزاها الله خير يارب بالنسبه لقول الله يلعن اليوم ايوم اسود ونحس وفقر وشو هالحظ وخلافه من هذي الكلمات اللي اقولها
اعتذر لو اني تجاوزت فيها الشرع لان فعلا امور اول مرة اسمع وجايز ما كنت دقيقة بالبحث والتحري بخصوص هالالفاظ ولكنها اكيد تقال دون قصد
ولكن طالما صار عندي علم راح احط بالي المرات الجايه
في اخت قالت ان العمل المختلط حرام بس احب اوضح ان طبيعه عملي مافيها التصاق ولا سباق ولا هي حتى مكان واحد للافطار او دورات مياه مشتركه ولا اي مكان بالكويت جذي
ومافي الا قسم واحد للبنات
وحتى لو كانو اكثر من قسم مافي عندنا بالعمل ولا بديرتنا ولا بالشرع ما ينص على ان وقت العمل يجب ان تلمس يدي يد زميلي حتى ننهض بالعمل او لمصلحه العمل
كل مافي الامر استئذان او طلب من المسؤل المباشر
ولا في حوارات جانبيه او مناقشات في امور شخصيه واي بنت تلجا لهذا الفعل هذا يكون تصرف شخصي منها اما طبيعه العمل ما تتطلب منها هالامور او تفرضها عليها هي مخيره ان سولف مع فلان وعلان وطيحت مع هذا او ذاك
اما اللي تبي تختصر وتحدد علاقتها بالزميل فقط في حدود العمل محد يلومها او يعتبرها ناشفه او تعرقل العمل
لذا فمن قالت ان العمل المختلط حرام اطلب منها تراجع مصادرها وتدعم الفتوى بمصادر موثوقه واجتماع علماء الدين

بالنسبه ايضا لمن يقول حرام تذكرين اللي ضرتج انا حرصت كل الحرص على البعد عن اي شي يدل على شخصيتها من خلال وصفها او ذكر مكان العمل او اسماء الاقسام
كل ما فعلته مسكت محاور المشكله وجوانبها لتعم الفائده علينا جميعا ولنتناقش فيها لان هذي تجربه مريرة عانيتها وكنت حتى لا اقوى على الكلام ولا النوم ولا الاكل والشرب بعد النفس والمس اللي صابني
وتقريبا لليوم انا قليلة الظهور للمجتمع ولحياتي الاجتماعيه وواجباتي العائليه
اول ظهور لي كان في ضيافة الرحمن لاداء فريضة الحج بعد ما جرى وعانيت
واليوم من خلف الشاشه اتكلم معاكم بالمشكله لاول مرة اتطرق فيها لما جرى وكان فقط من سمع لي الشيخ الحداد ودعائي لربي بيوم عرفة وبعد عودتي من الحج مع امي الله يخليها لي وانا اتذكر ما جرى كانه حصل بالامس
واليوم انا اتكلم معاكم انتو
فاذا شايفين ان في عرضي لهذه المشكله ظلم او حرام او غلط
ارجو افادتي وانا اطلب حذف الموضوع لاني ما راح ارضى لو فعلت معصيه او ارتكبت اثم بذكر مشكله انا صاحبتها وليس شخص اخر

 

[لؤلؤ ومرجان]

كلامج مقنع حبيبتي ،، كملي احنا كلنا ناطرينج وحاسين فيج

 

[нάγoηά cнεмίsтяγ]

" دار سـلوى "
بالعكس انتي قاعدة تفيدينـا وتفتحين عيونـا على اشياء يمكن نكون غافليـن عنها بحسـن نيـه
وما اعتقـد ان حرام لأن وايد استفـادوا من قصـتج وأكيد الكل يحـث على القصـه اللي فيهـا عبـره للنـاس
ولا شك ان قصـتج وراها عبـره يستفيدون منهـا مئات العضوات في هذا المنتـدى أو غيـره
و يزاج الله خير حبيبتي كملي احنـا وياج ومتابعـينج ونـاطرين تكملـه باجي القصـه
و مـا نبي المـوضوع ينحذف أبداً لأن من موضوع من أكثر المواضيـع اللي شدت انتباهي في المنتـدى
و أول مرة أتـابع جذي .. والله يكون بعونج :tek::tek:​

 

[لماار]

كملي القصه ان شاء الله كلنا بنتعلم منها

 

[لآ بيرلآ]

وااي اختي لا تحطين في بالج جذي بالعكس
احنا نتفاعل معاج لانج اخت عزيزة مهما كان و يجمعنا مكان واحد
و بالعكس تجربتج هذي تفتح العين و تعلم الواحد ..
والله كل شوي ادش اجيك اذا كملتي و الا لا .. عفية كملي ناطرينج و عسى الله يفكج من شرها و شر امثالها !

