سالفتي اليوم الصبح بالدوام مع مرت زميلي :(

[ام عيون فتانة..]

إرررررررررررررررررررررررررحب



اشلوووووووونكم .. شخباااااااااااااركم .. عسااااااااااااااااااااكم طيبين ..

مادري مكان موضوعي صح و لا غلط بس انا حابة تعرفون سالفتي و ابي اعرف تصرف هالمره صح و لا لأ ..


السالفة انه زميلي معاي بالدوام طالع اجازة من يوم الاحد .. و مسلمني شغله كله ..

في شي احتجته ضروري .. من الكمبيوتر ماله .. و احنا طبيعة دوامنا غصب علينا ارقام موبايلاتنا عند بعض اي وقت اييني اتصال من اي احد من زملائي و زميلاتي انروح الدوام تشتغل اذا كنا اجازات و ساعات حسب المواسم on call

الممهم قلت شسوي خل ادق من تلفون الدوام هاذي السالفه امس اكتشفت انه حتى لو بيدق بدالة اشعرفه انه احنا محتاجينه

اضطريت اليوم ادز مسج :: السلام عليكم فلان و لا عليك أمر بغيت باس وورد الكمبيوتر مالك عشان انا محتاجه جم كتب فيها و الشغل تقريبا واقف ::

عقب تقريبا ربع ساعه اتصل و رديت الو الو محد رد قلت يمكن معلق الخط او مكانه ماكو سيرفس

عشر دقايق اتصل و شغلي واقف انطر رديت الو

يا .......... يا بنت ابليس يااااااااااااااااااا ............. يا جليلة الحيا ماتستحين على ويهج اهلج ما ربوج ما وراج رياييل يا ام الرياييل @@ :eh_s(1):
اشتبين بالريال دازة مسج من الصبح فيج دو..........

باجي الكلام والله ماسمعته من هول الكلام المشكلة مديري يمي كان بيني و بينه بارتشن :0bee2e8d89: صوتها و اهي تصرخ مو صج

انا ما تكلمت و لا كلمة اخاف ارد اشعللها و انا مستواي مابي انحدر لي مستواها ماتربيت في بيتنا جذي اتلكم

جان تقولي ماتردين اكيد ماتردين من سواد ويهج يالفصعه @@ :tomato2:


و سكرته طبعا بويهي


ابييييييييييييييييييييييييييييييييييييييييييييييييه ليش ليش انا شنو مسوية دازتله مسج اصبح عليه و كاتبتله حبيبي و لهت عليك

اشدعوة عليهاااااااااااااااا هزأتني جذي حدي انصدمت هالريال الخلوووق المحترم مرته هيلقية جذي

الغريب انه بعد ساعه ياني الباس وورد تتوقعون درى و لا ما يدري

انا للحين منصدمة :0bee2e8d89::0bee2e8d89:

 

[G!RLooNa]

يؤيؤ شنو هذا :s

المفروض الريال قايل حق مرته عن طبيعه شغله وانه عادي زميله تدز له مسج :s

مادري بس انا اشوف تقولين له اللي صار و قوليله يفهم مرته انه ما بينكم شي لا تييلج الدوام تسويلج مشاكل بعد

 

[تعويذه الحب]

اكيد درى حبيبتي ولا شلون طرشلج الباس وورد , حبيبتي نصيحه مره ثانيه اذا بغيتي شي من زميل لج بالدوام خلي المدير يكلمه او اي زميل

ثاني عشان تتجنبين هالهيلق وكلامهم البايخ

 

[tolay]

وييييييييه مشكله

مادري اذا درا ولا لا

بس جنه يتحسن انج تقوليله عن مرته

قهر تسب جذي :/

 

[فلونة احلى وردة]

اوووووووووووووووووووووووووووو قوووووووووووووووووووووية
عادي طنش تعش تنتعش
بس اكيد ريلها لقطة وخايفة علية
وافشلتاة الفاظها كلش وصخة
الظاهر المرة خايفة على بعلها عادي طنشي ما تعرفينها ولا تعرفش وجنج ما سمعتي نظفي اذنج بكلام حلو سمعية من ناس راقية مثلج
ولا عاد تدزين مسجات توووووووووووووووووبة هاااااااااا

 

[@مراحب@]

اي شي صج هيلقية مالت عليها وبعدين حتى لو درى بالسالفة عادي خلج طبيعية خو انتي مو داقة بتغازلينة بس هم انتي غلطانة المفروض تفهمينها

 

[ام عيون فتانة..]

شفهم فيها و الله صراخها احس للحين في اذني

ترى خفت والله على هلاقتهااااااا تييني الدوام تردح بس ماتقدر ريلها اكيد بيغسل اشراعها ماكو ريال يرضى مرته تلعلع بره

مادري ليش عندي احساس انه ما يدري

 

[sHaToOoMaH]

انتي ما سويتي شي غلط ويمكن الريال مو مفهم مرته ان بالدوام عادي زميلاته ياخذون رقمه وممكن تتوقع اي رنه منهم

انا ريلي لما تكلمه زميلته بخصوص الشغل ما اعارض لان اثق فيه واعرفه مهما تلزقو فيه البنات والحمدلله ان زميلاته محترمات حيل

بس هذي شدعوه تهزأ فيج جذي انتي ما سويتي شي

واتوقع دام وصلج رقم الباسوورد يعني ريلها عرف بالسالفه
او ممكن تكون مسحت المكالمه من سجل المكالمات بعد ما استوعبت انها غلطانه وزوجها يا وشاف المسج ولا يدري عن الصراخ اللي سوته

الله يعينج حبيبتي هالاشكال ما منها امان المرة اليايه اي احد تتوقعين ان لج حاجه عنده وطلع اجازه او شي عطيه خبر ان احتمال تتصلين عليه اذا في موضوع يهم الشغل حيل

 

[بنوته نايس]

امبيه اي شي اي شي
لهل درجه ماكو مخ والوحده صارت تشتط على اي شي !!
ليش ماتفكر شوي ولا تواجه ريلها قبل لاتغلط على بنات الناس ..

