ساعدونى برايكم بمدرسة العالمية الامريكية اللي بحولي

[mr000]

السلام بنات اشلونكم مبرووووووك ألف مبروك قبول عيالكم فوز وريمان والفال حق ولد كاراميلا يارب! قعدت كم يوم انطر يمكن أحد يفقدني والا يسأل عني ماكو الخوات نسوني يلا ردوا معلوماتي منيت عليهم بس داشه أبارك لكم وأرد أزعل(مبين علي محتره) لا أتغشمر معاكم !المهم اللي بتروح تسجل خل تروح حق جيهان حبوووووبه وخدومه وايد!لما كنت بنقل ولدي عندهم عطتني موعد اختبار بعد اسبوعين فقلتلها ماأقدر أنطر كل هالمده لأن ولدي قدم اختبار بكذا مدرسه وانقبل في وحده منهم ومتوقعه ينقبل بالثانيه لأن قدم زين فما أقدر أكنسلهم وتالي اذا ماانقبل ولدي عندكم راح أتوهق وسبحان الله دقت علي سكرتيرة العالميه الأنجليزيه اللي بحولي وآنا قاعده عندها قالتلي ولدج مقبول تعالي كملي الاجراءات قلت حق جيهان شسوي ألحين والله مسكينه قعدت تدقق نلفونات وتترجى المدرسه اللي راح تمتحنه ان يقدم اختبار بنفس اليوم وهذيك تقولها ماأقدر عندي وايد طلبه قلتلها ميخلف أقعد أنطر انشالله لي العصر والله و أقنعتها والحمدلله قدم الاختباروتالي لوعت جبدها وآنا أدق عليها كل يوم أسألها عن النتيجه ومسكينه متحملتني وأسلوبها حلو واتطمني لما دقت وبشرتني بقبوله! كل هالقصه الطويله بس علشان أقنعكم أن جيهان طيبه وخدومه !خخخخخخ !يلا عقب هالقصه روحوا ناموا ياحلوين والله يوفق عيالكم وتشوفونهم متفوقين وتفرحون فيهم

 

[sara999]

مبرووووك يا فوز على قبول بنتج والفال حق وليد كاراميلا ... وولدي بعد سنه ونص انشالله ادعولي

 

[caramella]

afa 3laich ya mr000 entay ras elmalll bas wala tez3eleeen 7aggech 3lainah
fagdeeenech wallah bas allah ehady salfatt em7atat qeboool e3yalnahh ehy elly khallatnah nelhaa wellah e7na malena ghena 3annech
wala 3an ay wa7da sharekat eb hal mawthoooo33
:33_1185028183:

 

[caramella]

مبرووووك يا فوز على قبول بنتج والفال حق وليد كاراميلا ... وولدي بعد سنه ونص انشالله ادعولي

mashkoora 3al da3wa sara ya galby
o enshallah ya rabby ethel hal mawthoo3 3amerrr 3ala 6ool o nesma3 ebsharat qebool weldech ba3ad sena o ne9
allah ekhaleeh ech enshallah

 

[caramella]

la3at chabdy o ana adeg 3al madresa mu rathy yalge6 el kha6
estaghfar allah hal madresa 3aibha 9ara7a salfat el telephone lazem eshoofooon laha 9erfaaaaaa

 

[mr000]

اشلونكم يابنات ياحلوين اليوم كنت بمدرسة ولدي الصبح(العالميه) ولاحظت في أمهات قاعدين ينطرون عيالهم يقدمون اختبار القبول والمقابله آنا طبعا اللي شفتهم كانوكبار حق المتوسط لأني كنت بالطابق الثاني عند صفوف المتوسطه واللي يايين ينتقلون كله عليهم لبس مدارس انجليزيه موامريكيه لأن النظام الانجليزي يصعب وايد بالمتوسطه بس هم بقسم المحاسبه كان فيه أمهات يدفعون لمرحلة الروضه يعني ماشاالله فيه اقبال عليهم وايد بكل المراحل

 

[ReeMaN]

وي حبيبتى mr000 حقج على راسنا ومانسيناج والله بالعكس ماننسى فضايلج علينا ونفعتينا بالمعلومات عن المدرسه سامحينا يالغاليه ... انتى رايحه تدفعين حق السنه اليايه والا ولدج كان عنده مقابله ؟

 

[mr000]

لا حبيبتي أتغشمر معاكم ! لا والله آنا ولدي في 7 ودفعت حق السنه اليايه خلصت بس كنت بدفع له حق التيوترينج(التقويه) أحس استفاد وايد بالرياضيات وصار أحسن من العام و المدرسه تراجع معاه الدروس وتشوف اذا في شي موفاهمه خاصة ان امتحاناتهم اسبوعيه

 

[ReeMaN]

الله يسهل عليه انشالله ويطلع الاول بالرياضيات انشالله
سارونا المزيونا انشالله وليدج ينضم معانا بالسفينه وبالعكس تستفيدين منا لان عيالنا سايقين هالسويلم ياحلاااته باللبس الوطنى الله يخليه لج يارب ....
كاراميلا جيكي على الخاص ....