 

[مطـــيــريهـ فـــوشيـــآ]

بالعكس حبيبتي انتي فدتينا حييل لانه الصراحه انا عن نفسي ماكنت اتصووور انه في احد بهالدنياا يسووي جذي
فقصتج رااح تفيد وتوعي نااااس وايد سوو كملي
ومتااابعينج @@
والله يكون بعونج ان شاءالله ,,

 

[bskota]

ناطرينج حبييبتي ومتابعه قصتج يااااااااااااااااااربي هالدوام صار نقمة ماهو نعمه علينا لا اتظنين حبيبتي انتي بس اللي عانيتي ترى الكل يعاني والاغلبية مومرتاحين بدواماتهم وجابلون عاهات كل يوم بس شنسوي اللله كريم والله يمهل ولا يهمل وبياخذ حقج قريبب باذن الله

 

[دار سلوى]

يعطيكم العافيه
يعلم الله ان مو فبالي اشهر ولا اذكر اسمها
انا ما اواطنها صج
ولا راح انسى الايام اللي كنت ابجي فيها من نفسي وانا قاعده بالدوام وملفي انترس غيابات واللي صار بجسمي وشعري وويهي منها
والمشكله الاكبر انها وصلها خبر اني تسببت وعلاجي اشرب من مايها او اتوضى فيه ورفضت مع ان الاخت اللي وصلت حق بنات الدوام اني بين الحياه والموت وواجب عليهم كلهم يجمعون لي ماي كل البنات
يعني ما حددوا اسمها او خصوها بالموضوع رغم ان الشي واضح انها اهي بس
اغلب البنات شاركو وشربو وعطوني من مايهم
وزاروني
واسالو وتطمنو
الا اهي
وتقريبا اهي اللي عطلت علاجي
قالت لا
شهالخرافات
بعدين قالت شقصدها يعني قولوها لو باجيلها ساعات وتموت وانا اللي اقدر ارد لها الحياه ماراح ارضى لانها ماخذه مقلب بنفسها والله عاقبها منغره بجمالها طبعا تقصدني انا وانا عمري ما قلت اني احلى البنات او قللت من خلقة ربنا

 

[دار سلوى]

اما اشلون صار اللي صار


عقب فضيحتها استغفر الله
عقب ما طاحت زوج الموظف اللي معانا على زوجها وذكرت اسمها وانتقل الريال من الدوام وصار الحجي بالخش والدس عليها
صارت شبه منبوذه
وصارو حتى الرياييل اللي كانو يتقاسمونها واحدهم من يشوفها بطريج يوخر لان قامو يخافون الكلام يوصل حق حريمهم
حتى المسؤل اللي كان مسؤلي قبل وتسببت في عداوة بيني وبينه وانتقلت من قسمه بسبة تصرفاتها معاه وتاييده لها قام ما يستقبلها كلش
وقال اذا تبين شي كتبي ورقه وخليها عن السكرتاريه لاتدشين مكتبي قمتي تييبين لي الحجي
طبعا ضاقت فيها
هذي اللي اذا كانت تمشي تهز هز بضحكاتها العاليه وصوت كعبها وشعرها وزندها اللي طالع وتنورتها اللف القصيره اللي 24 ساعه مبطله والتاتو مالها ما بقى احد ما حفظ رسمته

والساق اللي تقول صيخ شاورما شمتنه والا ركبها اللي تقول دوار العظام اللهم ياكافي
والله والله والله والله والله والله والله لما نكون قاعدين بروحنا ونطريها تلوع جبدنا من شكلها البشره رماديه على سلفر مو من الله لا حشا والنعم بالله وخلقته بس من عملها سيماهم في وجوههم ومن كريم اساسها الرمادري اللي تحطه جنها احلام اول ما طلعت بتدري ليش ازعل عليك
والصبغه لاهي اشقر ولا برتقالي
لون مرق

