ساحة الارادة تناديكم يا احرار .. " لـن نخضع "

[جنون العاطفه]

عدااال يامهات الاسلووب الراقي الي مابقي حيوان مادخلتوه بخطبكم حمدالله والشكر
اهم شي ان مؤيدينكم خفوا من انحجب الموقع بديره المجاوره لاحظوا بنات قبل المواضيع السياسيه والطائفيه الردود فيها موطبيعيه الحين ليش خفت
ويلومونا لمن نقول الشعب الكويتي موراضي عن الي قعد يصير
ومااقول الا الله يخلي لناا ذرريه مبااارك تاااج الروووس الي لازم بخطبكم تدخلون اساميهم ماادري ليش

لما يكون اسلوبك بهالطريقه طبيعي بيكون الرد بنفس المستوى
اجمل بكثير لوو وضحتي رايك برقي


وبنسبه انك تلمزين للعضوات السعوديات مايجوز مثل مافي سعوديات مثيرات
للجدل في كذلك عضوات كويتيات نفس المستوى

وهمم ربعنا اكييد كلنا وخليجنا واحد

ومالنا غنى عنهم والمنتدى بدونهم مايسوى

وبتاكيد الله يخلي لنا ذريه مبارك بلا شك محد قال غير هالحجي ولاجاب طاريه اصلا

والمظاهرات تصير بكل الدول شيء عادي ترى وطبيعي

ولما كثر الفساد الناس طلعوا يعبرون عن غضبهم بطريقه سلميه
بتقولين ماكو فساد


بذكر لج كذا مثال ..
1/ قنوات الفساد الي قسمة الكويت مثل ما احنا شايفين لاكثر من فرقه
ولاتحركت وزارة الاعلام وقتها

2/ قتل مواطن كويتي باسباب غامضه واعتقد بدون سبب مستحق يسمح لهم بتعذيبه
وقتله بطريقه وحشيه وممكن في غيره بعد لكن هو الوحيد الي اثاروا قضيته ( الميموني )
وزاره الداخليه للحين تداول القضيه

3/ تحويلات مليونيه خارجيه مرعبه على جهات غير معلومه نواب قببيضه خيرات الكويت كلها
بجيوبهم

4 / مافي خطط تنمويه بالكويت


اكتفي بهالشيئ


واحنا اكيد بنعمه اللهم لا اعتراض بس في ناس تراقب وهذا شغلها
تقتلع الفساد مانقدر نسكتهم انتي وغيرج بيسكت بس في ناس
ماترضى بالفساد ولا المفسدين والنواب تعبوا قدموا استجواب مانفع
سووا قرارات ردوها !!

وشكرآآ ​

 

[جنون العاطفه]

حبيبتي بتويتر كاتب واحد من الجلاب اللي يسبون بابا صباح ان يبي يشيل ال صباح وقال احنا الاحرار ومادري شنو من هالكلام اللي انتي تقولينه وهذا يعني انكم تبون تقلبون الحكم وماتبونه حق بابا صباح والدليل انه هالجلب اللي يسب واللي معاه هم كله قالوا التجمع بساحه الاراده لاسقااااط حكم صبااااااح وانا توني اشوف الموضوع للاسف

والحمدالله احناراضيين ببابا صباح وبال صباح وتعالي منو بالمجلس نظيف تكفين الاقليه منهم ولا الباجي قبيضه ولا متعاونين مع دول ثانيه ضد الكويت ومعروفين بالاسم وانفضحوا منو اهما من تحت لي تحت يشتغلون

