سمعتو عن ناس جذي؟!!! دشو واقروا

[برووورة]

المشكله يدخلون علي ريلها مصيبه
لو مكانها افشلهم شنو فوضه يدخلون داري وسكت
شنو شغلهم والله ما اسكت اوقفهم عند حدهم لي هني وبس

وقولي لها حبيبتي الريال ترا يحب يشوف بنت دلوعه وكاشخه لو جيكره.

تدخل مزاجه

نبهيها حبيبتي

اي صح كلامج بالضبط هو الرياييل يحبون يشوفون الدلوعه حتى لو جيكرة
بس هي مو ساكنة مع اهل ريلها لا
ريلها يقعد بغرفة امه وهي عادي كله مفتوحة
هما اصلا ما يستحون ينسدحون على سرير اخوه يزعم يجوفون التلفزيون
جفتو الوقاحة وصلت لي وين
يزعم يتابعون مسلسلهم ما يبونه يفوتهم فيروحون غرفة حماها عن الازعاج وينسدحون على سريره يتابعون المسلسل .!!!!!
بس السؤال هل ممكن الريال يتزوج وحدة هاي اخلاقها
هل ممكن ان حماها يتزوج وحده منهم ؟؟؟!!!!!
لأنهم واضح ان هالحركات كلها له
علما بان حماها فري عايش حياته سفر وصديقات وكل شي !!!

 

[#laloo]

اذا ريلج واخوانه متضايقين اكيد بيقولون لامهمان نبي الزواره بيوم غير والا على الاقل ريلج واخوانه يطلعون لكن انتي لا تبينين انج متضايقه منهم
ترى بيحطونج براسهم وحتى خالتج بتاخذ على خاطرها ضيوفها وماتوجبينهم
ويمكن اهمه طبعهم جذي وطريقة حياتهم

 

[برووورة]

وااضحه يبون يزوجون بناتهم من الشباب اللي في البيت ...​

انا اقول قولي لرفيجتج تطلع من بيت الحموله وتسكن مع زوجها بره ..
وهالنمونه منتشرة وااااااااااااااايد الظاهر دين والباطن "مصخره "​

والله يستر علينا وعلى عباده ....​

اختج ​

ام يوسف*مطبخ الذواقة*​

لا هي الحمدلله هما ساكنين بيت بروحهم بس وقت الاجتماع العائلي مافيه حرية ولا راحة وملل بسببهم
لا والمشكلة كأن هما اهل البيت وهي ومرت حماها الضيوف قاعدين بعباياتهم وحاشمين روحهم ..!!!

مشكورة يا ام يوسف على ردج عسا لا خلا ولا عدم :eh_s(7):

 

[برووورة]

المشكلة كبيرة



مو عادية



يعني بعد ماتقدرين اتقولين لريلج علشان مايبطل عينه عليهم بعد


و اهله اتقولين مايرضون


هالناس شكلهم من نوعية محددة اتمارس السحر


سحر المحبة و يخليهم يصيرون عميان جدام عيوبهم



الافضل انتو اللي حاسين بالخطر


اتوخرون رياييلكم عنهم



و سالفة الاجتماع العائلي


بلغي ريلج شرايكم انروح لهم مو هاليوم مثلا اللي قبله ولا اللي بعده


المهم مو نفس اليوم

اف قسما بالله العظيم نفس اللي اقوله هم شكلهم مال سحر وطبوب الله يبعدهم عاجلا غير اجل

بس تدرين لو ماراحو ايام الاجتماع العائلي بيكونون سووا الي يبونه لانهم يبون يفرقون العايلة
هما لو يحسون على دمهم يجوفون ريلها وحماها برع ولا يحسون بعد قاعدين لا ويتفررون بعد في البيت ويضحكون وحركات خايسة ولبس اخيس
بس والله محتاجين تدعون لها المسكينة ان الله يفكها منهم عاجلا غير اجل

 

[برووورة]

حبيبتي


تطلع اهي وزوجها بيوم جيت الناس اللي يزورون اهله .. وتجيهم يوم ثاني !


و زوجها شنو مقعده مفروض يطلع يزور ريعه اهله .. مو بغرفه !

هي تدخل وهما موجودين لانهم من ظهر يجون
وما يطلعون الا باخر وقت عقب ما الكل يطلع
وزوجها يزور ربعه بعد المغرب من الظهر فهو من دخلته الظهر او العصر تقريبا الين المغرب منحكر
بس هاي مو حاله.. المشكلة ان هالبنات وامهم غصب يلفتون النظر بحركاتهم المايعة
حسبنا الله ونعم الوكيل في هالاشكال

 

[برووورة]

لابسين ملابس شفافه وداشين البيت واهل ريلج مستانسين عليهم؟
عيل البلا من اهل ريلج اشلون يرضون بهالنماين اتدش البيت وتسرح وتمرح ..؟؟
مايخافون على عيالهم لا وحده اتقص عليهم وتدبسه فيها والله مادري ليش وصفج لهم حسسني انهم من هالنمونه ..!!
والله ماتنلامين حياتي اذا تظايقتي وزعلتي ولو اني مكانج ما اروح الجمعه ولا اخلي ريلي يروح واذا سئلوني اقولهم مو مرتاحه من هالناس وكاشه منهم وبس ..!