والرقبه تفرق عن البشره اكيد جنها حاطه ماسك
والاي لاينر والماسكرا تسالونها ليش جذي مقطع تقول ماكياج امس نايمه فيه !!!!!!!!!!!!!!!
امبيه ليش؟
تقول كنت رايحه عرس وقاطه فلوس شنو اغسله؟
ويع ويع ويع
رايحه عرس ونايمه بالماكياج ويايه فيه الدوام تقول ها اغسله شنو ريلي ما يستانس ؟ كاشخه رايحه ماكيج عرس ابي ريلي يشوف مكياجي بالليل يعني اشكره طالعه الصبح من البيت واهي على جنابه؟
لو تدعم وتموت ما يصح غسلها غسل ميت الا بعد ما تطهر

لا انسانه نجسه بكل شي فيها
لا صلاة لا طهر
لا غسل حيض ولا غسل جنابه
نظافه شخصيه ماكو 24 ساعه بلبس الدوام تطلع من الصبح حق الدوام ترجع بالليل
او اذا ما تيي الدوام بمكياج الليل
انا اذا ما ارجع البيت اتسبح وما اطلع من البيت الا متسبحه ومستحيل البس شي وارده الكبت ومستحيل احط ديودرينت الا وانا متسبحه ؤاتبي كله طاير عالمغربي وكريمات التبيض والسنفره وما يمر اسبوعين الا انأرف من الفرش واقطهم والصبح الف معجون اسنان على الف شور جل وعلج 24 اغير وابدل وهيل وحالتي حاله
مو لان فيني شي بس خلاص الواحد يهتم بنظافتة النظافه من الايمان هذي الايمان ما يمر عليها من اي باب مستحيل
شايفين عيوبها هذي ؟
ماكو احد ما يقولها بالدوام
ومع هذا تلقين الناس يفزون فيها
الكل يقول
عجيبه مع انها خايسه وشكلها دسم
ونظام هيلق يعني اليوم لابسه بنطرون استرج مخمل اللي فيه سير من تحت واهي فخوذ ومن كثر ما اهو ضيج عليها صاير اسود شفاف حتى تشققات وحفر فخوذها مبينه
وجاكيت جلد
وبودي تور
تخيلو مخمل مع تور مع جلد العن ابو الذوق
مو هذا موضوعنا
موضوعنا ان حتى تفصخها اللي كان ميمع وراها جم خروف
ما قام ينفع معاهم وقامو يتجنبونها لانها شبهه قامو يخافون عقب ما فاحت ريحتها
كل هذا وانا وين؟
انا بالوزارة اللي انتقلت لها ندب وقربت تنتهي المده وارجع

او اتخذ القرار وانسى وزارتي القديمه وابتدي من الصفر بهالوزارة
تتوقعون انا شنو اخترت عقب سنه فراق من هالوحل اللي اسمه عمل ؟

 

[غلا فهد]

انشاللة اشفيكم علي دار سلوي ترا ماقالت شي ولا فضحت :23_asmilies-com:احد واللة مالومها احنا احترينا :jumpon:اهي شلووووووووووووون باللة اقول كملي اللة يكفيج شرها واهي تنقل تجربة مرت فيها كملي ياقلبي واللة يرزقج بالزوج الصالح التقي النقي الغني ويبرد اجبيدج:klhfl:

 

[مطـــيــريهـ فـــوشيـــآ]

اوك كمليي معااج @@

 

[غلا فهد]

الحمداللة قاعدة اشوة كملي

 

[كوكا كولا زيرو]

ويييييييييييييييييييييييع لانها وصخه زباله حشاكم ليش تتسبح ويع اشلون ريحتها معاكم ويييييييييييييييييييييييييييييييييييييييييع


كملي دار سلوى انا اشب نااااااااااااااااااااااااااااااار

 

[غريبه وقريبه]

السلام عليكم ورحمة الله وبركاته
الله يستر عليهاا بس لا توصفين مفاتنها للعظه والعبرة اوصفي اخلاقياتها وردودهاا بكل أماانه
وانا مؤمنة بأن النوعيات هاذي موجوده الله يبعدنا عنهم ويكفينا شرهم والله المستعان