ســــيــــــن ، جــــيــــــم ، منو يسأل ومنو يجاوب (الجــــزء الثــانـــي)

[@ NIGHT_STARS @]

جربت اكتب الخواطر لاني احب اسمعها واقراها وساعات اكتب






تؤيدين الشغل فترة العصر او الصبح وليش ؟؟

 

[مطيريه ماركه]

طبعآ آلصبح مآحب أطلع بـ شي عكس آلنآس أوح مع آلنّآس وأجي معآهم !

سؤآلي حآولتي تكتبين آلشعر ؟ وعجبتج آلتجربة وكررتيهآ ؟

 

[أنفاسي دخون]

اي حاولت وبدون مدح بنفسي كانت تجربه حلوة وكررتها وللحين محتفظة بالدفتر اللي فيه قصايدي >> أخص يا بدر بن عبد المحسن :eh_s(6):

شنو آخر صبغة شعر شفتيها وعجبتش حيييييل؟؟

 

[وجدان الكويت]

صبغة شعري

مادري هي حلوة صج والا مستانسة اني صابغة شعري عقب 28 سنة

شنو تريقتي اليوم؟

 

[@ NIGHT_STARS @]

فلافل وبطاط وطحينة وعصير كوكتيل abc لوووول



شنو بتعشين ؟؟

 

[قطوة@@]

كورن فليكس و حليب بارد


متى اخرمرة رحتي عرس ؟؟؟ عندي عرس يوم اليمعه و مااالي خلق اروووح

 

[@ NIGHT_STARS @]

اخر مرة شهر 12 السنة الي طافت



متى اخر مرة احتفلتي بعيد ميلادج :d

 

[أنفاسي دخون]

بيوم ميلادي اللي طاف واللي احتفلوا اهلي وزوجي وعيالي انا ما اهتميت

خالطتي احد مصاب بأنفلونزا الخنازير؟؟

 

[@ NIGHT_STARS @]

اي رفيجتي بس عقب ما صارت زينة بفترة قصيرة

والحين ريل اختي مسكين شاكين فيه قاله الدكتور ينعزل كاسر خاطري يا رب تعدي على خير



نفس السؤال ؟؟

 

[أنفاسي دخون]

لا .. عسى الله يشفي مرضاكم

شنو احلى ماركة فوط شخصية؟؟

 

[@ NIGHT_STARS @]

ويعافيج من الشر مشكورة حبيبتي


بصراحة ما شوف الماركة اشتري شي الي احس ان زين واخذه




نفســـــه ؟؟

 

[جماااانة]

انا احب اولويز احسها احسن شي

اشتريتي للعيد ؟؟؟

 

[::كسرة عود::]

تو اليوم فصّــلت...

نفســـه...

 

[@ NIGHT_STARS @]

ويي عبالي الفوطة الي نسبح فيها هههههه لحد يظحك حسيت بغباء فشلة

لا والله ما شريت انطر الشتوي كله ونااويه اشتري


وانتي شريتي ؟؟

 

[وجدان الكويت]

انا للحين

ناطرة في عرض الاثنين اذا لقيت شي زين بفصل

باجر بالويك اند وين بتطلعين

 

[@ NIGHT_STARS @]

باجر يمعة الأهل ما عتقد راح اطلع او يمكن اغير رايي واروح مكان بس ما حددته للحين



نفسه ؟؟

 

[بدويـــة مودرن]

**

بكرآ عندنا الزوآره


نفسوووو

​

****

 

[ســــوليس]

للحين مااادري




جم عمرج ؟

 

[أنفاسي دخون]

ويي عبالي الفوطة الي نسبح فيها هههههه لحد يظحك حسيت بغباء فشلة

لا والله ما شريت انطر الشتوي كله ونااويه اشتري


وانتي شريتي ؟؟

لا حبيبتي مو غبية انا فعلا اقصد افوطة اللي نسبح فيها بس جمانه فهمت السؤال غلط

توني صغيرة في بحر عشرين :eh_s(15):

سؤالي ::

شنو النشاط المدرسي اللي كنتي تحبين تشتركين فيه وانتي طالبه

 

[@ NIGHT_STARS @]

لا حبيبتي مو غبية انا فعلا اقصد افوطة اللي نسبح فيها بس جمانه فهمت السؤال غلط



شنو النشاط المدرسي اللي كنتي تحبين تشتركين فيه وانتي طالبه

ونستيني يحلااااتج والله

اشوة اني فهمته صح

كنت اشترك بالزهرات بالابتدائي ويوو كان هيصة بس تتراكم علينا الدروس يطلعونا من الحصص

واستقبلنا بوش مرة ونطرنا بالساعات واقفين ننطر حضرة وصوله

اويلي لو ريكي مارتن اقابله احسن:fun22:




نفســـــــــــــــــــــــــــووووووووووو​