سمعوا قصتي اليوم مع االمستشفيات تعالوا افرحكم يبجريات واطمنكم واالله تعبانه بس عشانكم

[بنت نااس]

الله يهون عليك يااارب ويكون البيبي سليم ومعااافا يااارب ,,والله خنقتني العبره بعد ماقريت قصتك انا على وشك ولادة في الثاامن زيك احس اني ابي ابكي خاااااااااايفه كثير مثلك ,ادعيلي امااانه بتسهيل

 

[Mednight Rain]

الله يهون عليج ويسهل ولادتج وانشالله تكملين شهرج وتفرحين بشوفه البيبي ويجعله من الذريه الصالحه

انا بعد بجرية والدكتو يقول هالمكان بيطلع منه راس عود مافرقت ع اصبعين ومايعور بش الحامل لاتشد نفسها وترخي

 

[عالمي المجنون]

الله يسهل عليج يارب

انتي مثلي أنا بالأسبوع ال33 و بادي معاي الطلق من جم يوم

بس أموت من عوار الظهر والبطن يروح و يرجع و الدكتورة ما افحصتني

مع ان في طلق بس قالت اذا زاد العوار تعالي

 

[janoona]

الله يهون عليج يارب وتقومين بالسلامه وصاجه البنات يهولون بالفحص مو لي هالدرجه يعور اهوا في عوار بس مومثل مايصورونه

لنا الله يسهل على الاى قرب ولادتهم ويتمم على الاى بالبدايه مثلي ويرزق المحرومين يارب

 

[عالمي المجنون]

الله يسهل عليج يارب

انتي مثلي أنا بالأسبوع ال33 و بادي معاي الطلق من جم يوم

بس أموت من عوار الظهر والبطن يروح و يرجع و الدكتورة ما افحصتني

مع ان في طلق بس قالت اذا زاد العوار تعالي

 

[ام حمد 85]

الله يقومج بالسلامه انتي والبيبي

 

[زينانه]

انشالله سهالات وتولدين بالسلامه
واللي يبالغون هذول وايد
يقولون الولاده موت وعذاب
وهي الم بس يحتمل بكل الاحوال
وبخصوص الفحص صراحه انا بالنسبه لي
يتوقف على اللي يفحصني بعضهم ايده خفيفه حيل وبعضهم الله ياكافي عذاب
عموما الدعاء زين بكل الاحوال... ولازم الوحده تدعي لنفسها دايم بالهون والسلامه

 

[Om Joan]

الله يهون عليج و تولدين بالسلامه .. انا صارتلي تجربه ويا الفحص الداخلي .. بصراحة نفس الشي خرعوني و لوعو جبدي .. بس اهوا ما يعور ينرفززز و احس يار بي مو وقته بروحي بولد و لايعه جبدي و تيوون تفحصوني لوول

 

[mama-dodo]

الله يسهل عليج
بصراحه حيل طمنتيني كنت حيل خايفه
مشكوووووووووووووره

 

[ايلي الفيروزيه]

الله يسهل عليج ياارب

 

[حبيبه حماده]

الله يسهل عليج حبيبتي وتمملك حمالك علي خير
بجد طمنتيني لاني بجريه واحاتي حيل الله يسهلها علينا

 

[انجبر قلبي]

الله يهـون عليج يا رب وتولدين بسهـاله

والله انا ودي ما اسمع بس غصبن علي

يقولولي سوالف تخرع وانا توني بجريه وحامل في البدايه

وانا من غير شي قاعدة اوسوس اظل افكر بكلامهم واخترع

مرات ابجي من المحاتاه والله

كله من كلام سمعته يعني احس رحمووونا شوي من هالتخريع

انا مو قصدي بالمنتدى بس مرات حريم و بنات يتذكرون كل البلاوي والاشياء الشينه بالولادة و الحمال
ويقولولج اياها

خصوصا وفاة البيبي وااااااااااااااااااااااااااااااي خرعووووني والله خايفه للحين

انا قعدت مع وحدة البيبي توفى في بطنها بالشهر التاسع قبل موعد ولادتها بثلاث ايام حرام الله يصبرها

بس وايد خرعتني اهي مسكينه ماتنلام التجربة اللي مرت فيها بس يعني قالتلي ديييييييييربالج من الحركة

اذا ماحسيتي بحركة روحي على طول وانا يومين الياهل ما يتحرك اقعد ابجي بجي اقول خلاص صار فيه شي

وانا توني بالخامس يعني شي عادي اذا ماتحرك

بس هذي وحدة من عشرين وحدة من اللي يخرعوني

 

[tmtmt]

الله يسهل عليج حبيبتي

بس ماعجبني كلامج عن الي يعورهم الفحص !!
شنو يعني يهولون ؟!
يعني نبالغ ولا نجذب ؟

انا وحده اموت من الفحص
والحين حامل الله يتمم علي من الحين احاتي الفحص

مو معناته اني اهول ولا ابالغ !

