ساعدوني والله تعبت من المشاكل والهموم اشلون جذيه ؟

[brettey]

جزاكم الله خير ماقصرتوا ربي يسعدكم ويحقق لكم مرادكم دنيا واخره ويفرج همكم ويسعدكم ويوسع لكم برزاقكم كل وحده ردت ونصحتني ودعت لي

 

[هدوء]

brettey


اختي الغالية بدون مبالغة وانا اقرا كلامج .. جنه اقرا اللي قاعد يصير معاي والله .. نفس اللي يصير معاج بالضبط ووصلت لمرحلة اليأس

ليش انا اصلي واستغفر وادعي وما يصير اللي ابيه حتى حقي اللي هو حقي مو قادره اخذه استغفر الله استغفر الله !! بس بعدين استوعب

واستغفر ربي واهون على نفسي واقول ان ربي يحبني لو ما يحبني ما كان ابتلاني

محد مرتاح والله العظيم صدقيني .. وطبعي بس اقرا في المنتدى لكن اللي خلاني ارد مثل ما قلت لج حسيت جتج تتكلمين عني

صبري بريتي الصبر مفتاح الفرج .. وهذا كله اجر وثواب من رب العالمين .. ومحد ياخذ غير اللي الله كاتب له ياخذه

لا تيأسين لا تخلين الشيطان يتغلب عليج ويفرح .. بالعكس كل ما حسيتي بهالشي تعوذي من ابليس ..

لا تتركين الدعاء والصدقة وصلاة الليل والاستغفار وسورة البقرة .. وقراءة القرأن حتى لو ما يصير اللي تبينه كافي تحسين بالراحة

وهذا اللي اسويه ..

بريتي مافي شي يبقى مثل ما هو عليه .. وكل ما ضاقت راح تفرج بإذن الله

الله يفرج همج وكربج ويريح قلبج ان شاء الله

 

[ملكة الياقوت74]

حبيبتى ربى يفرج همج ويسرلج امرج وان شالله يستجاب دعائج كسرتى خاطرى ترى موبس انتى بضيق وايد ناس من ضمنهم انا لكن نحمد الله ونشكره على كل انصحج بدفع صدقه وكثرة الاستغفاروالله كريم

 

[خطاي اني وفييت]

حبيبتي البنات ماشاء الله ابد ما قصرو قالو كل شي

بس ما حبيت اخرج وانا ما نفعت اختي واسال الله ان ينفعك بما قلنا فنحن هنا اخواتك

اولا حبيبتي اقول لك من فينا دامت له الحياه حلو هذه حال الدنيا من اسمها دنيا السعاده الحقيقيه في الجنه فقط تشوفين الرحه ومافي مشاكل ولا شي يكدر خاطرك حبيبتي الله يحبك تدرين ليه لان كل منا له ذنوب واعمالنا ما قليله فا الله يبتلينا وطبعا نكون صابرين حتى يوصلنا للجنه عرفتي انا الله يحبنا يبينا ندخل الجنه ولان اعمالنا مو كثيره وحتى لو اعمالنا نشوفها كثيره بس ما تدرين لسانا احيانا يخسرنا اعمالنا الطيبه من غيبه ونميمه والعياذ با لله
شوفي الانبياء هم اشد من ابتلي

صدقيني دايم البلاء يكون له فائده على الانسان
1 - الحمدلله انها في اي شي ولا في ديني لان المصيبه في الدين هي الهلاك
2 - انها اهون من مصيبه غير انضر لمن هم اشد بلاء في شخص في المدينه رجل صالح ماشاء الله ذهب هو اهله وهو في الطريق اولاده وزوجته كلهم 11 نفر تخيلي حصل لهم حادث
هم ماتو ما بقي الا الاب تخيلي رجع للبيت البيت كبير عليه اصبح وحيدا جاءو اليه الناس ليواسوه وجدوه مؤمن بقضاء الله وسار هو من يواسيهم لانه لم يتحملو شكله وهو وحيد يبكون عليه وهو الذي يواسي سبحان الله من صبره وثبته الا الله
3 - شوفي غيرك لاهي با الدنيا وانتي قريبه من ربك تدعينها يعني لو متي انتي باذن الله انك على حسن خاتمه لان قريبه من الله تدعينه

اوصيك با الصبر

قال تعالى: (يَا أَيُّهَا الَّذِينَ آمَنُواْ اسْتَعِينُواْ بِالصَّبْرِ وَالصَّلاَةِ إِنَّ اللّهَ مَعَ الصَّابِرِينَ) البقرة 153
أبشر ي فأنت في معية الله تعالى طالما صبرت على بلائه..معية العون والكرامة والحفظ والنصر والتمكين.