ما نطلع ضد ال صباح عشان الحريات اللي تقولون عنها شنووو تبون يعني كل شي متوفر لكم حتى راايكم تقولونه من غير اي خوووف وعايشين حيااتكم والكل حاسدكم على انكم كويتيين ولو عشتوا بدوله غير الكويت جااان محد قدر يبطل حلجه يقووول ارحل يااااا فلان وفلاان والله بسعوووديه في امه خير اللي يغلط على شيخ لو الشيخ عمره سنه شوفوا شنو يسوون فيهم وانتو هني ماخذين راحتكم ومو عاجبكم مادري شتبون مادري شنو الحريات اللي تبووونها اللي ماتبون بوووق خلاص لاتصوووتون حق القبيضه و الجواسيس اصلن كل شي بيدكم وبابا صباح مو مقصر مع شعبه والكل يعاملهم سواسيه تكفين منو شهادته ابتدائي ولا متوسط ويدش الجيش ولا الشرطه ومعاشه فوووق 700 دينار لو بدوله ثانيه جان يخم الشوارع ولا زبال اقوووووول حمدواا ربكم على النعمه اللي انتو فيها واللي الكل حاسدكم عليها وهالكلام اللي تقولينه مو حريااات هذا تحريض انقلاب على الحكم ولا تقولين لا لان الكل عاااارف ان التجمع هذا شنو ورااه

وشنو تبون الشعب يحكم نفس ماقال احد النواب خلوو الحاكم من الشعب ليش محتكر على ال صباح هذا معناته ناس تسعى لاسقاط الحكم وهذا حااااااااااااامض على بوووزهم روحي سوي مظاهرات بروووحج عايشين بنعمه ومايحمدون ربهم

احنا وانتي واحد مافي فرق كلنا كويتين

واللي يكتب عن الامير تاكدي مو كويتي استحاله النواب هذا توجههم اوو يبون يقلبون الحكم
وابونا الشيخ صباح يدري عن كل شيء يصير بالديره

اتمنى انج تقرين بالتويتر لمسلم البراك اوو بويابس واقري لبنت محمد غزاي الميموني
اقري من كل الاطراف وانا متاكده بتغيرين رايج


وبتعرفين شنوا يبون !! ​

 

[سحرني حلاها]

يارب تحفظ الكويت وان شاء الله مجلس 2012 بيرد برمضان

 

[سحرني حلاها]

للعلم احنا الاحرار الكويتين مانبي غير ال صباح يحكمنا ولا نبي نقلب الحكم والللي يقول بنقلب الحكم هذيلا ناس تسبب الفتن وتبي تسوي حزازات كل كويتي شريف مايقبل يكون غير ال صباح يحكمنا وعلى روسنا ونحبهم ومانبي غيرهم شيوخنا احنا نبي مجلس الفساد ينحل ونبي تنميه نبي جامعات نبي مستشفيات نبي نحاسب القبيضه لمه انكشف كل شي وصار اغلب المجلس من المصلحين واللي يخافون الله مايبونه بس بأذن الله بيرد وبقوه لانه الشعب عرف كل شي وفهم وبأذن الله ربي بيوفق كل شريف يخاف على الكويت ويارب تحفض ديرتنا وتبعد عنها كل حاقد وحاسد وحرامي ومسببين الفتن

 

[SaRab ~]

للعلم احنا الاحرار الكويتين مانبي غير ال صباح يحكمنا ولا نبي نقلب الحكم والللي يقول بنقلب الحكم هذيلا ناس تسبب الفتن وتبي تسوي حزازات كل كويتي شريف مايقبل يكون غير ال صباح يحكمنا وعلى روسنا ونحبهم ومانبي غيرهم شيوخنا احنا نبي مجلس الفساد ينحل ونبي تنميه نبي جامعات نبي مستشفيات نبي نحاسب القبيضه لمه انكشف كل شي وصار اغلب المجلس من المصلحين واللي يخافون الله مايبونه بس بأذن الله بيرد وبقوه لانه الشعب عرف كل شي وفهم وبأذن الله ربي بيوفق كل شريف يخاف على الكويت ويارب تحفض ديرتنا وتبعد عنها كل حاقد وحاسد وحرامي ومسببين الفتن

عدددددل كلامج

 

[SaRab ~]

نواب الاقليه

حضروا تأبين مغنيه الي خطف الجابريه وبچوا عليه ليما قالوا بس
وفجروا موكب بابا جابر الله يرحمه
وحراميه
ويدعمون النووي الايراني والحمدلله كشفهم ضمير الامه
ولائهم وحبهم مو للكويت
ويحرضون البحرينيين على الثورات واثارة المشاكل وكل هذا عشان خاطر .....