بس كل وحده وقدرتها على التحمل
وكل وحده وتجربتها

يمكن بولادتي الثانيه ان شاءالله ما يعورني الفحص
مو معناته الي قالي يعور يعني يجذب صح

نفس لما تسالين عن دكتور معين
تلقين الي يذم ولي يمدح مو معناته واحد منهم يجذب
معناته كل واحد يتكلم عن تجربته

وايد اتضايق لما يقولون هالكلام
لن الي بيسالني راح اقوله انا عورني وايد بس ان شاءالله انتي ما يعورج

وان شاءالله تكتبيلنا قصة ولادتج

 

[tmtmt]

وبالنسبه لي احب اعرف اذا يعور يقولولي يعور اذا لا لا
ما احب اروح على عماي

فلما احد يسالني ارد عليه بالصج نفس ما احب الناس ترد علي

ذكرتيني لما كنا نسمع عن ليلة الدخله
نفس الموضوع الي ماعورهم ما يهولون
ولي عورهم ما يهولون
لن كل وحده غير عن الثانيه

وسامحيني على القرقه

 

[ام الحوراء زينب]

حبيبتي الله يهون عليج يارب ويسهل عليج ولادتج
تدرين انا فرحت لمن حملت بس من اللي اسمعه اخترعت
معني جربت الطلق لاني كنت مجهضه من قبل
بس الله يسامح اللي يخرعون وتشوفينهم ماشاءالله ورا الاربعين تولد
تذم الحمل والولاده وتخرع غيرها عالفاضي

 

[بخـــارى]

حبيبتي
غسى ربي يتمم عليج حملج
وتولدين بشهرج مو قبل
ياليت مخلينج عندهم احتياط
ديري بالج على نفسج هالفتره لين تقومين بسلامه

 

[Al-RoRo77]

وعليكم السلام ورحمة الله وبركاته
وااااااااااااي من كثر مااقرى صرت خايفه من هاللحظه عسى الله يطمنج دنيا واخره مثل ماطمنتيني
والله يحفظلج بنوتج ويقر عينج بشوفتها سليمه ويسهل عليج ولادتها ويحفظها ياااااااااااااارب
يعطيج العافيه فديتج

 

[تبطي عظم!]

الله يهون عليج ويطمن قلبج

 

[barosha]

الله يسمع منكم اجمعين

حبيبتي بنت ناس
لا تخافين تجربه حلوه والله انا بعد هههه ناطره التجربه الحلوه ادعيلي
عالمي مجنون
انا الحين باقيلي حبه وحده مسكن قالتلي بس 3 ايام اهي مسكنه العوار الله يستر عقب هالحبه
الله يهون علينه
زينات
عجبني كلامج واهوه عين العقل
ماما بابا
هذا الي كنت ابيه اطمنكم وحمدالله الله يسهل علينه
حبيبه حماده
عسى الله يصبرنه وحمدالله وصلت الي ابيه لكم
انجبر قلبي
الله يعينها والله صج تجربه صعبه انه انتي حامل وعلى اخر شي يصير جذي بعيد الشر عنه والله يرزقها مسسكينه حتن نفاس نفست بس بدون بيبي الله يعينه والله يتمم علينه ويرزقه الصحه والعافيه يارب
تمتمت
حبيبتي اشكرج عالرد وعالتواجد و المهم حبيبتي لا تفهمين غلط انا ما قلت يجذبون انا هم قلت في عوار بس مو الي الوحده تموت منه وكل واحد وتجربته بس انا اتكلم عن تجربتي الشخصيه وحبيت اطمن الي موجودين نفس ما انا ارتحت واريحهم واشجعهم نفس ما اشجعت لانه حالتي كانت شي والحين حمدالله صارت احسن واحس اني انطر هاليوم حمداللله وانا تكلمت عن الفحص ما تكلمت عن التوسع في فرق بين الفحص العادي والفحص الي يحاولون يوسعون الوحده في والانسان لازم يتشجع عشان يرتاح وانا مو بس قام اشجعهم انا قام اقول الي جفته والله يتمم عليج حملج وهالمره يكون الفحص ما يعور ويعطي البيبي الصحه والعافيه وجوفينه بحضنج يارب

ام الحوارء زينب
عسى الله يتمم عليج حبيبتي انا لي الحين ما ولدت بس جربت شي بسيط وحمدالله احسها تجربه حلوه لا تخافين تشجعي بيلج ياهل يكون بين ايدج وتلبسينه وسبحينه وتلمينه وتبوسينه وكون يبيج انتي والطلق عوار بس وراه اجر وانشالله سهالات وبالعكس حسيته تجربه حلوه وانا مستعيله بجربها
بخاري
الله يسلمج لا ابشرج صار دوامي عندهم كاليوم رايحه ابر وحبوب مسكنه الله يسهل علينه
نونوة ريلها
حبيبتي والله تجربه حلوه صدقيني ودي اولد ودي اجرب كلشي لوووول ونسني ردج على الله يتمم عليج حمدالله اني عرفت اوصلكم الي ابيه

 

[فديت حمودي 2010]

ماعليح إلا العافيه و طهور إن شاء الله