سـالفتي سـالفه أنا والـدراسه :'(

[الاميرة الحلوة]

بـــســم اللـــه الــرحــمـن الـرحـــيـــم


شلووونكم شخباااركم


بصراحه موضوعي مادي وين أكتبه فقررت أني أنزله بالمنتدي لأني جد وربي تعبت وزهت من حياأاتي


أنا بصف 10 وعمري 18
لأني عدت تاسع مرتين وكلش أنا كااارهه الدراسه يعني ميــح وققررت اطلع من المدرسه
ونزلت الموضوع قبل لاتطلع شهائد 10 معني أني عارفه النتيجه زفت وأكيد عايدتها

قولولي وين ادش شنؤ إسوي لأن مليت وربي مؤوفالحه أنا بالمدرسه أبي إشتغل بأي شي فأياليت تنصحوني شنؤ إسوي وين ادش
ولاحد يقولي كملي دراسه لأني ماراح أكمل وحتي لو أكمل ماراح أفلح

إنـــصـــحــــونـــي :'(

 

[فـــخـــر]

مايوضفونج الا اذا كنتِ متزوجه غير جذي مايسجلونج بالديوان

الا اذا كنتِ جامعيه يعني شهادة الثانوي بروحها ماتنفع لازم دورات

او دبلوم او بكالريوس

شدي حيلج مره مرتين والله بتندمين بعدين اعرف ناس طلعوا من المدرسه

اللحين متحسفييييين متحسفين قد شعر راسهم :\

 

[فـــخـــر]

واذا انتي متزوجه وعندج شهادة متوسطه يقبلونج التطبيقي

بس بشنو مادري >< قريت مره بالجريده قابلين ناس شهايدهم متوسطه

 

[الاميرة الحلوة]

حيـاتي مشكؤووره على المرور

و ﺂللـَّــ̯͡ﮭ لو حتي لو بحاول مره مرتين و ﺂللـَّــ̯͡ﮭ مأكو نتيجه معاي

 

[Miley-Cyrus]

امبــــــيه حرام عليج صراحه انتي قاعده تضيعين مستقبلج الله يهديج بس .... زين دشي مسائي !!!!

 

[ΒŖǾĶĚŅ 02]

ميخالف أختي شدي على نفسج شوي


محد راح ينفعج بعدين غير شهادتج


راح تتحسفين إذا ما كملتي الحين


وحتى لو توظفتي الحين بشهادة المتوسط


راح تكونين راضيه على نفسج ومعاشج والمكان اللي توظفتي فيه ؟؟!


فكري حق بعدين ... وأعرف وايد ناس كبار ومتزوجين ونجحوا


ما فيه شي صعب .. بس الموضوع يبيله شوية عزيمة وإراده منج



وعلى فكره أنا أكبر منج بجم سنه وتوني أتخرج !



مووووووووفقه

 

[Memiyah]

تعوذي من الشيطاان و كملي

لا تقولين ما اقدر و ماا اقدررر

لو صج ما تقدرين جان ما وصلتي عاشر

 

[MayOumii~]

حبيبتي نصيحة كملي مو غصبا عليج لا لكن شوفي حآل المتوظفين بشهآيد متوسط
معآش موزين مكآن مو زين..وفي موظفين عقولهم صغيرة الله يهديهم رآح ينظرون لج انج أقل منهم /:
فليش مآ تردعين النظرآت


ترآ مآكو أحد فآشل...مثلا قآرني نفسج بوحدة شآطرة شالفرق بينج وبينها ؟
عندها عقل وعندج عقل وعندها ايد وريل وعيون واذون وانتي نفس الشي
لآ اهي اكثر منج ولآ اقل منج

لكن شنو الي سآعدهآ عشآن توصل ؟
اصرارها وعزيمتهآ وطموحهآ والأعلى من هآذآ انها متوكلة على الله ترى الله سبحانه ما يخيب ظن عبده أبدآآآآآ اذا توكل عليه ودعاه لو طآل الزمن ولا قصر ولو تكررت محآولآتج وبآءت بالفشل مع انج تدعين ترى الله يختبرج وهذآ بلاء لازم تتمسكين بربج اكثر عشآن يعطيج الي تبينه وتتمين على هالشي بكل حيآتج وشوفي التوفيق الي بييج

يعني انتي حطي جدآم عينج انج بتصيرين مهندسة ولآ دكتورة ولا محآمية ولا مدرسة ولا اي شي ودج تصيرينه من وانتي صغيرة
ولاتقولين مآ لي خلق ادرس هذآ الشيطآن يوسوسلج انج فاشلة مع ان بالدنيا كلهآ مآكو نآس فاشلين ولا تقوين مآ عندي طموح كلنآ نب نكون بمرآتب اعلى من مرآتبنآ مثل مآ كلنآ نبي مكآن اعلى بالجنة ان شاء الله الله يكتبها لنا ولكم


الكل يدري ان اينشتآين كآن مآ يحب الريآضيات ومستوآه ولآ شي فيه بس كآهو صار عآلم مآ ربط طموحه بمآدة ولا اي شي
وكآ مدير شركة أبل ستيف جوبز ترى مآ عنده الا شهآدة متوسط مآدري ثآنوي ! بس كمل تعليمه ورأس أكبر الشركآت وهالشي مستحيل يصير وقتنآ الحآل انج تكملين تعليمج بدون شهادة ثآنوي (=