ليس هذا وحسب..بل ويحبك أيضا: (وَاللّهُ يُحِبُّ الصَّابِرِينَ) آل عمران 146

الصبر مثل اسمه مُرٌّ مذاقه...لكن عواقبه أحلى من العسل
اوصيك با التقرب الى الله اكثر
1 - الاستغفار ابد لا يخرج من لسانك
2 - صلاه الضحى لانه صدقه عن كل مفصل في جسمك
3 - الصدقه يوميا لو بقليل جدا
4 - قيام الليل والدعاء
فعند الله لا يضيع شي

 

[Qumaar]

اسمالله عليج حبيبتي لا تقولين الموت أرحم

كثري من الدعاء والاستغفار وصدقيني كل مشكلة ولها حل وان شاء الله كل شي بينحل

صبري يا قلبي

الله يفرج عنج همج ويبعد عنج الأحزان ويفرح قلبج

 

[خطاي اني وفييت]

اوصيك نزلي محاضره قلبي الامان الامان لدكتور خالد الجبير رووووووووووعه راح تسمعين ما يثلج صدري نزليها من النت

 

[brettey]

بعد عمري ماقصرتوا على نصايحكم وردودكم ودعاءكم كلكم والله صج حسيت ان عندي خوات دنيا
الي يقهر الناس تشوفني البس واكشخ واضحك عبالهم اني قمه بالسعاده ومرتاحه مايدرون انا اسلون اقاسي واعاني همومي تهد جبال يارب رحمتك

 

[brettey]

brettey


اختي الغالية بدون مبالغة وانا اقرا كلامج .. جنه اقرا اللي قاعد يصير معاي والله .. نفس اللي يصير معاج بالضبط ووصلت لمرحلة اليأس

ليش انا اصلي واستغفر وادعي وما يصير اللي ابيه حتى حقي اللي هو حقي مو قادره اخذه استغفر الله استغفر الله !! بس بعدين استوعب

واستغفر ربي واهون على نفسي واقول ان ربي يحبني لو ما يحبني ما كان ابتلاني

محد مرتاح والله العظيم صدقيني .. وطبعي بس اقرا في المنتدى لكن اللي خلاني ارد مثل ما قلت لج حسيت جتج تتكلمين عني

صبري بريتي الصبر مفتاح الفرج .. وهذا كله اجر وثواب من رب العالمين .. ومحد ياخذ غير اللي الله كاتب له ياخذه

لا تيأسين لا تخلين الشيطان يتغلب عليج ويفرح .. بالعكس كل ما حسيتي بهالشي تعوذي من ابليس ..

لا تتركين الدعاء والصدقة وصلاة الليل والاستغفار وسورة البقرة .. وقراءة القرأن حتى لو ما يصير اللي تبينه كافي تحسين بالراحة

وهذا اللي اسويه ..

بريتي مافي شي يبقى مثل ما هو عليه .. وكل ما ضاقت راح تفرج بإذن الله

الله يفرج همج وكربج ويريح قلبج ان شاء الله

بالضبط هذا الي يصير معاي اقول بيني وبين نفسي ليش اصلي واستغفر وادعي ومايصير الي ابيه وساعات الشيطان يوسوس لي ان ربي مو عادل استغفر الله يوس لي شوفي هذه حقوده ونحيسه وتغار منج زوجها مدللها ويحبها ويسفرها ويموت فيها ولا عندها مشاكل
شوفي هذه زانيه ومرتاحه ماديا
شوفي هذه مو متحجبه وايام الثانويه تحرضج انج تقطين الحجاب بس زوجها كل سنه يسفرها ويساعدها على تحقيق طموحاتها وعندها رزق
شوفي زوجج مايصلي لكن مرتاح ولا هامه يضحك ويسولف مع ربعه وانتي شايله همه وتدعين انه ينصلح حاله من غير فايده وانتي قايمه فيه وباهله ومو مقدر لج هالشي ومو مبين بعينه ويناجرج


