السلام عليكم
توني كاتبه القصة قلت ماعندي شغل ليش مااكتب المهم اني اضيع وقتي !.
وحبيت اقص لكن قصة خيالية وشغلو خيالكم ..
والقصة قصيرة!
واخليكم مع القصة وان شاء الله تنال اعجابكم
لانها ماعجبتني لاني ماحب القصص الخيالية
.
.
.
.
.
.
.
.
.
.
.
.
سأظل أحبگ و إن طال إنتظاري
فإن لم تكن قدري فقد كنت إختياري
بقلم
*მէօ0օომ ~❥
حياتي ابتدت من عرفته !!
أحرجني بحلو الكلام نساني حتى السلام يا ناس ..
جاسم "أهواك انا اهواك*حلفت انا منساك "
الصبح حوالي الساعه 9 الصبح بغرفه حنان
حنان بقلبها : شلي شفته امس !! معقوولة معقوولة ؟ جاسم رد .. رد لحياتي وقلبي وروحي وكل مافيني ..
ااااه ياجاسم تمنيت هل يوم من خمس اسنين ..
صوت الباب قاطعها
طق طق طق طق
حنان بكل هدوء : تفضل
ام حنان : ها بنيتي متى قعدتي
حنان : هلا يما ، تفضلي ، من ساعه شي جذي بغيتي شي
ام حنان : سالم تحت
حنان انصدمت وهدت الكوب القهوة من ايدها : ها يما اشقلتي ..
ام حنان : سالم ، سالم تحت
حنان تطالع امها بصدمة ومومصدقه اذونها : جاسم !!
ام حنان تطالع حولها بستغراب : منو جاسم ؟ اقولج سالم ( علت صوتها شوي ) ساااالم
حنان بدت دقات قلبها تسرع اكثر واكثر : هاا سالم !
ام حنان : اي سالم ( طالعتها بستغراب ) وانا ماشية الحين وانتي نزلي سلمي على اخوج سالم توه ياي من دبي ..
حنان طالعت كوبها ومالها ويه تشوف امها بعد ما قلبها *فضحها : ان شاء الله يما ( وابتسمت لها )*
حنان ابقلبها : بجى قلبي قبل عيني ولكن للعيون دموع تحسسك إنها اول عضو يبكي من الفرقى ..
ليش يا جاسم ليش ! ليش رجعت بعد هل سنين !! انا بديت اني انساك خلاص .، ااااه يا قلبي
بعد اسبوع
حنان ارجعت لروتينها اليومي
تقعد الصبح تروح الدوام
ترجع اتغدى
تقيل
تقعد مع الاهل
تعشى وتنام
وقليل انها تطلع
ويوم قررت انها تطلع تشم شوية هوى
من عرفتك لين يومك ما أبد شفت الخطا كيف تخطي والخطا ما هوب دربك
حنان وقفت مستغربة وتايهه ! هل فعلا اهوه الي جدامي ولا بديت اتوهم ؟
بدت حنان تركز اكثر واكثر
حنان : جاسم ( حست ابفرحه تغمرها ودها تصرخ ، ودها تطير مثل العصافير بالسما ) .-
بدا جاسم يقرب اكثر واكثر لها بخطوات كل خطوة اثقل من الثانية
ولين وصل لها وجابلها وعيونه علارض
جاسم :ييتج بحنين وشوق تسبق خطواتي الدرب ونشف الدم بالعروق وأنا أسمع كلام قلبي الملهوف يناديج " حنان "
حنان موقادرة اتكلم السانها انربط : أ أ إ .. أأ ...
جاسم :لا تستحين قوليها ' أحبك ' تعبت سمعي أرجوج حبيبتي لا تستحين قوليها
حنان : هذا انت ولا انا اتوهم ؟ بس انتـ ...