اي والله البلا منهم أو أكيد مسوين لهم سحر لانهم تخيلو كل زيارة لازم يجيبون وياهم اكل
هما من هالنمونة صج
مسالة ان هي تقول حق اهل ريلها عنهم
قالت مرة وقالو لها بعد شنسوي نظردهم؟؟
ووحدة قالت لها لا هما حليوين وطيبين اذا قعدتي معاهم بتحبينهم..!!!!!!!
وام زوجها زعلت عليها ومدت البوز ليش تتدخل في اللي يجون بيتي هاي بيتي مو بيتها.؟؟!!!

يعني مو شي يقهر ..!!! ابي اعرف لي متى ؟؟؟؟؟؟؟؟؟؟؟ متى تنتهي اقامتهم في اهل ريلها يالله ارحلو ههههههه

 

[برووورة]

خلها تكلم ريلها يكلم اخوانه المتزوجين ويكلمون امهم ان يوم الزاورة لهم بس وبياخذون راحتهم ويكونون حازمين ...فعلا شي يغث او مايزورون باليوم الي يزورون فيه مدام نيتهم واضح وقالو اشكره ..

تكلمو وزعلت الام
ثاني شي الهيلق ذيلين هاذي اللي يبونه انهم يفرقون العايلة عن بعض
ثاني شي تخيلي ان مرة امهم سلمت على زوجها ومارد عليها سلامها زعلت وقالت حق خواته اشفيه اخوكم ما يرد السلام السلام على ويه الله ومدري شنو؟؟ يعني تحرض الخوات على اخوهم؟؟؟؟؟
هو ما يرد عليها لان يعرفهم خبيثين وما يحب جذي
بس والله راحت وناسة اللمة يوم اليمعه بسببهم

 

[برووورة]

شوفي حبي خلها تكلم زوجها بس مو بشكل مباشر يعني مجرد سالفه عاديه بينها وبينه وتقوله ان حلات اللمه تكونون كلكم مع بعض يعني كل واحد بزوجته وعياله , بس لان هاللاودام موجودين ولان زوجها واخوانه عندهم سنع وادب من جذي ما يقعدون بنفس المكان فلو يكلم اخوانه وامه انهم يوم اللي يجتمعون لازم يكون المجلس خاص في العائله بس وممكن تغيرون يوم لمتكم ببيت العائله , يعني اصلا شلون يصير مجلس العائله اذا كل واحد بصوب والغرب مكتسحين المكان ...
بس لو هالاوادم تلصقوا زياده هني لازم تختصر قعدتها وتسحب زوجها بهدوء وتمشي من المكان مع التكرار طبيعي ام زوجها بتسال واهني خلى زوجها يقول لوالدته بكل صراحه ان هالوضع ما يجوز ولا يرضى احد ...

محد يحس يا ختي
كلامج صحيح في حال ان الناس تحس بس الاحساس ميت الواحد شيسوي؟؟ الله يعين
عسا نهايتهم جريبة ياربي

 

[برووورة]

حبيبتي ناس كذا ماشفت ولا سمعت بس الدنيا فيها العجائب و اهم حطين عينهم على الشباب الي بالبيت وبصراحه قلت حيا وماعندهم حشيمه والغلط سكوت اهل البيت على الوضع
واهي مو مجبوره تقعد معاهم او تشوفهم وزوجها مو مجبور ينحبس بالغرفه
المفروض اذا صاروا بيجون تطلع واكيد راح يوافق زوجها لانه مراح يتحمل القعده بروحه

صحيح كلامج
قلة حيا من قلب
تخيلي ما تقدر تروح بيت اهلها علشان لا يروح بيت هله تخاف عليه منهم لانهم عيال ابليس
ريلها طقت جبده من الحكرة بروحه يوم الجمعه بس هو يطلع لكن يحب الجمعه يقعد مع خواته وامه بس هالشي انفقد من دخلو هالهيلق بحياتهم؟؟
صدقتي عن موضوع سكوت اهل البيت لانهم عادي مو حاسين بشي
الشباب العزابية مستانسين والخوات ازواجهم بعيد عن الموضوع
لو في بيوتهم الشي وجدام رياييلهم كان حسو

 

[برووورة]

لا ما ااعتقد حاطين عينهم على ريلج انزين البنات حاطين عينهم على ريلج
امهم بعد حاطه عينها مو تقولين لابسه قصير ومادري شنو؟؟؟
لا اهم طريقتهم بالبس جذي اوفر ووايد بنات جذي يعني ترس المجمعات لاتحكمين من اللبس
وغير جذي بالنسبة للضحك اكيد بيضحكون ويستانسون شنو قاعدين بعزا بتكمممون حلجووهم