اااااااااااااااااه تعبت تعبت من وساوس ابليس الله يلعنه تعبت
يارب استغفرك واتوب اليك ارحمني وفرج لي همي

 

[هدوء]

بالضبط هذا الي يصير معاي اقول بيني وبين نفسي ليش اصلي واستغفر وادعي ومايصير الي ابيه وساعات الشيطان يوسوس لي ان ربي مو عادل استغفر الله يوس لي شوفي هذه حقوده ونحيسه وتغار منج زوجها مدللها ويحبها ويسفرها ويموت فيها ولا عندها مشاكل
شوفي هذه زانيه ومرتاحه ماديا
شوفي هذه مو متحجبه وايام الثانويه تحرضج انج تقطين الحجاب بس زوجها كل سنه يسفرها ويساعدها على تحقيق طموحاتها وعندها رزق
شوفي زوجج مايصلي لكن مرتاح ولا هامه يضحك ويسولف مع ربعه وانتي شايله همه وتدعين انه ينصلح حاله من غير فايده وانتي قايمه فيه وباهله ومو مقدر لج هالشي ومو مبين بعينه ويناجرج


اااااااااااااااااه تعبت تعبت من وساوس ابليس الله يلعنه تعبت
يارب استغفرك واتوب اليك ارحمني وفرج لي همي

والله والله يا بريتي والله شاهد على اللي اقوله نفس كلامي وتفكيري بالضبط .. غير اني ابجي بجي احس روحي بتطلع

نفسج اقول اشمعنى هاذي واشمعنى هاذي مع انهم ما يدعون كثر ما ادعي ما يستغفرون مثل ما استغفر .. وليش انا يصير

معاي جذي!! وبعدين لما اهدى استغرب من نفسي اشلون فكرت او قلت الكلام هذا !!

شنو تستفيدين لما تقارنين بينج وبين غيرج ..!! ماراح تستفيدين شي ..صدقيني بتمين انتي تعبااانه وشايله الهم وتاكلين بنفسج

وهم مرتاحين واصلا ما يفكرون فيج .. لان كل واحد يقول يلاا نفسي

فكري بنفسج بريتي وبصحتج باجر لي صار لج شي لا سمح الله محد بيوقف معاج ..

بعد عمري امي كله تقولي اذا تضايقتي قومي توضي وصلي لربج ركعتين راح ترتاحين

الله يعينج

يااا رب فرج هم بريتي وهدي بالها وانعم عليها بالراحة والطمأنينة والسكينة

 

[brettey]

والله والله يا بريتي والله شاهد على اللي اقوله نفس كلامي وتفكيري بالضبط .. غير اني ابجي بجي احس روحي بتطلع

نفسج اقول اشمعنى هاذي واشمعنى هاذي مع انهم ما يدعون كثر ما ادعي ما يستغفرون مثل ما استغفر .. وليش انا يصير

معاي جذي!! وبعدين لما اهدى استغرب من نفسي اشلون فكرت او قلت الكلام هذا !!

شنو تستفيدين لما تقارنين بينج وبين غيرج ..!! ماراح تستفيدين شي ..صدقيني بتمين انتي تعبااانه وشايله الهم وتاكلين بنفسج

وهم مرتاحين واصلا ما يفكرون فيج .. لان كل واحد يقول يلاا نفسي

فكري بنفسج بريتي وبصحتج باجر لي صار لج شي لا سمح الله محد بيوقف معاج ..