رجاءً الاشكال هذا يتعذرها الموضوع

 

[SaRab ~]

اختي الغالية جنون العاطفه انتي وحده خلوقه ومحترمه واسلوبج حيل راقي لكن للاسف في بعض البشر ماتفهم ولا تستوعب الاسلوب الحلو فأحسن حل خليهم ينبحون لي باچر

ولعلمچ ترى هم يعرفون الواقع بس مو عاجبهم ولا يبونه

 

[SaRab ~]

" لـن نخضع " الا لله

" لـن نخضع " للفاسدين واللصوص

" لـن نخضع " لرؤوس الفساد

 

[SaRab ~]

الكويــت للأحرار لشرفاء لمحبيها

 

[جنون العاطفه]

اختي الغالية جنون العاطفه انتي وحده خلوقه ومحترمه واسلوبج حيل راقي لكن للاسف في بعض البشر ماتفهم ولا تستوعب الاسلوب الحلو فأحسن حل خليهم ينبحون لي باچر

ولعلمچ ترى هم يعرفون الواقع بس مو عاجبهم ولا يبونه

:eh_s(17):

كلن له حق التعبير عن رأيه وهو حره بتوجهه
بس حلوو لوو كل عضوه عبرت بدون كلمات خارجه عن الادب والذوق العام
والمنتدى يشوفونه من جميع انحاء الدول العربيه
نبي نعكس صوره حلووه عن الكويت



واي عضوه تكتب وتشطح بعيد انا هني :eh_s(22):​

 

[SaRab ~]

:eh_s(17):

كلن له حق التعبير عن رأيه وهو حره بتوجهه
بس حلوو لوو كل عضوه عبرت بدون كلمات خارجه عن الادب والذوق العام
والمنتدى يشوفونه من جميع انحاء الدول العربيه
نبي نعكس صوره حلووه عن الكويت



واي عضوه تكتب وتشطح بعيد انا هني :eh_s(22):​

. :eh_s(17):

 

[ReD&FoSHia]

اول شي تعبنا من كلمة الديرة للحين بخير
شوفو المواضيع حجم التغمز و الطب باخلاقيات و صفات المذاهب بعدين تعالو تكلمو
ولا تقولون النواب اهم اللي رسخو هالامور
ولاتقولون مستويات العضوات
ترا كل شي مدبر و مفبرك بصوورة الله اعلم شنو يبون بالكويت
فرق تسد
الديرة كلها فساد
اتحدى وحدى فيكم ترتاح اتعالج بالحكومة و اتسوي عمليات فيها
حتى لو ما عندج بتتلسفين ولا بتاخذين قرض بس ماتروحين الحكومة
الاسكان
التوظيف
ترا الوزراء اييون يمسكون مناصبهم و يحاولون يصلحون
بس في يد فعلا خفية تمنع هالشي
وهذا يحدث في اغلب دول العالم
يد غريبة ماهي من الحكم ولا من الشعب
يد دخيلة تطمح لزعزعة الشارع الكويتي
و يطقونه ببعض لين يدشون اهم و يتمركزون
ترا القضايا اللي حاصلة بالديرة مو هينة
قضايا الداخلية و الصحة و التعليم و الاسكان و الواسطات و التحويلات
و ترا النواب عندهم اثباتات
بس مايصير يطلعونه مو لعب يهال
هذي لجان تتشكل لغرض التفتيش في اكثر من 13 حساب داخل و خارج الكويت
لا تستهزءون بالموضوع