بس انتوا اذا متضايقين غيروا يوم يمعتكم دام اهل ريلج يحبونهم ومايرضون عليهم وانتي وريلج متضايقين
ولا تتهمين البنات انهم حاطين عينهم على ريلج تلاقينهم مادروا عن هوا داره يعني لاتحطين بذمتج حبيبتي

بالنسبة للبنات السفور انة وايد احترمهم واحبهم واعرف هم ستايلهم جذي ومرات السفور لبسهم محترم اكثر من اللي لابسة عباية ليش؟
لان هذيلين لابسين عبايات والام يزعم متدينة بس طل
كله ديكور وتضليل
وكله ما يدرون
يطلع السدر ويزعم مايدرون
لابسين شفاف وملابسهم الداخلية طالعه وكله مايدرون
الام تصلي جدام الشباب.. تخيلو بس المنكر؟؟ وهي دبة تخيلو شكلها وهي تركع وتسجد
بذمتكم هاي صلاة هاي دين؟؟؟؟
تدخل الله يعزكم الحمام علشان تتوضأ على اساس هي متدينة مسكينة
تفصخ عباتهم برع وتدخل وتكون لابسة جلابية حرير شفافة قصيرة ويدها جمبنيز والظهر طالع
وتعرف برا يمرون شباب
وسوالف كثيرة بس الواحد شيقول؟؟

مشكورة قلبي على ردج وتفاعلج الله يبارك فيج :eh_s(7):

 

[برووورة]

الله يكون بعونهم بغض النظر عن لبسهم
مجرد انه يوم مخصص للعائله تجون وتخربون عليهم وتطلعون عيالهم من بيتهم ليش؟
هذي قلة ادب

انا اقول تتفق هي وزوجة اخوه انهم يغيرون يوم العائله يجون بيوم ثاني
اكيد الام بتسأل ليش ماجيتوا باليوم اللي متعودين عليه
قولولها ماناخذ راحتنا من هالناس يمه نبي نسولف معك ونشوفك
مانبي احد غريب

مو صعبه ترى ابد


وربي ييسر الامور

فكرنا جذي قلت لها تروح بيوم ثاني مع مرت حماها وحماتها بعد متضايقة منهم بس نخاف الام تزعل اشفيكم عليهم ومدري شنو
غير ما نبي نتعب الام تطبخ بيومين
غير ان هالهيلق يبون يفرقون العايلة
غير ان لو تغير اليوم بيون بعد
يعني تخيلو يلحقونهم كل مكان
حفلات اعياد ميلاد مرتزين هما
اعراس تلاقينهم
تعزية تلاقينهم
لاعت جبدنا منهم
مدري متى الفكة عساها ياربي جريبة

 

[برووورة]

شنوهالاشكال الزباله
والله شكله ريلها عاجبينه هالناس ولا لو مو عاجبينه جان كلم امه وخواته ووقفهم عند حدهم
الله لا يبلانا

هههههههههه عحبتني الاشكال الزبالة
وصف دقيق :rerrerek:

 

[برووورة]

اعوووووذ بالله من بشر كذا قاطين وجهم وش هالام اللي ماعندها كرامه كليوم مسحبه بناتها وجايه
واضحه عيني عيني تبي تخرفن عيالهم قطيعه مقويه عين البنات بعد


حبيبتي قولي لصديقتج هي مو مجبوره تقابل هالوجيه الودره
واهم شي لاصادف انهم بيجون تطلع هي مع زوجها يتمشون والاهم انها ماتبين لزوجها خير شر ولاتحسسه عشان مايقول غيرانه ولا شيء


واذا الاهل متغيرين عليها براحتهم مايشوفون شر والله هي ماغلطت عليهم ولا داست لهم على طرف

تسلمين على ردج
كلامج يريح القلب صحيح هي ما داست لهم على طرف
الف شكر لج ولكل من تفاعل معاي ورد علي عساني ما نحرم منكم :eh_s(17):

 

[برووورة]

رفع

 

[برووورة]

اشدعوة؟ وين الناس؟؟
ابي رد !!!

 

[ترف بابا]

تعالوا بيوم غير

 

[ام الحلوااات]

مــــعــــقـــــولــــه فـــيـــه نــــااااس جــــــذي ؟ ؟ ؟ ؟ ؟

 

[M!ss CoLoRz]

الحل في يد الريال

دامه مو عاجبه الوضع ولا بقادر يجوف هله يقعد ويكلم امه ويقول لها بالله انا متى اجوفج واقعد وياج

وزوجته نهائيا ما اتييب طاري

 

[rawabby]

يدفع البلا ... ييون ناس تحب المشاكل اللهم يا كافي .. الله يستر عليها منهم و من بلاويهم هاي المكشوف و الخافي أعظم