بعد عمري امي كله تقولي اذا تضايقتي قومي توضي وصلي لربج ركعتين راح ترتاحين

الله يعينج

يااا رب فرج هم بريتي وهدي بالها وانعم عليها بالراحة والطمأنينة والسكينة

مو هذا الي صاير معاي كله اقول شمعنى هذه واشمعنى هذه واهم مايصلون ويدعون كثري تعبت والله تعبت انا مو من صغري بكمل 29 ولي الحين ما حققت امنياتي ماعشت حياتي عدل لا قبل الزواج ولا بعده ماحققت امنياتي العكر يمشي والناس تحقق امنياتها واييها الشي بارده مبرده وانا لا لا لا كل شي مسكر بويهي ساعات استغفر الله الشيطان يوسوس لي ان حتى بيبان ربي مسكره وانهااااااااااار واحس باليأس تعبت تعبت والله تعبت
يارب عوضني بالجنه ياربي عوضني بالجنه
بعد عمري هذوء ربي يفتحها بويهج وينولج مرادج عاجلا غير اجلا

 

[pretty sarona]

الحمدلله انتي كل شي قاعده تسوين بس اهم شي ان تثقين برب العالمين ,, اللي يسمونه اليقين بالله ان راح يفرج عليج اللي فيج .. و انتي لو طلبتي ربج و دعيتييه مو شرط ان الله ما تقبل دعائج لا حبيبتي 1- يا انج تحصلينه بالدنيا , 2 - يا تحصلينه بالاخره . 3- الله يأخره لج و يكون خيره حقج
والله يمهل ولا يهمل انتي ما تدرين اللي ظلموج يمكن قاعدين يتعذبون بحياتهم بس هالشي انتي ما تدرين عنه . خلج مسامحه مهما صار عشان ترتااحين
والحياة مو سفره او سيارة او جنطه في اشياء اهم .. اهم شي انج سعيده مع ريلج وعيالج و اهلج و حبايبج حوالييج

 

[هيه دنيا]

عندما ييأس الانسان تكون الدعوه قريبة من الاستجابه
لكن الشيطان يدخل للانسان من مداخل اخري حتي يبعده عن الذكر

 

[كتكوته ورديه]

هلا اختي اقرئي سورة الكهف وراح تتفالين وتشعرين براحه ويروح النكد

 

[brettey]

بعد عمري ما قصرتوا
pretty sarona كنت سعيده مع زوجي او شبه سعيده لكن صار لي سنتي ونص عيشتي معاه نكد بنكد وين السعاده ادعي ان الله يسعدني معاه ولا يشقيني والنتيجه المشاكل تزيد ما تنقص خليها على الله
والله قمت احس انه احد حاط لنا شي او حاسدنا مادري على شنو يا خلاف لان احنا كارهين بعض ومتصبرين عشان العيال ساعات احس اني احبه وساعات احس اني تكرمون من اشوفه ودي ارجع جني اشوف شيطان جدامي مو ادمي

 

[brettey]

بعد عمري ربي ينولكم مرادكم دنيا واخره

 

[أميرة الحور]

اسمحي لي أختي وكل الأخوات اللي قالوا إحنا مثلج ونقارن بينا وبين الناس

المشكلة في تفكيركم في نواياكم وفي ظنكم بالله

من راقب الناس مت هما
الناس فيهم وما فيهم شعرفج عنهم ؟؟؟؟ ليش يشغلون تفكيرج ؟؟؟؟ المشكلة فيج صدقيني
وترى العمل أساسه النية .. اصلحي نيتج ودعي الخلق للخالق
وانتي تقولين إن الناس على بالهم إنتي سعيدة وما يدرون عن همومج لأن الظاهر ما يعبر عن الخافي
وتقولين ناس عاصين ومستانسين ... يمكن ظاهرهم جذي .. شعرفج عن الخافي ؟؟؟؟
تقولين ما يستغفرون مثل ما أنا أستغفر .... شعرفج ؟؟؟

علمج قاصر يا أختي والله هو الذي يحيط بكل شي علم
حتى أمور في نفسج يمكن ما تعرفينها وربي يعلمها

أصلحي علاقتج أختي مع الله
مو بالأعمال بس لكن بالنية
خلي نيتج الرضا حتى يرضى ربي عنج
من رضي فله الرضا ومن سخط فله السخط

لا تطالعين شنو عند الناس لأن اللي عندهم رزق من الله ما يخصج بشي ولو زاد رزق غيرج ما ينقص من رزقج شي لأن كل شيء من الله سبحانه ومو انتي اللي توزعين على الناس وهذى دنيا فيها الكافر والمؤمن وفيها البار والفاجر وكلهم يرزقهم ربي والتميّز في الآخرة