وخلي ابآلج ان كل مآ كملتي تعليمج اكثر احترموج الناس أكثر وصآرلج مكآنة وهيبة بالمجتمع
والله سبحانه بآجر رآح يسألج شنو سويتي بعلمج وشنو سويتي بدنيتج وشنو صرتي ؟
شنو بتردين ؟؟؟؟؟

ترى الله خلقنا مو عشآن نصف روحنآ بالفشل و الانسان مهمته عمارة الارض بالفطرة يعني لآزم يكون لج دور بهالدنيا مو شرط تكونين احسن من غيرج لكن كوني بمكآن يذكرج المجتمع ويذكر افضآلج فيه بعدين (=


هآذي نصيحتي لج فكري فيها وحآولي كثر مآ تقدرين تصرفين موضوع ترك الدرآسة
هالزمــن الي يفيد شهآدتج وبسس

 

[@عسايل@]

اولا:: كملي دراسه س الغلا
بقولچ سالف وانتي شوفي وان شاء الله تقتنعين
انا اعرف وحده كانت عيده السنه اربع مرات مو مرتين لماوصلت عاشر ملت ازهقت قالت انا شكبري وللحيني بعاشر
وقلت حق ابوه ابي احول تمريض قلت تمريض يببله صبر وتحمل هناك تبين تشوفين بلاوي زرقا كملي ولاتفشلين
اهي ماتبي الدراسه موعلشان ماتبي لا علشان كبرت والمهم مرت اخوها اكبر منها وعندها ولد تخرجت قلت شلون كملتي حدج فاضيه والله چان تقول كلشي ولا الشهااده الحين الجامعين مالقوا وظيفه احنا يالمتوسط نلقا راحت استخارت وكملت والحين اهي بالجامعه انتي متضايقه علشان عمرچ مو من الدراسه
والله ي الغلا معنا بنات عمرهم ٢٠ و٢١
تعوذي من ابليس ماباقي شي

 

[فـــخـــر]

والله نصييحه لج لا تخلين الدراسه اعرف وحده تركت الدراسه

وبنات عمامها وخوالها مدرسات وموظفات تحس نفسها اقل منهم

وظايف ومعاشات راهيه ورفيجات واهي بس بالبيت لا شغله ولا مشغله :\

اضغطي على عمرج اللحين ترتاحين عمرج كله


* اعتبرج مثل اختي نصيحتي لج وحاولي مره مرتين 10 منازل مسائي اي شي

بس شهادتج لااا تخلينها نهائياً

ان شالله تبشرينه بموضوع ثاني

 

[الاميرة الحلوة]

حبائبي تسلمون لكل إللى ردت علي وأنصحتني
أوكي إذا أبي أكمل أنا بداخلي شنؤ تفكيري شنو يعني أنا خلاص مائسه بشي اسمه نجاح وربي يابنات عبالكم ماحاولت امبلا حاول أكثر من مره بس النتيجه شنو فشل بفشل

 

[فـــخـــر]

عاااااااادي السقوط مو نهاية الدنيا وحده تصير لي كل سنه تعيدها

جم مره لازم تجرب كل مرحله اكثر من مره كااهي اللحين جامعية موظفه

* كملي مسائي يقولون متساهلين معاهم :\

 

[$ بنت علمي $]

ماشاءالله كلامج روعه ميومه وانا اتفق معاها «

شدي حيللللللج كل شيء الا الشهاده

بالزمن هذا إذا ماعندج شهاده مالج ولا شيء


والله يوفقج

 

[الاميرة الحلوة]

يأكــرهي للـدراسه

أنـزين مـاتعـرفـون مـدارس تـساعـد وتـمشـي أو مـدارس خـاصـه يـاليـت تفـيـدونـي ؟

 

[شقرديه كويتيه]

ايه ايه مدرسسة فحاحييل .. كلله غش بغش ابلتي الخاصه قالت لي وشوفي نسبهم بالجريده

عفيااا كملي لا تياسييين صدقييني رااح تنجحيين

 

[شقرديه كويتيه]

بقوول سالفتي هع انا كنت ياااسه من النسبه وقللت خلاااص انا حددي 70 ما اطلع فوق ويوم شفت ربعي كلهم فوق 80 ومشالله
قلت ما فيهم شي مو فيني وعلى قولت اللي فوق مافيهم شي مو فيش شوفي نسبتي 82 وانا كنت ما اتعدا 73 >> بس كل شي بالاراااده يصير ولا تنسييين رضا الوالدين والصلاه والدعا والتوكل على رب العالمين >>> اهههههم شي هي سبب نجااحي


الله يوفقش يااارب وتجيبين النسبه اللي ترفع الراس

 

[الاميرة الحلوة]

يااااربي بنات طلعت نتيجتي ومثل ماتوقعت.

 

[❤كول تحب سكول❤]

احس في شي ملهيج عن الدراسه

 

[الاميرة الحلوة]

مأكو شي ملهيني أنا أساسا ماحب الدراسه وحتي لو ادرس ماراح يتغير شي

 

[❤كول تحب سكول❤]

شنو السبب اللي يخليج ماتحبينها ؟؟