رد: ســـؤآل جــرئ .."هل شخصيتك في المنتدى تطابق شخصيتك الحقيقية ؟".وبصرآحهـ."
كلنا راح انقول مطايقة ونفس الشي .. بس صدقيني انا ساعات لمن اسولف ويا رفيجاتي بالمسنجر او الفيسبوك او تويتر اتغيرون علي .. يا اتكون منفتحة اكثر او اركد .. ساعات اجوف المستحية والهادية ماتركد وعلى طول ابديتات وقرررقة بينما في الواقع سكاتية وماتندمج وانا كثر الاونلاين
وساعات العكس .. اللهلوبة النشيطة بالصج .. بتوتر كلمة ورد غطااها .. وهم كذا وحدة استخف بذكاءها بالواقع بس بالنت لمن اجوف كلامها وانتقائها للكلمات والمواضيع اكتشف جانب يديد من شخصيتها وانصدم من ذكاءها ..
ولمن اقولهم وايد تفرقون علي اونلاين يقولون لا بالعكس واحنا احنا
انا لو احد يسألني سؤالج بصراحة راح ارد مثلهم انا مثلاتي مثلاتي .. بس اتوقع لو اسأل احد ثاني يعرفني بالمكانين راح يقولي لا انتي مو نفسج بالمنتدى
.
وبالنهاية لكل مقام مقال ,, الناس ايتطبعون وايتشكلون بوضع وشكل المكان اللي اهم فيه وياخذون من البيئة نفسها .. انا مثلا احس كل بنات المنتدى يتشابهون بالاسلوب .. بس بالحقيقة وحدة شرق والثانية غرب .. احنا ناخذ من كلام بعض واساليبنا لان مثل ماقلت لكل مقام مقال
وشكرا