جاسم قاطعها : احبج
عيون حنان اغرقت بدموع الشوق والوله
بعد يومين
بغرفة حنان تسمع اليسا وهي تقول
حبك وجع بعدو معي حبك حلم هربان
من قلب قلبي انسرق وبكيت بغيابو
مطرح ما كنا نحترق صار الجمر بردان
والعطر عندو وفا اكتر من صحابو
وحدي بدونك ما قدرت ما اصعب الحرمان
تركو الندم عندي عيونك وغابو
مجروح قلبي وصرخ عم يندهك ندمان
محروق طعم الهنا بغياب احبابو
انت لمين انت الي قلبي الك منو الي
انت ملك قلبي هواك يالي بحلاك عمري حلي
انت لمين انت الي قلبي الك منو الي
انت ملك قلبي هواك يالي بحلاك عمري حلي
وقاطعها صوت غريب من برا الشباك
وراحت حنان بكل خطوات موزونه اتجاه الشباك وبطلته
جاسم :وينك على ليلي تعا بعدو القمر سهران
تألمحك جايي انا عيوني سهر دابو
شوف الدني كل الدني ما في قلب عشقان
لا ما جرح من الهوى اصل الهوا سهران
كمل الاغنية عنها
حنان : جاسم انت من صجك ياي هني اخاف احد يشوفنا !
جاسم : لاتخافين الكل نايم الحين حزه القايلة حبيبتي
حنان بكل مستحى : شلونك !
ام حنان ادخلت عليها فجأه الغرفة : حنان شفيج فاتحه الدريشة جذي مشرعتها
قلب حنان طاح ابطنها والتفتت على امها وقامت اتأتأ
ام حنان قربت يمها وطلت من الدريشة : صكيها
حنان طلت شوي شوي ولا تشوف جاسم تحت و ردت تطالع امها وامها تسكر الشباك
حنان ابقلبها : شنو ؟ .. كل هذا وماشافت جاسم !! ( وبدت تخز امها بستغراب )
ام حنان : هااو شفيج تطالعيني جذي !!
حنان ظلت واقفة جنها تمثال !! وموعارفة شلي قاعد يصير ؟
وسيدة راحت دقت على رفيجتها " ريم "
ريم : الو
حنان : ريم ريم لحقي !
ريم : شفيج حبيبتي
حنان اسكتت لحظة
ريم : الو حنان
حنان : ريم ابي معلومات عن جاسم
ريم : جاسم جاسم ..
حنان : اي جاسم
ريم : بس انتو افترقتو من خمس اسنين وكل واحد راح ابطريحة وشاف حياته .. شلي خلاج تذكرينه الحين
حنان : خلاص ريم انا تعبانه تعبانه
ريم : سلامتج ولاتخليني اقلق عليج
حنان : ريم انا مابي الا معلومات عنه بس أي معلومه
ريم : ان شاء الله واقدر اييب معلومات عنه بس تقدرين تنطرين جم اسبوع ! او جم يوم
حنان : اييه
ريم : اوكي عيل
بعد يومين
رد جاسم مرة ثانية تحت الشباك ويغنيلها اغنية حبك وجع
حنان :*ودي ادخل قلبك و أشوف بعيني مكاني ودي من غير ما أقولك تحس بشوقي وحناني
وصار كل يومين هذة حالتهم اثنينهم !! خلاص جاسم رجعلها بعد غيبة 5 سنين
بعد اسبوع
رررن ررررن ( فون حنان )
حنان : الو هلا ريم
ريم : شلونج
حنان : تمام ها اشصار بشري
ريم : حنان مادري شقولج .. جاسم ***
حنان ضلوها انشلت ومو عارفة اتكلم : شنو
ريم : من سنه
طاح تليفونها من ايدها وقامت ترجف بدون توقف واغمى عليها بالفور
أنا مابيك تنساني ولابي من حياتك شي عساك بس تذكرني إذا طالت بي الغيبه
ما راح تحس فيني إلى أن توقف عند قبري و تقول هذا كان بالأمس يموت فيني