الديرة ترا تمر بلحظة فساد و تعب
كلن يفكر بمصلحته
بدال لاتقولون ليش انتظاهر
لو كانت مظاهرات ( نريد محاربة الفساد )
هل بتقولين لا ماعندكم سالفة
اذا انتي و انتي و انتي ماتابعين السياسة ؟؟ عيل شلون تحكمين ؟؟؟
طبعا انا ماحددت احد لاني ماقريت النكات
بس اللي مو عارفة لا تزعل اذا ياها رد قوي لانه الموضوع اثار الحماس و خلص
و قتل لحظات الصفا بين الشعب لانهم اكتفوو
اتعبو
لا اكل نظيف لحم فاسد و تلاعب بتواريخ الصلاحية
والدليل الاكل مكود بالجمعيات من براند معين ماني ذاكرة اسمه
والتسمم الغذائي من المطاعم و الصحة اللي كل مالها يقلصون ادويتهم الى البندول بعد ماكو كحة الحين
قبل اكشخ هههه
اذا مافضحنا مواطن الفساد على شنو بتحبون الكويت
؟؟؟
اذا ماطلعتو اسامي القبيضة و حرصتو انتو على السؤال عنهم ؟؟؟
واذا ماخفتو على ديرتنا من السماح لدخول الخمور فقط اتنويع مصادر الدخل
؟؟؟
وماخفتو انه ديرتنا اللي بغى العراق يحتلها
الحين دولة ثانية تطمح لشن الهجوم علينا ؟؟؟
واذا تكلمنا عن سورية يبتو فيها الطائفية
مانفس الشي تكلمنا عن صدام و تونس و مصر
وليبيا
ليش الا سورية اتدخلون فيها الظائفية
و بعد شغلة ترا العريفي ممنوع دخلة الديرة و ساكتين معنه المفروض رجل مثل هذا انوسعله الباب بعد
بس ايينا مقتدى الصدر اللي سب باسرتنا الحاكمة ؟؟؟
ترا هذا يفرق عن العريفي
ماكو كجال للمقارنة اصلن ؟؟؟

ويظل وجه الاختلاف اههو رغبة البعض في عدم مناقشة المواضيع السياسية
وهذا حق لكم
بس لاتدشون بالموضوع و اتقولون ليش اتسوون جذي احنا بخير
انتي اتشوفين انتي بخير لانج محصلة اكل و راتب
بس غيرج يطمح لحياة رغيدة لعياله و احفاده ماتلومين لي بغو الفساد ينتهي
و ترا مجلس القبيضة سقط برغبة الشعب و الرغبة الاميرية
وهذا خطأ بسيط و راح تنعاد الانتخابات ان شاء الله و يرجعون النواب اللي بمثلون الامة عدل
و يطيحون اللي تخاذلو

 

[ReD&FoSHia]

والله كلامج عين العقل وصحييييييييييييح ١٠٠%
مادري شزيد عليه وشنقص ..
فكروا شوي وخل نعيد السيناريو من أول ويديد ..

ا-١يران ما سمعنا فيها الا من طاح صدام .. يعني بالضبط سنه ٢٠٠٣ نشاطاتها طفت بسطح المنطقه وحق اللي ما فهم ( اشكره ’ عيني عينك ) كانت موجوده بس تمارس شغلها بالخشاشي لانه البيئه ما تساعد انها طلعت وعقب طيحته طلعت وبقوه .

٢- عراق انباعت وخصوصا من طلعت القوأت الامريكيه من اراضي العراق دليل علطول شوارع العراق حطوا اصور حق اهل ولايه الفقيه ورموز ايران السياسيه الشيء اللي خله اهل السنه بالعراق يصرخون غضب رافضين انهم يصبحون محميه فارسيه : )

٣- الحوثيون وحق اللي ما يعرف قصتهم هذيلي تابعين لمذهب ولايه الفقيه مدعومين من حزب اللات وايران ويسببون خلل من ناحيه اليمنيه السعوديه

٤- طبعا البحرين المخطط مالها كان من ٥٠ سنه .. بس ما انتفضوا الا انهم شافوا الثورات بالوطن العربي قالوا خل ننزلهم الحين نضرب عصفورين بحجر , والخطه كانت اصلا انهم يزرعون الفرس بالخليج ويدمجون ثقافه الفرس بالثقافه العربيه وبعدها يستولون على اهم مراكز الدخل والاعلام فيها .. وهذي بالضبط كانت خطه اسرائيل عشان تستلم على امريكا وبريطانيا لانهم دول كبرى انها دشت واستلمت الاقتصاد والاعلام .. وبالضبط الحين اعلام الكويت نصه عارفين شنو يخدم والسياسه بعد ماله داعي اقول شايفين عبدالحميد دشتي وهذا أقل مثال على هالموضوع والخافي اعظم .