يمكن فيه بنت عاصية لربها لكن تتفوق عليج بالنية وحسن الظن بربها وتكره معاصيها

عزيزتي يمكن كلامي يجرح او يضايق لكن يمكن ما تلاقين أحد يقوله لج بكل صراحة
النظر لنعم الله في الخلق حسد
والإنشغال بالناس قله إيمان ... انشغلي بحالج واتركي الناس وما عندهم من خير ونعم ترى حياتج مو واقفة على حياتهم

اعذريني واسمحي لي

ربي يوفقج للخير والصلاح وراحة البال ويحقق لج ما تطمحين له من خير ويكف عنج كل شر

 

[^الماسة^]

حبيبتي مفرض تستانسين لان الله إذإ حب العبد ابتلاه

 

[brettey]

اسمحي لي أختي وكل الأخوات اللي قالوا إحنا مثلج ونقارن بينا وبين الناس

المشكلة في تفكيركم في نواياكم وفي ظنكم بالله

من راقب الناس مت هما
الناس فيهم وما فيهم شعرفج عنهم ؟؟؟؟ ليش يشغلون تفكيرج ؟؟؟؟ المشكلة فيج صدقيني
وترى العمل أساسه النية .. اصلحي نيتج ودعي الخلق للخالق
وانتي تقولين إن الناس على بالهم إنتي سعيدة وما يدرون عن همومج لأن الظاهر ما يعبر عن الخافي
وتقولين ناس عاصين ومستانسين ... يمكن ظاهرهم جذي .. شعرفج عن الخافي ؟؟؟؟
تقولين ما يستغفرون مثل ما أنا أستغفر .... شعرفج ؟؟؟

علمج قاصر يا أختي والله هو الذي يحيط بكل شي علم
حتى أمور في نفسج يمكن ما تعرفينها وربي يعلمها

أصلحي علاقتج أختي مع الله
مو بالأعمال بس لكن بالنية
خلي نيتج الرضا حتى يرضى ربي عنج
من رضي فله الرضا ومن سخط فله السخط

لا تطالعين شنو عند الناس لأن اللي عندهم رزق من الله ما يخصج بشي ولو زاد رزق غيرج ما ينقص من رزقج شي لأن كل شيء من الله سبحانه ومو انتي اللي توزعين على الناس وهذى دنيا فيها الكافر والمؤمن وفيها البار والفاجر وكلهم يرزقهم ربي والتميّز في الآخرة

يمكن فيه بنت عاصية لربها لكن تتفوق عليج بالنية وحسن الظن بربها وتكره معاصيها

عزيزتي يمكن كلامي يجرح او يضايق لكن يمكن ما تلاقين أحد يقوله لج بكل صراحة
النظر لنعم الله في الخلق حسد
والإنشغال بالناس قله إيمان ... انشغلي بحالج واتركي الناس وما عندهم من خير ونعم ترى حياتج مو واقفة على حياتهم

اعذريني واسمحي لي

ربي يوفقج للخير والصلاح وراحة البال ويحقق لج ما تطمحين له من خير ويكف عنج كل شر

لا عادي بس انا مصفيه نيتي ويحز بخاطري المشاكل الي تصير لي وانا حريصه على الصلاه والدعاء والصدقات وصلاه الليل ابي سنه تمر عليي اعيش فيها لحظات حلوه بس ماكو
ومشكوره وماقصرتي

 

[brettey]

حبيبتي مفرض تستانسين لان الله إذإ حب العبد ابتلاه

بعد عمري صبرت بس احس خلاص تعبت على الاقل ابي تمر عليي بالهسنه ذكريات حلوه مو مثل السنتين الي طافوا كله مر بمر
حتى السنين الي طافت مرت عليي ذكريات حلوه بس نادره يعني تمر عليي السنه كئيبه استانس فيها شهر بس ولا شهرين او احيانا يومين ثلاث
لكن سنه 2008 و2009 من غير ما ابالغ ولا يوم حلو حتى هالسنه
كل الناس يكون لهم يو لك ويوم عليك لكن انا يوم لك واياااااااااااام عليك
ابس على الاقل سنه اقول لنفسي اني تهنيت فيها وعشتها صح وكانت خير عليي ماكو

 

[*غرور انثى*]

قولي اللهم اني اسألك الرضا بما قسمت لي
وانشالله ربي ينصرج على اللي ظلموج