 

[ReeMaN]

ولييييييييييييه اشتغلت البدليات شكلي بسجل بنادي البدليات اسجل تقويه قصدي سابقين هالسلوووم

 

[sara999]

وي انشالله يارب يا كراميلا ونتواصل على طول ..... ويا حلات السفينه الي فيها ريمان وكاراميلا وفوز اتينن .... هههههههههه
انزين بليز عاد شكلكم بتسوون تجمع الامهات الي عيالهم بالعالميه الامريكيه بس عاد نطروني اوكي ؟؟؟

 

[Fouz]

mr000 مشكورة حبيبتي و الله يبارك فيج و أكيد مالنا غناة عنج ماشاءالله و انا اقرا الموضوع وايد استفدت من ملاحظاتج و لا تقاطعين الموضوع :aha: جيهان ما جربتها والله هالة كانت زينة و حليوة بس حسب تجربتج مبين جيهان خدومة و ان شاءالله تسهل امور ولد كاراميللا

سارونة حبيبتي الله يبارك فيج و ان شاءالله نبارك لج بقبول وليدج بعد سنة و نص

ريمان هلا والله حبيبتي اي يمكن اختلاف المراحل اهو اللي خلاهم ياخذون مبالغ غير

كاراميللا ادري والله حاسة فيج يا كرهم على سالفة التلفون انا مرتين رحت بنفسي على اشياء ما تسوى و السبة انهم ما يردون :eh_s(13):الله يعينج ،، دزي ايميل يمكن ينفع مع اني سويتها من قبل و سلامتج محد رد،، اذا في طريقة نقدر نساعدج فيها بلييز قوليلنا

 

[Fouz]

وي انشالله يارب يا كراميلا ونتواصل على طول ..... ويا حلات السفينه الي فيها ريمان وكاراميلا وفوز اتينن .... هههههههههه
انزين بليز عاد شكلكم بتسوون تجمع الامهات الي عيالهم بالعالميه الامريكيه بس عاد نطروني اوكي ؟؟؟

حبيبتي الله يحلي أيامج و ان شاءالله نستمر بالتواصل و يزيدون رواد السفينة ريمان و ان شاءالله نفرح بكاراميللا و فيج يارب ناطرينج مكانج محفوظ يم الدريشة و ان شاءالله مانكون نسينا أحد،، بس النوخذة تدرين منو ؟؟؟ mr000 أكيد بحكم الخبرة

 

[sara999]

عاااااااشو عااااشو

 

[caramella]

mr000 ya nokhethanah allah ewafg weldech enshallah ya rab o 9ej 7elwa salfat el tutoring wayed meeza 7elwa bel madresa a7san men ennechh etyebeen hal modareseen el kho9o9yeeen el na9abben enshallah ya rabby eyeeeb 100% bel math
sara999 la et7ateeeennn mokanech ma7footh methel ma galat fouz kel shay wala salooommmyyyyyyy
reeman chayyakt el kha99 alf af sheker
fouz allah ekather men amthalech o amthal omahat tajame3na mashkoooraa 7abeebty
ana dagait o ashwa shebakkk kallamt`hom o ashwa galat ly mu meshkelaaa sajjelat el maw3ed el yedeed 7ag raddety enshallah ma egoloon sakkarnah o ekhty eflooosech

 

[sara999]

سلوم باجر عنده حفله بالحضانه وحبيبي حراره مادري خابه نفسي على اللبس والحين ماراح اوديه يمكن

 

[sara999]

ادعولي تنزل حراره سلوم عشان ابيه يستانس .....

 

[ReeMaN]

حياج الله كاراميلا ..........
ومايشوف شر سلوووم شهالحظ اهالفايروس مالقى الا حزة الاحتفالات انتى شوفيه باجر اذا ماتحسن حرام لاتودينه ماراح يستانس بس انتى ساليهم في تصوير ؟؟؟ اذا في سالى اى حزه عطيه بنادول عشان الحراره تنزل ووديه وقت التصوير خليه يصور معاهم وصوري معاه عشان لا كبر سلووووم انشالله تقولين له كل القصص ...

 

[mr000]

اشلونكم بنات يابعد قلبي والله كلكم وخلونا نسمع أخباركم دايما وسارا مايشوف شر وليدج حبيبي حطيله كمادات وفي دوا كنت أعطي منه بنت ولدي وايد زين يخفض الحراره بسرعه وطعمه على كرزأسمه تيلينول موجود بالصيدليات! جنه بتغيرون أسمي لي الدكتوره بدال النوخذه عاد صج ترى ماأحب المراكب ولا البحر بسرعه تلوع جبدي دورولي أسم غير النوخذه! المهم سارا طمنينا على ولدج باجر! على موضوع التقويه الحلو فيه أن المدرس يقعد مع ولدج بروحه مو مع مجموعه يعني مدرس خصوصي بس داخل المدرسه فيعرف نقاط ضعفه ويركزعليه! اللي تدرس ولدي مدرسه وكل مره ولدي يقولي سوي لها كيك ويوديلها ومره كوكيز ومره موفن ويسولف معاها يقولي سألتها أنتي متزوجه؟عندج عيال؟ أقوله عيب ليش تسألها أنت شكو يقولي لا عادي ماتعصب! قلت هذا لوبالحكومه جان كفختك بالكتاب

 

[Fouz]

كاراميللا العفو حبيبتي وزين اللي ردوا و ان شاءالله ما يصير الا الخير و بالتوفيق يارب

سارونة ما يشوف شر سلومي الجو مو مستقر بالمرة و اليهال ما يتحملون انا بعد ماوديت بنتي الحضانة ولا انا قدرت أداوم ان شاءالله يصير أحسن و تتطمنينا عليه

mr000 ولا يهمج تبين نغير الاسم و لو ان يمثل أعلى سلطة بس دام انه مو عاجبج أفا عليج نغيره لج بس خلي الطاقم يتشاورون و نعطيج النتيجة بعد الاجتماع

ريمان حبيبتي شخبارج ان شاءالله كل شي زين