سالفة البيبسي سالفه؟؟؟

[فرح العجرف]

السلام عليكم بنات



اولدي اذاني مع هالبيبسي:lkmnkl:



وابي اعوده ما يشربه اشلووون؟؟؟؟؟؟ظ:gr4uu:



ساعدوني







تحياتي:aha:

 

[rayaan]

الحال من بعضه

 

[أم حيدر]

اول شي منعي البيبسي يدخل البيت نهائيا يعني لا تشترونه وان حصل وطلعتي برة وشاف البيبسي وتتح وبجى الا يبيه رجعي البيت وخلي يبجي لحد ما يشبع - لازم تكونين شديدة وسامحيني عالكلمة بس انتو عودتوه لازم تتحملون

 

[أمواج البحر]

يا حبيتتي اول شي ولدج جم عمره؟

مشكلته سهلة باذن الله

منعي البيبسي يدخل البيت او اذا كنتي تحبين البيبسي خليه بعيد عن عينه

وحاولي تستبدلينه بالعصير و حليب الككاو والفراولة و الموز

اذا كان يفهم قوليله البيبسي موزين اما اذا لا توه صغير فمثل ما قلت لج استبدلينه بشغلات ثانيه

واذا طلبتي وجبة طفل مثلا حقه دايم طلبي معاه حليب ككاو او عصير

واذا بجى كلميه بهدوء من غير عصبيه قوليله ماما هذا مو حلو و فهميه بطريقة يقتنع فيها

وصدقيني مع الوقت ماراح يأذيج

وبين فترة و فترة عن خاطره خليه يشرب بس هااااا مو يشرب البيبسي كله لاا صبي له استكانه >>>>> تعذيب خخخخخخ

ترى هالطريقة مجربتها مع عيالي والحين البيبسي ما يغريهم

وان شاء الله بيوخر عن البيسبي <<<< واوي مو بيبسي لووووووووووووول

 

[coca^cola]

امبيييييييييييييييييييييييييييه انا اللي يبيلي احد يشيل البيبسي عنني
و الله اشربه بدال الماي 3 4 بطول الجزاز باليوم
حتى و انا حامل اشرب هاهاااهاهاها حتى قبل ولادتي شاربه بيبسي

يا جماعه ادمان

 

[رفرف]

انتو عودتوه بتتعبون شوي ...

لا تحطونه بالبيت جدام عينه ..
ولي طلعتو لا يشرب بيبسي اسود وايد مضر خل يشرب ميرندا فانتا سفن اب وايد اخف ..
او عصير ..
واذا تنحر ويبس راسه لا تشترون له وجبة بدون صراخ وعصبية وخلكم قد كلمتكم ..
بيبجي مرة مرتين تالي بيعرف ان الله حق ماراح يحن علشان لا يفلس من الوجبة بعد ..

 

[Om_RayooMa]

نفس مشكلتي مع بنتي
بس عاد بنتي تحب السفن آب
قطعته من البيت مره وحده
واذا رحنا مطعم اقولها الريال يقول مخلص مافي
بس في عصير
مالج الا ان ما يشوف بيبسي
او اذا صغير كلش صبي فيه ملح عشان يكره طعمه
وقولي لنا شيصير معاج

 

[قمه النعومه و الأنوثه]

والله انا اعاني من المشكله وبقولج خطتي اللي ماشيه عليها عشان اخليه يقلع عن البيبسي لوووووول زقاير مو بيبسي ....ومشكلتي اذا راح بيت يدي اهم يعطونه بالبيت امسويه كنترول واهناك ايخربون السالفه


خطتي بالإتفاق مع الخدامه بالبيتين اذا بيشرب بيبسي بالقلاص نتفه بيبسي والباجي ماي (يعني بيبسي مخفف )

واذا بنشرب احنا ما نطلب جدامه احاول ما ايشوفنه نشربه كثر ما نقدر ...وطبعا عندي مشكله ثانيه واهي الكاكاو والله يعين

 

[فرح العجرف]

:fun22:راح اجرب نصايحكم وبالاخص الملح


مشكورات ياقلبي






المشكلة اخواني مخربينه واستحي ازفهم؟؟؟



وساعات يروح للجمعية مع الهنديه ويشربه اهنااك وبس يدش يقول يمه شربت بيبسي




الحليب كاره بالمره اغصبه ياكل كاكاو كت كات معاه بالغصب:eh_s(13):





امس طالبه وجبه لي وله حطيت البيبسي بالثلاجه قعد من نومه ويشربه لما شفته رحت وغطيطه
قعد مره ثانيه دوره ما لقاه قام يبجي انتي ماتحبيني ليـــــــــــــــش:krkrkr: قطع قلبي جان اطلب له بيبسي الساعه 4 الفجر بس والله تعبت معاه


اصلا البيبسي يسوي هشاشه بالعظام:eshrab:





تحياتي:33_1185028183:

 

[ذكريات]

اول شي منعي البيبسي يدخل البيت نهائيا يعني لا تشترونه وان حصل وطلعتي برة وشاف البيبسي وتتح وبجى الا يبيه رجعي البيت وخلي يبجي لحد ما يشبع - لازم تكونين شديدة وسامحيني عالكلمة بس انتو عودتوه لازم تتحملون

نفس الكلام

احنا ابوي كان يشتري لنا البيبسي الصغار بعدين منع عنا البيبسي

شوفي احنا الحين شكبرنا ممنوع البيبسي يدش بيته .. هذا كلامه البيبسي ممنوع في بيتي

بس يخلينا مثلا اذا طلبنا وجبه

و خلج شديدة لا تستسلمين بسرعة لان ماراح يطيع مره ثانيه

و الحمدلله الحين احنا عادي عندنا شربنا بيبسي او لا

و بالمقابل اي نوع عصير نطلبه اييبه لنا

 

[on line]

الله يعينج كلنا نعاني من هالمشكله شوفي بالنسبه حقي انا من يومنهم صغار اقولهم البيبسي يكسر العظام ومره طاح ضرس واحد منهم وحطيته بيبسي وخليته يشوف شلون فتفته البيبسي ومره قايهم المدرس انه البيبسي الي يشربونه مواد كيماويه وجربو تغسلون سيايركم فيه وشوفوا شلون تلمع
انا ادري مقتنعين بس ساعات يبون يشربون واخليهم صراحه بس هم ارد واقول مومنع تام يعني لو بالاسبوع مره لان خاصه عيالنا عندهم كل ممنوع مرغوب
وتخيلي بعد كل هالحجي للحين يحبونه ولي صاروا مع غيري يشربونه خاصه الجهال حولهم عادي موممنوع عندهم
والله يعين