 

[كويتيه رزتها ملكيه]

حدي انصدمت هالريال الخلوووق المحترم مرته هيلقية جذي

توج تدرين !!بصراحه مامرت علي هيليقيه ومتخلفه نفسيا الا عندها واحد ذهبه 00صج حظوظ 00شوفى حبيبتى هاذى وحده معقده حاسه بالنقص فيها وخايفه ان زوجها يطير من ايدينها يعنى بمسمى ثانى الزوجه النسره 00اذا داوم زوجها حاولى تفهمينه انج ماراح تتصلين على موبايله عشان لاتصير له مشاكل بالبيت وان بعض الزوجات مايتقبلون موضوع انه فى زميلات عمل ويتصلون على رقمه الخاص

راح يفهم الموضوع ويشك انه فى شى صاير 00من دون ماتشتكين انتى 00والله يعينه على هيك عاهه مبتلى فيها:dddds:

 

[om_7san]

الحمدالله وشكر بس انا بدالج ما دق عليه حتا لو طبيعة العمل تحتاج اني ادق ادق من تلفون الوزاره بس ما ادق ولا ادز مسج من موبايلي علشان لا اييلي شي من وره هالاتصال لانه انا بدوامي ادق علا الموظفين من تلفون النقال ولو مارد اخبر المدير انه مارد واهوا يتصرف
بس الله يعينج علا جذي اشكال

 

[دندنه23]

امبييييه هذا مو اسلوب وحده عاقله ومتزوجه وفاهمه

 

[cheese cake 84]

الصرااااااااااحه انتي مو غلطااانه ولو واحد بالاميه لان طبيعه شغلكم جذي ومابينكم الا كل احترام كزمله بمكان عمل واحد ولو انتي نيتج شينه جان مافكرتي بتلفون الدوام اول وشنو يعني المسج اللي طرشتيه كلها لو سمحت ابي الباسوورد شكاتبه كلام حب وغرام قطيييعه صج حريم يفشلون ومتخلفين بس انا اقول قولي حق زميلج بالدوام خل يفهم مرته اخاف اهى شافت مسجج ودقت واهو مايدري بس قالتله فلان ترا وصلك مسج يبون باسوورد الدوام واهو طرشه على طول ماتوقع قالتله شسوت ولا جان عالاقل دق اعتذر شهالحجي تبين رياييل وماتستحين واشونه مديرج سمع كل اللي صااار يعني لا قاعده تالفين ولا تبلين على احد افففففف حدي تنرفزت

 

[~*~الملكة~*~]

طبعا تقولين له الي صار

مو حلوه باجر اتيج الدوام

 

[باربي برونزيه]

عمى بعينها ماتستحي على ويها والله لو انا منج ما اسكتلها العن خير امن يابتها
قولي حق ريلها كل الي صار خل يلعن خيرها عشان مره ثانيه تعرف تحترم الناس قطيعه تقطعها

 

[Om JooD]

يااي ما تسوى عليج..

الصرااحة حتى لو ما درى اشلون بتعرفين ع العموم ديري بالج ادزين مسج مرة ثانية

مو عشان شي بس عشان ما تسمعين مثل هالكلام

 

[ام عيون فتانة..]

بنات والله للحين متضايقه متضايقه لأنه انقالي كلام مو لي

و متضايقه لأني ما رديت إحتراما لزميلي ما تتوقعون اشكثر خلووق و محترم حتى كلامه بينه بحدود الشغل و بس جذي عنده مره قليلة ادب و لسانها وصخ

أحس مالي خلق اداوام و مادري اقوله و لا لأ اخاف اسوي مشاكل مالي خلق

 

[سنفورة]

لا حبيبتي انتي مو غلطانه هي هيلقيه ومنحطة بعد

 

[**بحرينية عسل**]

لازم تقولين له علشان يفهمها
بس اتقوع انه مايدري لانة شاف المسج ودز لج رد عليه

 

[أم الصبيان الثلاثة]

والله حبيبتي انتي عين العقل سويتيه
لو انج داقه جان كلتج وماخلت فيج شي بس السنع انتي طرشتي مسج فمن باب اولى حق احترامج لنفسج انه لازم زميلج يدري خل يادب مرته
شنو انتي عادي يسبونج ولا مجبوره تبلعين سوقيت ناس مو متربية حبيبتي لازم تكلمينه خل يعرف انج ماترضين على عمرج والكلام اللي قالته مو سهل سب وقدف لو كلام اقل كان ممكن تطوفين بس الكلام جايد
كلميه قوليله يا فلان انا طرشت لك مسج واللي حصل كيت وكيت وانت شرايك ؟؟؟ ومديري يشهد على لسان مرتك بس لاتخلينها بقلبج ترى بتظليين مقهوره ليش ما اخد انصفج من هالهيلقية