٤- البحرين والكويت وقطر اصلا تعتبر دولة بحرين الكبرى اللي اهيا منطقه تابعه لايران = على حسب المخطط لأنه اصلا يقولون الخليج فارسي وليس عربي !!!عندكم حلقات باليوتيوب للمفكر السياسي والباحث دكتور النفيسي يتكلم بهالموضوع بطريقه جدا رهيبه ومفصله الشرح وتفهميييييييييين كل شي فيها !

٥- اللي يصير بسوريا حاليا حرب طائفيه ١٠٠% ,ونفس الشي سنة لبنان لايهشون ولا ينشون لأنه حزب اللات مو معطيهم فرصه وطبعا كله بمباركه الاخت المدعوه بالاسلاميه ايران !

على فكره كل اللي ذكرته نقطه في بحر! كل اللي يصير بموافقه وتوقيع الاتفاقيات كلها مع امريكا والام العوده الاسرائيل .. الكل يبي يقسم العالم الاسلامي وكل واحد يدور مصلحته بنص
ومثل ما قال المثل : تعددت الاسباب والموت واحد , كل واحد فيهم له اسباسه الخاصه

:eh_s(17)::eh_s(17):

 

[blue ocean]

أول شي اقول للبنات اللي اقحموا اسم ابونا بوناصر في الموضوع انه هالشي ممنوع بالمنتدى وأساسا العضوه تتوقف

ثانيا لاتقحمون اسم ابونا في خلافات سياسية

مو لي صارت مشكله نطيتوا لمسند الاماره

ثانيا دولة مثل الكويت غنية وديمقراطية وبمنطقه متوتره وحولينها دول مجاوره كبيره بالمساحه والسكان وانظمتها قمعيه مثل العراق وايران

فأكيد الوضع بيكون متوتر

واللي يوتر الاوضاع زياده عيالها اللي مفروض تكون قلوبهم على الكويت بدال مايعمرونها يبوقون خيراتها

كل سنه تنزل ميزانيات للوزارات

وين تروح؟

كل ما يا مسؤول باق وانحاش بدون محاسبه

فلل وشاليهات وسياير اخر موديل على قفى الكويت

فجأه موظف يصير مسؤول وينتقل من بيت حكومه 400 متر الى فيلا الف متر !!

بدال مانشوف بنية تحتية وجامعات ومستشفيات وطرق سنعه

قاعد يكثرون اصحاب الملايين بالكويت وتزيد ارصدتهم اللي مفروض تكون للديره!!

حتى بعض الوافدين فهموا الحركه وقاموا يبوقون وينهبون وصاروا من اصحاب الملايين !

بالذمة لو عندنا انجازات مثل دبي وقطر

هل راح نشوف اوضاع متوتره والا استجوابات!!

والمصيبه اللي يطلعون بالتي في ويقولون خافوا الله بالكويت مانبي تأزيم

واهم بواقين وحراميه يحمون معازيبهم الحرامية الاكبر عشان يقدرون يشفطون خير الكويت ويشترون قصور بلندن وباريس!!

والله لو تشوفون سيايير عيالهم وبناتهم باوروبا جان عرفتوا وين راحت فلوس الكويت !

صح لسانج عالجرح .. ومنا الى المسؤلين .. لكن صوت

الحق احيان يكون مبحوح .. احيان اكثر مايوصل الصوت عندنا ..


ماقول غير الله يحفظ ديرتنا من كل شر ..